Mga dulot ng suliranin ng pamilya sa mga bata.

Isang Panimulang Pananaliksik na Iniharap kay

Propesor Marciala Malapit

Dibisyon ng Mataas na Paaralan

Pamantasang De La Salle Dasmariñas

Bilang Bahagi ng Pagtupad

Sa mga Pangangailangan para sa Kursong

Pagbabasa at pagsusuri

Petate, Franchesca Isabelle A.

Emnacen, Mary Hezyl H.

Zamora, Edsa Mae

Villejo ,Emerlyn

HMS 14

PEBRERO, 2019
INTRODUKSIYON

Kaligiran ng Pag-aaral

Lahat ng tao ay nabibilang sa maliit na sektor ng lipunan na tinatawag na pamilya.

Ang pamilya ay binubuo ng nanay, tatay, at mga anak. Kung minsan naman ay kasama ang
kanilang lolo at lola o tito at tita. Ang tawag doon ay pamilyang pinalawak. Ang papel ng
tatay sa tahanan ay maging haligi nito. Siya ang nag bibigay proteksiyon sa kanyang
pamilya. Kadalasan siya ang nag hahanap buhay upang mabigyan ng magandang
kinabukasan at buhay ang kanyang mga anak. Ang ama ang tumatayong pinuno ng tahanan.
Siya ang nasusunod sa halos lahat ng bagay. Siya rin ang nag dedesisyon. Ang ina naman
ay ang ilaw ng tahanan. Siya ang katuwang ng ama. Siya ang gumagawa ng mga gawaing
bahay at nag aalaga ng mga bata. May ibang nagsasabi na ang ina daw ay sunod sunuran
lamang kanyang asawa. Ang mga anak naman ay ang bunga ng pagmamahalan nilang
dalawa. Tungkulin ng mga ito na ibalik sa kanilang mga magulang ang kanilang pag hihirap
sa pamamagitan ng pagtulong sa abot ng makakaya. Ang ating mga lolo at lola, tito o tita
naman ay nagsisilbing mga gabay. Nagbibigay sila ng payo sa atin kapag tayo ay may mga
problema.

Walang perpektong pamilya, lahat ng pamilya ay mayroong sari sariling pagsubok

o problema na pinagdadaanan o hinaharap. Lahat ay may bahid ng dumi kung saan ang iba
ay pilit na itinatago kung kaya’t muka silang perpektong depinisyon ng isang masayang
pamilya. Ang pagkakaroon ng problema sa pamilya ay maraming dulot sa kanilang paligid
lalong lalo na sa kanilang mga anak. Isa isahin ng mga mananaliksik ang mga posibleng
dulot ng problema sa pamilya.

• Ito ay ang pinaka karaniwang nangyayari, ang pagrerebelde. Ito ay maaring

mangyari kung ang magulang ay sobrang higpit sa kanilang mga anak. Ang
paghihigpit ng magulang sa kanilang anak ay isang problema dahil hindi
matututo ang mga bata na tumayo sa sarili nilang mga paa. Maaring masakal
ang mga ito kung kaya't:
• Posibleng mag resulta sa pagrerebelde at pagsisinungaling.
 • Pangalawa ay pagiging lasenggero. Dinadaan nila ang kanilang mga problema
sa pag iinom upang kahit sandali lang ay makalimutan nila ito. Ginagawa nilang
solusyon ang pag iinom upang makatakas ng pansamantala sa realidad.
• Pangatlo ay maagang pakikipagrelasyon. Ang iba naman ay hinahanap ang aliw
sa ibang tao kung kaya’t nag reresulta ito sa maagang pakikipag relasyon sa
parehas o magkaibang kasarian.
• Pang apat ay nakakaapekto ito sa kanyang pagganap sa paaralan dahil
mawawala ang kanilang pokus rito at mas madagdagan ang iniisip ng mga bata.

Ang lahat ng nabanggit ay mga maaaring bunga ng pagkakaroon ng suliranin sa

pamilya. Ang ating pamilya ay bigay ng Diyos para lamang sa mga tao. Ang pamilya ay
dapat nagkakaisa at nag tutulungan dahil sila ang magiging kasama sa matagal na panahon
at sa pag abot ng mga pangarap. Sa pamilya mararamdaman ang tunay na pagmamahal at
saya. Sa apat na sulok nito nagsisimula ang paghuhubog sa isang bata. Dito nagsisimula at
nagtatapos ang lahat. Kaya hanggat maari bumuo ng isang malusog na relasyon sa bawat
isa dahil sa tahanan nag sisimula ang pagmamahal, pag asa at tagumpay.

“ It takes hands to build a house, but only hearts can build a home "

Kaugnay na Pag-aaral at Literature

Dumarami na ang nagtratrabahong bata dahil sa kapabayaan ng mga magulang.

Ayon sa artikulo “Sinasabe sa National Statistic Office na , umakyat na sa 5.5 milyon ang
bilang ng mga batang mangagawa ng bansa.” Sinasabing ang dahilan kung bakit nag
tratrabaho ang mga bata ay dahil isinasama sila ng kanilang mga magulang sa pag
tratrabaho gaya ng pangingisda at pagsasaka upang makatulong. Ang isa pang dahilan ay
ang pagiging iresponsable ng kanilang mga magulang kung kaya’t napipilitang magtrabaho
upang sila ay mabuhay.

Ayon sa artikulo mayroong limang dahilan kung bakit nagrerebelde ang mga bata
una ay ang pagkukumpara ng mga kapatid kung saan inihahambing ang mga nagawang
‘achievements’ ng mga bata na nagiging dahilan ng pagkalungkot ng mga ito. Pangalawa
ay ang hindi pagbibigay atensyon ng mga magulang kung saan iisa lamang o iilan lamang
na anak ang napapansin na nagdudulot ng pagtingin ng anak na hindi sya importante.
Pangatlo ay ang masasamang implowensya ng kaibigan kung saan nauubos ng bata ang
kanyang oras sa pagrerebelde sa magulang tulad ng pag inom o pagbibisyo. Pang apat ay
ang paghadlang ng magulang sa relasyon ng anak na nagdudulot ng hindi pagkakaunawaan
o ang pag tatanan ng anak. Pang lima ay ang hindi pag sang ayon ng anak sa naging
desisyon ng magulang halimbawa nalamang ay ang pagdedesisyon ng magulang na walang
pasabi sa kanilang anak.

Ayon sa artikulo ang mga tin-edyer ay mas naapektuhan sa mga bagay-bagay na

hindi katulad ng sila ay bata pa. Kung saan mas higit nilang kailangan ang matatag na
pamilya. Dahil sa ganitong panahon sila natututong maging malapit sa iba ngunit dahil sa
deborsiyon natatakot silang makisalamuha at magtiwala sa iba. Maari din itong magtulot
ng pagrerebelde at pagiging delingkuwente at pagkalulong sa alak at droga. Pero maaring
magtagumpay ang kanilang kinabukasan kung sila ay malapit sa kanilang mga magulang..
Sinasabi sa artikulo na “Pero hindi tamang isipin na, gaya ng sinasabi ng ilan, laging
‘makabubuti sa mga bata’ o mawawala na ang problema ng mag-asawa kung
magdidiborsiyo sila. Sa katunayan, natuklasan ng iba na kahit magkahiwalay na sila,
naroroon pa rin ang problema at mas malala pa nga. Nariyan ang mas mabibigat na isyu
tulad ng sustento o kung kanino mapupunta ang bata. Kaya hindi talaga inaalis ng diborsiyo
ang mga problema ng pamilya. Inililipat lang nito ang mga problema sa korte.”

Kapag nag aaway ang mag asawa at napapanood ito ng bata maari itong
magdulot ng iba’t ibang uri ng reaksyon tulad ng takot, galit, pagkabalisa, at kalungkutan
. Maari din silang hindi makapag aral ng maayos sapagkat lumilipad ang kanyang isipan.
Kung saan maari nila itong ilabas sa pamamagitan ng pagrerebelde o pagsasarili kung
saan sila ay depress , balisa, withdrawal at dysphoria. Sinasabing nagkakaganito ang
mga estudyante dahil sa tinatawag na spillover-effect kung saan kapag sobra na ang
away ng magulang napupuna ito sa bata kung kaya’t nagagawa ng kabataang
magrebelde.(Sutherland,A. 2014)

Maari ding magbigay ng napakalaking insecurity para sa isang bata

sapagkat madaling nanghuhusga ang mga nasa paligid nito. Dahil sinasabi rin na ang
ibang naiiwanan ng mga magulang ay napupunta sa mga bahay ampunan .Kung
kaya’t ganoon nalamang ka baba ang kumpyansa nila sa sarili lalo na kung
mayroong aktibidades ang kanilang paaralan na kinakailangan ang prisensya ng
magulang.

Kahalagahan ng Pag-aaral

Napiling talakayin ng mga mananaliksik ang paksang ito sapagkat sa pamamagitan

ng pananaliksik na ito, nais mabigyan ng mga mananalik ng pansin ang mga magulang sa
kung ano ang epekto sa mentalidad ng kabataan kapag nagkakaroon ng suliranin ang isang
pamilya. Nais rin na mahikayat ang mga bata na kung maari sila na ang maging daan tungo
sa pagkakaunawaan ng bawat isa upang mabigyang solusyon ang problema.

Ang hangarin ng mga mananaliksik ay ang makapagbukas ng isipan ng mga

magulang mayroong problema sa pamilya at kung paano nito naapektuhan ang mentalidad
ng mga mag-aaral.Dahil ang pag-aaral na ito ay pumapatungkol sa mga dulot ng suliranin
ng pamilya sa mga bata. Ang pananaliksik ay bubuoin sa pamamagitan ng
introduksyon,pamamaraan,resulta at talakayan.Ang nilalaman ng bubuoing pananaliksik
ay ang mga malalalim na pamamaraan at salitang naka ugnay sa paksa. Layuning
matalakay ng maayos ang mga terminolohiya ng nasabing paksa upang maayos na
maiambag sa lipunan .

Paglalahad ng Suliranin

Ano ang mga iba’t ibang gawi at moralidad sa loob ng tahanan na nagdulot ng ibang
resulta sa mentalidad ng bata?

Tiyak na Suliraninm: Mga dulot ng suliranin sa pamilya sa mentalidad ng bata

1.) Ano ano ang madalas na suliranin ng pamilya na nakakaapekto sa bata?

2.) Bakit naaapektuhan ng hindi pagkakaunawaan ang mentalidad ng mag-aaral?
3.) Paano maiiwasan ang mga gawi na hindi nararapat sa isang tahanan o pamilya?
4.) Bakit humantong sa hindi kaaya ayang sitwasyon ang bata katulad nalamang ang
pagbibisyo ng sigarilyo at alak?
5.) Bakit dumadami ang nabubuntis na dalaga? Dahilan ba ito ng kapabayaan ng pamilya
dahil sa problema?
Konseptual na Balangkas

Ang dulot ng epekto ng

pamilya sa mag-aaral

Kulang sa disiplina at
komunikasyon

Napupunta sa maling
daan ang mga mag-aaral.

Ang layunin nito ay upang maipahayag sa mga mambabasa ang posibleng maging
epekto ng problemang pamilya sa mga kabataang miyembro nito. Sakop nito ang mga
kabataang edad 14 hanggang 18 na kadalasang nagrerebelde.Ang mga kabataang ito ay
nakararanas ng madalas na problema sa pamilya ay ang sinasabi na lubos na nakakaapekto
sa mga ito na dahilan pagkahimok ng kanilang pagiisip upang makagawa ng mga bagay na
hindi maganda.

Ang mga kabataang madalas na humaharap sa mga suliranin ng pamilya ay

kadalsang lubhang naapektuhan kung saan nabubuksan ang kanilang pagiisip sa mga bagay
na hindi dapat gaya nalang ng: (1) pagkakaroon ng bisyo; kadalasan sa mga kabataan
ngayon ay nagkakaroon ng di magandang nakasanayan gaya ng pagkakaroon ng bisyo tulad
ng paninigarilyo at paginom ng alak. Ayon kay Eloisa Jean Garbo, "Ang mga bisyo na ito
ay may malaking epekto sa bawat isang kabataan na naluluong dito. Ang pag aaral ay
napapabayaan at hindi na naiisip pa ang magandang kinabukasan na makakamit nila. Ang
pinakamasama pa rito ay ang paggamit nila ng ipinagbabawal na gamot. bilang isang
kabataan sa milenyong ito, ay laganap na ang paggamit ng droga at walang pinipiling
edad".
 Isa rin sa sa maaaring maging epejto ng problemanng pampamilya ay (2)
pagrerebelde: dahil sa madalas na pag aaway o problema sa pamilya, lumalayo ang loob
ng bawat isa sa kanilang pamilya na siyang dahilan ng pagrerebelde.

Ang isa pang posibleng maging epekto ay (3) ang paglalayas: dahil na rin sa
kakulangan ng atensyon ng magulang dahil sa mga problemang kinakaharap ng isang
pamilya, pakiramdam ng mga miyembro nito lalo na ang kabataan na walang mawaawal
kung aalis siya sa kanilang tahanan sapagkat iniisip niyang mababawasan ang kanilang
problema dahil kahil kung sa tahanan nila mismo ang pinagmumumlan ng madalas na
problema.

Hindi maiiwasan ang ganitong suliranin sa pamilya. Parte ito ng maraming

pagsubok na susubok sa sa atin bilang isang pamilya, kung kaya't dapat lahat tayong
miyembro nito ay magpakatatag at intindihin ang ounto ng isa't isa nang sa gayon ay
maiwasan ang bangayan na pinagmumulan ng problema sa pamilya(Kassandra, 2017)

Depinisyon ng Termino

Pamilya
- Ang pamilya ang syang gumagabay, nagtuturong mga mabubuting asal,
nagbibigay ng pangangailanganat nagmamahal ng walang kapalit. Pag may
pamilya ka,may inspirasyon ka para umangat ang iyong sarili. At siladin ang
nagiging dahilan ng lahat ng pagpupursige mo sabuhay dahil pati sila, ang
pamilya mo, gusto mo dingiangat sa buhay.(Barnachea,2013)
Anak
- Supling na iniluwal ng ina.
Mentalidad
- Karakter na pag-uugali ng utak o paraan ng pag-iisip ng tao.
Mag-aaral
- Taong nag-aaaral, nag-aaral, mag-aaaral.

METODOLOHIYA
 Sa kabanata na ito ipapahayag ang mga datos ukol sa bilang ng respondanteng
kalahok, instrument na ginamit at pamamaraan sa pagkalap ng datos.

Disenyo ng Pag-aaral

Ang pag-aaral na ito ay gumagamit ng panlarawang pananaliksik. Ang

panlarawang pananaliksik ay nagbibigay-kahulugan tungkol sa isang bagay o paksa at
napapaloob ito ng iba t ibang uri. Ito ay upang mailarawan ang sitwasyon o kondisyon nang
makatotohanan at buong katiyakan. Maraming pang ibang pamamaraan upang makakuha
ng datos ngunit ang mga mananaliksik ay naniniwala na ang napiling disenyo ay angkop
sa kanilang gagawing pagkalap ng impormasyon at makakakuha ang mga mananaliksik ng
iba’t ibang opinyon mula sa mga respondante upang lumawak ang mga kaalaman at mas
mapapadali ang kanilang pagsasagawa.

Kalahok ng pag aaral

Ang bilang ng magsasagot ay 50-100 na mag-aaral na nag mula sa Senior high

school na nabibilang sa track na Humanities and Social Sciences (HUMMS) sa De La Salle
University Dasmarinas. Sila ang napili sa kadahilanang mas bukas ang isipan nila
pagdating sa mga gayong isyu sapagkat sila ay nasa track na humss.

Paraan ng pangangalap ng datos

Ang mga mananaliksik ay magsasagawa ng sarbey bilang instrumento upang

makakuha ng sapat na datos para sa pananaliksik na isinasagawa kung saan dito nakabatay
ang magiging takbo ng sarbey at ang mabubuong nilalaman.

Pagsusuri ng datos

Ang mga mananaliksik ay gumamit ng eksploratoryo at deskriptibong paraan upang

suriin ang mga datos. Napili ito ng mga mananaliksik upang mas mapadaling maintindihan
ang mga detalyadong impormasyon na tinatalakay sa mga resulta ng datos. Magiging
epektibo ang resulta nito dahil mas madaling mauunawan at maoobserbahan ng mga
mananaliksik.
REPERENSIYA:

Odero,K. Problemang Pampamilya: Epekto nito sa mga kabataang miyembro

Nakuha sa :https://kasspaul17.blogspot.com/2017/03/problemang-pampamilya-epekto-
nito-sa.html?m=1

Martinez,V,(2016) Pamilya at ang kanilang mga tungkulin.

Nakuha sa : https://www.slideshare.net/vinezm1/pamilya-66390504

Elon, C. Sobrang iskrikto; Ano ang epekto?

Nakuha sa :https://www.academia.edu/15768378/Sobrang_istrikto_Ano_ang_Epekto

Orosa,R. (2013) Pagdami ng child laborers dahil sa kahirapan, pabayang magulang .

Nakuha sa : https://www.philstar.com/pilipino-star-ngayon/balita-
ngayon/2013/06/13/953539/pagdami-ng-child-laborers-dahil-sa-kahirapan-pabayang-
magulang

IFM 93.9 Manila Team (2017) Ano nga ba ang dahilan ng pagrerebelde ng anak?

Nakuha sa : https://rmn.ph/ano-nga-ba-ang-dahilan-ng-pagrerebelde-ng-anak/

(2009) Ang epekto ng diborsiyon sa mga Tin-edyer

Nakuha sa https://wol.jw.org/tl/wol/d/r27/lp-tg/102009370

Sutherland,A .(2014)How Parental Conflict Hurt Kids

Nakuha sa : https://ifstudies.org/blog/how-parental-conflict-hurts-kids

Nakuha sa :http://www.allresearchjournal.com/archives/2017/vol3issue2/PartG/3-2-106-
798.pdf

(2009) Ang epekto ng diborsiyon sa mga Tin-edyer

Nakuha sa https://wol.jw.org/tl/wol/d/r27/lp-tg/102009370

Kassandra,P(2017) Problemang pampamilya: Epekto nito sa mga kabataang miyembro

Nakuha sa: http://kasspaul17.blogspot.com/2017/03/problemang-pampamilya-epekto-

nito-sa.html?m=1
Barnachea, E(2013)Pamilya

Nakuha sa: https://www.slideshare.net/eleazarbarnachea/pamilya-23425630

Anak

Nakuha sa : https://www.tagalog-dictionary.com/search?word=anak

Mentalidad

Nakuha sa : https://dictionary.cambridge.org/us/dictionary/english/mentality

Mag-aaral

Nakuha sa : https://tagalog.pinoydictionary.com/word/mag-aaral/