Kagawaran ng Edukasyon

Filipino 8
LAS 1
Mga Anyo ng Kontemporaneong
Panitikan
Pahayagan
Tabloid
Mga Antas ng Wika

Mary Ann O. Wijetunge

 I. PAKSA: Mga Anyo ng Kontemporaryong Panitikan
A. Pahayagan
B. Tabloid
C. Mga Antas ng Wika

II. Layunin:
Naihahambing ang tekstong binasa sa iba pang teksto batay sa:
Paksa, layon, tono, pananaw, paraan ng pagkakasulat, pagbuo ng salita,
pagbuo ng pangungusap at pagbuo ng talata (F8PB-IIIa-c-29)
III. Pagpapakilala ng Aralin:
Ang PAHAYAGAN o tinatawag ding peryodiko ay isang uri ng
paglilimbag na naglalaman ng balita, impormasyon at patalastas. Ito
ay maaaring pangkalahatan o may espesyal na interes at kadalasang
inililimbag araw-araw.
Halimbawa: The Manila Times, The Daily Inquirer, Philippine Star,
Ang Filipino Ngayon atbp.
Ang TABLOID ay isang uri ng pahayagan na mas maliit ang sukat ng
pahina kaysa sa broadsheet. Ito ay tinuturing na dyaryong pang-
masa dahil ito ay nakalathala sa Tagalog. Mas mura rin ito at abot
kaya ang halaga kumpara sa broadsheet. Ang binibigyang diin ng
tabloid ay mga kwento, istorya, kolumn, o impormasyon na tungkol
sa karahasan.
Halimbawa: Remate, Bulgar, Bandera, Abante atbp.
IV. MGA GAWAIN:
A. Panimulang Pagtataya (Unang Gawain)
Isulat ang wastong sagot sa sumusunod na bilang.
_______1. Sa pahinang it mababasa ang pinakamainit na balita.
_______2. Ito ang seksiyon kung saan mababasa ang paninindigan
ng pahayagan sa isang mainit at napapanahong isyu.
_______3. Ito naman ang seksiyon kung saan mababasa ang
paglalarawan sa isang tao, lugar o samahan na
maaaring
magbigay inspirasyon sa mga mambabasa.
_______4. Sa seksiyong ito mababasa ang mga balita tungkol sa
mga
hinahangaang tao.
_______5. Ito ang pahinang paborito ng mga kalalakihan sapag
dito
mababasa ang mga balita hinggil sa kanilang mga
paboritong laro.
B. Pagtalakay sa Aralin (Ikalawang Gawain)
 Ang pahayagan at tabloid ay nahahati sa iba’t ibang bahagi.
Magkakaiba rin ang paraan ng kanilang paglalahad ng
impormasyon. Bagamat ito ay isang pahayagan o tabloid ay
nagkakaiba-iba rin ang tono, pananaw, gamit ng salita at pagbuo
ng mga pangungusap. Ang seksiyon ng editoryal ang
pinakamaingat na bahagi ng pagpapahayag sapagkat ito ay
nangangailangan ng isang kritikong pag-aanalisa at pagninilay
bago tuluyang isulat. Ito ay kailangang maging obhektibo ang
pagtalakay. Samantalang sa seksiyon ng lathalain ay magaan
lamang ang pagtalakay at ay nagbibigay inspirasyon sa mga
mambabasa, sa bahagi naman ng entertainment o libangan ang
pahinang nagbibigay aliw sa mga mambabasa.
Sa paglalahad ng mga impormasyon sa pahayagan pormal
ang wikang ginagamit kadalasang Wikang Pambansa ang
ginagamit. Maingat ang paglalahad ng mga manunulat
samantalang sa tabloid ay di-pormal ang gamit ng mga salita.
Maaaring gamitin ang iba’t ibang antas ng wika katulad ng balbal,
kolokyal at jargon depende sa isinasaad ng sitwasyon. Ang
manunulat ay tila ba nasa himig nakikipag-usap lamang sa
kanyang mga mambabasa.
C. Pagsasanay (Ikatlong Gawain)
Suriin ang mga sumusunod at tukuyin kung anong uri ng
pagpapahayag ang isinasaad. Piliin ang sagot mula sa mga salita
sa loob ng kahon.
Balitang Isports, Pangunahing Balita, Libangan, Editoyal,
Lathalain

1. Isinagawa na ang Vaccination Simulation ng Lungsod ng

Muntinlupa sa Muntinlupa National High School-Main noong
ika-29 ng Enero 2021. Ito ay pinangunahan ng mga mga
doktor katuwang ang mga nurse at barangay health official.
Ipinakita ni Punong Lungsod Jaime R. Fresnedi ang kanyang
pagsuporta na nasabing gawain sa pamamagitan ng
pagpapaturok bilang panghihikayat sa kanyang mga
mamamayan na ang pagpapabakuna ay pinakamabisang
panlaban sa COVID 19.
_________________________________________

2. Muli na namang nasungkit ng koponan ng Lungsod ng

Muntinlupa ang Kampeonato sa Men’s Basketball League.
 Ipinakita ni Alvin Patrimonio kapitan ng koponan na siya pa rin
ang pinakadependable pagdating sa crucial time ng pumasok
sa buslo ang kanyang pinakawalang 3-point shoot. ”
Masayang-masaya kami para sa panalong ito at iniaalay namin
ito sa lahat ng tagasubaybay lalong-lalo na kay Mary Ann”.
Pagtatapos ni Alvin sa isang pahayag.
_________________________________________
3. Dumalo ang mga kaibigan ni Bondying sa kanyang katatapos
na konsyerto na ginanap sa Muntinlupa Sports Complex. Puno
ng mga tagahanga ang buong lugar at sinasabayan nila ang
mga awiting nagpasikat kay Bondying.
_____________________________________________________
4. Mag-iisang taon na ang nakalilipas simula ng ideklara ni
Kalihim Francisco Duque na ang Pilipinas ay pinasok na rin ng
mapaminsalang virus na Covid 19. Simula noon ay hindi na
tumigil ang pamahalaan ng pag-iisip ng mga pangunahing
hakbang at pagsasagawa ng mga paghihigpit upang maiwasan
ang tuluyang pagkalat ng nasabing Virus. Subalit tila sa halip
na bumaba ang kaso ng mga naaapektuhan ay tila tumataas pa
rin ang bilang ng mga nagiging biktima. Sana tuluyang
makipagtulungan at sumunod ang mga mamamayan para sa
pambansang kaligtasan.
____________________________________________________
5. Iyan ang larawan ng isang huwarang Muntinlupeno,
masunurin sa batas, nakikipagtululungan sa hangarin ng
pamahalaan at hindi nagbibigay ng sakit sa lipunan. Bagamat
maliit na lungsod lamang ang Muntinlupa ay buong tapang
naman ipinakikita sa buong sambayanan na wala sa laki o liit
ng lugar ang pag-unlad kundi nasa pagsisikap at pagtitiyaga.
Taas noo kahit kaninong sasabihin Muntinlupeno ako.
___________________________________________________
V. Pagtataya:
Isulat ang wastong sagot sa sumusunod na bilang. Piliin ang
titik ng sagot mula sa kahon
A. Front page B. Sports Page C. Entertainment Page
D.Editorial Page E. Feature Page
_______1. Sa pahinang ito mababasa ang pinakamainit na balita.
_______2. Ito ang seksiyon kung saan mababasa ang paninindigan
ng pahayagan sa isang mainit at napapanahong isyu.
_______3. Ito naman ang seksiyon kung saan mababasa ang
paglalarawan sa isang tao, lugar o samahan na
 maaaring magbigay inspirasyon sa mga mambabasa.
_______4. Sa seksiyong ito mababasa ang mga balita tungkol sa
mga hinahangaang tao.
_______5. Ito ang pahinang paborito ng mga kalalakihan sapagkat
dito mababasa ang mga balita hinggil sa kanilang mga
paboritong laro.

VI. Pagninilay:
Mahalaga ang papel na ginagampanan ng print media sa lipunan,
sumulpot man ang mga elektronikong komunikasyon, mananatiling
may espasyo ang mga pahayagan at tabloid sa lipunang Pilipino.

VII. Sanggunian:
1. Panitikang Pilipino 8-Filipino Modyul para sa Mag-aaral
Dep-Ed Bureau of Secondary Educatio
Curriculum Division

2. Google.com/ Search
a. Wikepedia

Susi sa Pagwawasto
Unang Pagtataya:
1.Front Page
2.Editorial Page
3.Feature Page/Life Style
4. Entertainment
5. Sports Page

Pagsasanay:
1.Pangunahing Balita
2. Balitang Isports
3.Libangan
4.Editoryal
5. Lathalain

Pagtataya:
1.A
2.D
3.E
4.C
5.B