‫‪ሙዚቃና የሙዚቃ‬‬

‫‪መሳሪያዎች እርምነት‬‬

‫إعداد‪:‬‬
‫الشيخ عبدالرزاق بن عبدالمحسن البدر‬
‫‪ትርጉም፡ ዩሱፍ አሕመድ‬‬
ምስጋና ለአላህ ይገባው ፡፡ በእርሱ እመካለሁ ፣ ወደርሱ ተጸጽቸ እመለሳለሁ ፡፡ ከአላህ
በቀር በእውነት የሚመለክ አምላክ የሌለ መሆኑን ፣ ሙሐመድ ‫ ﷺ‬የአላህ አገልጋይና
መልክተኛ መሆናቸውን ፣ እሰከ እለተ ሞታቸው ድረስ ህዝብን በትክክል የመከሩና
የተሰጣቸውን አደራ በአግባቡ የተወጡ መሆናቸውን ፤ መልካም ነገር ኖሮ የተውት ፣
መጥፎ ነገር ኖሮ ያላስጠነቀቁት አንድም ነገር የለም ብየ በእርግጠኝነት እመሰክራለሁ፡፡
በእርሳቸው ፣ በቤተሰቦቻቸውና በባልደረቦቻቸው ላይ የአላህ ሶላትና ሰላምታ ይስፈን፡፡
ከዚህ በመቀጠል፡
አላህ - ሱብሃነሁ ወተዓላ - ሙስሊሞች እርካታን ፣ መረጋጋትንና እድለኛነትን
የሚጎናጸፉበትን ምቹና ቀጥ ያሉ በውስጣቸው በረካ የተሞላባቸውን አቅጣጫዎች የያዘ
መመሪያ አውርዷል፡፡ ነገር ግን አንዳንድ ሙስሊሞች ከዚህ ቀጥተኛ ጎዳና በማዘንበል
ጣፋጭ የሆነ ህይዎት ወይም የልቦና መረጋጋትን እናገኛለን በሚል ስሜት ጎጅና ከባድ
ተጽእኖዎችን ወደሚያስከትሉ ተግባራት ፊታቸውን ሲያዞሩ ይስተዋላል፡፡
ዘወትር ሙዚቃ በማዳመጥ ቀልባቸውን የሚያደርቁ በርካታ ወጣቶች አሉ፤ ለምን
እንደሚያዳምጡ ሲጠየቁም የቁርኣንና የሐዲስን መረጃዎች መሰረት ያላደረገ ፈትዋ
ከአንዳንድ ዑለሞች በመስማታቸው እንደሆነ ይገልጻሉ፡፡
በተለይም አሁን ባለንበት ዘመን ቀልብ የሚስቡ የድምጽ ቅላጼዎች በዘመናዊ
መሳሪያ እየታጀቡ በመምጣታቸው ወጣቱ ትውልድ ለዱንያውም ይሁን ለአኼራው
ጥቅም ከሚያስገኙ ነገሮች ርቆ በማይረቡ ነገሮች ብቻ ተጠምዶ ይስተዋላል ፤ በዚህም
የነገሩ አስከፊነት እየጨመረ ሄዷል፡፡ እነዚህ ነገሮች መስፋፋታቸው ዲናቸው
እንዲዳከም ፣ ስነ-ምግባራቸው እንዲወርድ ፣ ከከፍተኛና መልካም ከሆኑ ባህሪያት
ተርታ ወርደው ወደዘቀጡና ወራዳ ወደሆኑ ባህሪያት ተርታ እንዲሰለፉ አድርጓቸዋል፡፡
የሙዚቃ መሳሪያዎችና ዘፈኖች ክልክል ለመሆናቸውና በሙእሚኖች ላይ እያሳደረ
ያለው የልቦና ፣ የአዕምሮ፣ የዲን እና የስነ-ምግባር ተጽእኖ ከባድ መሆኑን
የሚያብራሩ ከቁርኣንና ከሐዲስ ማስረጃዎችን ይዞ የኢስላም ሸሪዓ መጧል፡፡
1/5
አላህ በተከበረው ቁርኣን የሚከተለውን ተናግሯል፡-
‫اَّلل ِبغ ْ َِْي ِع ْ ٍْل َويَتَّ ِخ َذهَا ه ُُز ًوا‬
ِ َّ ‫ِيل‬ ِ ‫﴿و ِم َن النَّ ِاس َمن ي َْش َ َِتي لَه َْو الْ َح ِد‬
ِ ‫يث ِل ُي ِض َّل َعن َسب‬ َ
﴾‫اب ُّمه ٌِني‬ ٌ ‫ُأول َ ِئ َك لَه ُْم عَ َذ‬
“ከሰዎችም ያለእውቀት ሆኖ ከአላህ መንገድ ሊያሳስትና ማላገጫ አድርጎ
ሊይዛት አታላይ ወሬን የሚገዛ አልለ፡፡ እነዚያ ለእነርሱ አዋራጅ ቅጣት
አላቸው፡፡” ሉቅማን፡
ኢብን አባስ ፣ ኢብን መስዑድ ፣ ሌሎችም ሶሃቦችና ታብዕዮች “አታላይ ወሬን የሚገዛ
አልለ” የሚለውን የቁርኣን አንቀጽ “ዘፈንና የሙዚቃ መሳሪያ ነው” በማለት
ተርጉመውታል፡፡ ታላቁ ታብዕይ ሀሰን አል-በስርይ - ረሂመሁሏህ - ደግሞ “ይህ
የቁርኣን አንቀጽ የወረደው ዘፈን እና የሙዚቃን መሳሪያ አስመልክቶ ነው” በማለት
ይናገራሉ፡፡ ተፍሲር ኢብኑ አቢ ሃቲም
አላህ በተከበረው ቁርኣን የሚከተለውን ተናግሯል፡-
‫ِل َو َش ِار ْكه ُْم ِِف ا َأل ْم َو ِال‬ َ ِ ‫﴿و ْاس َت ْف ِز ْز َم ِن ْاس َت َط ْع َت ِم ْْنُ ْم ب َِص ْو ِت َك َو َأ ْج ِل ْب عَلَ ْ ِْيم ِ َِب ْي‬
َ ِ ‫ِل َو َر ِج‬ َ
﴾‫الش ْي َط ُان االَّ ُغ ُرو ًرا‬ َّ ‫َوا َأل ْوال ِد َو ِع ْد ُ ُْه َو َما ي َ ِعدُ ُ ُُه‬
“ከእነርሱ የቻልከውን ሰው በድምጽህ አታል፡፡ በእነሱም ላይ በፈረሰኞችህ
ِ
በእግረኞችህም ሆነህ ለልብ፡፡ በገንዘቦቻቸውም ፣ በልጆቻቸውም ተጋራቸው ፣
ተስፋ ቃልም ግባላቸው፡፡ ሰይጣንም ማታለልን እንጂ ተስፋ ቃልን
አይገባላቸውም፡፡ አል ኢስራእ፡
ከሶሃቦች ፣ ከታብዕዮች በርካታዎቹ ይህን የቁርኣን አንቀጽ በሚከተለው መልኩ
ተርጉመውታል፡-
“በዚህ የቁርኣን አንቀጽ የተፈለገው የሰይጣን ድምጽ ሲሆን እርሱም ዘፈን ነው፡፡”
ብለዋል፡፡ ተፍሲር አጥ ጦበሪይ እና ተፍሲር አል ቁርጡቢይ
አላህ - ሱብሃነሁ ወተዓላ - የአላህ ባሮችን ባህሪ ሲገልጽ የሚከተለውን ተናግሯል፡-
َ ُ‫﴿و َّ ِاَّل َين َال ي َْشهَد‬
﴾‫ون ُّالز َور َوا َذا َم ُّروا ِِبلل َّ ْغ ِو َم ُّروا ِك َرا ًما‬ َ
“እነዚያም እብለትን የማይመሰክሩ ፤ በውድቅ ቃልምِ (ተናጋሪ አጠገብ) ባለፉ
ጊዜ የከበሩ ሆነው የሚያልፉት ናቸው፡፡” አል ፉርቃን፡

“ዙር” የሚለውን የቁርኣን ቃል አብዛኛው የተፍሲር ባለሙያ “ዘፈን” በሚል

ተርጉመውታል፡፡
2/5
ከፊሎቹ ደግሞ “ላ የሽሐዱነ ዙር” የሚለውን “ዘፈን የማይሰሙ” ወይም ጭፈራና
ሙዚቃ ባለባቸው ቦታዎች ድርሽ የማይሉ በሚል ተርጉመውታል፡፡
አላህ በተከበረው ቁርኣን የሚከተለውን ተናግሯል፡-
َ ُ‫۞و َأ ُ ْتُ َسا ِمد‬
﴾‫ون‬ َ ‫ون َو َال تَ ْب ُك‬
َ ‫ون‬ َ ‫۞وت َْض َح ُك‬ ِ ‫﴿ َأفَ ِم ْن ه ََذا الْ َح ِد‬
َ ‫يث تَ ْع َج ُب‬
َ ‫ون‬
“ከዚህ ንግግር ትደነቃላችሁ? ትስቃላችሁምን? አታለቅሱምን? እናንተም
ዘንጊዎች ናችሁ፡፡ አን ነጅም፡
ዓብደላ ብን አባስ 4 “ሳሚዱን” ወይም “እናንተም ዘንጊዎች ናችሁ” የሚለውን
የቁርኣን አንቀጽ “ዘፋኞች ናችሁ” በሚል ተርጉሞታል፡፡ ተፍሲር አጥ ጦበሪይ
ሙዚቃ ሀራም ለመሆኑ በርካታ ትክክለኛ ሐዲሶች መጥተዋል፡፡ ከነዚህ መካከል ቡኻሪና
ሌሎችም የዘገቡት የሚከተለው ሐዲስ ይገኝበታል፡፡
" .. ‫"ليكونن من أمتي أقوام يستحلون الحر والحرير والخمر والمعازيف‬
የአላህ መልክተኛ ‫ ﷺ‬የሚከተለውን ተናግረዋል፡-
“ከኡመቶቸ ዝሙትን ፣ ሐር ልብሶችን (ለወንዶች) ፣ አስካሪ መጠጦችን እና የዘፈን
መሳሪያዎችን የሚፈቅዱ በእርግጥ ለወደፊት ይከሰታሉ፡፡” ቡኻሪ፡ ሙዓለቀን ቢሲገቲ አል ጀዝም

‫ يعزف على رؤوسهم‬، ‫ يسمونها بغير اسمها‬، ‫"ليشربن ناس من أمتي الخمر‬
"‫ ويجعل منهم القردة والخنازير‬، ‫ يخسف هللا بهم األرض‬، ‫ والمغنيات‬، ‫بالمعازف‬
“ከኡመቶቸ አስካሪ መጠጦችን የሚጠጡ ሰዎች ይኖራሉ ፤ ያለስሟ ይሰይሟታል ፤
የሴት ዘፋኞችና የሙዚቃ መሳሪያ በአናተቸው ላይ (ከፍ ካለ መድረክ ላይ ሆነው)
ይዘፍኑባቸዋል ፤ አላህ በእነርሱ ላይ መሬትን ይደረምስባቸዋል ፤ ከእነርሱም ዝንጀሮና
ከርከሮዎች ያደርጋቸዋል፡፡” ኢብኑ ማጀህ፡ ሐዲሱን አልባኒ ሶሂህ ብለውታል አስ ሶሂህ፡

“አቅዋሙን የስተሂሉን” የሚለው ቃል ዘፈን ሀራም ለመሆኑ ግልጽ እና ቀጥ ያለ

ማስረጃ ነው፡፡ በተጨማሪ እነዚህ ሰዎች ሀራም ነገሮችን ሲፈቅዱ ሀራምነታቸውን ወይም
ነብዩ ‫ ﷺ‬ሀራም ማድረጋቸውን አምነው ሳይሆን በተበላሸና በተሳሳተ ትርጉም ሀራሙን
ሀላል እያሉ እንደሚፈቅዱም ማስረጃ ነው፡፡ ይህ ባይሆን ኖሮ ከነብዩ ‫ ﷺ‬ኡመቶች
ባልተካተቱ ነበር፡፡
:‫ والحاكم وصححه عن النبي صلى هللا عليه وسلم قال‬، ‫وروى الترمذي وحسنه‬
‫"نهيت عن صوتين أحمقين فاجرين صوت عند مصيبة خمش وجوه وشق جيوب‬
"‫ورنة شيطان‬
3/5
ቲርሚዝይና ሐኪም በዘገቡት የአላህ መልክተኛ ‫ﷺ‬ የሚከተለውን ተናግረዋል፡-
“በጣም አስቀያሚ (ቂል) እና አረመኔ የሆኑ ሁለት ድምጾችን ከማስተጋባት
ተከልክያለሁ፡፡ አንደኛው መከራ ሲደርስበት ፊቱን እየመለጠ ፣ ኳሌታውን እየቀደደ
(መጮህ ነው) ፤ ሁለተኛው ደግሞ የሰይጣን ማናፋት ነው፡፡” ቲርሚዚይ፡
“አስቀያሚ (ቂል) እና አረመኔ ሁለት ድምጾችን ከማስተጋባት ተከልክያለሁ፡፡”
ብለው የአላህ መልክተኛ ‫ ﷺ‬ሲናገሩ በመከራ ጊዜ ፊትን እየቧጠጡና ኳሌታን
እየቀደዱ የሚያሰሙት የዋይታ ድምጾችና የሰይጣን እንጉርጉሮዎች ናቸው፡፡
በዚህ ትክክለኛ ሐዲስ ውስጥ ዘፈን ክልክል ለመሆኑ የሚያጠናክሩ በርካታ ቃላቶችን
በሐዲሱ ውስጥ እናገኛለን፡፡
➢ ክልክል ሆኖ በግልጽ መምጣቱ ፤
➢ ዘፈን አስቀያሚ በሚል ባህሪ መገለጹ ፤
➢ የአረመኔዎች ድምጽ በሚል መገለጹ እና
➢ ከሰይጣን መዝሙሮች አንዱ መዝሙር በሚል መገለጹ ናቸው፡፡
በዚህ ምክንያት ዑለሞቹ ዘፈንን የሰይጣን ሩቅያ ፤ የሀራም እና ሐጢያት መናሐሪያ
ብለውታል፡፡
:‫وروى ابن أبي الدنيا في كتابه "ذم المالهي" أن النبي صلى هللا عليه وسلم قال‬
‫"في هذه األمة خسف ومسخ وقذف" فقال رجل من المسلمين يا رسول هللا ومتى‬
"‫ "إذا ظهرت القينات والمعازف وشربت الخمور‬:‫ذاك قال‬
“ዘሙል መላሂ” በሚባው ኪታብ ኢብን አቢዱንያ -ረሂመሁሏህ- የሚከተለውን
ሐዲስ ዘግበዋል፡-
“በዚህ ኡመት ውስጥ መሬት ይደረመሳል ፤ ሰዎች ይቀየራሉ ፤ መቅሰፍት ይኖራል፡፡”
ከሙስሊሞች አንዱ “ይህ ጉዳይ መቸ ነው የሚከሰተው?” በማለት ጠየቃቸው፡፡
“የሙዚቃ መሳሪያዎችና ሴት ዘፋኞች ይፋ በሚሆኑበትና አስካሪ መጠጥ በግልጽ
በሚጠጣበት ዘመን ነው፡፡” ዘሙል መላሂ፡ ገፅ ቲርሚዚይ፡ ሐዲሱን አልባኒ ሐሰኑን ሊገይሪሂ ብለውታል
አትርጊብ ወተርሂብ፡
ይህ ሐዲስ ከተለያዩ ደጋፊዎቹ ጋር ሆኖ “ሐሰን (መልካም)” የሚል ደረጃ
የተሰጠው በመሆኑ ሙዚቃ ሀራም ለመሆኑ ግልጽ ማስረጃ ይሆናል ማለት ነው፡፡
በዚህ ዙሪያ የመጡ የቁርኣን ፣ የሐዲስና የዑለሞች ንግግር ማስረጃዎች በርካታ
ናቸው፡፡ የዘፈንን ሀራምነት ፤ የብልሹነቱን አስከፊነት የአሁኖቹም ይሁኑ የድሮዎቹ
ዑለሞች በርካታ አጫጭር እና ረጃጅም መጽሐፎችን ጽፈዋል፡፡
4/5
 ሙዚቃ በሰው ልጆች ላይ ከሚያደርሰው ጉዳት መካከል በልቦና ላይ ተጽዕኖ ማሳደሩ
ነው፡፡ በነፍስ ውስጥ ሀራም የሆኑ ስሜቶችን ለመቀስቀስ ከፍተኛ አስተዋጽኦ አለው፡፡
ብልሹ የሆኑ ፍላጎቶችን ያመጣሉ ፤ ከከፍተኛና ምስጉን ባህሪያት ሰዎች እንዲርቁ
ያደርጋሉ፡፡
ሙስሊሞች በዘፈን አማካኝነት አላህን ከማስታወስ፣ ቁርኣን ከመቅራት ፣ መልካም
ነገሮቸን ከመስማት ፣ በመልካም ነገሮች ከመመካከር መታገዳቸውን እንጅ ሌሊት
ተነስተው ሶላት እንዲሰግዱ ፤ ለወላጆች በጎ እንዲሰሩ ፤ ዝምድና እንዲቀጥሉ ፤ ሶደቃ
እንዲያወጡ አንድም ቀን ተቀስቅሰው እንደማያውቁ ይገልጻሉ፡፡

አቅለኛ የሆነ ሰው አላህን ከመታዘዝ ከሚያርቁና ሐጢያት ላይ ከሚጥሉ ተግባራት ሊርቅ

እና ከመጥፎ ስነምግባርና ከስሜት በሽታዎች በአላህ ሊጠበቅ ይገባዋል፡፡

‫وصلى الله على نبينا محمد وعلى آله وصحبه وسلم‬

5/5
 ሙዚቃና የሙዚቃ
መሳሪያዎች እርምነት
:‫إعداد‬
‫الشيخ عبدالرزاق بن عبدالمحسن البدر‬
ትርጉም፡ ዩሱፍ አሕመድ

ባህር ዳር በሚገኙ የአህለሱና

መሻይኾች የተቀሩ ጠቃሚ ኪታቦች፣
ከሀገር ውስጥና ከውጭ በሚመጡ
መሻይኾች የተሰጡ ኮርሶች፣
ሙሓዶራዎች፣ የጁመዓ ኹጥባ፣
በትክክለኛ ማስረጃ የተደገፉ የተለያዩ
ኢስላማዊ መጣጥፎችን
የሚከተለውን የቴሌግራም ሊንክ
ጆይን በማድረግ መከታተል ይችላሉ