Professional Documents
Culture Documents
PILIPINAS
This is a property of
PRESIDENT RAMON MAGSAYSAY STATE
UNIVERSITY
NOT FOR SALE
Pagtuturo ng Filipino sa Elementarya II
Aralin 1
Panimula
Napakabilis ng pag-usbong ng iba’t ibang makabagong paraan sa pagtuturo. Kaakibat nito ang
mala-kabuteng pagsulpot ng iba’t ibang lapit o dulog at mga estratehiya o pamamaraan tungo sa mabisang
pagtuturo. Ngunit, paano nga ba isinasagawa ang mabisang pagtuturo? Masakit mang aminin o tanggapin walang
sinuman ang makapagbibigay ng tiyak na sagot sa katanungang ito. Maaagapan lamang ang kalituhang ito kung
magkakaroon ng sapat na kaalaman at pag-unawa sa mga lapit o dulog at estratehiya o pamamaraan sa pagtuturo
ng wika at panitikan. Ang dulog o lapit ay isang set ng mga pagpapalagay hinggil sa kalikasan ng wika, pagkatuto
at pagtuturo. Ang pamamaraan naman o estratehiya ay tumutukoy sa pangkalahatang sistematikong pagpaplano na
binubuo ng mga hakbang batay sa isang dulog (Anthony (1963) halaw kay Badayos, 98). Sa madaling salita, ang
estratehiya ay nakaangkla sa isang natatanging dulog. Ang pagnanais na masuri ang iba’t ibang lapit o dulog at
estratehiya o pamamaraan sa pagtuturo ng wika at panitikan ang nagtulak upang isagawa ang papel na
ito. Ang papel na ito ay naniniwala na ang pagkakaroon ng sapat na kaalaman at pag-unawa sa mga
dulog o lapit at estratehiya o pamamaraan ay makatutulong upang maisangkot ang mga mag-aaral sa interaktibo at
makabuluhang pagkatuto. Tinitiyak din na matugunan ang pagsusuri sa mga dulog o lapit sa pagtuturo ng wika at
panitikan kabilang na ang paglalarawan at ang paggamit nito. Binigyang-diin din ang mga estratehiya o
pamamaraan sa pagtuturo ng wika at panitikan, ang paglalarawan at paggamit nito. Batay sa mga natuklasan, nabuo
ang isang imbentaryo ng mga lapit o dulog at estratehiya o pamamaraan sa pagtuturo ng wika at panitikan.
MGA KONSEPTO:
METODO
• Ito ang tawag sa panlalahat na pagpaplano para sa isang siisitematiko at
epektibong pagtuturo ng isang aralin. May tiyak na hakbang na sinusunod
ang bawat metodo o pamaraan.
ESTRATEHIYA
• Sa wika, ito ang tawag sa mga kagamitan at gawaing ginagamit sa bawat
hakbang ng pagtuturo. Halimbawa ay ang gamit ng mga awtentikong teksto,
larawan o larong pangwika.
TEKNIK
• Ito ang tawag sa paraan ng organisasyon ng interaksiyong pangklase.
Alinman sa mga kagamitang pagsasanay o Gawain sa loob ng klasrum
upang maisakatuparan ang mga layunin ng isang aralin.
DULOG (APPROACH)
• Isang set ng pagpapahalagang hinggil sa kalikasan ng wika, pagkatuto at
pagtuturo.
PAMAMARAAN
• Isang panlahat na pagpaplano para sa isang sistematikong paglalahad ng
wika at batay sa isang dulog.
METODOLOHIYA
• Ito ay isang pag-aaral ng mga gawaing ng pedagohikal (kasama rito ang
mga paniniwalang teoritikal at kaugnay na pananaliksik). Ito ay tumutugon
din din sa anumang konsiderasyon kaugnay ng tanong na “paano ang
pagtuturo”.
KONKLUSYON:
Sanggunian:
https://www.academia.edu/36575829/Imbentaryo_ng_Lapit_o_Dulog_at_Estratehiya_o_Pamamaraan
https://www.academia.edu/32085152/MGA_SIMULAIN_METODO_SA_PAGTUTURO_NG_FILIPINO
https://newsfeed.ph/facts/87098/mga-uri-ng-dulog-halimbawa-ng-dulog-sa-panunuring-pampanitikan/
Webliyograpiya
_______________________________________
(Pangalan at Lagda ng Mag-aaral)
Saksi (Witness):
_______________________________________
(Magulang o Tagapag-alaga at Lagda)
________________________________________
(Guro at Lagda)