Professional Documents
Culture Documents
Reporma Sa Lupa
Reporma Sa Lupa
Bago talakayin kung ano ba ang mga batas ukol sa reporma ng lupa, narito ang
kahalagahan ng lupa sa mga magsasaka:
Reporma sa Lupa
Nagsimula ang problema sa lupa noon pang panahon ng pananakop ng Español nang
ipatupad ang sistemang engkomiyénda (encomienda) noong 1570. Inangkin ng iilang pamilya, at
maging ng mga prayle ang malalawak na lupaing sakahan. Ang problemang ito ay hindi nalutas
hanggang sa panahon ng Republikang Malolos. Hindi natapos ang problema sa pagkakaroon ng
batas. Sa panahong ito mahigit sa 400,000 magsasaka ang walang titulo dahil sa ginawa ng mga
Español at dahil sa kanilang pabalewala sa batas, nagresulta ito ng mas malaking gulo sa lupa.
Batas Republika Blg. 3844 – (Agrikultural Land Reform Code) ang mga lupang binili ng
pamahalaan ay ipinagbili sa mga magsaska nang hulugan at sa parehong presyon na ibinabayad
ng pmahalaan sa may-ari ng lupa. Ito ay binubuo ng 173 na sektor na nahati-hati pa sa ibang
ibang kabanata at naaprubahan at naging epektibo noong ika-8 ng Agosto taong 1963 (panahon
ni Pangulong Diosdado Macapagal).
1902 Land Registration Act – (Act No. 496) nagsasaad ng tamang pagrerehistro o rehistrasyon
ng mga titulo sa ilalim ng sistemang Torrens noong panahong amerikano ay ipinatupad. Ang
Torrens Title ang nagbibigay daan para agawin ang mga lupang matagal nang binubungkal ng
mga magsasaka nang walang titulo (pagpapaupa). Dito umusbong ang Pilipinong may-lupa na
nagmamay-ari ng hasyenda.
1902 Public Land Act - ang batas na nagbibigay-daan sa pamimigay ng mga lupang publiko sa
mga pamilyang bumubungkal ng lupa na hindi hihigit sa 16 na ektarya.
Batas Republika Blg. 1160 - itinatag ang National Resettlement and Rehabilitation
Administration na nangasiwa sa pamamahagi ng lupa ng pamahalaan sa mga pamilyang walang
lupa.
Atas ng Pangulo Blg. 2 at 27 – (Tenant’s Emanicipation Act) noong ika-21 ng Oktubre 1972, ang
Atas ng Pangulo Blg. 2 ay ipinasailalim ang buong bansa sa reporma sa lupa. Ang Atas ng
Pangulo Blg. 27 ang batas na magpapalaya sa mga magsasaka sa tanikala ng kahirapan at
naglipta sa kanila ng pagmamay-ari ng lupang sinasaka (panahon ni Pagulong Ferdinand Marcos
sa ilalim ng batas military).
Batas Republika Blg. 6657 – (Comprehensive Agrarian Reform Law) ang nagpapatupad ng
Comprehensive Agrarian Reform Program (may layunin ang CARP na maipamahagi ang higit sa
apat na milyong ektarya ng lupa sa loob ng sampung taon). Sa ilalim ng programang ito, ang
lahat ng publiko at pribadong lupaing agrikultural, anuman ang tanim ay ipamamahagi sa mga
magsasaka na walang sarling lupa. Ang anak ng may-ari ay bibigyan ng tig-limang ektarya ng
lupa Pero hindi pa rin ito naipatupad ng Department of Agrarian Reform noong 1989 (panahon
ni Pangulong Corazon Aquino).
Rice Share Tenancy Act 1993 - (Act no. 4054) na nagsasaayos sa relasyon ng mayari ng lupa at
mga kasamá sa taniman ng tubo.
Sa mga sumunod na pangulo, sina Fidel V. Ramos, Joseph Estrada, at Gloria Macapagal-Arroyo,
walang malinaw na batas o utos tungkol sa pamamahagi ng lupa sa mga magsasaka.