Magandang hapon sa inyong lahat. Nagpapasalamat ako sa
pagkakataong ito na magbigay-talumpati sa inyong harapan. Ako ang inyong pangulo na nakatayo sa inyong harapan ng buong kapakumbabaan.
Bilang isang pangulo, ang nais ko lamang ay bigyan ng kalinisan
ang lupang ating sinilangan. Bigyang importansya't halaga ang likas na yaman. Binigyan tayo ng Poong Maykapal ng napakalawak na lupain kung saan mayroong mahigit 7,000 islang sagana sa yamang likas. Yamang likas na atin lamang winawaldas. Mga punong pinuputol upang pagtayuan ng nagtataasang gusali, naglalawakang mall, naglalakihang pasugalan at iba pang imprastakturang akala natin nakatutulong ngunit ang totoo ay mas sinisira nito ang kalikasang atin dapat na pinagyayaman.
Ngunit ano pa nga bang magagawa ko sa mga imprastakturang
nagawa na? Hindi ko naman pupwedeng ipagiba ang mga ito ng ganon ganon na lamang. Ngunit may magagawa pa tayo sa mga kalupaang hindi pa nila nagagalaw. Ating pagsisikapang taniman iyon ng mga halaman at puno.
Alam nating mayroong mga programang inilaan ng mga dati ring
namahala para sa ating kalikasan. Ang mga iyon ay aking bubuhayin. At idadagdag ko ang programang "no plant,no license" kung saan, bago ka makakuha ng lisensyang makapagmaneho't magbuga ng usok na mula sa iyong kotse ay kailangan mo munang makapagtayo ng puno’t halaman. Hindi dapat na marunong ka lang dumihan ang kalikasan, dapat ay kaya mo ring linisin ang hanging iyong dinumihan kahit sa pinakamaliit na paraan. Magpapatayo rin tayo ng mga harding panglungsod upang pagtaniman ng mga puno't halaman. Sa harding panglungsod, maaaring ibenta dito ang mga basurang nabubulok na inyong ibinuklod para ito ang maging pataba ng mga halaman doon. Gagawin nating kapakipakinabang ang bawat basurang ating nalilikha.
Di lamang iyon, kakausapin ko ang bansang Sweden na tulungan
tayong gumawa ng WTE program sa ating bayan. Ang WTE program o waste-to-energy program ay programa sa bansang sweden kung saan kanilang sinunsunog ang 52 bahagdan ng kanilang basura upang magpaikot sa mga generator at turbines na lumilikha ng enerhiya. Ang 47 bahagdan naman ng kanilang basura ay kanilang inirerecycle at ang natitirang 1 bahagdan kung saan ang mga basuramg ito ay di na kaya pang irecycle ay napupunta sa landfill. Kung maisasagawa natin ito sa ating bansa, tiyak na lilinis ang kapaligiran dahil sa bawat basurang nalilikha ay katapat noon ay kuryeteng nagbibigay ilaw sa mga bumbilya.
Mga mahal kong kababayan iyon ay iilan lamang sa aking nais
isakatuparan sa aking termino. Subalit hindi ko ito magagawa kung wala ang inyong suporta't tiwala. Kaya bilang bagong tagapamahala niyo sa susunod na anim na taon ay hinihingi at inaasahan ko ang inyong tiwala at pagsuporta sa mga nais kong pagbabago sa Pinas. Muli, ako ang inyong Pangulo. Nawa'y gabayan tayong maykapal sa ating mga plataporma. Yun na lamang po at maraming salamat.
GRADE - 4ESP - Q4 - w8 - Mga - Biyaya - NG - Kalikasan - Dapat - Na - Pahalagahan - PPTX Filename UTF-8''GRADE 4ESP Q4 w8 Mga Biyaya NG Kalikasan Dapat Na Pahalagahan