Professional Documents
Culture Documents
Ang Ang Pagbibining sa Savica ay isang epikong Slovenian na binuo ng tatlong bahagi:
Una ay "Ang Soneto" na iniaalay ni Prešeren sa matalik niyang kaibigang si Matija Cop, na
namatay dahil sa pagkalunod sa edad na 38. Pangalawa ay "Ang Prologo" na nasusulat nang
patula at binubuo ng dalawampu't anim na saknong na may tigatlong taludturan (tercets) at
ivong mababasa sa kabilang pahina: Pangatlo, "Ang Pagbibinyag" nasusulat sa tigwalong
taludturang tula at binubuo ng 56 na saknong o talata. Mababasa mo rin ang dalawang saknong
ng bahaging ito sa mga susunod na pahina.
Ang kabuoan ng epiko ay tumatalakay sa mga pangyayaring nagbigay-daan upang ang
mga Paganong Korinto noong ikasampung siglo ay maging binyagang Kristiyano. Sumentro ito
sa pag-iibigan ng dalawang pangunahing tauhan: Si Črtomir, ang makisig at matapang na
mandirigmang Pagano na labis na nagmamahal sa kanyang kasintahan; at si Bogomila, isang
dalagang maganda, inosente, at mahinhin subalit may matatag na paninindigan.
Nagkahiwalay ang dalawa dahil sa pagsabak ni Črtomir sa isang digmaan sa pagitan ng
mga Paganong pinamunuan niya at ng mga kristiyanong pinamunuan ni Valjhun sa Lambak ng
Bohinj noong taong 772. Naging madugo ang digmaan at dahil malakas ang nakalabang hukbo
bukod pa sa kinulang sila ng pagkain, natalo ang pangkat nina Črtomir. Sa pagtatapos ng
digmaan ay tanging si Črtomir lamang ang nakaligtas ang buhay. Lingid sa kanyang kaalaman,
ang kanya palang kasintahang si Bogomila na dating alagad ng kanilang diyosang si Čiba ay hindi
na isang pagano. Nagpabinyag ang dalaga at ngayon ay isa nang Kristiyano. Habang nasa
digmaan ang kasintahan ay nananalangin nang buong taimtim at nangako ang dalaga sa
Panginoon na kung makababalik nang buháy si Črtomir ay iaalay niya ang kanyang sarili at ang
buong búhay sa pagsisilbi sa Panginoon.
Nang muling magkita ay nanikluhod at sinuyo ni Črtomir ang kasintahan para mabago
ang desisyon nito at ituloy ang naudlot nilang pagmamahalan subalit buo na ang desisyon ni
Bogomila. Sa halip, kinumbinsi niya si Črtomir na yakapin ang pananampalatayang Kristiyano at
magpabinyag din tulad niya. Sa matiyagang pangungumbinsi ni Bogomila ay napapayag din niya
si Crtomir. Naganap ang pagbibinyag sa binata sa Talon ng Savica. Hindi nagtagal, si Črtomir ay
naging isang paring Kristiyano at tulad ng kanyang dating kasintahan ay nag-alay ng kanyang
buhay at pagsisilbi para sa Panginoon.