Pandemya at Ako

Isinulat ni Tricia Ann S. Fidel

Pulo Elementary School

Distansya yan ang sinasabing sandata

Laban sa sakit na hindi nakikita
Bukas ang isip at dilat ang mga mata
Ang pangyayaring ito'y naging banta

Niyanig at nagulantang ang bawat nilalang

Ginising sa katotohanan na ang buhay ay hiram lang
Mga frontliners ang nagsilbing katuwang
Sila'y mga bayaning naging pananggalang

Bata man o matanda'y nataranta at nagimbal

Pandemic na ito'y nagturo ng aral
Na araw-araw laging magpasalamat at magdasal
Matutong manalangin sa Poong Maykapal

Kaya buhay natin ay pakaingatan

Manatili na lamang sa loob ng tahanan
Ang paglabas ay ating iwasan
Upang magkaroon ng sapat na kaligtasan