Noong unang panahon, may dalawang magkapatid na babae. Si Araw at si Buwan. Si Araw ay may magandang kalooban samantalang ang kanyang nakababatang kapatid ay kabaliktaran nito. Isang gabi, nanaog ang Diyos mula sa langit. Nagbigay siya ng brilyante kay Araw. . Galit na galit si Buwan. Dahil dito, pumunta si Buwan sa langit at nagnakaw siya ng isang brilyante. Noong bumalik siya sa lupa, natuklasan niya na ang kanyang brilyante ay hingdi kasingliwanag bg brilyante ni Araw. Mas lalong nagalit si Buwan. Nang nalaman ng Diyos ang tungkol sa pangyayari inutusan niya ang dalawang anghel sa lupa para kunin ang mga brilyante na pinagmulan ng kaguluhan. Ibinato nila pataas ang dalawang brilyante sa langit. Ang mas maliwanag na brilyante ay tinawag na Araw at ang pangalawang brilyante ay tinawag na Buwan.