Allan Lloyd M.

Martinez Oktubre 19, 2020

BSED Filipino II G. Ryan D.
Raran

PAGSUSURI SA ANG DALAGINDING

Ang kwentong “Ang Dalaginding” ay isinulat ni Iñigo Ed Regalado tungkol sa
isang dalaginding si Irene na kadalasang tinatawag na Ineng at tinagurian bilang “Tala
ng Kabukiran”. Siya ay isang matulungin na dalaginding na tumulong sa kanyang inang
si Aling Petang na magbenta ng sampaguita. Si Daniel, isang lalaking parating bumibili
sa kanyang mga pinagbebenta hanggang sa nahulog na ang kanyang damdamin sa
dalaginding. Dumating ang panahon na nagtapat ang binata sa dalaginging at sinuyo pa
ito hanggang sa mapasagot siya ni Ineng. Isang araw, biglang lumahong parang bula si
Ineng sa kanila dahil sumama na pala siya kay Daniel.
Ang lenteng panitikan na nangibabaw sa kwentong ito ay romantisismo dahil
batay sa takbo ng kwento, si Daniel ay may gusto kay Ineng kung kaya’t nangibabaw
nito ang damdamin kaysa sa isip. Pinahahalagahan dito ang emosyon kaysa sa
katwiran. Ang romantisismo ay isang lenteng panitikan kung saan sa isang akda,
nangingibabaw ang emosyon o damdamin ng isang karakter na tampok sa kwento.
Bilang patunay, mapapansin natin sa tagpo ng kwento na may gusto si Daniel
kay Ineng kahit sila ay magkaibang estado sa buhay. Isang mayaman si Daniel habang
si Ineng ay isa lamang simpleng dalaginding na nagbebenta ng sampaguita.
Inilalarawan dito ang pag-iibigan ng dalawa kahit magkaibang estado sila nang mahulog
ang naramdaman ni Daniel kay Ineng. Ito ay nagpapatunay na wala sa estado ng buhay
ang batayan sa pag-iibigan sa isa’t-isa basta totoo kundi nasa puso ang totoong
naramdaman mo sa isang tao at ipinagmalaki mo na mahal mo siya.
Sa pangkalahatan, may mga magsyota na hindi na nila ginawang batayan ang
estado ng kanilang buhay. Magkaibang mundo man silang nagmula, ginagawa nila ang
lahat upang suyuin ang kanilang minamahal hanggang sa mapasagot sila nito at
kinalauna’y magkatuluyan na sila.