May-awa ang Pagbibigay ng Marka o Wala?

Dapat nga bang ang guro ay gamitin ang puso o ang nararapat na marka sa mga
mag-aaral? Ito ang tanong na paulit-ulit na maririnig mula sa mga guro lalo na kung
magtatapos na ang taon. Sa yugtong ito ay malalaman mula sa mga grading nakuha ng mga
mag-aaral sa lahat ng gawain kung sila ba ay makauusad sa susunod na baiting o muling
aaralin ang araling naipasa. Ditto rin nagkakaroon ang mga guro ng malalim na pagkuro-
kuro kung ano ang gagawing hatol sa mga mag-aaral na tinuruan sa loob ng sampung buwan.
Marami sa mga mag-aaral ang nakakakuha ng mababang marka sa maraming kadahilanan
ngunit dapat bang ang marking nakuha ay siya na ring marking isusulat sa kard ng mag-
aaral? O bigyan pa sila ng pagkakataong Maitama o maituwid ang kanilang pagkakamali sa
pamamagitan ng paggamit ng guro ng puso at ipasa ang mag-aaral na bumagsak sa
kanyang asignatura.
S a panahon ngayon kung iisipin ay napakadali na para sa mag-aaral ang pumasa sa
kanilang mga asignatura. Kailangan lamang nilang gawin ang lahat ng mga gawain na
pinapagawa ng mga guro. Isang kaigihan na rin na karamihan sa mga gawain ay puro
pangkatan na kung kaya hindi na magiging mahirap para sa estudyante ang gawin ito dahil
meron na silang katuang para tapusin ito. Ang mga gawain na rin ito ay hinihimay-himay na
ng mga guro para sa mas amdaling pagkaunawa kung kaya wala ring dahilan para sabihing
hindi nila ito naunawaan. At kahit na sabihing hindi nila ito naunawaan ay maaari silang
lumapit sa kanilang mga guro upang magtanong. ang bawat bagay na ginugustong makuha
ay dapat na pinaghihirapan at dapat na pinag-aaralan maigi kung paano ito makukuha.
Ganundin sap ag-aaral ito ay dapat na pagsikapan ng mga mag-aaral. Maraming mga
tamad na mag-aaral ang madalas na hindi pumapasok sa eskwela sa kabila ng paulit-ulit na
pagpapayo ng guro na ito ay pumasok. Sa kabila na ang mga mag-aaral na ito ay
pinupuntahan na sa bahay ng kanilang mga guro para kausapin ang mga magulang ay
ganun parin ang kanilang ginagawa. Paano kaaawaan ang isang mag-aaral n ani sa sarili ay
hindi rin marunong maawa.
Sa pangkalahatan masasabi kong ang awa ay ibinibigay sa mga mag-aaral na
karapatdapat tumanggap ng awa. Ngunit kung ang mag-aaral ay nagpapakita parin ng
katigasan ng ulo sa kabila ng ilang beses na pagbibigay ng pagkakataon, ang awa ay hindi
na dapat ibigay. Hayaang ang bata ay matuto sa kanyang pagkakamali at manghinayang
sa nasayang na panahon. Ipaunawa sa kanya na ang hidni niya pagpasa ay sa dahilang siya
rin mismo ang may kagagawan. Ngunit ang mga kabataan na may mga balidong dahilan ay
maaaring kaawaan ngunit siguruhin na hindi nila ito gagamitin para makuha lang ang
kanilang gusto na pumasa. Nararapat nilang pahalagahan ang bawat araw at panahon na
nasa kanila dahil kapag dumating ang panahon na gusto na nila ang katawan at panahon
ay tapos na.