ng ating pangangatawan, kawalan ng sakit, may sapat na timbang at may maayos na pangangatawan. Maaring ang kalusugan ay tumutukoy din sa maayos na takbo ng ating isipan at ang pakikitungo natin sa ibang tao. Sabi nga ingatan natin ang ating kalusugan sapagkat ito ay isang kayamanan. Ingatan natin ang ating kalusugan para mas matagal nating makasama ang ating pamilya at mas lalong sumaya ang ating araw araw na buhay. Ang taong may mabuting kalusugan ay laging mayroong positibong pananaw sa buhay. Sa panahon ngayon alam nating laganap na ang pandemya dulot ng Covid 19. Dahil sa krisis na ito gumawa na ng hakbang ang gobyerno upang hindi na mas lalo pang lumaganap ang sakit. Isa sa kanilang ginawang hakbang ay ang lock Down o ang pananatili ng mga tao sa kanilang mga bahay-bahay ito ay ipananukala sa ibat ibang lugar para mabawasan ang bilang ng may sakit. Dahil sa hakbang na ito usap usapan ang pamimigay ng mga “Relief Goods” ng gobyerno sa bawat pamilya upang masulusyonan ang pang araw araw na pagkain lalong lalo na sa mahihirap. Alam natin na ang maayos na kalusugan ay importante para mas makaiwas sa sakit lalo na ngayung pandemya.
Ano nga ba ang kailangang gawin upang maging malusog
ang katawan At isipan sa panahon ng pandemya?
Ang makaramdam ng pagkabalisa at pag-aalala ay normal na
reaksyon sa isang hindi pangkaraniwang pangyayari tulad ng pandemyang coronavirus (COVID-19). Tandaan mo na hindi ka nag-iisa. Para mapangalagaan ang kalusugan ng iyong pag-iisip sa panahong ito, narito ang ilang mga bagay na maaari mong gawin: • Panatilihin ang mabubuting gawi, pati na ang malusog na pagkain, ehersisyo at pagtulog. • Panatilihin ang koneksyon sa iyong mga mahal sa buhay. Kausapin sila tungkol sa iyong mga alalahanin at pag-aalala sa telepono o sa pamamagitan ng online na teknolohiya. • Maging handa sa pamamagitan ng pagtiyak na mayroon kang sapat na pagkain, mga suplay at mga gamot. Humingi ng tulong sa pagkuha ng mga bagay na ito kung posible. • Iwasan o bawasan ang pag-inom mo ng alak at paghithit ng sigarilyo. • Kung sa tingin mo ay nababagabag ka sa mga pinakahuling balita, limitahan ang iyong panonood at pakikinig sa isang beses o dalawang beses lang sa isang araw. Gamitin ang mapagkakatiwalaan at kapani-paniwalang mga pagkukunan ng impormasyon, sa halip na sa social media. Kung hindi mo ma-access ang internet, pakiusapan ang isang kaibigan o kapamilya na basahin sa iyo o ipakita sa iyo ang napapanahon at mapagkakatiwalaang impormasyon. • Para sa mga taong may inaalagaang kalusugang pang-kaisipan, patuloy na inumin ang anumang iniresetang gamot at ipagpatuloy ang plano sa iyong paggamot. Humingi ng propesyonal na suporta hangga’t maaga kung ikaw ay nahihirapan. Maging malinis Ayon sa Mayo Clinic, ang paghuhugas ng kamay ang “isa sa pinakamainam na paraan para maiwasan ang sakit at ang pagkalat nito.” Napakadaling mahawa ng sipon o trangkaso kapag naihawak mo sa iyong ilong o mata ang kamay na kontaminado ng mikrobyo. Ang pinakamagandang panlaban dito ay ang laging paghuhugas ng kamay. Gumamit ng malinis na tubig Tiyaking malinis ang kamay kapag humahawak ng lalagyan ng tubig, at huwag isawsaw ang daliri o kamay sa tubig na inumin. Mag ingat sa kinakain Para maging malusog, napakahalaga ang tamang nutrisyon, at para sa tamang nutrisyon, kailangan ang masustansiya at balanseng pagkain. Mag ehersisyo Anuman ang iyong edad, kailangan mo ng regular na ehersisyo para sa magandang pangangatawan. PANANATILING POSITIBO Bagama't ito ay panahon ng kawalang-katiyakan at ang ating buhay ay nagbago sa loob ng maikling panahon, mahalagang tandaan na maraming bagay ang ating magagawa upang mas bumuti ang ating pakiramdam. Tandaan na ang mga pagbabagong ito at ang iyong pagsisikap ay tumutulong sa pagpapabagal ng pagkalat ng coronavirus (COVID-19).
Ano ang Epekto sa Katawan ng Hindi Wastong Pag-kain?
Ayon sa isang survey ng Pan-Asian insurance giant AIA
Group, ang Pilipinas ay ika-siyam sa mga pinaka-hindi malulusog na bansa sa Asia. Malaking porsyento ng mga Pilipinong nakiisa sa survey na ito ay nagsabing sila ay siguradong hindi sila malusog dahil sa kanilang kinakain at sa mga paraan ng pag-kain nila ng mga ito. Sa kabila nito, masipag na ginagampanan ng iba’t ibang ahensya ng gobyerno ang kanilang tungkulin para turuan ang mga tao ng wastong paraan ng pag-kain para makatulong sa kabuuang kalusugan.
MGA EPEKTO
Bukod sa mga nabanggit, narito ang ilan sa mga bagay na maaaring mangyari sa pangkabuuang kalusugan kapag hindi wasto ang pag kain:
Hindi nakakukuha ng mga bahagi ng katawan ang mga nutrisyon at
bitamina na kailangan para magawa ang kanilang functions nang mahusay. Bumababa ang supply ng amino acids, ang building blocks ng protina, resulta para maging mahina ang mga buto. Ang hindi pag-kain ng prutas, gulay, at fiber-rich food ay maaaring magpataas ng risk sa pagkaroon ng sakit sa puso at diabetes. Nakakaapekto rin ito sa digestive system. Sanhi ito para makaranas ng diarrhea o constipation. Layunin ng pag-kain na maging balanse at wasto ang levels ng blood sugar. Kaya naman, kapag hindi kumakain nang tama ay maaaring maging dahilan ito ng pagiging antukin, pagiging sobrang aktibo, o kaya naman stress. Ang hindi balanseng blood sugar levels ay nakakapagpataas din ng risk ng anxiety at pagigingmoody. Isa pa ay hindi nito napapaayos ang kalidad ng tulog na nagiging dahilan para madaling mag-init ang ulo. Mas madalas ang pagkaramdam ng pagod o fatigue kapag hindi kumakain ng nutritious food sa tama nitong oras Bagama’t may ilang benepisyo ang pagtatanggal matatabang pag-kain sa diet, hindi rin maganda ang dulot ng kakulangan ng healthy fats - nagpapababa itong sugar level na nagdudulot ng pagod na pakiramdam, kawalan ng alertness ng pag-isip, at paghina ng immune system.
Kung ang paglagtaw ng meals ay napapadalas kahit hindi naman kailangan,
obserbahang mabuti ang mga senyales at epekto nito sa kalusugan. Una itong mapapansin sa matinding pagbabago sa timbang. Maaaring may mga kaakibat na pala na mga eating disorders ang gawaing ito. Kapag hindi nabibigyan ng atensyon, posibleng mas lumalala ang habits na ito.
MGA KAILANGAN PARA MAKAIWAS:
Sumailalim sa isahan o pang-grupong psychotherapy para makatulong sa pagbabago ng state of mind ukol sa pag-kain nang tama;
Huwag mag-alinlangang humingi ng medical care at monitoring mula sa
mga health professionals gaya ng nutritionist;
Sundin ang napagkasunduang treatment plan na angkop sa eating
disorder na pinagdadaanan; at
Uminom ng gamot gaya ng mga appetite stimulant tablets kung
kinakailangan at naaayon sa prescription ng doctor.
Ano nga ba ang Epekto sa Mga Mamayan ng Kawalan ng Pagkain na
Naging Resulta ng Malnutrition at Hindi Malusog na Pangangatawan?
Ang problema ng malnutrisyon ay patuloy pa rin na
gumigimbal sa milyon milyong tao sa buong mundo partikular sa mga mahihirap na bansa kabilang na ang Pilipinas. At patuloy itong lumalala kasabay ng tumataas na kaso ng kahirapan at lumolobong populasyon. Ayon sa Food and Agriculture Organization (FAO), ang kaso ng malnutrisyon sa Pilipinas konektado sa kakulangan ng sapat na masusustansyang pagkain o kaya’y dahil sa hirap na maiabot ang mga kinakailangang pagkain sa buong populasyon. Bukod pa rito hindi din daw sapat ang kaalaman ng lahat tungkol sa kahalagahan ng nutrisyon.
Sinasabing ang kakulangang sa protina (protein-deficiency) ang pangunahing kaso ng
malnutrisyon sa Pilipinas. At tinatayang umaabot sa tatlong milyon ang dumaranas nito. Dahil dito, laganap ang kakulangan sa timbang at pagiging bansot ng mga kabataan sa mga lugar na talamak ang kaso ng malnutrisyon. Ayon sa FNRI, ang pagkabansot (stunted growth) ay problemang matagal nang kinahaharap ng bansa at sadyang nakaaalarma, mula sa 16% rate ng pagkabansot sa mga kabataan noong 2011, dumoble ito sa 33% rate sa sumunod na taon. Ayon naman sa World Health Organization, 28 na milyong Pilipino ang nanganganib na dumanas ng malnutrisyon, dahil pa rin sa hindi maipaabot ng husto ang kinakailangang nutrisyon sa buong ng populasyon.
Ano nga bang hakbang ang ginagawa ng gobyerno upang
mabigyang sulusyon ang ganitong aspeto ng pamumuhay? Upang malabanan ang kaso ng malnutrisyon sa bansa, nagsasagawa ng ilang programa ang pamahalaan upang maikalat ang impormasyon sa lahat. Ipinaaabot ang kaalaman sa kahalagahan ng nutrisyon sa mga kabataan sa mga pampublikong paaralan, kasabay din nito ay mga feeding program para sa lahat. Target ng pamahalaan na mapababa ang mga kaso ng malnutrisyon, gayundin ang bilang nga mga kabataan na namamatay dulot din ng malnutrisyon sa pagsapit ng 2015. Ayon pa sa mga pag-aaral ng ilang respetadong institusyon, ang mataas na kawalan ng trabaho sa Pilipinas ay tinuturo ding salik kung bakit hindi sapat ang sustansyang nakukuha ng bawat pamilya. Ang tinatayang 7.8 na porsyente ng kawalan ng trabaho sa bansa ay masasabing dahilan kung bakit hindi nabibili ang mga wastong pagkain na kailangan ng bawat myembro ng pamilya. Dagdag pa rito ang mataas na presyo ng mga bilihin sa merkado. Ang mga pamilya na biktima ng mga kalamidad ay nanganganib din na maging biktima ng malnutrisyon. Sa huli, mahirap man malabanan ang malnutrisyon sa bansa, hindi pa rin dapat mawalan ng pag-asa na darating at darating pa rin ang panahon na masusugpo ito ng ating bansa. Kinakailangan lamang siyempre na pag ukulan ng pansin ang isyung ito, lalo na mula sa gobyerno. Siyempre pa, kinakailangan din ang pakikiisa ng lahat ng sektor ng lipunan nang sa gayon ay makamtan natin ang layuning mabura ang malnutrisyon sa mga Pilipino.
REFERENCE:
Microsoft Word - CUL0028_Mental Health information - TAGALOG_v2.docx
(dhhs.vic.gov.au)
5 Paraan Para Maging Mas Malusog (jw.org)
Malnutrisyon - Problema ng Kahirapan sa Pilipinas | Mediko.ph
Ano ang Epekto sa Katawan ng Hindi Wastong Pag-kain? | RiteMED