BANGHAY ARALIN SA FILIPINO SA PILING LARANG—TECH-VOC

PAMANTAYANG PANGNILALAMAN:

 Natutukoy ang kahulugan at kalikasan ng pagsulat ng iba’t ibang anyo ng sulatin

PAMANTAYAN SA PAGGANAP:

 Nasusuri ang kahulugan at kalikasan ng pagsulat ng iba’t ibang anyo ng sulatin

MGA KASANAYANG PAMPAGKATUTO:

 Naililista ang mga katawagang teknikal kaugnay ng piniling anyo (CS_FTV11/12PT-

0G-I-94)
 Naisa-isa ang mga hakbang sa pagsasagawa ng mga binasang halimbawang sulating
teknikal-bokasyunal (CS_FFTV11/12PB-0g-i-106)
 Naisasaalang-alang ang etika sa binubuong teknikal-bokasyunal na sulatin
(CS_FTV11/12PU-0m-o-99)
 Nakasusulat ng sulating batay sa maingat, wasto at angkop na paggamit ng wika
(CS_FTV11/12WG-0m-o-95)

I. LAYUNIN:
 Natutukoy ang mga terminolohiyang teknikal sa pagsulat ng manwal
 Naiisa-isa ang mga hakbang sa pagsulat ng manwal
 Naisasaalang-alang ang mga etika sa pagsulat ng manwal
 Nakabubuo ng sariling manwal batay sa maingat, wasto at angkop na paggamit ng wika

II. PAKSANG-ARALIN: Pagsulat ng Manwal

 SANGGUNIAN:
  Villanueva,V. & Bandril, L. (2016). Filipino sa Piling Larangan
(Isports at Teknikal-Bokasyonal).Vibal Group Inc. Quezon City,
Philippines.
 Batnag, A. et al. (2017). Filipino sa Piling Larangan (Tech-Voc). Rex
Printing Company, Inc. Sta Mesa Heights, Quezon City.

 KAGAMITAN: LCD Projector, Laptop, kagamitang biswal at tsok

III. PAMAMARAAN:
A. PANIMULANG GAWAIN
 Panalangin na pangungunahan ng isang mag-aaral na sa kanyang pangalan ay
may letrang A at O.
 N-E-W-S na pagtatala sa mga lumiban sa klase.
 Pagsasaayos ng mga ‘di organisadong upuan gayundin sa pagpulot sa mga kalat.
B. PAGGANYAK
Unang Sesyon:
 Pagpapanggap ng guro na may natanggap na regalo mula sa isang hindi kilalang
tao.
 Bubuksan ng isa sa mga mag-aaral ang regalo, makikita rito ang isang kurtina at
isang sobre na may manwal. Nilalaman ng manwal ang mga panuntunan sa
paglalaro ng KURTINA NG IDENTIDAD.
 Ipapangkat ang klase sa apat.
 Bibigyan ng limang minuto ang bawat pangkat upang isaulo ang unang
pangalan ng kanilang katunggali.
 Pagkatapos ng oras, lalaruin na ang Kurtina ng Identidad.
 Mayroong kurtinang hawak ng dalawang mag-aaral ang papagitan sa
dalawang pangkat.
 Sa loob ng sampung segundo magpapadala ng isang kinatawan ang bawat
pangkat na lalapit sa kurtina.
  Sa pagtatapos ng oras, biglaang ibaba ng may hawak ang kurtina at sabay
maghuhulaan ng unang pangalan ang dalawang kinatawan.
 Sampung rounds lamang ang laro, kung sino ang mas maraming natukoy
na tamang pangalan ang siyang tatanghaling panalo.

Ikalawang Sesyon:

 Isang sobre na naglalaman ng manwal at sa loob nito’y may pahayag na SINO

AKO?
 Kinapapalooban ng mga gawain ang loob ng manwal. Nilalaman nito ang mga
panuntunan sa paglalaro sa larong SINO AKO?
 Panuntunan:
 Buong klase ang kabilang sa laro.
 Babanggit ang guro ng mga pangalan na nasa loob ng klase.
 Sa hulihan, ay magtatanong ang guro kung sino ang panghuling nabanggit.
 Tutukuyin ng kahit na sino sa klase kung sino ang kasagutan kung sino
ang panghuling nabanggit?
 Masasagot kung sino ang panghuling nabanggit na pangalan.