“Karapatang Pantao”
Ni: Nicole Mendoza at Kristelle Lacson
Desisyon ay desisyon
Buhay ay buhay
Ngunit karapatan ay karapatan
Hindi ito basta-basta tinatapakan
Mga balitang nababasa
Hindi ko na alam kong ano ba talaga ang
estorya
Iba't ibang bersyon na mga balita
Mula sa mga huwad at totoong media.
May mga tao na walang pakealam sa
karapatan mong mabuhay,
Kaya wag ka ng magtaka kung sa
PALIGID nawalan ka ng KARAPATAN
PANTAO,
Kase yung PANTAO mismo sa PALIGID mo
ang nagtanggal ng KARAPATAN mo.
Mabuti pa ang aso,
inaalagaan ng amo.
Mabuti pa ang pusa,
pinapakain nang tama.
Mabuti pa ang hayop,
pinapahalagahan at kinakalinga.
Tao-
pinapatay nang walang kalaban-laban,
dinadampot at ikinukulong
sa selda ng inhustisya't karahasan,
ganoon na lang kabilis kumitil ng buhay,
'pagkat nagkasala ka raw nang tunay,
kahit hindi napatunayan,
walang ebidensya't basehan,
hawak ng nasa kapangyarihan
buhay mo't kalayaan.
Tao-
walang tirahan,
kinamkam ng mga gahaman,
lupang pinaghihirapan,
pinagyayaman ng dugo't pawis,
sa isang iglap
mawawala nang mabilis.
Tao-
hindi pinapahalagahan,
laganap na ang patayan
sa bayan ni Juan,
nasa pamahalaan ang 'yong kapalaran,
kung mamamatay ka nang madalian,
o mabubuhay sa takot sa 'yong lipunan.
Ganito na sa ating bayan,
masahol pa sa hayop
kung ituring yaong tao.
Karapatang pantao,
nilalapastangan ng mga namumuno,
silang dapat na nagpapahalaga,
nagmamahal at kumakalinga,
sa sambayanang biktima ng inhustisya
ngunit sila pa ang nangunguna,
sa pagwasak sa karapatan ng masa.
Kailan kaya darating ang panahon?
Tao na,
ang turing sa tao,
hindi pusa o aso.
Kapag tao na,
ang turing sa tao,
malaya na tayo,
malaya sa takot sa mga namumuno,
may karapatang pantao
kinikilala sa lipunan.
Kapag tao na,
ang turing sa tao,
hindi na pagpatay
ang sagot ng pamahalaan,
sa bawat kamalian ng sambayanan.
Respetuhin ang buhay
Bigyang halaga ang isang bagay
Dahil buhay ng sarili at kapwa mo ang
nakasalalay.
Sa bawat krimen o pagkakasala
Hustisya ang nawawala
Nakakalungkot dahil parang bula
Titingin sa alapaap
Ipipikit ang mata
At taimtim na magdadasal sa Diyos na
Ama
Mahirap pero kakayanin
Masakit pero titiisin
Dahil ito'y nakatadhana para sa atin.