BANGHAY ARALIN SA ARALING PANLIPUNAN

PARA SA IKAANIM NA BAITANG

Ika-18 ng Pebrero, 2019
1:40-2:20 ng hapon

I- LAYUNIN

Pagkatapos ng 40 minutong talakayan, ang mag-aaral ay inaasahang:

1. Naiisa-isa ang mga kaakibat na tungkulin na binibigyang diin ng Saligang Batas ng 1987.

II- NILALAMAN

A. Paksa:
Tungkulin ng Mamamayang Pilipino na Binibigyang Diin ng Saligang Batas ng
1987.

B. Sanggunian:
Ikaapat na Yunit: K to 12 Kayamanan, Batayan at Sanayang Aklat sa Araling
Panlipunan.
Aralin 15: Pakikibaka Tungo sa Ganap na Kalayaan, pahina 261-262.
Curriculum Guide sa Araling Panlipunan, Ikaapat na Markahan
AP6TDK-IVd-e-5, pahina 141
Manwal ng Guro, Batayang Aklat pahina 261-262.

C. Kagamitan:
Batayang Aklat, MultiMedia, mga larawan

D. Pagpapahalaga:
*Pakikiisa ng taong-bayan
*Pagpapatatag ng pamahalaang demokratiko

III- PAMAMARAAN

A. Panimulang Gawain

1. Pambungad na pagbati

1.1. Pagsasanay
-Makabuo ng pangungusap mula sa mga larawang ipinakita.

2. Pagwawasto ng Takdang Aralin

3. Balitaan

Sino-sino ang mga nakapanood kahapon ng SUPREMO REDUX?

Ano ang inyong natutunan?
 4. Balik-Aral
- Magbigay ng ilang karapatan ng mamamayang Pilipino ayon sa Saligang Batas ng
1987.

B. Panlinang na Gawain

1. Pagganyak

- Pakikinig ng isang awit na pinamagatang “Kumusta Na” ng YANO.

- Ano ang iminungkahi ng awit para sa ating lahat?

2. Talakayan

- Ano-ano ang mga kaakibat na tungkulin ng mamamayang Pilipino na

binibigyang diin ng Saligang Batas ng 1987?

TUNGKULIN NA BINIBIGYANG DIIN NG SALIGANG BATAS NG 1987

1. Dapat kilalanin ang karapatan ng taong-bayan na mapagbatiran hinggil sa mga
bagay-bagay na may kinalaman sa lahat.(Seksiyon 7)

2. Hindi dapat hadlangan ang karapatan ng mga taong-bayan kabilang ang mga
naglilingkod sa publiko at pribadong sektor na magtatag ng mga asosasyon, mga
unyon, o mga kapisanan sa mga layuning hindi labag sa batas. (Seksiyon 8)

3. Ang mga pribadong ari-arian ay hindi dapat kunin ukol sa gamit pambayan
nang walang wastong kabayaran. (Seksiyon 9)

4. Hindi dapat magpatibay ng batas na sisira sa pananagutan ng mga kontrata.

(Seksiyon 10)

5. Pinahahalagahan ng Estado ang karangalan ng bawat tao at ginagarantyahan

ang lubos na paggalang sa mga karapatang pantao. (Seksiyon 11)

3. Pangkatang Gawain

Bago natin simulan ang pagpapangkat, ano-ano ang pamantayan sa

pangkatang gawain?Tatapusin ang gawain sa loob ng 7 minuto.

Bumuo ng limang(5) pangkat at ibahagi ang tungkulin ng isang mamamayang

Pilipino sa pamamagitan ng:

1. patula
2. paawit
3. pantomime
4. rap
5. role play
 C. Pagpapayamang Gawain

1. Paglalahat

Ano-ano ang mga tungkulin na binibigyang diin ng Saligang Batas ng 1987?

Paano natin maipapatatag ang Saligang Batas ng ating Bayan?

IV. PAGTATAYA
Lagyan ng tsek (/) kung ito ay nagpapamalas ng tungkulin ng mamamayang
Pilipino na binibigyang-diin ng batas at ekis (x) naman kung hindi:

___1. Tungkulin ng bawat mamamayang Pilipino ang paglabag sa batas.

___2. Pagtatag ng mga asosasyon, mga union, o mga kapisanan namay mga layuning
naaayon sa batas.

___3. Kilalanin ang karapatan ng taong-bayan na mapagbatiran hinggil sa mga bagay-

bagay na may kinalaman sa lahat.

___4.Tungkulin ng mamamayang Pilipino na mandaya tuwing may eleksiyon.

V. TAKDANG ARALIN

Sagutin ang mga sumusunod na tanong at isulat sa inyong kuwaderno:

1. Gaano kahalaga ang eleksiyon sa pagkakatatag ng demokratikong pamahalaan?

2. Paano napangangalagaan ng Saligang Batas ang kapakanan ng mga mamamayan?

Inihanda ni:

SHERRY MAE S. DALIGDIG

Guro

Mga Tagamasid:

SOL B SANTOS MARLYN L. KILAT

Master Teacher 1 Master Teacher 1

ROBERTO D. NAPERE JR., Ph.D.

Punong-Guro

AMELITA M. LAFORTEZA, Ed.D.

Tagamasid Pampook