Professional Documents
Culture Documents
ni Kate Chopin
Batid ng lahat na may sakit sa puso si Ginang Mallard kaya naman lahat ng pag-iingat ay
ginawa nila sa pagpapaalam sa kanya ng masaklap na balitang patay na ang kanyang asawa.
Si Josephine, ang kanyang kapatid ang bumasag nito sakanya. Sa paputol-putol na paraan
ay unti-unting naipahiwatig nito ang pangyayari habang nakatabi naman sa kanya si Richard. Si
Richard ay kaibigan ng kanyang asawa at siyang unang nakarinig sa balita. Nasa tanggaapan siya
noon ng pahayagan na ng m akarating ang balitang nagkaroon ng sakuna sa may riles ng tren
kung saan isa si Brently Mallard sa mga “namatay.” Naghintay lang siya sandal sa pagdating ng
pangalawang telegrama upang makumpirma ang balita at saka nagmamadaling nagtungo sa
tahanan ng mga Mallard upang siya ay ang maunang makapaghatid ng balita at maagapan ang
ibang taong maaaring hind imaging kasing-ingat at kasimbanayad niya sa pagsasabi.
Isinandal niya ang kanyang ulo sa malambot na kutsong nakabalot sa silya nang hindi
halos gumagalaw, maliban na lang sa paghikbing tila bumibikig sa kanyang lalamunan at
Bata pa siya, may maganda at kalmadong mukha, kung saan ang mga guhit ay kakikitaan
ng katatagan at pagsupil sa kung anumang nararamdaman. Subalit ngayon siya’y nakatitig sa
kawalan sa bughaw na kalangitang natutuldukan ng mumunting ulap. Hindi ito titig ng
pagmumuni-muni kundi pagpigil sa isang matalinong kaisipang nais kumawala.
May isang damdaming paparating sa kanya at hinihintay niya ito nang may pagkatakot.
Ano ba ito? Hindi niya maipaliwanag; banayad at mailap, hikndi niya matanto kung ano. Subalit
nararamdaman niyang ito’y gumagapang sa kalangitan, dumarating sa kanya sa pamamagitan ng
mga tunog, ng amoy, ng kulay na pumupuno sa hangin.
Hindi siya huminto upang tanungin kung ang damdamin bang umiiral sa kanya’y isang
higanteng kaligayahan o hindi. Minaliit ng malinaw at mataas niyang pananaw ang nadarama.
Alam niyang luluha siyang muli kapag Nakita niya na ang mabubuti at mapagpalang mga kamay
na pinagsalikop ng kamatayan; ang mukhang tanging titig lang ng pag-ibig ang iniuukol sa
kanya, ngayo’y matigas, kulay abo, at patay. Subalit natatanaw na niya sa kabila ng mapait na
gunitang ito ang paparating na maraming taon na kanyang-kanya na. Iniunat niya ang kanyang
mga braso at kamay upang salubungin ito.
Subalit mahal niya nag kanyang asawa—paminsan minsan. Madalas, hindi niya ito
nadarama. Subalit hindi na ito mahalaga. Ano pa ba ang silbi ng pagmamahal sa harap ng
malakas na damdaming itong bago pa lang niyang nakikilala at bumabalot sa kanyang pagkatao.
“Malaya na! Malaya na ang aking katawan at kaluluwa!” ang paulit-ulit niyang
ibinubulong.
“Umalis ka na. Hindi ako gagawa ng bagay na magdudulot sa akin ng sakit.” Hindi.
Ngayon pang siya ay tumutungga ng gamot mula sa buhay na namumula sa bukas na bintana ng
kanyang silid.
Naiisip na niya ang mga araw na darating sa buhay niya. Mga araw ng tagsibol, mga araw
sa tag-araw, at iba’t iba pang araw na kanyang-kanya lang. Umusal siya nang maikling
panalangin na sana’y humaba pa ang buhay niya. Kahapon lang, naisip niya nang may pag-aalala
nab aka maging mahaba ang buhay niya.
May nagbukas sa susian sa harapang pintuan. Gulat ang lahat nang pumasok si Brently
Mallard, halatang pagod nang kaunti, dala-dala ang kanyang bag at paying. Malayo raw siya sa
lugar kung saan nangyari ang sakuna at ni hind inga niya alam na nagkaroon pal anito.
Ikinatulala niya ang malakas na patili ni Josephine; naging mabilis si Richard na humarang sa
pagitan nila ng asawa.
1. Bakit kaya “Ang Kuwento ng Isang oras” ang naging pamagat ng kuwento? Angkop ba ito?
Sa anong paraan?
2. Anong sakit ang taglay ni Ginang Mallard? Bakit kaya kinailangang sabihin ito sa unang
bahagi pa lang ng pagsasasalaysay? Paano ito nagamit ng may-akda sa kabuuan ng kwento?
3. Anong uri ng samahan kaya nag namamagitan sa mag-asawang Mallard? Bakit sinabi sa
kuwentong “nagkulong siya sa kanyang silid” sa halip na “nagkulong siya sa kanilang silid”?
May kaugnayan kaya ito sa kawalan nila ng anak? Patunayan.
4. Sa iyong palagay, anong uri ng asawa si Brently kay Louise Mallard? Bakit ibinubulong ng
kanyang mga labi ang mga salitang Malaya, Malaya, Malaya samantalang iniisip din niya
“ang mukhang tanging titg lang ng pag-ibig ang iniuukol lang sakanya”?
5. Nalathala ang kuwento noong 1894. May kinalaman kaya ang kultura at kaugaliang kaugnay
ng samahan ng mga mag-asawa sa panahong iyon sa naging kalagayan ni Louise Mallard?
Patunayan.
6. Ano ang sinimbolo ng pagsasara ni Louise sa pintuan upang hindin makapasok ang sinuman
samantalang nakabukas naman ang bintanang para sa kanya ay pinagmumulan ng buhay?
7. Sa binasa mong tala kaugnay ng buhay ng manunulat na si Kate Chopin, maiuugnay mo ba
ang mga pangyayari sa sinulat niyang kuwento sa naging karanasan niya sa buhay? Sa
paanong paraan?
8. Bakit kaya sinasabing ang akdang ito ay kakikitaan ng kaisipang feminismo?
9. Ano kaya ang tunay na naging sanhi ng pagkamatay ni Louise Mallard, labis na kaligayahan
nga ba tulad ng sinabi ng doktor o labis na pagkadismaya? Patunayan