Professional Documents
Culture Documents
Mga Patakaran Sa Reporma Sa Lupa
Mga Patakaran Sa Reporma Sa Lupa
Ang reporma sa lupa (repormang agraryo din, bagaman ito ay may mas malawak na kahulugan) ay
kinakasangkutan ng mga pagbabago sa batas, alituntunin, o kalakaran hinggil sa pagmamay-ari ng lupa.
Maaring binubuo ang reporma sa lupa ng muling pamamahagi ng mga ari-arian na sinisimulan o
sinusuportahan ng pamahalaan. Sa pangkalahatan, ang ari-arian na binabahagi muli ay mga lupaing
pansaka. Samakatuwid, ang reporma sa lupa ay maaring tumukoy sa paglipat ng pagmamay-ari mula sa
mas may makapangyarihan sa di-gaanong makapangyarihan o walang kapangyarihan, katulad ng mula sa
maliit na mga mayayaman (o marangal) na may-ari na may malawak na lupain (halimbawa, mga asyenda,
mga malaking rantso, o mga lupang gamit sa negosyong sakahan) patungo sa kanya-kanyang pagmamay-
ari ng mga manggagawa ng mga lupaing iyon. Ang mga ganoong paglipat ng mga pagmamay-ari ay
maaring mayroon o walang kabayaran; maaring iba-iba ang kabayaran katulad ng katibayan ng halaga ng
kabayaran o kabayaran mismo ng buong halaga ng lupa.
Pagsisimula ng Problema sa Lupa
Nagsimula ang problema sa lupa noon pang panahon ng pananakop ng Español nang ipatupad ang
sistemang engkomiyénda (encomienda) noong 1570.
Ang encomienda ay isa sa mga makasaysayang sistema na ipinatupad ng mga mananakop na Espanyol sa
mga kolonya nito. Sinimulan nila itong ipatupad noong 1503 sa mga nasasakupan sa Amerika. Ang
salitang “encomienda” ay nagmula sa salitang encomendar, nangangahulugang “ipagkatiwala.” Ito ay
gantimpala ng Hari ng Espanya sa isang conquistador, sinomang pinunong Espanyol o sundalo, para sa
kanilang mahaba at matapat na serbisyo. Ipinagkatiwala sa conquistador ang pamamahala sa isang
malaking lupain at ang mga mamamayang naninirahan dito.
Inangkin ng iilang pamilya, at maging ng mga fraile, ang malalawak na lupaing sakahan. Ang
problemang ito ay hindi nalutas hanggang sa panahon ng Republikang Malolos. Sa panahong ito mahigit
sa 400,000 magsasaka ang walang titulo dahil sa ginawa ng mga Español at dahil sa kanilang ignoransiya
sa batas. Nagresulta ito ng mas malaking gulo sa lupa.
Mga Batas Ukol Sa Reporma Sa Lupa
1902 LAND REGISTRATION ACT
Ito ay batas na nagbigay daan sa pamimigay ng mga lupang pampubliko sa mga pamilyang
bumubungkal ng lupa na hindi hihigit sa 16 na ektarya.
TENANCY ACT NG 1933 (Batas Blg. 4054 at 4113)
Ayon sa batas na ito, ang mga nagbubungkal sa lupas ay itinuturing na tunay na may-ari ng lupa.
Inalis din ng batas na ito ang sistemang nagpasimula ng isang malawakang reporma sa lupa.