ACTIVITY SHEETS SA FIL 201: PAGSULAT SA FILIPINO SA PILING LARANGAN

(Week 3 – Ang Akademikong Pagsulat)

Name: Keefe P. Mentino Grade Level: 12-ABM Inclusive Dates: Jan. 25-29
Learning Area: FIL 201 Learning Content: Ang Akademikong Pagsulat Quarter: 3

Subukin Natin!

A. Panuto: KATANGIAN NG AKADEMIKONG SULATIN: Piliin ang tamang sagot sa mga

katangiang dapat taglayin ng akademikong sulatin. Isulat ito sa patlang.

May Pananagutan, Obhetibo, Maliwanag at Organisado, Pormal, May Paninindigan

May Paninindigan 1.Hindi maganda ang magpabago-bago ng paksa. Mahalagang mapanindigan

ng sumulat ang paksang nais niyang bigyang-pansin o pag-aralan. Maging matiyaga sa
pagsasagawa ng pananaliksik at pagsisiyasat ng mga datos para matapos ang pagsulat ng
napiling paksa.

Maliwanag at Organisado 2. Ang mga talata ay may kaisahan, pagkakaugnay at pagkakasunod

ng ideya ayon sa pagkakasulat ng mga pangungusap at talata na naaayon sa punong kaisipan o
(main topic).

Pormal 3. .Iwasan ang paggamit ng mga salitang kolokyal o balbal.Gumamit ng pormal na salita,
tono at himig ng paglalahad na madaling maunawaan ng mambabasa.

May Pananagutan 4.Mahalagang matutuhan ang pagkilala sa mga sangguniang pinaghanguan

ng mga impormasyon. Ang pangongopya ng impormasyon o ideya ng ibang manunulat o
plagiarism ay isang kasalanang may takdang kaparusahan sa ilalim ng ating batas.

Obhetibo 5.Ang layunin ng akademikong pagsulat ay pataasin ang antas ng kaalaman ng mga
mag-aaral sa pagbasa at pagsulat sa iba’t ibang disiplina o larang. Binibigyang-diin dito ang
impormasyong gustong ibigay at ang argumento sa mga ideya na sumusuporta sa paksa (Alejo et
al 2005).Ang mga datos sa isinusulat ay kailangang batay sa kinalabasan ng ginawang pagaaral at
pananaliksik.

Suriin Natin!
Panuto: PAGSAGOT SA MGA KATANUNGAN: Basahin ang mga katanungan mula sa paksang
tinatalakay at sagutin ito.
1. Paano makakatulong ang pagkamalikhain at mapanuring pag-iisip sa isang mag-aaral ng
senior high?
SAGOT:
Makakatulong ang mga katangiang ito upang mas mapaunlad ang pagganap ng mga Senior
High na estudyante sa kanilang paaralan dahil kinakailangan ito sa mga asignaturang katulad
na lamang ng pananaliksik at immersion. Pinapapalawak ng mga katangiang ito ang kanilang
mga nalalaman. Pinapalawak rin nito ang kakayahan ng mag-aaral na magbigay ng mas
malalim na kahulugan sa isang bagay. Pinapaunlad rin ng mga katangiang ito ang mga gawa
ng mga estudyante sa tulong ng kanilang malusog na imahinasyon at sa hilig na magsiyasat ng
mga bagay. Pinapaunlad rin nito ang kakayang ng estudyante na umintindi ng mga
matalinhagang salita at parirala.

2. Sa isa hanggang tatlong pangungusap, ipaliwanag ang pagkakaiba ng akademik sa di-

akademiko na gawain.
SAGOT:
Ang akademik na gawain ay ang larangan ng pag-aaral na nabgigigay-tuon sa pagbasa at
pagsulat na kung saan sentro ang pagtutok sa pag-aaral. Sa gawain rin na ito, etika,
pagpapahalaga, katotohanan, ebidensya, at balanseng pagsusuri ang gumagabay, subalit ang
di-akademikong gawain ay ginagabayan naman ng karanasan, kasanayan, at common sense.
Mga halimbawa ng akademik na gawain ay ang pagbasa ng teksto ng klase at pakikinig ng
lektyur, samantala halimbawa naman ng di-akademikong gawain ay ang panonood ng
pelikula at pakikipag-usap sa kung kanino man.

3. Maaari bang gawin sa loob ng akademiya ang mga gawaing di-akademiko at mga gawaing
akademiko sa labas ng akademiya? Ipaliwanag at magbigay ng mga halimbawa na
magpapatunay nito.

SAGOT:
Sa magkaparehong tala, oo. Ang isang gawaing di-akademiko ay maaring gawin sa loob ng
akademiya tulad na lamang ng mga patimpalak na extra-curricular sa paaralan. Kabilang na
dito ang mga search o pageant, clubs o mga organisasyon, mga sports fest, at school fair. Ito
ay pinapayagan sa akademiya kahit hindi akademikong gawain sapagkat nililinang nito ang
kasanayang panlipunan at mga talento ng mga estudyante. Sa kabilang banda, maaari rin na
isagawa ang mga akademikong gawain sa labas ng akademiya katulad na lamang ng mga
isinasagawang pananliksik ng mga eksperto sa kasalukuyang panahon. Ibang halimbawa ay
ang pagsulat ng artikulo upang makapaghatid ng impormasyon sa mas maraming tao.
Isinasagawa ang mga ito upang makatulong sa lipunan. Sinusubok din nito ang kakayahan ng
mga estudyante na gamitin ang kanilang mga natutunan sa totoong buhay, sa labas ng
akademiya.

4. Gaano kahalaga ang pagsunod sa mga katangiang dapat na taglayin sa pagsulat ng

akademikong sulatin? Ipaliwanag.
 SAGOT:
Unang-una, ang hindi pagsunod sa katangian nito ay maaring maging simbolo na hindi
akademikong sulatin ang iyoung sinusulat. Dahil iba na ang katangian nito, maaring mahinuha
ng mambabasa na di-akademiko ang sulatin na ito o iba pa. Maari rin itong sumalamin sa
iyong kakayahan bilang manunulat. Kung hindi mo kayang sundin ang mga katangian na ito,
sasabihin ng tao na hindi ka magaling na manunulat. Mahalaga rin ang pagsunod sa mga
katangian na ito upang magkaroon ng mas malalim na saysay ang iyong sulatin. Halimbawa na
lamang, huwag kang magbigay ng sariling opinyon at ugaliin maging maliwanag at organisado
sa iyong pagsulat upang hindi mahirapan ang mga bumabasa. Ang pagsunod dito ay
nagpapakita lamang ng disiplina ng isang manunulat. Kailangan natin itong sundin para sa
ating sarili upang mapatunayan na tayo ay may kakayahan sa pagsulat nito at para na rin sa
ating mga mambabasa upang mas maging kaaya-aya ang kanilang pagbabasa.

5. Ano-ano ang sinasanay sa Akademikong Pagsulat?

SAGOT:
Sa bawat uri ng pagsulat ay sinansanay ang mga kasanayan ng mga manunulat at
mambabasa. Ang akademikong pagsulat sa partikular, ay may mga kasanayan ring sinasanay.
Ang mga kasanayan sa pagbasa, pagsasalita, pakikinig, panonood, at pagsulat ay
mapapaunlad sa pagsasagawa ng mga gawain sa larangan na ito o mga akademikong sulatin.
Isinasagawa at nasasanay rin sa pagsulat na ito ang analisis, panunuring kritikal, pananaliksik,
at eksperimentasyon. Ginagabayan ito ng etika, pagpapahalaga, katotohanan, ebidensya, at
balanseng pagsusuri. Sinasanay rin ang mga indibidwal na magtatangkang gumawa ng iba’t
ibang anyo ng akademikong sulatin sapagkat nangangailangan ito ng mataas na antas ng
kasanayan na pagsulat partikular na ang kritikal na pag-iisip, pagsusuri, paggawa ng sintesis at
pagtataya.

Petsang Natapos: Jan. 28, 2021 Petsang Pinasa: Feb. 2, 2021