Pangalan: Petsa:

Baitang/Strand: Iskor:

Komunikasyon at
Pananaliksik sa Wika at
Kulturang Pilipino
Unang Kuwarter – Modyul 1
Mga Konseptong Pangwika

https://tinycards.duolingo.com/decks/2zG8bNmS/diskurso-at-komunikasyon

Kagawaran ng Edukasyon Republika ng Pilipinas

Manaoag National High School Senior High School

1
 ALAMIN

Panimulang Ideya

Ang modyul na ito ay inihanda para sa iyo at marami kang

makukuhang kaalaman sa bawat aralin. Kaya pagsikapan mong
mabuti na masagot ang mga gawaing inihahanda sa bawat yugto ng
pagkatuto. Tiyak na magugustuhan mo ang mga konseptong
pangwika.
Alam mo bang mahalaga ang ginagampanang papel ng wika sa
buhay ng tao? Ngunit dahil lagi na natin itong ginagamit, hindi natin
gaanong naoobserbahan ang tungkulin nito. Natural na lamang sa atin
ito tulad ng ating paghinga at paglakad.
Sa araling ito, ang iyong kaalaman sa pagkamalikhain ay
hihimukin. Ang dating kaalaman ay maiuugnay mo rin dito. Pati na
rin ang karanasang pansarili ay maari mong pagkunan ng iyong mga
kasagutan.
Tutulungan kang muli ng mga inihandang gawain. Alam kong
makakaya mong sagutin ito. Kaya mo to! Handa ka na ba? Simulan
mo na.

MODYUL 1

Mga Konseptong Pangwika

Markahan: Una Linggo: 1st

Araw: Apat (4) na araw Oras: Apat (4) na oras

Pangkalahatang Ideya

Sa modyul na ito, tatalakayin ang kahalagahan ng wika bilang

instrumento ng komunikasyon. Ang mga kasanayang matutuhan dito
ay makatutulong nang malaki upang ihanda ka sa mga gawaing may
kinalaman sa pagkakaroon ng mabungang interaksyon.

2
Nilalaman ng Modyul

Mahalagang matutunan mo bilang mag-aaral ang mga

konseptong pangwika. Makatutulong ito sa iyo upang madagdagan
ang iyong karanasan, kaalaman, at kamulatan sa mga kaalamang
pandaigdig nang sa gayo’y mapakinabangan ito ng iyong komunidad
at lipunan.

Mga Layunin

Sa modyul na ito, inaasahang sa katapusan ng araling ito ay

matatamo mo ang sumusunod na kasanayang pampagkatuto:
a. Naiuugnay ang mga konseptong pangwika sa mga
napakinggang sitwasyong pangkomunikasyon sa radyo,
talumpati, at mga panayam F11PN – Ia – 86;
b. Natutukoy ang mga kahulugan at kabuluhan ng mga
konseptong pangwika nakapag-uugnay-ugnay ng mga ideya
gamit ang makatwirang lohika . F11PT – Ia – 85. Sa huli,
nilalayon ng kabanatang ito na masuri ang kalikasan at gamit
ng wika.

PANGKALAHATANG PANUTO

Ang disenyo ng Modyul para sa paglinang sa kasanayang

pampagkatuto ay binubuo ng yugto ng pagkatuto, tampok dito ang
tuklasin na magbibigay ng maikling pagsasanay kaugnay sa paksa sa
bawat aralin at sa kasanayang pampagkatuto na dapat malinang.
Matutunghayan naman sa bahaging suriin ang mga konseptong
pangwika. Makikita naman sa bahaging pagyamanin ang mga
mahahalagang kaisipan na napapaloob sa konseptong pangwika na
lilinangin sa aralin. Tinatasa sa isagawa na bahagi kung natamo ba
ang mga kasanayang pampagkatuto sa bawat aralin at kung sapat na
ang mga kaalamang natutunan ng mga mag-aaral. Kabilang dito ang
ilang gawaing magpapaigting sa mga natutunan sa araling tinalakay.
Malaki ang maitutulong sa iyo ng modyul na ito.

3
 Higit na maayos at kapaki-pakinabang ang pag-aaral kung
susundin mo ang mga panuto o tuntunin sa paggamit sa aralin.

1. Sagutin mo nang maayos ang panimulang pagtataya na

susukat sa iyong dating kaalaman.
2. Iwasto ang mga sagot. Hingin mo ito sa iyong guro. Kung
marami kang mali huwag kang mag-alala. Tutulungan kang
linawin ito habang sinusuri mo ang paksa na nakapaloob dito.
3. Basahin at pag-aralang mabuti ang mga paksa. Isagawa mo
ang mga kaugnay na gawain. Mababasa mo kung paano ito
gagawin.
4. Sagutin mo ang pangwakas na pagtataya sa kabuuan kung
“Gaano ka kahusay at kung paano mo inunawa ang bawat
aralin?” kunin mong muli sa iyong guro ang susi ng
pagwawasto. Maging matapat ka sa pagwawasto.
5. Kaibigan mo ang modyul na ito. Huwag mong sulatan at
ingatang huwag masira. Gumamit ka ng hiwalay na sagutang
papel o notbuk.

4
 MGA KONSEPTONG PANGWIKA

“Ang wika’y mahalagang instrumento ng komunikasyon

ito’y makatutulong sa pagkakaroon ng mabungang
interaskyon” –Anonymous-

https://www.freepik.com/premium-vector/young-friendly-woman-logopedist-is-articulating-her-logopedic-
treatment-session_5748202.htm#query=concept%20of%20language&position=30

5
SUBUKIN

PANIMULANG PAGTATAYA
Panuto: Piliin ang tamang sagot mula sa mga pagpipilian sa bawat
aytem. Isulat lamang ang titik o letra ng mapipili mong sagot
sa hiwalay na papel o notbuk.

______ 1. Ginagamit ang Wikang Filipino upang magkaintindihan

ang mga Pilipinong may iba’t ibang Unang wikang
kinagisnan. Ang Filipino rito ay ginagamit bilang_______.
a. Wikang Pambansa c. Lingua Franca
b. Wikang Opisyal d. Wikang Panturo

______ 2. Kung ang wika ay ginagamit bilang wika sa mga

transaksyon at/o komunikasyon sa gobyerno, pasulat man
o pasalita,gamit ito bilang ___.
a. Lingua Franca c. Wikang Opisyal
b. WikangPambansa d. Wikang Panturo

______ 3. Ayon sa kanya, ang wika ay isang sistema ng mga tunog na

isinaayos sa paraang arbitraryo.
a. Paz Hernandez c. Charles Darwin
b. Henry Allan Gleason, Jr. d. Lope K. Santos

_______4.Ang katutubong wika na ginagamit sa buong Pilipinas

bilang wika ng komunikasyon ng mga etnikong grupo.
a. Filipino c. Bisaya
b. Ilokano d. Waray

_______5.Ayon kay ________, ang wika ay sistema ng tunog o

sagisag na ginagamit ng mga tao sa komunikasyon.
a. Sapiro c. Gleason
b. Hemphill d. Hutch

_______6. Ipinapahayag sa Sek.7 artikulo bilang ______ ng Saligang

batas ng 1987 na ang Wikang Opisyal sa Pilipinas ay
Filipino hangga’t walang ibang itinatadhana ang batas,
gagamitin din ang Wikang Ingles.
a. XV c. XIV
b. XII d. XVI
6
_______7. Ano ang ating wikang Pambansa?
a. Ingles c. Tagalog
b. Ilocano d. Filipino
_______8. Ayon kay _________, ang wika ay isang makataong
pamamaraan ng paghahatid ng mga kaisipan, damdamin at
kaparaanang lumikha ng tunog.
a. Gleason c. Quezon
b. Sapiro d. Hemphill

_______9. Anong wikang ginagamit bilang wikang panturo sa mga

paaralang Pang-sekundarya?
a. Tagalog at Bisaya c. Ingles at Filipino
b. Maranao at Bisaya d. Ingles at Kastila

_______10. Ang tawag sa wikang opisyal na wikang ginagamit

sa pormal na edukasyon.
a. Wikang Panturo c. Wikang Pambasa
b. Wikang Opisyal d. Wikang Pandaigdig
Pandaigdig

7
 ARALIN 1

Ang Wika

Nakapaloob sa araling ito ang tungkol sa mga konsepto ng wika.

YUGTO NG PAGKATUTO

Sa puntong ito, subuking sagutin ang mga sumusunod na katanungan

bilang paghahanda sa gawaing may kinalaman sa mga konseptong pangwika.

A. TUKLASIN

https://www.google.com/search?q=wika+sinasalita++clip+art&tbm=isch&ved=2ahUKEwibroXjornpAhXRA6
YKHR8wBaQQ2-
cCegQIABAA&oq=wika+sinasalita++clip+art&gs_lcp=CgNpbWcQAzoCCABQ25ULWLy3C2CZugtoAHAA
eACAAakBiAGEDZIBBDAuMTKYAQCgAQGqAQtnd3Mtd2l6LWltZw&sclient=img&ei=plPAXpvDBtGH
mAWf4JSgCg&bih=676&biw=1517#imgrc=s5x
Nq3ayz9tGXM

8
 Gawain 1

Panuto: Sa pamamagitan ng graphic organizer sa ibaba magbigay ng

sariling pagpapakahulugan ng salitang akasulat sa loob ng
bilohaba. Isulat ang iyong sagot sa hiwalay na papel o
notbuk.

WIKA

B. SURIIN

Tunghayan ang Round Discussion ng ilang mag-aaral

Table paksang mga konseptong tungkol sa Wika, Wikang Pambansa,
pangwika: Wikang Opisyal. Wikang Panturo,

Sa pangunguna ng kanilang lider na si Angelo Carrtte, pinag-

uusapan nila ang paksang tatalakayin ng kanilang pangkat, ang
tungkol sa mga konseptong pangwika. Kasama sa pangkat sina
Maxine, Stephanie, Nathalie, Angela at Messiah.
Angelo Carrtte: Handa na ba kayo sa tatalakayin natin para sa
klase bukas?
Maxine: Ako ang mauuna. Wika ang napunta sa akin. Gaya ng
napagkasunduan natin, gagawan ng handouts ang tatalakayin kaya’t
kumuha na kayo ng tig-iisa para masabayan ninyo ako.

9
 Ayon kay Hutch (1991), ang wika ay sisitema ng tunog o
sagisag na ginagamit ng tao sa komunikasyon. Ang pagsasalita ng tao
ay tinutukoy na sistema ng tunog. Binubuo ng sagisag ang isang wika.
Sa nabanggit na depinisyon, tinutukoy rin na ang wika ay para sa tao.
Bagaman ang mga hayop ay mayroon ding paraan ng komunikasyon,
hindi maituturing na wika ang mga ito. Samakatuwid, ang wikang
tinutukoy sa pagtatalakay ay ginagamit ng tao sa pakikipag- ugnayan
sa kanyang kapwa tao.

Ipinahayag ni Otanes (1990), na ang wika ay isang

napakasalimuot na kasangkapan sa pakikipagtalastasan. At ang
paglinang sa wika ay nakapokus sa kapakinabang na idudulot sa mag-
aaral na matutunan ang wika upang makapaghanapbuhay,
makapamuhay sa kanilang kapwa, at mapahalagahan nang lubusan
ang kagandahang buhay sa kanyang ginagalawan.
Angelo Carrtte: Mahusay, talagang malawak ang naging
pananaliksik ni Maxine. Si Stephanie naman, wika rin itinakda sa iyo,
di ba?

Stephanie: Tama ka. Narito naman ang iba pang kahulugan ng wika.
Isinaayos ko ito sa pamamagitan ng isang tsart.

Gleason (1961) Sapiro (Sapiro sa Hemphill (Hemphill sa

Ruzol 2014:15) Ruzol 2014:15)
Ang wika ay Ang wika ay isang Ang wika ay isang
masistemang balangkas lakas at makataong masistemang kabuuan
ng mga sinasalitang pamamaraan ng ng mga sagisag na
tunog na pinili at paghahatid ng mga sinasalita o binibigkas
isinaayos sa paraang kaisipan, damdamin, at na pinagkaisahan o
arbitraryo na ginagamit hangarin sa kinauhalian ng isang
sa pamamagitan ng isang pangkat ng mga tao, at
pakikipagkomunikasyon kusang-loob na sa pamamagitan nito’y
ng mga taong kabilang sa kaparaanang lumikha nagkakaugnay,
isang kultura. ng tunog. nagkaka-unawaan at
nagkakaisa ang mga
tao.

10
Angelo Carrtte: Wow! hindi nagpatalo si Stephanie. Pakinggan
naman natin si Angela sa pagtatalakay niya.
Angela: Ang gamit ng wikang panturo ay magtamo ng mataas na
antas ng edukasyon.

Wikang Panturo
Ang wikang pambansa na itinadhana ng batas ay gagamitin
bilang Wikang Panturo.Gagamitin ito upang makatulong sa
pagtatamo ng mataas na antas ng edukasyon. Mahalaga ang mabilis
na pag-unawa sa tulong ng wikang panturo upang makaagapay sa
akademikong pag-unlad. Magiging makahulugan ang pagkatuto gamit
ang wikang panturo. Gaya ng isinasaad sa Probisyong Pangwika ng
Artikulo XIV seksyon 6 ng Saligang-batas ng 1987, kaugnay ng
wikang panturo na:

Ang wikang pambansa ng Pilipinas ay Filipino. Samantalang

nilinang, ito ay dapat payabungin at pagyamanin pa salig sa mga
umiiral na wika sa Pilipinas at ibang pang mga wika. Dapat
magsagawa ng mga hakbangin ang pamahalaan upang ilunsad at
puspusang itaguyod ang Filipino bilang midyum ng opisyal na
komunikasyon at bilang wika ng panturo sa sistemang pang-
edukasyon.

Angelo Carrtte: Napakakomprehensibo ng talakay mo, Angela. Sige,

si Messiah naman ang pakinggan natin para sa huling konseptong
pangwika. Ang Wikang Opisyal.
Messiah: Okey, ako naman.

Wikang Opisyal
Tinatawag na Wikang Opisyal ang prinsipal na wikang
ginagamit sa edukasyon, sa pamahalaan, sa politika sa komersiyo at
industriya. Ipinahayag naman sa Artikulo XIV seksyon 7 ng Saligang-
batas ng 1987 na: “Ukol sa mga layunin ng komunikasyon at
pagtuturo, ang Wikang Opisyal sa Pilipinas ay Filipino at hangga’t
walang itinadhana ang batas, Ingles.” Tinatanggap din ang Ingles na
isa sa wikang opisyal maliban sa Filipino. Maaari itong gamitin sa
pakikipagkomunikasyon at edukasyon. Hangga’t walang batas na
nagbabawal gamitin ang Ingles sa nasabing sitwasyon, kaagapay ito
ng Filipino bilang Wikang Opisyal.

11
 Angelo Carrtte: Nakatutuwa naman at talagang handing-handa na
tayo para sa talakayan bukas, Maidaragdag na, dahil sa ang mga wika
ay buhay, patuloy na umiinog ito sa mga pagbabago. Maging
kahulugan o depinisyon lumalawak din at nagbabago. Sige, bukas na
natin alamin. Tayo na. Umuwi na tayo at maghanda para bukas.

Lahat: Tama ka, para maging maayos ang pagtatalakay natin bukas.

- Sipi mula kay M Jocson, Komunikasyon at Pananaliksik sa Wika at

Kulturang Pilipino: Vibal, Inc ,2016 p.4-6

Gawain 2
Panuto: Tukuyin at ipaliwanag ang kahulugan ng konseptong
pangwika mula kina: Sapiro,Hemphill, Hutch at Otanes.
Gayahin ang kasunod na pormat sa sagutang papel o
notbuk. (Natutukoy ang mga kahulugan at kabuluhan ng
mga konseptong pangwika nakapag-uugnay-ugnay ng mga
ideya gamit ang makatwirang lohika .F11PT – Ia – 85.)
Hal: Gleason - ang wika ay "masistemang balangkas" ang bawat wika
ay may tuntunin o Sistemang sinusunod sa paggamit ng
wika. Isang tiyak na halimbawa ay ang pagbubuo ng
pangungusap. Sa bawat gramatika ng isang wika ay may
Sistema tama o angkop na pagbabalangkas o pagbubuo ng
pangungusap.

Dalubhasa sa pag-aaral Sariling Paliwanag

1. Sapiro

2. Hemphill

3. Hutch

4. Otanes

12
 C. PAGYAMANIN
Sa araling ito, makabubuting pahalagahan natin ang pagsisikap
ng KWF na bumuo ng Ortograpiyang Filipino. Sa pamamagitan nito,
mahuhutok maging may alam at maingat kayo bilang mag-aaral
hinggil sa mga katangian ng mga salitang taal, hiram, balbal, jargon,
siyentipiko, bagong-likha, at iba pa. Basahin ang Dekalogo ng
Wikang Filipino. Isinusulat ang nasabing dekalogo ni Jose Ladera
Santos. Ang kanyang inspirasyon ay ang mga bayani at tanyag ng
mga pinuno na nakatuon sa pagmamahal sa lahi, sa bansa, at sa Diyos.

Dekalogo ng Wikang Filipino

(ni Jose Ladera Santos)
I.
Ang wika ay dakilang biyaya ng Maykapal sa
sangkatauhan. Bawat bansa ay binigyan ng Diyos ng
kani-kaniyang wika sa pagkakakilanlan.

II.
Ang Pilipinas ay mayroong 176 na
katutubong wika bukod pa sa
panghihiram sa mga banyagang wika.

III.
Ang pambansang wika ng Pilipinas ay Filipino.
Si Pangulong Manuel Luis Quezon ang
Ama ng Wikang Pambansa. Ang wikang Filipino ay
katuparan ng pangarap na wikang panlahat.

IV
Ang wikang pambansa ay pinayayabong, pinagyayaman
at pinatatag ng lahat ng wikang ginagamit sa Pilipinas.

V.
Ang wika ay puso at kaluluwa ng bansa para sa ganap
sa pagkakakilanlan. Nakapaloob ito sa Pambansang Awit, Panunumpa
sa Watawat at sa lahat ng sagisag ng kalayaan at kasarinlan.

13
 VI.
Tungkulin ng bawat Pilipino na pag-
aralan, gamitin, pangalagaan,
palaganapin,mahalin at igalang ang
Wikang Pambansa kasabay ang gayon ding pagmamalasakit
sa lahat ng katutubong wika at mga wikang ginagamit sa Pilipinas.

VII.
Ang pagmamahal at paggalang sa wika ay katapat ng
pagmamahal at paggalang sa sarili. Tumitiyak ito upang igalang din
ang kapwa.Taglay ng lahat ng katutubong wika at mga wikang
ginagamit sa Pilipinas.

VIII.
Malayang gumamit at pagyamanin ang iba pang wikang gustong
matutuhan. Sa pagkatuto ng iba ay lalo pang dapat pakamahalin ang
mga kinagisnang wika. Ano mang wikang hindi katutubo sa Pilipinas
ay wikang hiram. Hindi matatanggap bilang
pagkakakilanlan at hindi maaangkin ang sariling atin.

IX.
Bawat Pilipino ay nag-iisip, nangangarap at nanaginip
Sa wikang Filipino o wikang kinagisnan.

X.
Ang bawat pagsasalita at pagsusulat gamit ng wika ay pagdiriwang at
pasasalamat sa Maykapal sa pagkakaloob ng wika bilang biyaya sa
sangkatauhan.

-Sipi mula kay M Jocson, Komunikasyon at Pananaliksik sa Wika at

Kulturang Pilipino: Vibal,Inc ,2016 p.14-1

14
 Gawain 3
Pagsusuri: Gumawa ng talahanayan sa inyong notbuk kagaya ng
modelo sa ibaba. Sa unang kolum, isulat ang limang (5)
konseptong pangwikang inyong natutunan mula sa modyul
na ito. Sa ikalawang kolum naman, isulat
ang kaukulang bilang ng Dekalogo kung saan nakapaloob
ang konseptong ito at sa ikatlong kolum, magbigay ng
maikling paliwanag.
(Naiuugnay ang mga konseptong pangwika sa mga napakinggang
sitwasyong pangkomunikasyon sa radyo, talumpati, at mga panayam
F11PN – Ia – 86)
KONSEPTONG BILANG NG PALIWANAG
PANGWIKA DEKALOGO

Hal: III Filipino ang opisyal na wika

Tinatawag na Wikang
Opisyal ang prinsipal na ng bansang Pilipinas upang
wikang ginagamit sa ang lahat ay
edukasyon, sa pamahalaan, magkakaintindihan.
sa politika, sa komersiyo, at
industriya. Ipinahayag
naman sa Artikulo XIV
seksyon 7 ng Saligang
Batas ng 1987 na: “Ukol sa
mga layunin ng
komunikasyon at
pagtuturo, ang wikang
opisyal sa Pilipinas ay
Filipino
1.
2.
3.
4.
5.

15
 D. ISAGAWA

Gawain 4

Natutuwa ako na natapos mo na nang maayos ang mga

gawain sa tatlong yugto ng pagkatuto. Ngayon, inaasahan ko na
may sapat ka ng kaalaman upang sagutin ang mga tanong na
ibibigay ko sa iyo sa gawain 4.

Panuto: Gumawa ng hugis puso at kahon sa inyong notbuk

kagaya ng modelo sa ibaba Sagutin ang hinihingi sa
bawat hugis base sa kabuuang talakayan
sa modyul na ito.
Ang Nilalaman ng Aking Puso Ukol sa Kahulugan ng Wika

16
Mga dapat kong pahalagahan sa mga konseptong pangwika
(Maaari ring sabihing paano mapahahalagahan ang mga
konseptong pangwikang natutunan)

1.
2.
3.
4.
5.

Ayon sa aklat ni Magdalena O. Jocson sa Komunikasyon at

Pananaliksik sa Wika at Kulturang Pilipino na ang pagtukoy sa
kahulugan ng mga konseptong pangwika,kailangan ang literal na
kahulugan nito na maaring kunin sa diksyunaryo o iba pang
babasahing pangwika.Maaari rin ito sa pamamagitan ng panayam sa
mga taong eksperto sa larangan ito.Higit sa lahat ang karanasan ng
mga taong gumagamit ng wika o nagpapahalaga rito na gamit sa
aktuwal na buhay sa araw-araw na pakikisalimuha sa iba’t ibang
tao,ay maaaring batayan din sa pagtukoy sa kahulugan ng mga
konseptong pangwika.Sa araling ito natutunghayan ang kahulugan ng
ilang konseptong pangwika(wika,wikang pambansa,wikang panturo,at
wikang opisyal).
Mayroon iba’t ibang kahulugan ng wika mula sa mga dalubwika
tulad ng:

Wika ay binubuo ng tunog at sagisag na ginagamit ng mga tao sa

pakikipagkomunikasyon upang magkaunawaan. Wikang Pambansa
naman ay pinagtibay ng pambansang pamahalaan at ginagamit sa
pamamahala at pakikipag-ugnaya sa mamamayan. Wikang panturo
ang ginagamit upang magtamo ng mataas na antas ng edukasyon.
Tinatawag naman na wikang opisyal ang principal na wikang
ginagamit sa edukasyon, sa pamahalaan at sa politika, sa komersiyo at
industriya .

17
TAYAHIN
HULING PAGTATAYA
Panuto: Piliin ang tamang sagot mula sa mga pagpipilian sa bawat
aytem. Isulat lamang ang titik o letra ng mapipili mong sagot
sa hiwalay na papel o notbuk.

______ 1. Ginagamit ang Wikang Filipino upang magkaintindihan

ang mga Pilipinong may iba’t ibang Unang wikang
kinagisnan. Ang Filipino rito ay ginagamit bilang_______.
a. Wikang Pambansa c. Lingua Franca
b. Wikang Opisyal d. Wikang Panturo

______ 2. Kung ang wika ay ginagamit bilang wika sa mga

transaksyon at/o komunikasyon sa gobyerno, pasulat man
o pasalita,gamit ito bilang ___.
a. Lingua Franca c. Wikang Opisyal
b. Wikang Pambansa d. Wikang Panturo

______ 3. Ayon sa kanya, ang wika ay isang sistema ng mga tunog na

isinaayos sa paraang arbitraryo.
a. Paz Hernandez c. Charles Darwin
b. Henry Allan Gleason d. Lope K. Santos

_______4. Ang katutubong wika na ginagamit sa buong Pilipinas

bilang wika ng komunikasyon ng mga etnikong grupo.
e. Filipino g. Bisaya
f. Ilokano h. Waray

_______5. Ayon kay ________, ang wika ay sistema ng tunog o

sagisag na ginagamit ng mga tao sa komunikasyon.
a. Sapiro c. Gleason
b. Hemphill d. Hutch

_______6. Ipinapahayag sa Sek.7 artikulo bilang ______ ng Saligang

batas ng 1987 na ang Wikang Opisyal sa Pilipinas ay
Filipino hangga’t walang ibang itinatadhana ang batas,
gagamitin din ang Wikang Ingles.
a. XV c. XIV
b. XII
18
_______7. Ano ang ating wikang Pambansa?

a. Ingles c. Tagalog
b. Ilocano d. Filipino

_______8. Ayon kay _________, ang wika ay isang makataong

pamamaraan ng paghahatid ng mga kaisipan, damdamin at
kaparaanang lumikha ng tunog.
a. Gleason c. Quezon
b. Sapiro d. Hemphill

_______9. Anong wikang ginagamit bilang wikang panturo sa mga

paaralang Pang-sekundarya?
a. Tagalog at Bisaya c. Ingles at Filipino
b. Maranao at Bisaya d. Ingles at Kastila

_______10. Ang tawag sa wikang opisyal na wikang ginagamit sa

pormal na edukasyon.
a. Wikang Panturo c. Wikang Pambasa
b. Wikang Opisyal d. Wikang Pandaigdig

19
 SANGGUNIAN

A. Mga Aklat
Almario, Virgilio S. (Ed.). Poetikang Tagalog: Mga unang pagsusuri sa
sining ng pagtulang Tagalog .Lungsod ng Quezon: UP Diliman. 1996.
Bernales, Rolando, Atienza, Glecy, Talegon, Vivencio Jr., at Rovira, Stanley. Kritikal na pagbasa at
lohikal na pagsulat tungo sa pananaliksik.Valenzuela City: Mutya Publishing House Inc. 2006.
Bernales, Rolando A. Bukal 3: Pagbasa.San Mateo, Rizal: Vicente Publishing House, Inc. 2006.
Dayag, Alma M. at del Rosario, Mary Grace. Pinagyamang Pluma Komunikasyon at Pananaliksik sa
Wika at Kulturang Pilipino. 927 Quezon Avenue, Quezon City: Phoenix Publishing House,
2016.
Jocson, Magdalena O. Komunikasyon at Pananaliksik sa Wika at Kulturang Pilipino. 1253 Gregorio
Araneta Avenue, Quezon City: Vibal Group, Inc. 2016
Nuncio, Rhoderick V. et.al. SIDHAYA 11 Komunikasyon at Pananaliksik sa Wika at Kulturang
Pilipino. Cand E Publishing, Inc. 2016
Tumangan, Alcomister P., Bernales, Rolando A., Dante C. & Mangonon, Isabela A.Sining ng
pakikipagtalastasa: Pandalubhasaan.Valenzuela City: Mutya Publishing House Inc.2000.
Webster’s new colligiate dictionary. Springfield, A: G and G Merriam 1961.
The personal promise pocketbook. Makati: Alliance Publishers, Inc. 1987.
De Jesus, Armado F. Institutional research capability and performance at the University of Santo
Tomas: Proposed model for managing research in private HEIs. Di-nalathalang disertasyon,
UST. 2000.
Grospe, Alas A. Isang pagsusuri ng mga pamaraang ginamit ni Rolando Tinio sa pagsasalin ng mga
idyoma sa mga dula ni Shakespeare. Di-nalathalang tisis, UP Diliman. 1999
Maddux, K. March. True stories of the interest patrol. Net Guide Magazine, 88-98. 1997
Nolasco, Ma. Ricardo. Ang panglinggwistiks na pagsasalin sa wikang pambansa. Lagda, 12-20. 1998.

B. Websites

Burgess, Patricia. 1995. A guide for research paper: APA style.

http://webster.commet.edu/apa/apa_intro.htm#content2
Comments and criticisms on Gabriel Garcia Marquez’s Love in the Time of Cholera.
http://Gabrielgarciamarquez.edu.ph
http://atin-americanliterature.edu.ph
https://www.freepik.com/free-vector/research-background-design_1028140.htm
http://floredelresus.blogspot.com/2017/08/gamit-ng-wika-sa-lipunan_11.html

20