 Kumusta po ang buhay guro sa kabila ng pandemya?

-Bilang iyong punong-guro sa paaralan sa pagpapatupad ng printed LDMR

distance learning gamit ang printed material, ang isa sa mga hamon na
kinakaharap namin ay ang pagpaparami ng mga modules, lalo na noong
nagsimula ang ikalawang kwarter na ang pagpaparami ay nasa paaralan na
ginagawa, kaya ang napakahirap na bahagi ay ang reproduction machine sapagkat
limitado lamang ang aming kagamitan, ngunit para sa bondpaper at tinta ay ang
Division Office naman ang nagsusustento dito. Pagkatapos ang isa pang hamon na
kinakaharap natin kahit pa sa simula ng kwarter 1 at katulad ng kwarter-2 ay ang
paghahatid ng mga modules sa pinakamataas na bahagi dahil ang Naga Senior
High ay may mga mag-aaral mula sa Tagjaguimit-ang pinakamalayong barangay,
pati na rin ang San Fernando, Minglanilla, Cogon, Guindaruhan, Cantao-an. Sa
pagpasok ng Enero ay nagsimula ang tag-ulan, kaya ang mga guro ay nasa peligro
lalong-lalo na sa kanilang kalusugan at ang pagdadala ng mga modyul.

Gayundin, bilang isang punong-guro ng paaralan nangangako ako sa mga guro na

sinusunod namin ang iskedyul ng Division Office na hindi ito maaantala at
sinasagot ito ng mga nag-aaral nang may sapat na oras, na kapag binigyan sila ng
dalawang linggo, kaya maihahatid ito nang maaga at ipapasa ito sa naka-iskedyul
na oras, ngunit may ilang makikiusap dahil hindi pa sila tapos kaya binibigyan
namin ang lahat ng konsiderasyon.

Dapat bang bumalik sa paaralan o anong ginagawa ng mga

guro at iba pang kawani na may kalakip na mga kondisyon sa
kalusugan?

Mahigpit naming sinusunod ang utos na ibinigay o inisyu ng Central Office mula sa
Kagawaran ng Edukasyon na ang mga guro na may mga kailanganin, buntis, isyu
sa kalusugan, awtomatiko sila ay “work from home” ngunit binibigyan parin sila
ng pantay na gawain tulad ng mga regular na guro na nag-uulat sa mga paaralan .

 Anong mga bagay ang nag-uudyok at nagpapalakas ng

iyong loob upang ipagpatuloy ang pagtuturo kahit sa
kabila ng pandemya?

Sa gitna ng peligro, ginagawa natin ito dahil sa ating pagmamahal sa ating mga
mag-aaral sapagkat ang edukasyon ay dapat na magpatuloy.
  Minsan ba'y sumagi sa iyong isipan ang pagkasabik na
muling makita ang mga mukha ng mga mag-aaral, at
ang saya ng silid aralan? At bakit?

Oo talaga, dahil iba kung mayroong isang pakikipag-ugnayan at bumubuo ito ng

mga kasanayang panlipunan sa aming mga nag-aaral. Kaya't sa oras na ito ay
nagsasarili silang sumasagot ngunit may kakaibahan talaga kung mayroong guro
na nagtuturo dahil malaki ang magagawa nito.

 Ano ang iyong pinakamalaking alalahanin tungkol sa

ganitong klasi ng pagtuturo?

Nag-aalala ako tungkol sa pag-aaral ng mga bata sapagkat ibang-iba kung may
isang guro na tatalakay, ang konseptong ihahatid ng guro, isalin mula sa utak ng
guro sa mga nag-aaral, ngunit muli, higit kaming nag-aalala tungkol sa kalusugan
ng mga nag-aaral.

 Para sa'yo, ano ang pinakamalaking hamon bilang

isang guro sa panahon ng pandemyang ito at bakit?

Ang pagpapanatili ng modular approach na ito, na tayo ba’y magtatagal sa

bagong sistemang pang-edukasyon. Walang problema sa “manpower” sapagkat
ang guro ay malugod na pumapayag, ngunit ang tanong ay maaari ba nating
panatilihin ang ganitong klasi ng sistema.

 Paano mo pinagsasabay ang pagiging guro at ina sa

iyong mga anak na kailangan din ng kalinga sa kanilang
pag-aaral?

Ang aking sagot sa katanungang ito ay napaka-personal sapagkat ako ay ina ng

kambal at nag-aaral sila na may mga espesyal na pangangailangan dahil espesyal
sila. Kaya pagdating sa kanilang pag-aaral ay kailangan ko silang akayin, dahil dito,
ang ginawa ko kailangan kong pamahalaan ang aking oras. Pamamahala ng oras at
sa ngayon maayos naman ang lahat.