MAS MAYAD KUN DAENG BAYAD

Libreng Literary Folio, pigpanaytag nin SurTe

VIRAC, CATANDUANES – Sa panahon ngonian kun saarin gabos na sana igwang katakod na presyo, baga
nakahiling nin riwanag an mga nagtiripon kasu udma sa Catanduanes State University (CSU) Little
Theater para sa book launch nin pinakabag-ong SurTe literary folio.

Nakaresibe an mga nakisumaro sa aktibidad nin E-book version nin “Love in Times of Brownout,”
sa£ong antolohiya nin mga rawit-dawit buda rikas osipon na gasentro sa eksperyensiya buda kamatian
nin mga Catandunganon manungod sa madalas na pag-brownout sa probinsya.

Sa sa£ong urulay, pigpunto ni SurTe Board Chair Adem Nalu V. Rubio na an pagtao nin libreng libro,
sarong paagi tanganing maiharani sa puso nin saiyang mga kahimanwa an sadiling literatura.

“We also wanted to revolutionize our advocacy, making reading more accessible. Moreover, we must
also ride the technology of paperless reading,” sugpon pa ni Rubio.

Naimbitaran magtao nin patara-tara sa okasyon an pastor buda local singer-composer na si G. Genesis
Efondo na midbid sa isla bilang sa£o sa mga tawong gakondena sa maluyang proseso nin pagresolba nin
problema sa kuryente.

Sa saiyang mensahe, pasugot na pigta£am ni Efondo na mas namu£ong na ngonyan an mga

konsumidores pag dae ga-brownout ta iyo na daa ini an sitwasyon na saindang nakatud-an sa halawig
na panahon.

Saiya perong pigtaohan nin duon na an brownout, sa£o man na simbolo nin mas hararom na problema
sa sociodad na pirming pigapun-an nin salang gibo nin mga public servant a£og nin kurapasyon.

“Brownout of all brownouts an ispiritwal na brownout. An tawo padagos na pigahalon nin kadikluman.
Ano an solusyon ta? Daeng iba kundi pagkamoot,” ta£amon ni Efondo na naging aktibong miyembro
man kaito nin PWEE, salong social activist group na pigbuo kan 2014 nganing kontrahon an sistema nin
madalas na rotational brownout sa Catanduanes.

Nganing masulit an oras nin mga nag-atendir sa programa, pigimbitaran man magtugtog an classical
pianist na si G. Dave Templonuevo, an kaidtong CSU Hablon Dawani Director na sa£o mang paratukdo,
pa£asurat buda solidong tagasuporta nin SurTe.

Segun saiya, parehong kaipuhan nin mga pa£asurat buda musikero an “conflict” nganing mataohan nin
kulay buda mas mapagayon pa an saindang mga obra.

Sa£o pang pig-abangan sa programa an ofisyal na pagpamidbid sa 12 fellows na nakalaog Garapuan

Literary Workshop sa maabot na Setyembre 6-7.

Pigsundan pa ini nin pagtao nin honra buda cash prizes sa tolong nangganang jovenes sa HAG-
OTigsikan 2019.

“Dakol pang adbokasiyang popon-an, programang ilunsar buda mga librong iheras an SurTe. Gabos ini
pigagibo nin SurTe dahil sa pagkamoot sa sadiling lenggwahe asin literatura,” ta£amon ni Rubio sa
saiyang mensahe.