Mark Timothy Angel Evardone Gng.

Elsie Oboydo
12 – Pascal PFLA

SUGPUIN ANG HAZING SA PILIPINAS, BUHAY AY PAHALAGAHAN ; ISABATAS ANG

PAGBABAWAL SA MGA FRATERNITIES SA MGA PAARALAN AT UNIBERSIDAD

Isang posisyong papel ukol sa napapanahong isyu sa pagkamatay na bunga ng hazing at pagsali sa
Fraternity o sorority.

Kailan lamang ay pumutok muli ang usapin ukol sa hazing at frat nang mabalita sa mga pahayagan at
telebisyon ang pagmakamatay ng isang kadete sa Philippine Military Academy na si Darwin Dormitorio. Isa lang si
Cadet Fouth Class Dormitorio sa listahan ng mga biktima ng pagkamatay dahil sa Hazing. Mayroon pang mahabang
kasaysayan ang Pilipinas sa karahasan na may kinalaman sa Fraternities, at kailangang maresolba na ito sa laloong
madaling panahon dahil kung hindi, ay madadagan lamang ang mga buhay na masasayang dahil sa mga fraternities
na akala nila ay bibigyan sila ng proteksyon at katanyagan.
Mahalagang pag-usapan ang paksa ng Hazing at mga Fraternity-related violence dahil noon pa man ay
marami ng buhay ang Nawala dahil dito. Ayon sa “List of hazing deaths in the Philippines” ng Wikipedia, karamihan
sa mga pagkamatay ng mga ng mga biktima ay may koneksyon sa mga Fraternities. Ano nga ba ang Fraternity? Bakit
ba maiuugnay ang pagkamatay ng mga biktima sa hazing sa organisasyon na ito? Binigyang depinisyon ito ng
Wikipedia bilang isang organisyon na binubuo ng mga taong may iisang mithiin o layunin sa buhay. Dahil uso ito sa
ating panahon ngayon, ay maraming naeengganyo na sumapi sa mga ganitong organisayson ngunit di nila alam ay
maari nilang itong ikapahamak at ikasawi pa ng kanilang buhay.Upang maresolba ang isang problema, naniniwala ako
na dapat nating alamin ang puno’t dulo nito upang magawan ito kaagad ng kaukulang aksyon. Kaya para sa akin,
upang mawala na ng tuluyan ang hazing sa bansa, at maibsan na ang mga pamilyang nagdadalamhati dahil sa
pagkawala ng kanilang mga mahal sa buhay, ay dapat nang buwagin ang mga Fraternity na pangunahing sanhi ng
hazing na laganap sa mga paaralan at nstitusyon.

Kapag sumali ka sa isang Frat ay may kakampi at tagapagtanggol ka sa oras ng problema. Ayon nga
sa aking nabasa sa isang blog, “Kapag ang layunin mo naman kaya gusto mo sumali sa isang FRAT ay dahil alam mo
na magkapareho kayo ng hilig o layunin sa buhay, gustong mapaligiran ng taong may kaparehong hilig o panniniwala
halimbawa ang kapatirang sasalihan ay samahan upang labanan ang polution at ang layuning ito ay iyong totoong
isinasapuso at inaayunan, para sa akin wala akong nakikitang masama para itoy iyong salihan”(Rocky Rivera,2009) .
Kung ganoon ngang may pagkakaisa sa mga miyembro ng isang FRAT ay papaanong si Ferdinand Marcos at si Ninoy
Aquino, na naturingang magka- brod, ay nasangkot sa isa sa mga pinaka kontobersyal na pangyayari sa ating
kasaysayan? Mag-brod din si Senador Juan Ponce Enrile at si Frank Drilon, pero magkalaban sila sa pulitika. Sis na
naturingan ni Congressman Rey Umali si Senadora Leila de Lima, pero di naman ito naging hadlang sa pagsasampa
niya ng kaso sa dating justice secretary.
Hindi lahat ng Frat ay masama; may maganda rin itong nadudulot sa isang indibidwal. May mga pag-
aaral na sinasabing walang masamang epekto ang pagsali ng isang indibidwal sa isang Frat. Ang pagsali ng isang
estudyante sa frat ay walang negatibong epekto sa kanyang GWA o marka sa paaralan at mas nagiging aktibo pa ito
sa mga gawaing pang sibika(Baird, 1969).Ngunit sa kabilang banda ay mas marami pang pag-aaral ang naglahad ng
mga negatibong epekto nito sa isang indibidwal. Ayon kina Berthlow et al(2003), ang pagsali sa isang frat o sorority ay
mas napapamadalas ang pag-inom sa kolehiyo,lalo na sa kalalakihan. Ang indibidwal ay mas nagiging ilang at
dumidistansiya sa kanilang mga kaibigan o kakilala(Antonio,2001). Dagdag pa nina Erberhardt et al(2003), mas
mataas ang lebel nang pag-abuso sa nakalalasing na inumin at di ligtas na pakikipagtalik ang mga kasapi sa isang
frat.
Hindi lang naman mga Frat ang nagsasagawa ng hazing kundi sa marami pang mga organisasyon. Sa
kaso ni Darwin Dormitorio, ay walang frat ang sangkot ngunit mga kapwa rin na kamag-aral sa PMA ang nagsagawa
ng hazing sa kadete. Kaya nga ay naisabatas ang Anti Hazing Act ng 1995 kung saan ay ipinagbabawal ang mga
initiation rites na nagudulot ng pisikal na pananakit. Sa taong 2018 nga ay pinirmahan ni pangulong Duterte ang R.A.
11053 o Anti-Hazing Act of 2018 kung saan ipinagbabawal ang anumang uri ng hazing. At base na rin sa mga datos
na nakatala, ang mga Fraternity ang pangunahing sangkot sa mga kaso ng hazing kaya naman nararapat lang na ito
ay gawing illegal sa mga institusyon at paaralan.
Hindi man maganda pakinggan, ngunit kailangan nating tanggapin naunti-unti nang nagiging parte ng ating
kultura ang pagyakap sa karahasan; ang Tokhang, rambol sa iskinita, at hazing. Hindi ito mawawala hangga’t may
mga taong mas nagpapahalaga sa kanilang ideyolohiya at umaapak sa karapatang pantao. Marami ng buhay ang
nawasak ng ideyolohiyang ang fraternity ay isang simbolo ng pagkakapatiran. Marahil ay oo, Kapatiran sa kamatayan.
Gumawa na ang pamahalaan ng batas tulad ng Anti-hazing Act noong 1995. Ngunit sa loob ng 22 taon na
naisakatuparan ito ay isa lamang ang napapanagot sa batas na ito. Kahit na isinabatas na rin ang bagong Anti-hazing
act ay nagresulta pa ren ito sa pagwawakas ng isang pangarap na magsilbi sa bayan. Ginawa na ng pamahalaan ang
kanilang makakaya, ngunit hanggang ngayon ay nagkukulang pa rin ang mga batas na ito ng ngipin at tila ba’y Malaya
at tumatawa lamang ang mga may kagagawan nito sa dilim. Upang maresolba ang isang problema, ay kailangan
nating suyurin ang puno’t dulo ng problemang ito. Ang Fraternity na umiiral ngayon sa ating bansa ay dapat ng
wakasan. Hindi na kailangan pang magsakripisyo muli ng isang buhay upang malaman ng lahat ang epektong dulot
nito sa lipunan.