Professional Documents
Culture Documents
UNIVERSITY OF ANTIQUE
Sibalom, Antique
COLLEGE OF TEACHER EDUCATION
coted@antiquespride.edu.ph
SULYAP SA NAKARAAN
Nagbunyi at nagdiwang ang mga Pilipino nang matapos ang digmaan noong
1945. Ang matagal na inaasam na pagkahango sa kalupitan ng mga Hapones ay natupad
na rin. Ang iniwang kapinsalaan sa buong kapuluan, tulad ng mga nawasak na gusali,
mga paaralan, tulay, lansangang-bayan ay nangangailangan ng pagsasaayos. Ang
pagbabagong tatag sa napinsalang kabuhayan ay naging panibagong suliranin sa mga
Pilipino. Naging suliranin din ang mga pinaghihinalaang may mga kilalang tao, na ang iba
ay may katungkulan pa, na nakipagsabwatan o nakipagtulungan sa mga Hapones sa
panahon ng pananakop. Sinasabing sa mga nagsipagtaksil na ito may ilang kilalang
pinatunayang hindi kolaboretor, at ang pakikisamang ginawa nila sa mga Hapones ay
sinadya nila upang maging daan din sa pagtulong sa mga Pilipino.
Ang Pilipinas naman ay tinulungan sa panahong ito ng Estados Unidos, sa
pamamagitan ng mga pagkain, mga pangunahing kagamitan, at ilang milyong dolyar
upang makabangon kahit paano sa bumagsak na kabuhayan. May mga nagsagawa ng
kahilingan na pasukan ng pagbabago ang Saligang-Batas ng Pilipinas, na binibigyang-
karapatan ang mga mamamayang Amerikano sa ating mga likas na kayamanan (parity
rights). Walang nagawa ang mahigpit na pagtutol ni Claro M. Recto at Jose P. Laurel,
sapagkat ang mamamayan ay sumang-ayon na rin dahilan sa mahigpit na
pangangailangan ng naghihirap na bansa.
Ang kalayaan ng mga Pilipino ay ipinagkaloob sa bisa ng Batas Tydings-McDuffie
noong Hulyo 4, 1946, ngunit masasabing walang ganap na kalayaan dahil sa kahirapan
ng bayan, at kakulangan ng wastong pagpaplano para sa pagpapanibagong tatag ng
bansa.
PANITIKAN
Sa pagbabalik ng mga Amerikano ay masasabing nabigyan lalo ng pagpapahalaga
ang wikang Ingles. Sa pangunguna ng Estados Unidos sa mga kaunlarang pambansa, ay
nanguna rin ang kanilang wika na itinuring nang wikang pandaigdig. Nagkaroon ng
wikang opisyal- Tagalog, Ingles, at Kastila, at ito ay nang matamo ang republika noong
taong 1946.
VAA-FM-021 Rev.1/03-05-20
Republic of the Philippines
UNIVERSITY OF ANTIQUE
Sibalom, Antique
Ang naging kalagayan ng panulatang Tagalog sa panahong ito ay tulad din noong
bago magkadigmaan. Ang pagkabuhay at pagkamatay ng mga akdang Tagalog ay
nakasalalay sa mga mambabasa. Ang karamihang tumangkilik sa babasahing Tagalog ay
yaong mga hindi nakapag-aral o nakatapos ng pag-aaral. ang mga nagsipag-aral ay hindi
nagkahilig sa pagbabasa nito. Kaya’t noong Liberasyon (1945) hanggang pagsapit ng
1950, nawala’t lumitaw ang mga babasahing Tagalog gaya ng Sinagtala, Malaya, at
Kayumanggi, sa ilalim ng pamamatnugot nina Clodualdo del Mundo, Teodoro Agoncillo,
at Alejandro Abadilla. Ang Ang Maikling Kuwentong Tagalog 1886-1948 (1949) na
pinamatnugutan ni Teodoro Agoncillo ay nabilang mga akdang may uri na kinagiliwan ng
marami.
Taong 1946 nang sumigla ang Panitikang Filipino, sapagkat bawat manunulat ay
nagnais ba makasama ang kanilang akda sa mga katipunan ng mga piling-akda na nang
panahong ito ay nagkasunod-sunod ang mga aklat-katipunan na naglalaman ng mga
maituturing na may uring katha.
Nakilala rin ang mga aklat-pampaaralan ni Juan C. Laya na Diwang Kayumanggi at
Diwang Ginto ni Brigido Batungbakal. Dahilan sa mga pinasimulang ito, unti-unting
nakilala sa mga paaralan ang kahalagahan ng mga akdang nagpapalawak sa kaisipan at
pananaw ng mga kabataangmag-aaral, kaugnay ng layuning pagbibigay-halaga sa
panitikang Filipino.
Ang mga sumusunod na akda mula sa kalipunan ng mga akda ni Alejandro G.
Abadilla (1948): Silakbo ni Marcial I. Aguila; Siya sa Ibabaw ngDaigdig ni Brigido C.
Batungbakal; Maganda ang Ninang Ko at Sining Din ng Buhay ni Liwayway Arceo;
Nupling ang Isang Munting Halaman ni Pedro S. Dandan; Kalansay ni Genoveva Edroza
Matute, at marami pang iba.
Mula naman sa kalipunan ng Ang Maikling Kuwentong Tagalog 1886-1948 ni
Teodoro Agoncillo (1949) ay ang sumusunod: Noche Buena ni Genoveva Edroza Matute;
Ako’y Mayroong Ibon ni Deogracias Rosario; Walong Taong Gulang ni Genoveva Edrosa
Matute; Bakya ni Hernando R. Ocampo, at Pusa Sa Aking Hapag ni Jesus A. Arceo.
Sina Abadilla, F.B. Sebastian, at A.D.G. Mariano (1954) ay ilan sa mga nanguna sa
larangan ng maikling kathang Tagalog, gayundin ang mga sumusunod: Aloha ni
Deogracias Rosario; Kasalan sa Nayon ni Eleuterio P. Fajas; Bungan g Kasalanan ni Cirio
H. Panganiban; Ang Lupang Tinubuan ni Narciso G. Reyes; at Ang Langit ni Ka Martin ni
Macario G. Pineda.
Masasabing si Genoveva Edroza (1952) ang nagbigay ng pasimula sa ibang
kamanunulat sa pagbuo ng aklat na katatagpuan ng mga piling sariling akda. Ang aklat ni
VAA-FM-021 Rev.1/03-05-20
Republic of the Philippines
UNIVERSITY OF ANTIQUE
Sibalom, Antique
Edroza ang kauna-unahang katipunan ng akda sa Filipino. ang ilan sa mga kuwento niya
ay ang sumusunod: Sariwa Pa Ang Alaala, Walong Taong Gulang, atAt Lumaki si Ben.
MGA SAMAHANG PAMPANITIKAN NA ITINATAG
o TANIW – Taliba ng Inang Wika
o KADIPAN – Kapisanan ng Diwa at Panitik
o KAMPI – Kapisanan ng mga Mandudulang Pilipino
o Panitik ng mga Kababaihang Manunulat
o Samahang Balagtas
o PANITIKAN – ito ay samahang pampanitikan sa iba’t ibang pamantasan at
kolehiyo
VAA-FM-021 Rev.1/03-05-20
Republic of the Philippines
UNIVERSITY OF ANTIQUE
Sibalom, Antique
5. Amado V. Hernandez – “Isang Dipang Langit” humalili kay Jose Corazon de Jesus
bilang pangunahing makata sa Tagalog. Siya ay nagkamit ng Republic Cultural
Award. Ang tulang ito ay nagtataglay ng diwang mapanghimagsik na kanyang
sinulat sa loob ng bartolina ng Muntinlupa noong Abril 22, 1952. Nabilanggo sya
dahil sa bintang na isa syang komunista dahil sa pagtatanggol nya sa mga dukha
at manggagawa.
6. Bienvenido A. Ramos – “Maynila” nagkamit ng Unang Karangalan sa Taunang
Timpalak ng Talaang Ginto noong 1963, sa tulang ito ipinakita ng makata ang
dalawang mukha ng lungsod ng Maynila: ang pangit at magandang mukha nito.
Ngunit higit na binigyang diin ng makata ang pangit na mukha ng lungsod dahil
sa likod ng lahat ng kariktan at kasaganaan nito ay naroon ang lahat ng uri ng
kasamaan, karahasan, katiwalian at pagkukunwari.
VAA-FM-021 Rev.1/03-05-20
Republic of the Philippines
UNIVERSITY OF ANTIQUE
Sibalom, Antique
VAA-FM-021 Rev.1/03-05-20
Republic of the Philippines
UNIVERSITY OF ANTIQUE
Sibalom, Antique
VAA-FM-021 Rev.1/03-05-20
Republic of the Philippines
UNIVERSITY OF ANTIQUE
Sibalom, Antique
VAA-FM-021 Rev.1/03-05-20
Republic of the Philippines
UNIVERSITY OF ANTIQUE
Sibalom, Antique
1965-1966
1. Bilanggo- Wilfredo Virtusio
2. Ang Anino ng Kanyang Amo- Pedro S. Dandan
3. Ang Dalaw- Jemias Vista Lamienta
1966-1967
1. Ang Kamatayan ni Tiyo Samuel- Efren Reyes Abueg
2. Talulot sa Pagas na Lupa- Leoning G. Landicho
3. Masaya ang mga Alitaptap
1967-1968
1. Anay- Epifanio San Juan, Jr.
2. Si Boy Nicolas- Pedro Ricarte
3. Himagsik ni Emmanuel Lazaro- Domingo Landicho
1968-1969
1. Huwag, Huwag Mong Kukuwentuhan ang Batang si Wie Fung- Ricardo Lee
2. Mariang Makiling- Eli Ang Barrozo
3. Elias at Salome- Domingo Landicho
1969-1970
1. Servando Magdamag- Ricardo Lee
2. (Walang Nagkamit)
3. Mga Bangkay sa Dalampasigan ng mga Uwak- Dominador Mirasol
1970-1971
1. Ipis sa Guhong Templo- Edgar Maranan
2. Isang Gabi sa Buhay ni Juan Lazaro- Jose Rey Monsayac
3. Maria, Ang Iyong Anak- Wilfredo P. Virtusio
Inihanda ni:
VAA-FM-021 Rev.1/03-05-20
Republic of the Philippines
UNIVERSITY OF ANTIQUE
Sibalom, Antique
PAGSUBOK SA KAALAMAN
I. Panuto: Bigyan ng buong diwa ang mga pangungusap sa pamamagitan ng
pagdaragdag ng mga kinakailangang salita sa mga inilaang patlang.
1. Nagbunyi ang mga Pilipino matapos ang digmaan noong _______________
2. Ang pagbabagong tatag sa napinsalang ________________ ay muling paghahandaan
nang matagal na panahon.
3. Ang mga pinaghihinalaang nilang mga Pilipinong nakipagsabwatan sa mga Hapon ay
tianatawag nilang ______________________.
4. Ang Pilipinas ay tinulungan ng _____________________________ sa pamamagitan ng
mga pagkain,
5. pangunahing kagamitan at ilang ________________________ dolyar bilang
6. pasimula sa _______________________________ na kabuhayan.
7. May mga nanguna na pasukan ng pagbabago ang ____________ batas ng
8. Pilipinas, na binibigyang-karapatan ang mamamayang _____________________
9. sa ating mga ______________________ na yaman.
10. mahigpit na tinutulan nina ________________________________ at
__________________________ ngunit walang nangyari.
11. Ang _____________________ay sumang-ayon, dahil nasa mahigpit na
pangangailangan ang ating bayan.
12. Ang kalayaan ng mga Pilipino ay ipinagkaloob sa bisa ng batas
_______________________________
13. noong _________________________, ngunit masasabing hindi
14. ganap ang kalayaan dahil sa __________________ng bayan at kakulangan ng
wastong 15. _________
VAA-FM-021 Rev.1/03-05-20
Republic of the Philippines
UNIVERSITY OF ANTIQUE
Sibalom, Antique
II. Panuto: Magsaliksik ng isang halimbawang tula at isang maikling kuwento mula sa
mga nagwagi ng gantimpalang Palanca. At gumawa ng simpleng pagsusuring
pampanitikan sa sinaliksik na tula at maikling kuwento.
Inihanda ni:
VAA-FM-021 Rev.1/03-05-20