DAHILAN NG PAGKASANGKOT SA ISANG ROMANTIKONG RELASYON
Maraming kabataan ngayon ang pumapasok sa isang romantikong relasyon sa
maraming kadahilanan. Mula sa isang teoretikal na pananaw, ang pangunahing tungkulin ng kabataan ay upang makakuha ng diwa ng pagkakakilanlan (Beyers at Seiffge-Krenke, 2010; Erikson, 1950). Kaugnay ng pag-unlad ng pagkakakilanlan, ang mga tao sa kaniyang paligid ay mas pinahahalagahan, at mas nakikilala ng mga kabataan ang kanilang mga sarili kapag kasama nila ang kanilang mga kaibigan kasya ang kanilang mga magulang (Brown et al., 1986). Gayunpaman, nailalarawan ang isang tao base sa kung sino ang mga taong nakapaligid dito (Leary at Baumeister 2000).
Nakasaad sa pag-aaral nina Gerlach, Driebe, at Reinhard (2018) na ang
pakiramdam ng pagmamay-ari ay lumalago dahil pinadadali nito ang pagpapanatili ng iba't ibang uri ng relasyon sa buhay ng isang indibidwal. Ang romantikong relasyon ay sinasabing kinakailangan ng tao. Siguradong tiyak na tanggap sila ng mga kabiyak, at maaari silang bigyan ng kanilang pangangailangan, pagmamahal, at pansin (Bernales at Colonia, 2011). Sinabi ni Mapalad (2014) na ang mga kabataan ay karaniwang nasisiyahan at tiwala sila sa pagkatatatag ng kanilang romantikong relasyon. Positibo ang kinalabasan ng kanilang relasyon sa pagitan ng haba at ang antas ng kasiyahan. AMBAG NG ROMANTIKONG RELASYON SA PAG-UNLAD NG DIWA NG PAGKATAO NG MGA KABATAAN
Maraming pag-aaral ang nagpahayag na mayroong relasyon sa pagitan ng
romantikong relasyon at ang pagiging matanda kung gumalaw at mag-isip (Furman at Flanagan, 1997). Ang pagkakaroon ng romantikong relasyon ay nakakatulong sa paghubog ng iba’t ibang aspeto ng isang indibidwal, tulad ng pag-unlad ng isip at katawan. Ang pagkakaroon ng romantikong relasyong ay nagbibigay ng pagkakataon sa tao na pag-aralan ang mga bagay na nagbubunga ng matagumpay na relasyon sa ibang tao (Beyers at Seiffge-Krenke, 2007). Ang mga romantikong ugnayan ay maaaring maging lugar ng pagsasanay para sa pagtanda, na nagbibigay ng pagkakataon sa mga kabataan upang tuklasin kung paano kontrolin ang damdamin, makipag-ayos sa problema, sabihin ang mga pangangailangan at tumugon sa mga pangangailangan ng kapareha (Scanlan et al., 2012).
Bukod dito, sinabi ni Erikson (1968) na ang pagmamahalang pangkabataan ay
mahalaga para sa pagbuo ng pag-unawa sa sarili at pagbuo ng pagkakakilanlan. Tinukoy pa ng isang pag-aaral ni Luciano at Orth (2017) na ang romantikong relasyon ay nagpapabuti din sa tiwala sa sarili. Gayundin, sinabi rin nya na maaari itong magbigay ng isang bagong tungkuling panlipunan na maaaring humantong sa pagbabago at pag-unlad ng pagkatao ng isang indibidwal. KAUGNAYAN NG ROMANTIKONG RELASYON SA AKADEMIKONG PAMUMUHAY, KAUGALIAN AT EMOSYONAL NA ESTADO NG KABATAAN
Ang romantikong relasyon ay ang sinasabing kinakailangan ng tao kaya naman
marami sa kabataan ngayon ang sinusubok ito. Ang mga mag-aaral ay hindi nag-iingat sa paggawa ng mga pasya sa paksang ito. Dahil sa hindi pa makapag-isip ng tama at kawalan ng gabay ay maaaring magresulta ito sa ilang mga negatibo at positibong kinalabasan (Trajano, 2018). Natututo rin ang mga kabataan na maglihim o gumawa ng lihim sa kanilang mga magulang. Gayundin, ang posibilidad o na mahilig sa pakikipagtalo. Natuklasan sa isang pagsusuri sa Unibersidad ng Denver na ang mga kabataang nagkakaroon ng romantikong relasyon ay marahil mayroong problema katulad ng pagkabalisa o depresyon (Scott, 2015). Dagdag pa rito, sila'y mas lalong hindi makapokus kapag ang kasama nila'y nasa parehong klase na tinutuluyan (Mwaura, 2012). Ang masamang epekto ay mas kita sa mga kasangkot sa mga romantikong relasyon sa mas batang edad.