1

Sari Rawng Ai Num

Chyum Ga: Sari rawng ai num gaw lungseng hta grau manu dan nga ai (Ga.Sh 31:10). Yehowa hpe hkrit
hkungga ai num chyawm gaw, shakawn gying ai num rai nga ai (Ga Sh 31:30).

Ga Hpaw: Kanu Nhtoi Masat laban nawku hpawng ngu ai gaw, Karai Kasang a man hta shakawn
kungdawn let, chyeju madu chyinghkai kanu ni hpehkungga la ra chyeju dum, shagrau sha-a,tsaw ra myit
madun ai kawku hpawng rai mali ai. Dai nawku hpawng hta, Kanu Num Ni ni hte kashu kasha ni yawng
Chyum laika hta rawng ai shakawn gying ai num hte sari rawng ai num ni a lam hpe jawm hkaja let
makam masham grau kaba jat wa na matu wenyi n gun atsam jawm la ai lam gaw, sut nga mali ai.Lawu
de na lam ni hpe hti sumru yu let n-gun atsam jawm la ga!

I. Sari rawng ai num ngu ai ganing re maka kumla rawng ai num hpe tsun a ta? (Ga Sh 3110-:31).

1. Madau wa kam hpa hkrum ai num (Madu wa a matu kaja ai hkrai tam nga ai) (31:11-12).
2. Dinghku bungli dang ai num (31:13-15).
3. Atsawm sumru chye nna, sut lu nga mai hkra hpajang lu ai num (31:16-19)
4. Matsan mayan ni the kaw si hpang gara ai ni hpe karum chye ai num (31:20).
5. Nta masha ni atsawm bu hpun sumli lu hkra hpajang lu ai num (31:21-22).
6. Madu wa hpe myi man lu dan hkung shangun ai num (31:23).
7. Hpaji ga the n-gaw nwai ai taara tsun chye ai num (31:26).
8. Dinghku masha ni hpe atsawm yu lahku gawn lajang chye ai num (31:27).
9. Kashu kasha ni nang a lu n dai ngu shagrau hkrum ai num (31:28).
10. Nang gaw num ni yawng hta grai kaja n dai ngu, madu wa shagrau hkrum ai num (31:29).
11. Galaw ai amu majaw mare masha ni jawm shagrau hkrum ai num (31:31).
12. Yehowa hpe hkrit hkungga ai num (31:30).

II. Sari Rawng Ai Num gaw, Yehowa hpe hkrit hkungga ai num .Yehowa hpe hkrit hkungga ai num a
ahkyak dik ai kumla gaw, makam Hkringhtwng jaw ai lam re. Chyum laika hta rawng ai masa lam ni hpe
hkaja yu ga yang, lawu na hte maren ahkyak dik kumla 4 hpe mu lu ga ai.

1. Makam kri dung ai kanu . (Dinghku kata pyaw tim yak tim, Karai mungga hta manoi nna Chyoi pra ai
Wenyi a lam woi ai hpe tam let Karai Kasang hpe kam sham ai lam hta lam shagu hpe awng dang tawt lai
lu hkra woi awn ai).
2. Tsawra myit a ningja madun ai kanu. {Ngai gaw mangai nu pawn ai, sharu tim mung shi tsaw ai. Ngai
gaw put pai Nu hpe hkrai, shalu tim mung shit saw ai. Madoi chyu dai ngu chyu ai, kawa tim mung shi
tsaw ai.
3. Lit la bau maka ai kanu.{Tingyeng shagawm nna (1) dinghku num/kanu tai ai.(2) hkum gawng li hkam
nna hkritung ma hpe lit la bau maka ai.(3) Asak dan, machyi jam jau hkam let sha ngai shaprat ai.(4)Jam
jau lai wa sai, hki ba lai wa sai rai tim, ma myi man yu let kabu hkanum lu, kabu myi pwi pru hkra tsaw ra
let bau maka ai (5) nyep myi prwi salu salat hte ma hpe makawp maga let shawng lam kaja gin shalat ya
ai. (6) Karai a man, masha a man man pa ai hkra makam hkringhtawng jaw, sharin shaga lam woi, kasi
 2

madun bau maka ai, etc.

4. Prat a shawng lam shingran lu la hkra woi awn ai kanu.{Karai jaw hpaji byeng-ya hpe hkam la lu let,
Karai a hpung shingkang tut nawng shadan shadawn lu hkra – makam nli, myit ningja nli, hpaji byeng-ya
nli,atsam dat chye ai nli, sam nang maka kap chye ai nli, tinggyeng shagawm kau let Karai Kasang a
mungdan a matu, manang wa a matu, amyu a matu, shawa a matu daw jau chye ai nli gat hkai bang ya ai
kanu}.

Ndai lahta na lachyum ni hpe grau chye na lu na matu, lawu na ga shagawp a lachyum hte chye
na la mai nga ai. Nye Nu shagawp da ai ga shagawp re.

Nu A Chyeju Shingran

*N-goi goiwat Nu a prat, nrau nhtau ma hpe shalat.

Ma gaw hkrap wa, chyu gaw jaw ra.
Bungli gaw law, masha gaw n saw.
Hki si ba si, Nu chyu kri.

* Ma gaw put pai, Nu hpe dingbai.

Ma gaw sharu, Nu gaw myit pu.
Jit hkyi mazang shi njin, ma hpe tsawra ai tut dinggrin.

* Dinghku kata Nu grai ba,

Raitim ma hpe shi tsaw nga.
Bu na hpun na, Nu chywi ya,
shat lu sha mung shi byeng ya.

* prat ram ten hta lam n dam hkra,

Nawku jawng de shi sa sa.
Mungga ndat ngai hkam la,
Myitsu ai ma ngai tai wa.

* Asak ram jang jawng sa bang,

Hpaji n chye na shi grai tsang.
Hpaji chyejang myi man pa,
Nu a kasha arawng lu na.

* Nu a chyeju kaba la,

Kyu htang tim pyi nhtum sa.
Ngai hpe tsaw ai chyinghkai Nu,
Galoi mung dum shingran mu,
Kyu htang timung n htum lu.

Shagawp ai: Saram Maraw Kai Raw.

 3

Ga Hpungdim: Kanu num ni hpe Karai Kasang lak san jaw da ai chyeju gaw, Karai Kasang a myit masa
ningja hpe hpaw shadan shaleng dan lu ai lam re. Hpan shalat shangai shaprat ai, Sari sadang rwng ai,
shakut shaja ai, hkam sharang ai, mara raw dat ya ai, nhtum nwai tsaw ra myit rawng ai lam ni hku Karai
a nsam hpe kum la shaleng dan lu ai kanu ni rai ma ai. Shangai chying hkai ai chyeju, bau maka ai chyeju,
prat a shawng lam shingran kaja lu la hkra woi awn gaw gap ya ai chye ju, kyu hpyi shaman ya nga ai
chyeju ni hpe myit dum let kanu ni hpe tsaw ra hkungga shagrau shaa nga ga law.

Rev. Dr. Lahpai Awng Li.