DISIFIL - MODULE 3 ACTIVITIES

3.1.1. | Salok-Dunong
Mula sa binasang artikulo, sa sariling pananalita  ipaliwanag mo kung paano tinalakay ng
mananaliksik ang paksa ng pag-aaral gamit ang IMRD format. Gamitin mo ang nbasa mong
teksto sa pagpapaliwanag ng kasagutan. Naging sapat na ba ito sa pag-unawa mo sa paksa?

Batay sa binasang artikulo na pinamagatang “Kapit-galit: Pagpapahayag ng “galit”ng

mga Bikolano sa kapitbahay”, masasabi na naging malinaw at makabuluhan ang isinagawang
pananaliksik at ang paggamit ng IMRD format sa pagpapahayag ng pag-aaral. Sa introduksyon
ay ipinaliwanag ang kahulugan ng emosyon ng mga Pilipino at kung paano nito naapektuhan
ang relasyon ng bawat mamamayan sa isang komunidad. Samantala, sa metodolohiya ay
binanggit ang naging disenyo ng pananaliksik, mga kalahok na pinili, instrumento,
pamamaraang ginamit sa pagkuha ng impormasyon, atbp. Isang kwalitatibong pananaliksik ang
isinagawa upang mailarawan ang paraan ng pagpapahayag ng mga Bikolano na naninirahan sa
Labo, Camerines Norte ng emosyong galit. Samakatuwid, naging impormal ang paraan ng
pagtatanung-tanong ng mga mananaliksik upang makuha ang malalim na pananaw ng napiling
labing-tatlong kalahok. Sa kabilang banda, ipinaliwanag ng mga mananaliksik ang kanilang mga
natuklasan at ang naging resulta ng kanilang isingawang pananaliksik na kung saan ang
emosyong galit ay pangkaraniwan lamang para sa mga Bikolano dahil normal pa rin ang
kanilang pakikitungo sa taong mayroong nagawang pagkakamali sa kanila. Bukod pa rito, kung
mayroon mang hindi pagkakaintindihan, nananatili pa rin ang pagiging malapit nila sa isa’t isa.
Samantala, sa huling bahagi ng pananaliksik ay ipinahayag ng mga mananaliksik ang naging
konklusyon nila sa isinagawang pag-aaral at maging ang mga rekomendasyon na kanilang
ibinahagi para sa iba pang magsasagawa ng pananaliksik patungkol sa paksang pinag-aralan.

3.2.1 | Salok-Dunong
Mula sa binasang pananaliksik na may pamagat na " Kabilang mukha ng Autismo" ni Ron
Resurreccion, ipaliwanag kung paano isinulat ng awtor ang introduksyon. Tingnan kung alin sa
pamamaraan ni Swales ang ginamit sa pagsulat ng introduksyon. Ipaliwanag ito sa pagsulat ng
iyong kasagutan.
Batay sa binasang pananaliksik na pinamagatang “Ang Kabilang Mukha ng Autismo”,
inilarawan ng mananaliksik sa unang bahagi ng introduksyon ang sitwasyon ng paksang pag-
aaralan. Binanggit na ang lipunan ay kadalasang mayroong negatibong pagkakakilala sa sakit
na autismo. Bukod pa rito, nagbigay din ng kaunting pagpapakahulugan sa autismo at ang
bilang ng mga taong nakakaranas nito. Sinabi rin na nananatiling isang misteryo ang tunay na
sanhi ng pagkakaroon ng autismo. Sa kabilang banda, ipinaliwanag din ng mananaliksik ang
suliranin ng pag-aaral na kung saan nagsilbi rin itong motibasyon upang ipagpatuloy na gawin
ang pag-aaral. Binangit dito na ang mga magulang ay hindi nawawalan ng pag-asa para sa
kanilang mga anak na mayroong autismo at sa kabila ng pagiging mahirap ng kanilang
sitwasyon ay natutunan pa rin nilang tanggapin at harapin ito. Samakatuwid, sa huling bahagi
ng introduksyon ay ipinaliwanag ng mananaliksik kung paano makakatulong ang isasagawang
pag-aaral upang mabigyang diin ang positibong pananaw ng pagkakaroon ng anak na
mayroong autismo. Sinabi na ang pagpapakahulugan sa naging karanasan ng mga magulang
ay makakatulong upang matutunan nilang tanggapin ang kapansanan ng kanilang mga anak at
maging daan din ito upang magkaroon ng pagkakaisa at matatag na samahan ang mga mag-
asawa sa pagdamay sa kanilang anak.

Module 3 | Layag Diwa

Bago ka naman kumuha ng pagsusulit tungkol sa paksa, sagutin mo namana ng mga
sumusunod na katanungan bilang pagtatasa ng iyong natutunan sa  mga paksang tinalakay.
1. Ano ang mahahalagang bahagi sa IMRD pormat ng pananaliksik? Talakayin batay sa iyong
naunawaan.
Ang IMRD format ng pananaliksik ay isang pinaikling bersyon ng tradisyonal na
pananalisik. Mayroon itong limang mahahalagang bahagi. Una, ang introduksyon ay
naglalaman ng dahil at bakit mahalaga ang isasagawang pag-aaral. Ikalawa, ang metodolohiya
na kung saan patungkol ito sa pamamaraang ginamit sa pagsasagawa ng pananaliksik. Ikatlo,
ang resulta na kung saan inilalahad dito ang natuklasan sa isinagawang pag-aaral. Ika-apat,
ang Diskusyon na naglalaman ng pagbubuod sa mga natuklasan at ang pag-uugnay nito sa
pananaliksik. Panghuli, ang abstrak na kung saan nagbibigay ito ng buod ng buong
pananaliksik.
2. Ano -ano naman ang mahalagang elemento na dapat lamanin ng isang introduksyon sa pag-
aaral?
Sa pagsusulat ng introduksyon ay dapat na tiyakin na maibuod ang mga naunang pag-
aaral patungkol sa paksang pag-aaralan na magsisilbing pundasyon sa pag-unawa ng
kasalukuyang suliranin. Bukod pa rito, marapat din na maipaliwanag dito kung paano
makapagbibigay tugon sa puwang sa mga naunang pag-aaral ang isasagawang pananaliksik.
Samakatuwid, dapat ding maipaliwanag sa introduksyon ang mas malawak na teoretikal,
kontribusyon at implikasyon ng gagawing pag-aaral sa napiling paksa.