Professional Documents
Culture Documents
Mga Ugat NG Maikling Kuwento
Mga Ugat NG Maikling Kuwento
kuwento
Mga Miyembro:
Abdulrahman, Aslia
Adam, Fermon
Mudsamil, Norol – Amin
Rellin, Thalia
Sunio, Ian Jay
Maikling Kuwento
Ito ay isang uri ng panitikan na bunga ng isang maikling guni-guni ng may-akda. Ito ay
maaring likhang isip lamang o batay sa sariling karanasan na nag-iiwan ng isang
kakintalan sa isipan ng bumabasa o nakikinig. Ang mga kawil ng pangyayari ay maingat
na inihanay batay sa pagkasunod-sunod nito.
KUWENTONG BAYAN
Ang kuwentong bayan ay mga salaysay hinggil sa mga likhang-isip na mga tauhan na
kumakatawan sa mga uri ng mamamayan, katulad ng matandang hari, isang marunong
na lalaki, o kaya sa isang hangal na babae. Karaniwang kaugnay ang kwentong-bayan
ng isang tiyak na pook o rehiyon ng isang bansa o lupain. Kaugnay nito ang alamat at
mga mito.
Mga Halimbawa:
Si Wigan at Ma-I
Maria Makiling
Mariang Sinukuan
PARABULA
Ay isang uri ng maikling kuwento na ang karaniwang gumaganap ay mga tao, Ito ay
naglalarawan ng katutohan o tunay na nangyayari sa ating buhay. Ang parabula ay tulad
din ng pabula na kinapapalooban ng aral.
Kalimitang hango ito sa bibliya.
Mga Halimbawa:
Ang Mabuting Samaritano
Ang Publikano at ang Pariseo
Ang Lagalag na Anak
PABULA
Ito ay mga maikling kuwento na ang mga tauhan ay mga hayop kung saan ay
napupulutan din ng mga magagandang aral ng mga mambabasa.
Ang kwentong bayan ay ang mga kwentong galing sa ating bayan. Ito ay mga kwentong
napasalin-salin sa iba't ibang tao na napapatungkol sa kwento ng ating bayan. Galing pa
ito sa mga nakakatanda hanggang napasalin sa mga henerasyon. Lahat ng bansa ay
may sariling kwentong bayan.
Mga Halimbawa:
Bakit Dala-Dala ni Pagong ang Kanyang Bahay
Bakit Laging Nag-Aaway ang Aso, Pusa At Daga
Ang Lobo at ang Ubas
ANEKDOTA
Ito ay maikling kuwento ng isang nakakawiling insidente sa buhay ng isang tao.
Ang isang anekdota ay isang maikling akda. Bunga nito, dapat pagsikapan na ang mga
pangungusap lalung-lalo na ang pambungad na pangungusap ay maging
kapanapanabik. Ang isang magandang simula ay magbibigay ng pagganyak sa mga
mambabasa at mahihilig upang ipagpatuloy ang kanilang pagbasa ng anekdota.
Mga Halimbawa:
Ang nalaglag sa ilog na tsinelas ni Jose Rizal
Ang labis na pagkakuripot at pagkaseloso ni Valeriano Hernandez Peña
Ang pagkakaibigan-pag-aagawan nina Jose Corazon de Jesus at Florantino T. Collantes
sa pagiging makata.
Ang Maikling Katha at mga Kapisanang Pampanitikan Bago Magkadigma
Ang karaniwang kuwento ay binuo ng mga dagli at “maiikling salaysay”. Unang lumabas
sa Muling Pagsilang, dahong Tagalog ng pahayagang El Renacimiento (1902) ang
maiikling salaysay sa pangunguna ni Lope K. Santos, tulad ng “Si Rosa at Rogelio at
“Ang Anak at Magulang”
Masasabing lalong umunlad ang naturang uri ng akda. Marami sa mga kasapi sa
Kapisanang “Aklatang Bayan” na namayani nang panahong yaon ang nakapaglathala
ng kanilanmg mga akda sa mga nasabing pahayagan.
Kabilang sa mga katangian ng dagli ang hayagang pangangaral, panunuligsa, ang
pasapyaw na paglalarawang-katauhan o kawalan nito katulad ng sketch ng mga
Americano at ang kawalan ng isang kakintalan.
Halimbawa:
“Sumpain Nawa ang Ngiping Ginrto” ni Lope K. Santos
“Yumuyuko ang Capalaluan” ni Valeriano Hernandez Peña
“Ang Sugal” ni Pedro R. Antonio
Kabilang din sa mga nagsisulat noon sina Carlos Ronquillo, Iñigo Ed. Regalado, Pascual
Poblete at Julian Cruz Balmaseda
Sinasabi ring marami sa mga akda noon ang “pasingaw” o paghatid ng paghanga o pag-
ibig ng mga manunulat sa kanilang nilalangit.
Utang ng “panitikan ang taguring “sakdalista at aristokrata ng panitikang tagalog” – itinulad ang
“panitikan” sa mga kasapi ng sakdal na nagbangon laban sa pamahalaan noong 1935.
-Salvador R. Barros
Panahon ng “panitikan” (1935-1941) tinawag na “bagyong gumuho sa kastilyong moog ng
lumang institusyon”.
-Alejandro G. Abadilla
Sa unang panayam, ang kilalang-kilala noong “Banaag at Sikat” ni Lope K. Santos ay
propaganda at hindi likhang sining.
-Teodoro A. Agoncillo
Ang sumunod na panayam na tumuligsa at nagpautang ng maanghang na salita laban sa noo’y
pangulo ng “ilaw at panitik” at patnugot parin ng “Liwayway”, Jose Esperanza Cruz.
-Gregorio N. Garcia
Nagsunod-sunod na sa mga babasahin ang pakikipaglaban ni Florencio N. Garcia (sagisag:
Labuyo) kina Guadalupe Estrada, Aurelio Alvero, Fausto J. Galawan, Pedro Reyes Villanueva,
Marcelo P. Garcia at Maximo N. Sevilla