Reaksyong Papel 
Pilipinas o Filipinas? 
 

Kyla Sofia S. Magno 

12A 

Petsa ng Pagpapasa: Hulyo 16, 2019 

Ipinasa kay: 

Gng. Jenny Pioquid Buenaventura 

 
 

Mahalaga ang papel na ginagampanan ng Wika sa ating lipunan. Ayon kay ​Floredel 
Resus​, ito ay importanteng instrumento sa pakikipag-ugnayan, habang sinasabi naman ni ​Michael 
De Belen Saudan​ na ito ay importanteng bahagi ng pakikipag-talastasan. Tunay na kailangan ito 
para magpahayag ng saloobin, kaya naman sa ating interaksyonal na mundo na lubos na 
kailangan ang pagkakaintindihan at ang pagkikipagpalit ng impormasyon, nagsibol ang iba’t 
ibang klase ng wika sa magkakaibang sulok ng mundo. Kabilang ang Pilipinas sa mga bansang 
may sariling sistema ng wika, at sa paglipas ng panahon ay marami ding dayalekto ang 
nadiskubre lalo na sa mga probinsya. Sa katunayan nga’y higit kumulang 120 - 175 ang mga 
wikang ginagamit sa bansa depende sa kung paano ito nauuri (Racoma 1) at kahit na nabaon na 
ito ng panahon, mayroon pa ring mga nagsasalita at gumagamit ng mga ito. Masasabing 
impluwensiya ng mga sumakop sa ating dayuhan ang naging sanhi ng pagdami ng 
magkakaibang lengwahe na ginagamit sa bansa. Tulad na lang noong panahon ng mga Espanyol 
kung saan sapilitang pinagamit ang wikang Espanyol sa mga Pilipino - nadala ito hanggang sa 
kasalukuyan at maliwanag pa rin ang impluwensiya nito sa ating wika. Halimbawa nalang nito ang 
presensya ng “enye” (ñ) sa mga apelyido ng mga Pilipino (Pastraña, Cerdeña), at ang hiram na 
salita tulad ng “silya” mula sa salitang espanyol na “cilla” at “bintana” mula sa “ventana” (Mercado 
1). Maraming hiram na letra at salita mula sa mga dayuhan ang patuloy na ginagamit sa 
kasalukuyan na siya din namang nagdudulot ng pagkalito ng nakararami. Halimbawa nalang ang 
isang debate sa kung ano ba ang tamang tawag sa ating bansa - Pilipinas o Filipinas?  

Karamihan sa mga Pilipino ay mas pamilyar sa pagtawag sa ating bansa ng “Pilipinas”. 

Makikita ang kasanayan na ito kahit sa mga opisyal na ahensya ng bansa tulad nalang ng “Banko 
Sentral ng Pilipinas”. Pilipinas nga ang nakasanayan ng nakararama, pero ayon sa ​Komisyon sa 
Wikang Filipino,​ may tatlong rason kung bakit “Filipinas” and tamang gamitin. Ang unang rason 
ay ang kasaysayan - ayon sa pag-aaral, unang ginamit ang “Filipinas” ni Ruy Lopez de Villalobos 
noong 1548 at opisyal na ginamit ni Miguel Lopez de Legazpi noong itinatag ang bansa bilang 
kolonya ng Espanya noong 1565 at patuloy na ginamit ng 300 taon (Komisyon ng Wikang Filipino 
1). Ang pangalang “Philippines” at “Pilipinas” ay ginagamit kapag ito’y isinasalin sa pambansang 
wika na Pilipino (Komisyon ng Wikang Filipino 1). Ang isa pang rason ay ang patuloy na 
pagbabago ng wikang Filipino. Mula sa tawag na “Pilipino” noong abakada pa ang gamit, 
pinalitan ito ng “Filipino”. Sa pag-unlad nito ay siyang pagdagdag na rin ng mga letrang hiram 
tulad nalang ng C, F, J, ​Ñ, Q, V, X and Z Na siya namang nagdadala sa ikatlong rason na ang nais 
ng Komisyon ng Wikang Filipino na panatilihin ang paraan ng paggamit ng mga dagdag na letra 
sa Ortograpiyang Pambansa na siya namang ineendorso ng KWF ​(Komisyon ng Wikang Filipino 
1). Ayon din kay Almario, mas maganda kung mas eksakto at modernisado ang ating Wika. Kung 
binago na ang pangalan ng pambansang wika bilang “Filipino”, dapat nga’y “Filipinas” na rin ang 
tawag sa ating bansa. Dahil nga ang paksang ito’y pinagdebatehan, pinapakita nito na hindi lahat 
ay sang-ayon sa pagpalit sa pangalan ng bansa kahit na ang mga rason na ito’y galing na sa 

1 
 

mismong Komisyon ng Wikang Filipino. Maaaring ito ay dala na rin ng takot ng mga Pilipino na 
tayo’y lumilihis sa ating kinaroroonan, na mas pinapanigan ang mga Espanyol at nakikisabay sa 
westernisasyon​ ng ibang bansa; Pero sa una pa lang ay hindi na ito isang problemang 
nasyonalismo kundi problema sa kung paano tangkilikin at pursigihin na matutuhan ang tungkol 
sa ating wika. Ito ay isang problema na nag-ugat mula sa pagkalito ng mga mamamayang Pilipino 
ukol sa sariling wika. Ang pagbago ng isang letra sa pangalan ay para linawin ang pagkalitong 
ito. 

“Mas marami pang dapat problemahin kesa sa pagpalit ng letrang P sa F sa pangalang 

Pilipinas!” ani ng isang komento sa segmento ng isang palabas sa telebisyong nagngangalang 
Punto por punto.​ Marami ngang dapat pagtuunan ng pansin sa ating bansa, pero sigurado akong 
isa rito ang ating Wika. Ang Wika, bilang isang mahalagang parte ng pakikipagugnayan at 
pagpapakilanlan sa isang bagay, ay may malaking bahagi sa lipunan. Gamit ang wika, tayo ay 
may abilidad na magpahayag, makipagpalit ng impormasyon, at iba pa. Sa kasalukuyang 
panahon, kapansin-pansin ang tila pag-balewala sa wika na umabot sa puntong pati ang 
pangalan ng bansa ay pinagdududahan. Hindi ba dahil na tayo’y mamamayan ng ating bansa ay 
dapat tayo’y matatas sa sariling wika at sa mga sistema nito? Hindi ba’t ang simpleng pangalan 
ng bansa’y sanay tayong sambitin at baybayin? Ang problemang ito ay hindi tungkol sa pagpili sa 
opinyon ng dayuhan bilang mas matimbang kaysa sa boses ng bayan, kundi sa pagtangkilik sa 
wikang Filipino at ang patuloy na pag-unlad nito - sa paglinaw nito ng pagkalito. Kaya kung ako 
ang tatanungin niyo? Pilipinas o Filipinas? Filipinas. Maaring tawaging Pilipinas pero sa kolokyal 
na paraan, pero sa opisyal at pormal na pagtawag, Filipinas. Dahil ako ay para sa patuloy na 
pag-unlad ng wikang Filipino. 

2 
 

Works Cited 
Mercado, Phillip Gabriel Alcantara. ​How similar is Filipino to Spanish and Bahasa 
Indonesia?​ 8 July 2018. 2019. 
<https://www.quora.com/How-similar-is-Filipino-to-Spanish-and-Bahasa-Indonesia>
. 

Racoma, Bernadine. ​The Existence of over 170 Languages in the Philippines.​ 24 January 
2014. 2019. 
<https://www.daytranslations.com/blog/2014/01/the-existence-of-over-170-languag
es-in-the-philippines-3715/>. 

Saudan, Michael De Belen. ​9 na pangunahing wika sa pilipinas​. 5 June 2018. 2019. 

<https://www.slideshare.net/michaelsaudan1/9-na-pangunahing-wika-sa-pilipinas>. 

Resus, Floredel Mae. ​Gamit ng Wika sa Lipunan ​. 11 August 2017. 2019. 

<http://floredelresus.blogspot.com/2017/08/gamit-ng-wika-sa-lipunan_11.html>. 

Webb, Pinky. ​Filipinas or Pilipinas?​ 3 July 2013. 2019. 

<https://balitangamerica.tv/filipinas-or-pilipinas/>. 

Arnaldo. ​PILIPINAS vs FILIPINAS (IN DEFENSE OF THE KWF)​. 14 July 2013. 2019. 
<https://withonespast.wordpress.com/2013/07/14/pilipinas-vs-filipinas-in-defense-o
f-the-kwf/>. 

Komisyon ng Wikang Filipino. ​rom ‘Pilipinas’ to ‘Filipinas’.​ 17 August 2013. 2019. 

<https://opinion.inquirer.net/59035/from-pilipinas-to-filipinas>. 

Komisyon sa Wikang Filipino. ​Filipinas ‘di Pilipinas – Almario (Ituwid ang kasaysayan)​. n.d. 
2019. <http://kwf.gov.ph/filipinas-di-pilipinas-almario-ituwid-ang-kasaysayan/>. 

3