Ang Kahirapan ay higit na matutukoy sa pamamagitan ng paraan ng
pamumuhay ng mga tao sa komunidad kung saan kinikitaan ng isang palatandaan at patunay na ang kahirapan ay ating nararanasan ngayon. Tumutukoy rin ito sa kalagayan na hindi kayang tugunan ang mga pangunahing pangangailangan ng tao tulad ng pagkain, damit at tirahan. Ang kahirapan bilang isang malalim na sugat ay makikita sa bawat sukat ng lipunan kaya isa rin ito sa matinding problema na kinakaharap ng ating pamahalaan.
Sa aking napanood na dokumentaryo ukol sa mga batang nangangalakal sa
dagat na punong burak ng basura. Kung para sa atin ay negatibo ang hatid na epekto nito para naman sa kanila ay biyaya ang dulot ng basura. Sapagkat naniniwala sila na may pera sa basura. Kahirapan at gutom ang kalaban nila sa pagtupad ng kanilang pangarap. Nakalulungkot isipin na upang matupad nila ang kanilang pangarap ay kailangan nilang magtiyaga upang sisirin ang madilim na ilalim ng kasuklam suklam na burak at basura. Kailangan nilang tiisin ang hirap ng paglusong sa ilog kahit pa alam nila ang peligrong naghihintay rito na maaari silang malunod o masugatan. Sa pagpatak ng bawat araw ay kailangan nila na may maipang tawid gutom sa kumakalam na sikmura ng kani kanilang pamilya. Isa na rito si Junjun, sa bawat pagtapak niya sa tone toneladang basura ay walang kasiguraduhan kung suswertihin o hindi sa kanilang pangangalakal upang makaipon ng bakal plastik at iba pa sa animo’y dagat ng basura na pinaghalong bubog,basura,patay na hayop,burak at iba pa. Di pansin ang hirap na dinadanas dahil mas umaapaw ang determinasyong makatulong sa pamilya. Tanging dala-dalang sandata nila ay pangarap at pag asa para makayanan ang bawat pagsubok na haharapin nila.
Sana ang dokumentaryong ito ay magsilbing leksyon at realisasyon na
napakaswerte natin kung nakakakain tayo sa isang araw at may bahay tayong tinitirahan dahil minsan hindi natin naiisip na may mga tao na mas naghihirap sa atin. Nais ko lang sabihin na pahalagahan natin kung anong mayroon tayo at magsikap pa upang paunlarin ang sarili. Dahil ang mga batang ito ay hindi sumuko upang gumawa ng paraan upang gamitin ang mga bagay na alam nilang maaari nilang pakinabangan katulad ng plastik, bakal at iba pa. Naniniwala sila sa kanilang sarili na kaya nila kaya dapat ikaw kahit gaano pa kahirap kayanin mo rin. Katulad din ni Mico ang batang si Jun jun, hindi man kayang tustusan ang pag aaral ay gumagawa parin sila ng paraan upang may matutunan at hindi mapag iwanan ng panahon sa madilim na kahapon.