Ayon na rin sa inilabas ng World Health Organization ayon sa iba’t ibang paraan ng pag-iingat sa lumalaganap na N-COV Virus, at ayon na rin sa kapahintulutan ng CBCP Episcopal Commission on Liturgy, narito po ang ilan sa mga panuntunan para sa iba’t ibang gawain ngayong darating na Kwaresma at Mahal na Araw.
1. Sa pagdiriwang ng Miyerkules ng Abo, ang pagpapahid ng abo ay
isasagawa sa pamamagitan ng pagbubudbod nito sa bunbunan ng mananampalataya na may kaakibat na panalangin. Sa ating binyag, tayo ay hinihirang sa pamamagitan ng pagkukrus sa ating mga bunbunan. Ang mga abo na na ibubudbod sa ating mga bunbunan ay nangangahulugan ng ating pagsisisi sa ating mga kasalanan, na atin ding tinanggap sa ating binyag. Ito ay hindi pagbabago kundi isang tradisyon na nagmula pa sa unang panahon.
2. Sa pagdiwang ng Biernes Santo, sa bahagi ng pagdiriwang ng
pagbibigay galang sa Banal na Krus, hinihilingan ang lahat na huwag humalik o humawak sa Banal na Krus bagkus ay lumuhod na lamang o yumukod bilang bahagi ng pagbibigay-galang sa Banal na Krus.
Sa pagbubukas ng panahon ng Kwaresma, pinaaalalahanan po ang lahat
na patuloy na magpanibagong buhay, sa pamamagitan ng pagpipigil sa sarili o pagaayuno, pag-bibigay limos at pananalangin. Ang ating pagkakawang gawa bilang mga katoliko ay maipapakita rin sa pamamagitan ng pagpapahalaga sa ating mga kapatid, kaya naman ating ipakita ang ating malasakit sa pamamagitan ng patuloy na pag-iingat at paghahanap ng paraan sa pagsugpo ng paglaganap ng Novel Corona Virus.
Isa Sa Mga Tradisyon NG Simbahang Katolika Sa Pagtatapos NG Semana Santa Ay Ang Pagbibigay NG Adult Baptism o Yung Pagbinyag A Mga Nasa Wastong Edad Na