PAGSABOG NG TAAL (ENERO 12, 2020)

Kung atin pong babalikan ang isang kaganapan na marahil ay naging

isang makasaysayang pangyayari na naganap sa kasaysayan ng pilipinas,
isang kagimbal-gimbal na pangyayaring hindi makakalimutan ng lahat dahil
sa pinsalang naidulot nito at naiwan lalo na sa mga taong lubos na nasalanta,
napinsala at naapektuhan nito sa kanilang buhay maging sa kabuhayan na
isang iglap lang nawala. Ito po ang pagsabog ng bulkang taal noong ika-12 ng
febrero, 2020.
Noong panahong magyari ito ay wala ako dito sa Laguna, kasalukuyang
nagbabakasyon po ako sa Bacolod ng mabalitaan ko na lang sa telebisyon ang
isang nakahihindik na balita, ang pagsabog ng Bulkang Taal. Habang
pinapanood ko sa balita ang update sa mga pangyayari, nakita ko na bakas sa
mukha ng mga tao anag takot, lungkot at pagkabigla. Hindi naman kase natin
aakalain ng bigla na lang mangyayari ang ganitong trahedya na bumago sa
pamumuhay ng mga naninirahan malapit sa pinangyarihan. Marami din ang
nalungkot dahil sa nakita nila na ang dating magandang paligid at magandang
tanawin ay nabalutan na ng makakapal na abo na galing sa bulkang sumabog.
Nawalan ang mga tao dito ng mga bahay na napakatagal nilang ipinundar,
mga kabuhayan na sa pang araw-araw na panustos ay dito nila kinukuha.
Nakakalungkot isipin na ang dating maunlad na lugar ay nakaranas ng krisis
sanhi ng pagsubog na ito. Ngunit ganun pa man, iisang bansa lang tayo, iisang
lahi na kung saan mayroong pagdadamayan sa panahon ng kagipitan. Hindi
nawala ang pagtutulungan, na kahit sa isang maliit na bagay ay may taong
napasaya kahit papaano, na kahit sa kaunting barya na ating pinagsama -
sama ay mayroon tayong mga taong naitawid sa gutom kahit papaano. Ang
bayanihan dito ay hindi nawala, kung saan kahit ang mga may hidwaan o
alitan, o kahit na ang may di pagkakasunduan ay nagkaroon ng pagkakataon
na kalimutan muna ang lahat para sa kapwang nangangailangan.
Sabi nga sa awiting TULONG TAAL, “ito ang panahon upang ang ating
malasakit ay ipakita”. Dahil sa mga pagsubok na naranasan nung panahong
mangyari ang pagsabog ng bulkan. “PAGTULONG ANG TANGING
KASAGUTAN”, “ANG IALAY NATIN AY PAGMAMAHAL.” Nangyari man noon ang
ganitong trahedya, nangibabaw naman sa mga puso ng mga pilipino ang likas
na pagiging matulungin sa kapwa, ang lahat ay gumawa ng paraan upang
mabilis na makaahon ang lahat ng naapektuhan.