Posisyong Papel ng Mag-aaral ng ABM ng JRI

Hinggil sa Positibong Epekto ng

Legalisasyon ng Diborsyo

DAPAT AY GAWING LEGAL ANG DIBORSYO: BIGYAN NG

KARAPATAN MAGING MALAYA ANG ISA'T ISA SA HINDI MAGANDANG
RELASYON

Posisyong Papel na nauukol sa House Bill No. 7303

Paninindigan ng mga mag-aaral ng ABM na sina Angelito Cabiling Jr,

Rocelyn Joy Caling, Pauline Grace Dela Peña, Geraldine Garganta, at Ashley Dale
Ramirez.

Ang House Bill No. 7303 na mas kilala sa tawag na "Absolute Divorce Act" ay
nagnanais na gawing legal ang ganap na diborsyo. Ang batas na ito ay pinahihintulutan
ang diborsyo sa kadahilanang may nangyayaring domestikong karahasan, walang pag-
ibig na kasal, at ang pakikipagtalik ng asawa sa ibang tao. Kaya't ang diborsyo law ay
kailangan natin sa Pilipinas upang makalaya ang mga Pilipino sa hindi malusog at
mapanganib na relasyon.

Isang alalahanin ng mga taong laban sa diborsyo tulad ni House Deputy Speaker
Bro. Eddie Villanueva na ang diborsyo ay magiging madaling daan palabas ng mag-
asawa sa pagpapakasal at ito'y wawasakin ang tanyag na institusyon ng kasal. Ngunit
ang alalahanin na ito ay sinubok ni Rep. Edcel Lagman, na "ito'y hindi masisira ang
tradisyon at nakasanayan ng matagal na taon ng Pilipino na pagpaparangal at
pagrespeto sa pagpapamilya".

Sa ngayon, talamak na talamak ang pakiki-apid, pangangalunya at panloloko sa

kanilang karelasyon. Ang pinakaunang tumatanggi sa batas na ito ay ang simbahan.
Hindi ipinapatupad ang diborsyo ng isang berso ng bibliang talata Mateo 19:9, na
nagpapahayag na "Ito ang sinasabi ko sa inyo, sinumang lalaking magpalayas at
humiwalay sa kanyang asawa, maliban kung ang asawa niya'y nangangalunya, at mag-
asawa ng iba, ay nagkakasala ng pangangalunya. Ngunit ayon sa batas ng 1987
Kontitusyon Artikulo II Area 6 na sinasabi na ang estado at simbahan ay magkahiwalay.
Samakatuwid ang taong niloko ng mga asawa nila babae o lalaki man, ang maaaring
hiawalan ang kanyang asawa.
 Bakit pa kakailanganin ang diborsyo, kung mayroon namang annulment? Sa
ilalim ng batas na Family Code Article 45 to 47, ang pag-aannul sa kasal ay ang
pagpapatunay na ang kasal ay hindi balido mula pa nung una dahil may hadlang bago
pa man ikasal. Halimbawa na lamang kung ang iyong katuwang ay menor de edad at
walang pahintulot mula sa magulang. Ang annulment ay ibinibigay lamang ng korte
kapag umpisa pa lamang, hindi na wasto ang pagsasama. Hindi ba nga sinasabi, ang
mga lalaki magaling kapag nanliligaw pero kapag nakuha na ang gusto, ipapakita na ang
tunay na ugali. Sa mundong ating ginagalawan, walang permanente. Kung lubos na
mahal ka ng asawa mo noong nililigawan ka niya, huwag mong asahan na makalipas ang
dalawampu't taon ganoon pa rin ang nararamdaman niya sayo. Hindi lahat ng
nagpapakasal ay parang fairytale na nagtatapos sa happily ever after dahil ang iba sa
kanila makalipas ang ilang taon, nagkakaroon ng hidwaan na madalas umaabot sa
sakitan. Kaya sa pamamagitan ng diborsyo, makakalaya ang bawat indibidwal na
naabuso ng asawa, makakalaya ang dalawang taong hindi na maayos ang pagsasama,
maiiwasan ang sakitan sa dalawang partido dahil sa hindi pagkakaunawaan,
mapapawalan ng bisa ang kasal at maaari na silang magpakasal sa iba ng nakasaalang-
alang pa rin ang custody ng bata at hatian sa pagmamay-ari. Isa pa sa benepisyo kung
bakit kailangan natin ang diborsyo dahil ito ay mas mabilis at mas murang paraan hindi
tulad ng annulment na dumadaan na masusi at magastos.

Sa panahon ngayon na maraming nagmamadali magpakasal at sa mga

magkarelasyon na kung kailan ay kasal na sila doon pa lamang lumalabas ang totoong
ugali at yung iba ay nangangaliwa, nararapat na magkaroon ng diborsyo sa Pilipinas para
maging malaya sa mga karelasyon na mapang-abuso at nangangaliwa. Hindi sapat ang
annulment sa Pilipinas dahil ang annulment ay maaari lanang gamitin kapag ang
problema ay nagsimula bago ang kasal, kailangan natin ng diborsyo dahil nawawala ang
bisa ng kasal dahil sa kasunduan ng mag- asawa na hindi na nila nais magsama pa sa
maraming kadahilan, na ang madalas ngayon ay dahil sa pangangaliwa, pananakit at
nawala ang pagmamahal ng mag asawa sa isat isa. Maaari nilang mapasawalang halaga
ang kasal lalo na kung ang isa sa kanila o pwede din pareho na hindi na kinakaya ang
pagsasama nila, pwede nila ito pagusapan sa lalong madaling panahon kung ayaw na nila
magsama pa sa iisang tahanan. Kung may anak man sila maaaring masaktan ang mga ito
ngunit alam naman ng mga magulang ang makakabuti sa mga bata marahil lumaki ang ito
sa hindi buong pamilya pero mas maganda nang ganun kesa araw araw nakikita ng bata
kung ano mang merong hindi pagkakasunduan ang kanilang mga magulang, dahil mas
masakit para sa mga anak na nakikitang nag aaway o merong problema sa kanilang
magulang. Kaya dapat bigyan ng kalayaan ang bawat isa kung hindi na talaga sila
komportable ng magkasama. Kung gagawing legal dito ang diborsyo maaring
mabawasan ang mga nangaabuse ng asawa at asawa na nanakit ng mga anak nila.
Kailangan ito para makatakas sila sa mga gantong sitwasyon hindi porket nagpakasal ay
bawal na makipaghiwalay karapatan nila na maging malaya pag hindi na talaga maganda
ang pagsasamahan nila. Kailangan din ito dahil may maapektuhan na property at suporta
para sa mga bata.Mas maganda ang diborsyo dahil mismong mag asawa magdedesisyon
nito at valid kaagad ang dahilan para sila ay mapahiwalay ng korte di kagaya sa
annulment magiging valid lamang kung may violation bago ang kasal.

Dapat lang na maipatupad ang pagdidiborsyo, dahil sa hindi pagkakaunawaan

ng magasawa nauuwi rin ito sa hindi magandang pagsasakitan.
Ang dahilan ng pagkakaroon ng diborsyo ay ang hindi pagkakaunawaan ng magasawa.
Ang maaaring dahilan ng diborsyo ay ang hindi pagkakasundo pagaaway ng magasawa
ukol sa isang bagay, dahilan nito upang sabihin nila sa isa't isa na hindi na sila dapat pang
magsama at maghiwalay nalang ng landas upang maiwasang lalo pang magkasakitan at
makaapekto maging sa kanilang mga anak. Sa pamamagitan nito ay mas lalo pang
sumasangayon ang mga magasawa sa diborsyo. Kung ang diborsyo ay gagawing legal sa
Pilipinas, paano matuturuan ng mga magulang ng mga gawaing kabanalan ang mga
anak? Ang paghihiwalay ng mag-asawa ay magiging masamang halimbawa pa sa mga
anak. Ang mabuting pagkakaunawaan ng mga anak ay siyang ugat ng pagkakaroon ng
isang maligaya at mapayapang tahanan.

Pinagtibay ngayong Nobyembre 11, 2021

Sanggunian: https://www.loc.gov/item/global-legal-monitor/2020-03-04/philippines-
house-bill-on-divorce-approved-in-committee/

http://lifesavingdivorce.com/abuse-in-bible/

https://ph.theasianparent.com/annulment-vs-divorce
 Posisyong Papel ng mga
Mag-aaral ng ABM ng JRI
Hinggil sa Positibong Epekto ng
Legalisasyon ng Diborsyo

Angelito Cabiling Jr.

Rocelyn Joy Caling
Pauline Grace Dela Peña
Geraldine Garganta
Ashley Dale Ramirez

Nobyembre 11, 2021