Kayraming nabago noong nagsimula ang pandemyang ito.

Ang mga kinagawian nating pagsasalo-salo

tuwing may mga nagkakaroon ng kaarawan at ang paggala nating magkakaibigan ay nabago na. Ang
simpleng pakikipag-usap lamang ngayon sa taong kakilala mo rin ay mahigpit nang ipinagbabawal dulot
ng nakakamatay na sakit ngayon. Kung dati ay ang mga kinakailangan mo lamang dalhin kapag ikaw ay
lalabas ng iyong bahay ay ang iyong selpon at iyong pera, sa ngayon ay nabago na ito. Hindi ka na
maaaring lumabas ng inyong pamamahay ng walang dalang face mask, face shield, at alcohol na
makakatulong sa iyo upang hindi ka mahawaan ng malubhang sakit na covid. Tila kayrami ang nabigla sa
pangyayaring ito at hindi parin nasasanay sa ganitong sitwasyon kaya naman ang bawat isa ay naghanap
ng paraan upang libangin ang kanilang sarili. Sa nakaraang taon ay marami akong napagtanto, tulad na
lamang ng pag workout upang gumanda naman ang hugis ng aking katawan dahil napansin kong hindi
na pala ito maganda tignan. Naghanap rin kami ng iba pang paraan upang kaming magkakaibigan ay
magkamustahan parin at magkaroon parin ng bonding namin kaya naman kinaugalian na din naming
magkaroon ng movie night kung kalian ang isa samin ay may kaarawan. Ang bawat isa sa atin ay may
kaniya-kaniyang paraan upang maka cope sa pandemyang ito at upang libangin ang kanilang sarili, at ito
na ang iba sa aking mga ginagawa upang maka cope sa pandemyang ito.