Bakit nga ba naisulat ni Rizal ang nobelang Noli Me Tangere? Ang Noli Me Tangere ay isinulat ni Dr.

Jose
Rizal para maipakita at maipamulat sa mga Pilipino ang mga pang-aabusong ginawa ng mga pari noong
panahon ng mga kastila. Ang akdang ito ni Rizal ay nangangahulugang “Touch Me Not” sa Ingles at “Wag
Mo akong Salingin” sa Filipino. Ang titulo ng nobelang ito ay repleksyon ni Rizal sa mga pangyayari sa ating
lipunan noong panahong nasakop tayo ng mga dayuhan. Para mas lubos na maintindihan ang nobelang
ito, narito ang maikling kabuuan o buod ng Noli Me Tangere:

Buod ng Noli Me Tangere

Isang binatang Pilipino ang umuwi sa Pilipinas matapos ang pag-aaral sa Europa ng pitong taon, ang
binatang ito ay walang iba kundi si Juan Crisostomo Ibarra.
Sa kanyang pagbabalik ay naghandog si kapitan Tiago ng isang hapunan. Habang nagaganap ang piging na
ito ay makalawang hinamak siya ng isang prayleng pransiskano na dati nang naging kura ng San Diego at
dating kaibigan ng kanyang ama. Siya ay walang iba kundi si Padre Damaso.
Humingi ng paumanhin si Ibarra at lumisan sa kadahilanang siya ay may mahalaga pang pupuntahan.

Si Maria Clara na katipan ni Crisostomo Ibarra ay isang kaakit-akit na binibini. Para kay Ibarra si Maria Clara
ay sumasagisag sa Inang Pilipinas. Ang binibining ito ay anak sa turing ng isa sa mayayaman sa Binundok
at makapangyarihan kung ituturing, si kapitan Tiago.
Kinabukasan, matapos maidaos ang hapunang yaon ay dinalaw ni Crisostomo Ibarra ay kanyang iniibig na
si Maria Clara. Sa kanilang pagkikita ay sinasariwa nila ang mga ala-ala ng kanilang kamusmusan at ang
tunay na pagmamahalan nila kahit sila ay paslit pa lamang. Inilabas ni Ibarra ang tuyong dahon ng
sambong na nababalot sa isang papel na may sentimental na halaga. Ang sulat naman na ibinigay ni Ibarra
kay Maria Clara bago niya lisanin ang Pilipinas ay binasa ng dalaga.

Bago umuwi si Crisostomo Ibarra ay nailahad ni Tenyente Guevara ang sinapit ng kanyang ama na isang
taon nang namayapa. Sinabi niya na nangyari ang lahat ng ito matapos ipagtanggol ang isang bata sa isang
kubrador na aksidenteng nabagok ang ulo kaya namatay. Umabot ang kaso sa hukuman at nagsilabasan
ang kaaway ni Don Rafael Ibarra. Nang malulutas na ang kaso ay siya namang namatay si don Rafael sa
loob ng hukuman. Hindi pa nagpaawat si Padre Damaso.

Ipinahukay niya ang bangkay ni Don Rafael at ipapalipat sana sa libingan ng mga intsik ngunit dahil sa
umuulan ng panahong iyon ay tinapon na lamang sa ilog ng bay.

Kaysa maghiganti, si Crisostomo ay ipinagpatuloy ang nasimulan ng kanyang ama. Isinagawa niya ang
panukala ng ama tungkol sa pagsusulong ng pagtuturo. Nagpatayo siya ng paaralan sa tulong ni Nol Juan.
Noong babasbasan na ang paaralan ay may batong muntikan nang ikamatay ni Ibarra. Mabuti na lamang
at siya ay iniligtas ni Elias. Sa halip na si Ibarra ang mamatay ay ang taong binayaran ng lihim na kaaway
niya ang nasawi.
Muli siyang hinamak ni Padre Damaso.
Hindi na napigilan ni Ibarra ang sarili at sasaksakin na niya ang pari ng kutsilyo ngunit siya ay napigilan ni
Maria Clara.

Dahil sa pangyayaring iyon ay itiniwalag si Ibarra ng Arsobispo sa Simbahang Katoliko. Ang sitwasyon ay
sinamantala ni Padre Damaso. Iniutos niya kay Kapitan Tiago na hindi ituloy ang kasal ni Maria Clara at
Ibarra. Sa halip ay ipakasal si Maria Clara kay Linares na isang binatang kadadating pa lang sa Pilipinas.
Napawalang-bisa ang pagiging eskomulgado ni Ibarra at tinanggap muli siya sa simbahan ngunit sa di-
inaasahang pagkakataon ay hinuli at ikinulong dahil naparatangan siya na nanguna sa pagsalakay sa
kuwartel.

Sa naganap na paglilitis ay napawalang-bisa ang bintang kay Ibarra ngunit sinundan muli ito ng
panganyaya dahil sa liham na sinulat niya kay Maria Clara. Kahit walang kaugnayan ito sa kaso ay ginamit
ito ng may kapangyarihan upang hamakin ang binata.

Habang ginaganap ang hapunan para sa kasal ni Linares at Maria Clara ay nakatakas si Ibarra sa tulong ni
Elias.

Bago tuluyang lumisan ay hiniling muna ni Ibarra na makausap si Maria Clara. Sinumbat niya ang sulat na
ginamit sa hukuman ngunit mariin itong itinanggi ni Maria Clara. Sinabi niya na inagaw mula sa kanya ang
liham. Kapalit nito ang liham mula sa kanyang ina na nagsasaad na ang tunay niyang ama ay si Padre
Damaso. Sinabi pa niya na kaya siya magpapakasal kay Linares ay para sa dangal ng ina, ngunit ang
pagmamahal niya para kay Ibarra ay di lilipas at mawawala magpakailanman.

Tinulungan siya ni Elias sa pagtakas ngunit naabutan sila ng palwa ng sibil. Sa pamamagitan ni Elias ay
nailigaw niya ang mga tumutugis at nakatakas si Ibarra. Nang makalundag si Elias sa tubig ay pinagbabaril
siya.
Sa pagkalat ng balita sa pahayagan na namatay si Ibarra, si Maria Clara ay lubos na namighati. Nakiusap
siya na pumasok sa kumbento upang magmongha at walang magawa si padre Damaso dahil kung hindi
ito papayag ay magpapatiwakal ang dalaga.

Ang balitang kumalat ay walang katotohanan sapagkat si Crisostomo ay nakaligtas sa tulong ni Elias.

Si Elias na sugatan at halos naghihingalo na ay nakarating sa gubat ng mga Ibarra. Bago siya tuluyang
pumanaw ay humarap siya sa Silanganan at nagwika na kung hindi man niya makita ang bukang-liwayway
sa sariling bayan, ang makakakita ay batiin ito at huwag kakalimutan ang mga humandusay sa dilim ng
gabi at iyon ang huling mga salitang lumabas sa kanyang bibig.

Filipino 9 Mga Tauhan ng Noli Me Tangere

1. 1. PAGBASA NG BIBLIYA: (SIRAC 9: 26) Nilay-Karunungan: Huwag nating ipagmayabang ang ating
mga nagawa sa ibang tao lalo na sa mga panahon ng pangangailangan
2. 2. Mga Tauhan ng Noli Me Tangere
3. 3. 1. Don Crisostomo Ibarra y Magsalin • Anak ni Don Rafael Ibarra • May pangarap na
magpatayo ng paaralan upang matiyak ang magandang kinabukasan ng mga bata sa San Diego •
Kababata at kasintahan ni Maria Clara • Nanirahan sa Europa sa loob ng 7 taon
4. 4. 2. Maria Clara delos Santos • Anak ni Padre Damaso at Donya Pia Alba • Kababata at
kasintahan ni Crisostomo Ibarra • Mutya ng bayan ng San Diego • Tinakdang ipakasal kay
Alfonso Linares • Nagkaroon ng edukasyong nakasalig sa doktrina ng relihiyon
5. 5. 3. Elias • Piloto/bangkero at magsasakang tumulong kay Crisostomo Ibarra • Lagi niyang
iniisip ang kapakanan ng nakakarami, at may pambihirang tibay ng loob • Tagapaglitas ni Ibarra
sa kapahamakan
6. 6. 4. Don Santiago delos Santos • Tinatawag din na Kapitan Tiyago • Mangangalakal galing
Binondo, Manila • Tanyag sa pagiging bukas-palad sa mga mahihirap • Asawa ni Pia Alba at ama
ni Maria Clara
7. 7. 5. Don Rafael Ibarra • Ama ni Crisostomo Ibarra na namatay sa kulungan o bilangguan • Labis
siyang kinainggitan ni Padre Damaso dahil sa kanyang taglay na kayamanan • Labis ang kanyang
paggalang at pagtitiwala sa batas
8. 8. 6. Padre Damaso Verdolagas • Isang kurang Pransisikano na ang tunay na ama ni Maria Clara
• Naging kura paroko ng San Diego sa loob ng dalawang dekada • Nagparatang kay Rafael Ibarra
na erehe at pilibustero
9. 9. 7. Padre Bernardo Salvi • Siya ang pumalit na kura paroko kay Padre Damaso • May lihim na
pagtingin kay Maria Clara
10. 10. 8. Padre Hernando Sibyla • Paring Dominikano • Lihim na nagbabantay at sumusubaybay sa
bawat kilos ni Crisostomo Ibarra
11. 11. 9. Sisa • Isang mapagmahal na ina nina Basilio at Crispin • May asawang malupit at pabaya •
Naging palaboy at baliw ng hindi na niya mahanap ang kanyang dalawang anak
12. 12. 10. Basilio • Panganay na anak ni Sisa • Isang sakristan at taga-tugtog ng kampana sa
kumbento
13. 13. 11. Crispin • Bunsong anak ni Sisa • Isang sakristan at taga-tugtog ng kampana sa kumbento
• Inakusahan na nagnakaw ng dalawang onsa o piraso ng ginto
14. 14. 12. Don Anastacio • Tinatawag din na Pilosopong Tasyo • Isang iskolar na nagsisilbing
tagapayo ng marurunong na mamamayan ng San Diego • Tinatawag din na baliw ng mga hindi
edukado at pilosopo ng mga edukado
15. 15. 13. Donya Consolacion • Isang dating labanderang • Malaswa kunb magsalita • Sinasabi niya
na siya ay mas maganda pa kay Maria Clara
16. 16. 14. Alperes • Pinuno ng guwardiya sibil • Mahigpit na kaagaw na kura paroko sa
kapangyarihan sa San Diego • Asawa ni Donya Consolacion
17. 17. 15. Donya Victorina de Espadana • Babaeng punumpuno ng kolorete sa mukha •
Nagpapanggap bilang isang mestisang Espanyol • Mahilig din siyang magsalita ng Kastila
18. 18. 15. Don Tiburcio de Espadana • Isang pilay at bungal na Kastilang nakarating sa Pilipinas •
Asawa ni Donya Victorina • Nagpanggap bilang isang doktor ng medisina • Sunud-sunuran sa
kanyang asawa
19. 19. 16. Tiya Isabel • Pinsan ni Kapitan Tiago • Nag-alaga kay Maria Clara
20. 20. 17. Dona Pia Alba delos Santos • Ina ni Maria Clara • Namatay matapos maisilang si Maria
Clara
21. 21. 18. Tenyente Guevarra • Matapat na kaibigan ni Don Rafael Ibarra • Nagkuwento kay
Crisostomo Ibarra sa totoong sinapit ng kanyang ama
22. 22. 19. Kapitan/Gobernador-Heneral • Pinakamakapangyarihang opisyal ng Espanya sa Pilipinas
• Tumulong kay Crisostomo Ibarra para maalis siya sa pagka-ekskomulgado
23. 23. 20. Alfonso Linares • Binatang napili ni Padre Damaso na maging asawa ni Maria Clara •
Malayong pamangkin ni Don Tiburcio
24. 24. 21. Salome • Simpleng dalagang naninirahan sa isang kubong matatagpuan sa kagubatan •
Babaeng natatangi sa puso ni Elias
25. 25. PAMANTAYAN SA PAGKATUTO: Nahihinuha ang katangian ng mga tauhan at natutukoy ang
kahalagahan ng bawat isa sa nobela
26. 26. Tauhan: Katangian: Kahalagahan ng Papel na ginampanan: Crisostomo Ibarra Sisa Maria
Clara Pilosopo Tasyo Elias