Professional Documents
Culture Documents
Правни лекови
Правни лекови
Правен лек претставува парнично дејство на странката со кое таа предлага судот да ја укине или
измени одлуката изречена на нејзина штета. Правните лекови им овозможуваат на странките и
другите учесници во постапката да го искажат својот револт, негодување протиб одлуките на судот
кога сметаат дека нивните права и интереси не се доволно и правилно заштитени од страна на
судот. Значењето на правните лекови се огледа и во контролата на повисокиот суд врз работата на
понискиот суд. Правните лекови можат да бидат редовни и вонредни правни лекови. Единствен
редовен правен лек во нашате судски постапки е жалбата.
Жалбата е редовен правен лек што се изјавува против неправилната пресуда на првостепениот
суд. Таа има двојно дејство. Суспензивно дејство кое значи дека навреме вложената жалба
спречува пресудата да стане правосилна и извршна. И деволутивно дејство што значи за истата
правна работа да може да постапува и да одлучува друг повисок орган. Жалбата е поднесок на
странката во кој таа може да изнесе нови факти и да предложи нови докази, како и да истакне
приговори. За да може да се постапува по жалбата, таа треба да содржи назначување на судот до
кој се доставува, број и датум на пресудата што се напаѓа, кој дел од пресудата го напаѓа и потпис
на подносителот. Причините поради кои може да се изјави жалба се следниве : ако судот
направил суштествена повреда на правилата на парничната постапка, ако судот погрешно или
нецелосно ја утврдил фактичката состојба и ако судот погрешно применил правна норма од
материјалното право. Рокот за жалба изнесува 15 дена од денот на доставување на одлуката на
странките и тече поединечно за секоја од нив.