Fayya caddoh kutbe 2017

Culma
Ta barittol sin barisuwaam, kutbê gex-gexsit maca ceelamaa, kutbê rakiibo abnisiyyaa, kutbeytá
xisiyya kee gaaxisiyya kee baxaabaxsa le kutbeytâ qaynoota xalsaanam. Taa lafa le ammuntittey
tiya tiyah tiyantih addal nablu wayna, issi qunxa ammuntitte tabbixeeh, too ammuntittel walal
baaxisak, farakkisak bartenno. A baritto migaq teetik akah yascassennah, aninnaanim kutbet
axaw kak tanim kinnim naaxigeemi. Too waqdi, kutbe gex-gexsit leeh, too gexsitik adda gexak
maxxat le maasayya hinnaay kutbeytá xisaanama.

Cabib Macammad 1
 Fayya caddoh kutbe 2017

1hayto Tiyantu
1. Kutbê gex-gexsit
Kubtê gex-gexsit. Meqe kutbe gex-gexsitik qemmissa; Tohuhuuy, akkal siinih warisu waam
mabla mannal geytaanam kee ittat ken gaaxisak warkattal elle daffessan inna kinni. Faxennaanim
atkubiyya: qemmô kutbe, kutbe, sekkaacisiyy, kee aysatal kiryaati.

1.1. Qemmô kutbe

Qemmô kutbeh gex-gexsit yascassem, tatkabu abta gulgulu. Qemmô kutbek ux maqna, elle
tatkubenna kee tatkubem faxxaamih ekraarisso.

1.1.1. Qemmô kutbek maaqattooti

Maaqatta 1: Mabulitte kee xaagitte gaaboyso

Kawsiyya (baxsa le ugdubay baaha, amô ladi rakiibo kee fokkaaqo)

Walala (butta kee esserik gacsa)
Numtiinô mabla/
“Journal” atkubiyya
Rorsa abiyya
Miicitte massoyse
Kulli ayroh abak raag/ixxiga (tablem, taabbem kee abtam)

Maaqatta 2: Ammunta geyiyya

Kawisak, walalisak, ankacisak, ilaalisak, kee ascubak yakku xiqa caagit geyteek wadih,
koh bica le ammunta door. Balkih madqime ammunta tankisem faxximta.
Balkih fayxil faxinnaanim doortaamih curri lito. Ammunta muggaaqis.

Maaqatta 3: Caagid uyxuu

 Amô ladi ammunta doortek wadih, tatkabuh ekraarisse warkatti masul gexuh caagid
cib/uyxuux.
 Ceelalloh, Qaada Qafár qaada Qafár koqso, tanna ammunta amô
beyak elle cibnu xiqnam.

Cabib Macammad 2
 Fayya caddoh kutbe 2017

Maaqatta 4: Hadaf baxsiyya

Qunxaaneyti meqe qunxâ mariino kaatat macah isinnik baysan, macah akim maaban intam
tascube koo.

? Toohimil tatkabu waytaamal tirgiqeh innay, naharuuk, issi kutbeh xalootu, maca
tagdubem qaagittaamal irgiq.
? Gersi mari yakcanu waamih akkalal xaagu dubuh gabbaqtaama innaa faxxam?
? Aydobba geytuh taqabi mekeelissam qaagitta inna?
? Rakaakay doolat taqabbih calli yace gideh qeegissam innaa faxxam?
? Gersi wakti tatrusiyyih gurritte tascasseemih fayxi lito inna?
? Gaat yakmeenim qunxaaneytal baahu duuda gidbaabina takkaawissam inna faxxam?
? Aki qangar, macah tatkubem faxxaamal irgiq.
? Macay hadaf kok? Maxcâ maafot daffes.

Maaqatta 5: Garrisâ mekeelisiyya

Ceelalloh, qunxaaneyti qunxa mariino kaatat isinnik bayissamal wagsiisak tutkubek,

rakaakay doodalitih saqoltih, qunxaaneytah, xaagu qawah, wonna hinnay xaltanih
atkuettooy.
Ku garrisa ku kutbe (qangor, maxcâ maafô xisne, madabiino, mesenkeca fayxi,
massoyna, kee xayyow maknay) wagsissaamal maggo addattinoona baxissa.
Qaadiy marah tutkube koo tekkek, qaadik yan qangoorut xooqaysim.

Maaqatta 6: Ammuntaa kee “Thesis” maxcâ maafo atkubiyya

Tawayiiy ammunta wonna hinnay thesis maxcâ maafo tatkabuhbictam faxximta.

Atu issi hadaf taaxigeh, issi garrisa ceddeh/tifhimeh, hay ta temeexege garrisa luk isinni
hadaf araktuh maca axcetto?
Ku ammunta baxxaqissa maxcâ maafo utkub. Too maxcâ maafo, maasayyah ammunti
maxcâ maafol muggaqsima. Maggo maasayyooyi le warakttahaay, “thesis” maxcâ maafo
xiqsitta.

Cabib Macammad 3
 Fayya caddoh kutbe 2017

Maaqatta 7: Uwwayti massoosiyya

------------------------------------------------------------
------------------------------------------------------------
------------------------------------------------------------
------------------------------------------------------------
------------------------------------------------------------
---------------------------------------------------
---------------------------------------------------
---------------------------------------------------
---------------------------------------------------
---------------------------------------------------

Ellê barittoh abbinoosiyya

Naharsi kutbeh maaqattootit mannal xayyowaanam barittte awwalook.

1. Ammunta/caagit wagsiisak cubbut uscub.

Ceelallo: ________________________________________________
2. Caagit dagoo ammuntittê fan uyxuux/cib.
Ceelallo: ________________________________________________
3. Ammuntittek inkittu door. Maca tatkubem taaxigem ismit. Tonnaah, ammunti kawseynit
fayxi akkelem ismit.
Ceelallo: ________________________________________________
4. Ku ammuntat axaw le addattinoonak tu rooris.
Ceelallo: ________________________________________________
5. Tasgoorowem faxxa kaxxam muxxi le addattino door. Is kawseyniitih kaxxu lem kee
keenit meqem faxximta.
Ceelallo: ___________________________________________________
6. Ta addattinol qegitak “thesis maxcâ maafo” utkub. Isinni kutbeytak masu/giddâ kiinu
waadissuh, thesis maxcâ maafot lowsissa mabla edde hayis.
Ceelallo: ____________________________________________________
7. Isinni kutbek madmoomi/hadafitte baxis.
Ceelallo: ____________________________________________________
8. Ku garrisa miyyi yakkem bictaa?
Ceelallo: ____________________________________________________
9. Kutbeytá fiirissam duddaa?

Cabib Macammad 4
 Fayya caddoh kutbe 2017

2hayto Tiyantu
2. Kutbê rakiibooba bartiyya
2.1. Lafa le mabla baxxaqisiyya
Nuhuruuk, kawsiyyi meeditih ammunta kee lafa le mablâ fanat yan baxsa taaxigeenim nabam
aysuk raqta. Meexiyyî ammunti iyyaanam yani caagidi, wagsissah tanim. Is maggo mangom
edde baxxaqsimtam qangara wonna hinnay muduqqa.

Ceelallo wagtnek, Yallih yaabak ammunti: Qhurʹaan. Lafa le mabla takku waytam, orbise
ammunta wagsiisak iyyeemi, duudin maxcâ maafo. Qhurʹaan Yalli (Subcaanahu Wataqaala)
sehdayti baxah mascassa kee wiida yakke gide rube Kay Yaabaay, taturtemeemiy,
taniimiy, takku waytam elle baxxaqiseh yan Issi Farmoytal (Mucammad (S.Q.W)) wacyih
oobise kinni.

1. Sigaara qeerisaanam sehdayti qaafitah kaxxam katarak tanim yisitileenih sugeenim

takkay immay, wuxî fan maggo mari baxaabaxsa le sababitteh qeerisak geytiman.
Qunxaaneytah, qeerisaanam maggih manub/labbow kee cagliino awlissá. Maggo mari
tonnaah, ceyna sinnik daggoysoonuh qeerisan. Tohut ossotinah, madabah qeerisa mari,
mesenkeca kee xagarah sigaarah addat geytima “nicotine” xiqsita” kaxxam katarak yan
leelinih kaaribit yibbexsimen.

Ammunta:

A. Qaafiyat C. Kaarib

B. Qeerisiyya D. Nicotine

Lafa le mabla:

A. Sigaara qeerisaanam sehdaytî qaafitah kaxxam katarak tanim maggo gitittel yisitileenih.

B. Madabah Qeerisa mari “nicotine kaarible yekke.

C. Qeerisiyyi katarak yaniway, sinam baxaabaxsa le sababitteh qeerisaanamat gexak raaqen.

D. “Nicotine” iyyaanam qeerisa mesenkeca kee xagar inkih suuynit edde yekken leelini.

Gidah yan raddi geyteenii?

 Ammunti b: Qeerisiyya.
 Lafa le mabla c: Qeerisiyyi katarak yaniway, sinam baxaabaxsa le sababitteh

Cabib Macammad 5
 Fayya caddoh kutbe 2017

qeerisaanamat gexak raaqen.

Meexiyyî ammunta baxisseek wadih, lafa le mabla geytuh gitat tan. Kawsî meexiyya elle
takriyeemil, lafa le mablah maxca kee qokol addattinoonâ fan baxissaanam faxximta. Macay
baxsi keenik?

Addattinoona, lafa le mablal baxxaqissa, tascasse, baaxissa. Addattinoona tii oyti xaboona. Lafa
le mablah amxcooci amô beya kee nabam fidni.

Qemmisnak afal, kulli qangarak dagoo adda faknu abnu wayna.

 Lafa le mablah maxca maasayyah addal, ammuntî maxcâ maafol muggaqsima.

 Lafa le mablh maxca kutbeytah addal “thesis” wonna hinnay thesis maxcal muggaqsima.
 Feerayso-wagih addal, lafa le mabla tascassem cundubuh yan caagid.
Lafa le mablah wagteh meqe meqe arac mankeey?

Maasayyal, lafa le mablah ummaan edde tamaatem qemmo kinni

Ammuntî maxcâ maafo qemmot le maasayyâ ceelallo tah teeti.

Qafar abta saloot kalti saymaral kaxxa taqabi kataasa. Ammuntî maxcâ maafo

Enekiik, Diini elle amrise inna hinnay cixxa kee niyyoysiyya

edde abanam amakkaquk, fiddimil naba taqbi keenit boodam

kee xalaay tonnaah gidbaabi ken yaafem. Nammay haak, baarra

issi baqal nafsiyya le gammuk ruffa kaa heewaytaamik amakkaquk, Qokol addattinoona

baqala kee baarra faxxiima kacanu fanat keenik woo gide akke

waama. Ossotinah kaadu, diini elle idnisennaak iroh firqawni

abeet kinni abbinoosaanam (Cabib M, 2009).

Cabib Macammad 6
 Fayya caddoh kutbe 2017

Ammuntî maxca maafo

Qokol addattino

Qokol addattino

Qokol addattino

Takka immay, ammuntî maxcâ maafo, maasayyak naharsi maxcâ maafo hinna kulli waqdi. Inki
inki adda fanat tamaatem takkeh. Ceelallo:

Sissin maritteeta sissin xiqtoota lon intaamal taamine Tengele Agatitteh sinaamak baxsah,
Jappaan mari, kulli barteenit massah tan addâ xiqto loonuuy, too sissinaanitte akkaxaamik
cadaral, macál sissinaanek takkem faxximta. Tohuk gixaak, daga raaqtá agdaabek cundubuh
tanim nagay taamitiyyay naharsi qarmat qemmisaana. Maggo Jappaan alaaqa barittot
culaanak afál, ken xaltani-maggih ken inonti, loowo, alifbaatisso, fanni carfatak tu ken barissa.
90% daga takke Jappaan alaaqa hunun baritto qemmisaanak afál, aakam-barittoh buxa kattaatan.
Nagay tan Jappaan barteenit, ayroh addat 6 kee 7 saaqootâ fan baritto buxal tatrusan, duudin
koona ayroora ayyamat kee nussi/garab ayro caadah (Curry et al, Sociology for the Twenty-First
Century, qtd in McWhorter 144).

Addattini

Addattino

Ammuntî maxcâ maafo

Addattino

Addattion

Cabib Macammad 7
 Fayya caddoh kutbe 2017

Tonnah kaadu, inki inki uddur ammuntî maxcâ maafo maasayyak ellacabbot tamaatem takkeh,
wohuk ceelallo tamah teeti.

Addattino

Addattino

Addattino

Ammuntî maxcâ maafo

Dagah amol elle walallem, maasayyah addal ammuntî maxcâ maafo edde tamaate aracak
sugteeh, taway wagitnu waynam, der kawsental ammuntî maxcâ maafo edde tamaate ikke kee
mannal tet naaxagu dudnam a. lafa le mabla, der meexintiitih addal geynuh, maasayyah addal
lafa le mabla edde geynu xiqna mohoodissot edde xooqaysimam dagoo baxsi anih.

Qemmo maxcâ maafo dubuk innak, laakin qemmo maasayya wonna hinnay nammay inki
cubbut wagit. Maggih “thesis” culmâ maasayyal anele. (lafa le mabla qemmot)
Maggo uddur, “thesis” culmal xayyowele immay kaadu, amô gacsî maasayal qagitak
baxxaqsimele (lafa le mabla qemmot kee ellacabot).
Inki inki adda, lafa le mabla, kutbeytak gutet amaatele, maggih inki maasayyak wonna
hinna nammaayak lakal xayyowta. Kawsa mara edde yasgalloonu wonna hinnay rakiiboh
oyta yaconu. (lafa le mabla gutet).

Ellacol, lafa le mabla ammulle sinni wakti anele, too waqdi ammunta meexxam, inkih tan qokól
addattinoona mizaanissam kok faxxiimele, tokkeek, ammulle sinni lafa le mabla maxcah innah

Cabib Macammad 8
 Fayya caddoh kutbe 2017

addattinoona ittat gaadissa fidin mabla baxxaqissam gabbat (ammulle sinni lafa le mabla).

Lafa le mabla maasayyah addat Lafa le mabla kutbeytáh addat

Ammuntî maxcâ maafo naharsi maxcâ takkem bicta. “Thesis” maggih culmâ maasayyat tan.
ammuntî maxcâ maafo ellacabô maxcâ maafo “Thesis” kutbeyták ellacabot tamaatem xiqtah.
takkem xiqta.
Ammuntî maxcâ maafo qemmo kee kaadu ellacabô “Thesis” kutbeyták qemmo kee ellacabot inkih
maxcâ maafo takkem bicta. tamaatem takkeh.
Ammuntî maxcâ maafo gudet tanim takkeh “Thesis” kutbeyták gutet tamaatem takkeh.
Ammuntî maxcâ maafo ane waytam takkeh. Lafa le “Thesis” inkinnah ane waytam takkeh. Lafa le
mabla matammulla. mabla matammulla.

2.2. Dadlisiyyî maxcâ maafoofa fiirisiyya

2.3. Yasgalli kee tabaatabsi qangor maallo (coherence)

Cabib Macammad 9
 Fayya caddoh kutbe 2017

3hayto Tiyantu
3. Kutbeytá xisne kee massos
3.1. Kutbeytá

Kutbeytá (Essay) macaay?

Kutbeytá iyyaanam baxaabaxsa le xexxeerin maasayyooyi. Is maggo maasayyooyik xissimta

kutbeh exxa. Is, maasayyak fuxih inki ammunta wagsissa, takka immay, kutbeytah ammunti inki
maasayyah addal edde walaltu kaxxam sammaaruk yaniinih sabbatah, kutbeyta sissin
maasayyooyih kuraa-kurtaanam faxximtaah, tiya tiya giffo le ximmo tabbixe. Tokkeek, culma
kee amô gacsa osisak maasayyooyi ittat taxem kok faxximta.

Kutbeyta, maasayya yaktubeenimik laffittam hinna, kutbeyta xeerim akkewaytek. Massoysô

radmooma nammaayah inkih inkitto. Tohuh, meqe maasayya tatkubem duddek, meqe kutbeyta
tatkubem xiqtah.

Kutbeytâ culma namma exxaaxi tabbixe: kawseenit kalbi edde hirgan dago amô beyi mablaali
kee “thesis statement” iy kutbeytak lafa le mabla edde qaddoysaana.

“Thesis statement” i kutbeytah, maasayya ammuntî maxcâ maafo akah lenna: is baxsa le
ammunta muggaaqissa tonnah kutbeytâ cuttuksok amô beyi mabla kawseyniitih tace. Dagar tii
hinnammay wohuk daga takke maasayyooyi tabbixe. Tiya tiyah maasayya, ammuttak qunxa
exxaaxi dadlissa. Tohî sabbatah, maasayyah ixxima dagar addal, qunxa exxaaxi wonna hinnay
quxâ ammuntitteh ixxul baxsimta.

Maasayya amô gacsi maxcâ maafo akah taninnah, amô gacsi lafa le ximmoomay addattinol elle
walaleenik axmaam kee qagitak wagiti.

Kutbeyta inkittiino kee yasgalli le, maasayya akah lennah. Tabaatabsi astooti kee cuntubuh tan
migooqa qagaa qagsaanam maasayyooyi inkih inkittinaanî fan xakbissa.

Cabib Macammad 10
 Fayya caddoh kutbe 2017

3.2. Kutbeytá xisne

Rakiibô kutbeytá lafa le sidiica exxaaxik tan: culma, daga, kee amô gacsa. Ta sido kataytaanam
kutbeytá fiirissuunu kee massossoonuh sin catele. Takkay immay, gabaak gabah koraanam
kaxxa.

Kutbeytáh exxaaxi:

 Culma
Culma ammunta aysaxaaxaguk kawseynit warkatâ fan
Culma
mohoodissa. Is, kawseyniitik fayxi hirigta kolfak

qemmissam faxximta. Ta kolfa essero, qeedaalis,

cuso, w.w. takkem dudda. Kawseyniitik fayxi

geyteenik gamadal, culma ammunta wagsiisak “Thesis statement”

wuli addattino/rakiibo tacem faxximta. Culmah addat Lafa le mabla

tan mabulitte, kawseyniiht lafa le yab cedoonuh dudda

Lafa le mabla
le amô beya kee caatih “thesis statement” fan baxsa luk

miraacissam faxximta.
Lafa le mabla
 “Thesis Statement”
“Thesis statement” uxuxuuk lafa le mabla wonna hinnay kutbeytá

giddy baxxaqissa, ammuntal waado hayta, tonnaah kutbeyta massoyna

tayballem xiqtah. “Thesis” inkih tan kutbeytáh giti kartah Amô gacsa

innal akkuk taamitta, maca intam faxximtam kee issi mabla

edde qokoltuh ma lafa le ximmoomat xooqaysimtu waytam kawseynit ayballuk.

Cabib Macammad 11
 Fayya caddoh kutbe 2017

 Xagar

Kutbeytá xagar, “thesis” il xayyoowte lafa le ximmooma qokklta. Tiya tiyah ximmo inki
maasayya wonnah hinnay wohuk mango maasayyooyit dadalta tonnaah tii tin addattinoonat
qokkoltimta. Ta ddattinoona fokkaqo kee abak raagak qokkoltimiyya marta, ugdubay baaha elle
aninnaan innal. Ta qokolut ossotinah, orbisê mekeelo kee ammunti walal mablaali ittat yaxeem
kee “thesis” qokola amô gacsa xissa.

 Tabaatabsitte

Tabaatabsitte maasayyoyi ittak ittat tasgoorow tonnah kaadu ammuntat xakbissa. Warkatti inki
ammuntak ciggiila tii fan gexa gideh catuh maasayyooyit kee fanat keenit xooqaysiman. Ta
tabaatabsitteinki qangara wonna hinnay namma qangar (Naharaak, Ciggiilaak, ossotinah) wonna
hinnay inki wonna hinnay namma maxcâ maafoy kawseynit katayta lafa le ximmô fan bahta
takkem bictah. Maasayyak ammuntî maxcâ maafo mangih tabaatabsi innal tayfaafe.

 Amô gacsa

Amô gacsi kutbeytak inkih tan lafa le ximmooma ittalluk baaha. Amô gacsi derreh “thesis
statement” î fan sinam gissaah kawseynit edeyna mascabal caba. Ta exxal mablaali itta fan
baahak giddik mohoodisso tatrussa. Amô gacsal, qusba ammunta wonnah hinnay mablaaliy
kutbeh addal dadalteh suge wayte edde maculta.

3.3. Kutbeytá qamoola

 Culma maasayya, nammaay wona hinnay daga takke maasayyooyi dagar, kee amô
gacsa
 Culmâ maasayyay kawseynit hangi hirigtu edde xooqaysiman duyye tabbixek
qemmissa.
 “Thesis” maxcâ maafoy kulli maasayyal dadlisen ammuntitte daffessa hinnammay
tascasse culmâ maafo tabbixe.
 “Thesis” maxcâ maafol yaakumik ciggiliiy maasayyooyî dagar elle dadaltu wayta
tayballe
 Kulli lafali mablah baxaabaxsa le maasayya tabbixe.
 Killi maasayyâ dagar, saanih thesis maxcâ maafok been ammunti maxcâ maafo tabbixe.

Cabib Macammad 12
 Fayya caddoh kutbe 2017

4hayto Tiyantu
4. Kutbeytâ qaynoota

Kutbeytâ qaynoota innah nan waqdi, kutbet faxitaanah yan hadafa. Kulli kutbeytah qaynat issi
xisnee kee qangoooru edde xooqaysima tonnah kaadu, yasgalli kee tabaatabsi qangor le.

4.1. Weelisso

Is baxxaqqa le addattino kee af tace. Orbise, kawseyniitik koona senses: mabla, suruy, xongolo,
tamu, kee xago ut tammullem faxximta.

Ceelallo:

Maxcâ maafo 1: qertá qale boyna yengele didiiy qisi le waqdi garba le.

Maxcâ maafo 2: qerta qaleh boyna ditiiy qisi elle yangale, wahan teetik kaxxa niqna le, buutî
saaluh innal muxxa, tangayyê uddur uma suruy le.

Firsi weelisso dago addattino xayyosse (tohim, qertá qale yenegele “qisi kee didiy” tonnaah
“garba” le), ta maxcâ maafo kawseynit boyna akah weelisan innah ken ma qoklinna. Le bisu kee
nabinta gersi boynaani akah baxsimtannah mabsissa.

Takkay ikkah, nammay haytô maxcâ maafo kawseyniitih boyna baxsa lem celsissa weelissoh
oyti tece. Nammah heele maxcâ maafoh kutbabeyni, kawseyniitik dagnal affara senses hirge.

Ta kutbaabeyni boyna ma suruy lem, (“uma suruy”), boyna ma bisu lem (ditiiy qisi), boyna ma
xaga (feeling) lem (niqna), kee boyna ma anay/xongolo lem (muxxa).

4.2. Warsenta

Weelissô kutbeytaay sehdayti, arac, kee duyye wonna hinnay tekko macah kaxxu lem
baxxaqisak baxsah, warsentí kutbeytá, numuk manub/dadal, tu elle tekke yaakumik ciggiilil
kaxxa le tekko tascasse. Ossotinah, warsentí kutbeytá num ta abak raagak mannal milaagimem
kee bertem taybullem faxximta.

Cabib Macammad 13
 Fayya caddoh kutbe 2017

Abak raag, qedmol numuy taqabi edde boode kee taqabi calli/mafda kee ciggiilak numtin manub,
celsiisenta kee iyenti “plot” (tekkoh iital katayle) gurral takkem faxximta.

4.3. Baxxaqqisso

Ta qaynatih kutbeytaa, dudda le addaffakoot ammuntak tace. Weelissô kutbeytá caagit

weelissam hinnammay warsentá kutbeytá numtiino manub tayballem gibbatta waqdi,
baxxaqqissô kutbeytá ammunta hinnammay caalat baxxaqissa.

Tuhuh, baxxaqqissô kutbeytá, kutbaabe kawseyniitih ammunta baxxaqisam wonna hinnay

ifsamih innal tankuttube.

Culmâ maasayyá

 Caagid taysexeexege
 Ammunta xayyossaah, addâ fakoot kee baxxaqsu akak abatá.
 Ammunta qaddossuh edde xooqaysimen magdooda (gategories) xayyossá
 “Thesis statement” tacé

Maasayyâ dagar

 Maasayyah addal elle walalen magdo kee ammuntî maxcâ maafoy warkattî addaffakoot
yaybullek qemmissa.
 Nafqili kee xaagoysoh alhumittet (raceynaanik: qitaaba, jornaal iyyenta) qadaaqada
qokolota.
 Maasayyah addal yan xaagi, “Thesis statement” kaxxu kinnim taysitile.

Amô gacsî maasayya

 “Thesis statemen”t qadaaqad tayballe ammuntî maxcâ maafok qedmissa

 Warkatak lafa le ximmo taxmaame
 Warakattah maqar kee xolot le alifu aba.

Cabib Macammad 14
 Fayya caddoh kutbe 2017

4.4. Qadaaqadâ/qeegissô kutbeytá

Qadaaqadâ kutbeytá iyyaanam issi tummabla qokoltu, yanit xooqaysimak wuli caagitil sadu
akkuk atkabii wonna hinnay abbaxuk tatkube kutbeytá. Ta kutbel hadaf ku tummabul gita
kinniimil kawseynit hirigtu/geysissu.

Cabib Macammad 15