LESSON EXEMPLAR SA FILIPINO 11

Paksang aralin : Posisyong Papel

FILIPINO SA PILING LARANG (AKADEMIK)

I. MGA LAYUNIN:

Ang mga mag-aaral ay inaasahang:

Naisasagawa nang mataman ang mga hakbang sa pagsulat ng replektibong

sanaysay; CS_FA11/12PU-Od-f- 92
Nakasusulat ng organisado, malikhain, at kahika-hikayat na replektibong
sanaysay; (CS_FA11/12PU-Op-r-94)
Nakasusuri ng isang replektibong sanaysay.

Paksang Aralin

REPLEKTIBONG SANAYSAY

Mga Sanggunian:

Julian, Aileen B. et al.,PINAGYAMANG PLUMA FILIPINO SA PILING

LARANGAN (AKADEMIK).Quezon City: Phoenix Publising House, Inc.
ph. 96-105.
Dela Cruz, Mar Anthony Simon, PAGSULAT SA FILIPINO SA PILING LARANGAN
(AKADEMIK)Makati City: Diwa Learning System Inc.

Mga Kagamitan:

 powerpoint presentation,
 projector
 laptop

II. PAGPAPALAWAK NG ARALIN:

A. PAGGANYAK ( Nick Vujicic)

Panuto: Magpapanood ng video ang guro tungkol kay Nick Vujicic.

Sagutin ang mga sumusunod na katanungan:

1. Ano ang naramdaman mo habang pinapanood ang video?

2. Kung ikaw si Nick, ganoon din ba ang iyong magiging pananaw sa buhay?

Batay sa kasagutan ng mag-aaral, iuugnay ito sa bagong aralin na

tatalakayin.

1
 LESSON EXEMPLAR SA FILIPINO 11
Paksang aralin : Posisyong Papel
FILIPINO SA PILING LARANG (AKADEMIK)

B. PAGBASA/ PAGTALAKAY

Sa pamamagitan ng power point presentation tungkol sa “REPLEKTIBONG

SANAYSAY” bilang pagsulat ng akademikong sulatin magkakaroon ng malayang
talakayan ang klase. (Guro=mag-aaral=kapwa-mag-aaral).

Bago magsimula ang guro sa pagtalakay ng Replektibong Sanaysay, tatalakayin

muna kung ano ang sanaysay.

Ang sanaysay ay isa sa mga akdang pampanitikang madalas ipabasa at talakayin

sa mga paaralan.

Ang salitang sanaysay ay hango sa salitang Pranses na essayer na ang ibig

sabihin ay “sumubok” o “tangkilikin”. Ito ay nagsimulang yumabong sa mga
sulatin ni Michael de Montaigne (1533-92).

Ayon kay Francis Bacon, ang sanaysay ay isang kasangkapan upang isatinig
ang maikling pagbubulay-bulay at komentaryo sa buhay.

Ayon kay Paquito Badayos sa kanyang aklat na Retorika Susi sa Masining

na Pagpapahayag (2001:11), naglalahad ang sanaysay ng matalinong kuro
at makatwirang paghahanay ng kaisipan. Naglalahad din ito ng mga personal
at pansariling pananaw ng manunulat tungkol sa isang paksa.

Ayon kay Alejandro Abadilla, ang salitang sanaysay ay nangangahulugang

nakasulat na karanasan ng isang sanay sa pagsasalaysay. Ito’y isang
akdang pampanitikang nasa anyong paglalahad.

2
 LESSON EXEMPLAR SA FILIPINO 11
Paksang aralin : Posisyong Papel
FILIPINO SA PILING LARANG (AKADEMIK)

REPLEKTIBONG SANAYSAY
Ang replektibong sanaysay, ayon kay Michael Startford, isang guro at manunulat, ay
isa sa mga tiyak na uri ng sanaysay na may kinalaman sa introspeksiyon na pagsasanay.
Kinapapalooban ito ng pagbabahagi ng mga bagay na naiisip, nararamdaman, pananaw, at
damdamin hinggil sa isang paksa at kung paano ito nakalikha ng epekto sa taong sumusulat
nito. Maihahalintulad ito sa pagsulat ng isang journal kung saan nangangailangan ito ng
pagtatala ng mga kaisipan at nararamdaman tungkol sa isang tiyak na paksa o pangyayari.
Maiuugnay rin ito sa pagsulat ng mga academic portfolio kung saan nagkakaroon ng malalim
na pagsusuri ang may-akda kung paano siya umuunlad bilang tao kaugnay ng paksa o
pangyayaring binibigyan-pansin sa pagsulat. Ang replektibong sanaysay ay kadalasang
nakabatay sa karanasan kaya mula sa nilalaman nito ay masasalamin ang pagkatao ng
sumulat.
Ayon naman kay Kori Morgan, guro mula sa West Virginia University at University of
Akron, ang replektibong sanaysay ay nagpapakita ng personal na paglago ng isang tao
mula sa isang mahalagang karanasan o pangyaari. Ibinabahagi rin ng sumulat ang kanyang
mga natutuhan o nakuha. Madalas, ibinabahagi rin ng sumulat ang kanyang mga natutuhan
at kung paano na pauunlarin ang mga kahinaan hinggil sa isang tiyak na aspekto ng buhay.
Dahil ito ay kadalasang nakabatay sa personal na karanasan, malayang makapipili ng paksa
o pangyayari bbigyang-pansin sa pagsulat ang manunulat. Narito ang halimbawa ng mga
paksa na maaaring gawan ng replektibong sanaysay:
 Librong katatapos lamang basahin
 Katatapos
REPLEKTIBONG na proyekto hinggil sa pananaliksik
SANAYSAY
Ang replektibong
Pagsali sanaysay
sa isang pansibikong Gawain
 Praktikum tungkol sa isang kurso
 Paglalakbay sa isang tiyak na lugar
 Isyu tungkol sa pagkagumon sa pinagbabawal na gamut
 Isyu tungkol sa mga pinag-aagawang teritoryo sa West Philippine Sea
 Paglutas sa isang mabigat na suliranin
 Isang natatanging karanasan bilang mag-aaral
 At marami pang iba
Mga Dapat Isaalang-alang sa Pagsulat ng Replektibong Sanaysay
Narito ang mahahalagang bagay na dapat tandaan sa pagsulat ng replektibong
sanaysay.
1. Magkaroon ng isang tiyak na paksa o tesis na iikutan ng nilalaman ng sanaysay.
2. Isulat ito gamit ang unang panauhan ng panghalip. Tanggap nang gamitin ang mga
panghalip na ako, ko, , at akin sapagkat ito ay kadalasang nakasalig sa personal na
karanasan.
3. Tandaan naSA
D. PAG-UNAWA bagama’t
BINASA nakabatay sa personal na karanasan, mahalagang magtaglay
ito ng patunay o patotoo batay sa iyong mga naobserbahan o katotohanang nabasa
Halimbawa ng Replektibong Sanaysay
hinggil sa paksa upang higit bna maging mabisa at epektibo ang pagkakasulat nito.
4. Gumagamitng mga pormal na salita sa pagsulat nito. Tandaang ito ay kabilang sa
akademikong sulatin.
5. Gumagamit ng tekstong naglalahad sa pagsulat nito. Gawing malinaw at madaling
maunawaan ang gagawing pagpapaliwanag ng mga ideya o kaisipan upang
maipabatid ang mensahe sa mga babasa.
6. Sundin ang tamang estruktura o mga bahagi sa pagsulat ng sanaysay, introduksiyon,
katawan at kongklusyon.
7. Gawing lohika at organisado ang pagkakasulat ng mga talata.

3
 LESSON EXEMPLAR SA FILIPINO 11
Paksang aralin : Posisyong Papel
FILIPINO SA PILING LARANG (AKADEMIK)

Replektibong sanaysay patungkol sa dinaluhang seminar hinggil sa paksang

“Paghahanda at Paghubog sa mga Mag-aaral ng ika-21 Siglo”

“We need to prepare our children for a competitive future and the future is now.” Ito ang
katagang namutawi sa bibig ni Sec. Jesli Lapuz, ang dating kalihim ng Kagawaran ng
Edukasyon. Ang masalimuot na bukas na binabanggit dito ay ang mga pagbabagong
nararanasan sa buhay ng mga mag-aaral ng ika-21 siglo dulot ng pagsibol ng
modernisasyon at pagsulpot ng makabagong imbensiyon at teknolohiya. Mahalagang
maunawaan natin ang katangian ng mga kabatang mag-aaral sa kasalukuyan at kung paano
sila huhubugin upang maging handa sa pagharap sa totoong buhay.

Ayon sa seminar na aking dinaluhan, ang 21 century skills na dapat mahubog sa mga mag-
aaral na Pilipino sa kasalukuyang panahon ay ang kakayahang panteknolohiya
(technological fluency), komunikasyon (communication), pakikiisa (teamwork), pamumuno
(leadership), at paglutas sa problema (problem solving). Kung ang mga ito ay maituturo sa
mga mag-aaral, maihahanda sila sa pagharap sa totoong buhay lalo na sa larangan ng
pagtatrabaho. Tulad na lang halimbawa ng datos na inilabas ng Department of Labor and
Employment o DOLE, ayon sa kanilang tala, 17.6% ng 49.1% ng walang trabahosa bansa
noong taong 2006 ay mga kabataan. Ang pangunahing dahilan kung bakit hindi sila
matanggap sa trabaho ay dulot ng kakulangan nila ng sapat na kasanayan sa komunikasyon
o pakikipagtalastasan. Sa aking personal na karanasa, ang suliraning ito ay nag-uugat sa
kakulangan ng mga Gawain sa pagtuturo at pagkatuto sa paaralan na humuhubog sa
kakayahan ng mga mag-aaral na magsalita nang mahusay---ito man ay pasulat o pasalita.
Akin ding napagtanto na mahalagang mataya ang mahahalagang impormasyon sa halip
kailangang magamit nila sa totoong buhay ang kanilang natutuhan.

Binigyang pansin din a seminar na suportahan ang isinusulong na pagbabago ng

pamahalaan sa edukasyon---ang paglulunsad ng K to 12 Basic Education Program.
Pangitain at layunin ng programing ito na ang bawat magtatapos na mag-aaral sa Senior
High School ay magtataglay ng sapat na kakayahang panteknolohiya (technology skills),
kasanayang pampagtuturo at paglulunsad ng pagbabago (leaning and innovation skills),
kahusayan sa pakikipagtalastasan (effective communication skills), at kahandaan sa
pagkakaroon ng maayos na buhay o propesyon o trabaho (life and career skills). Bilang
isang guro ng makabagong panahon, mahalagang yakapin ko ang mga pagbabagong
inilulunsad ng ating pamahalaan. Magkaroon ng paradigm shiff sa aking pananaw na ang uri
ng mag-aaral sa kasalukuyan ay may Malaki nang kaibahan sa mga mag-aaral sa mga
nakalipas na taon. Napakahalaga na magkaroon ako ng pagbabago sa paraan ng aking
pagtuturo upang makamit ang layuning ito an gating gobyerno. Maging guro na huhubog sa
mga kabataang magiging handa sa pagharap sa masalimuot na buhay na mundo/

Tunay na ang mga kabataan ang pag-asa ng bayan. Sila ang isa sa mga bumubuo sa
malaking bahagdan ng ating Populasyon. Higit sa lahat, sila ang susunod na lider ng ating
bansa at magtataguyod sa kaunlaran ng ating Inang Bayan. Taglay ang 2st Century skills
ng mga kabataang ito, tulungan at hubugin natin sila. Tayong mga guro, magulang, at mga
nakatatanda ang magsisilbing gabay sa paghubog sa kanilang pagkatao. Ihanda natin sila
sa pagharap sa totoong buhay.

4
 LESSON EXEMPLAR SA FILIPINO 11
Paksang aralin : Posisyong Papel
FILIPINO SA PILING LARANG (AKADEMIK)

III. MGA GAWAIN

A. PANGKATANG GAWAIN
Panuto: Ipapangkat ang klase sa apat. Bawat pangkat ay bibigyan ng guro ng iba’t ibang
teksto na kanilang gagawan ng repliktong sanaysay na susukat sa kanilang pang-unawa sa
tinalakay na paksa.

Pangkat 1: Batang Adik ( samuel-josh-fil.blogspot.com/2011/09/maikling-kwento.html)

Pangkat2:Teknolohiya, Tulong sa Edukasyon
(http://colombierebers.jimdo.com/2011/01/31/teknolohiya-tulong-sa-eduksayon/)
Pangkat 3:Kuryosidad ng Kabataan, Habang Buhay na Responsibilidad ang Kinahantungan
(arnie-earlypregnancyspot.com/2011/11/kwentong-ni-lhyn-19-anyos.html)
Pangkat 4: Watak, watak na Pamilya
(news.abs-cbn/current-affairs-program/09/11/15/pagsisikap-ng-tinderong-may-kampansan-para-
sa-pamilya

A. PAGLALAHAT
Panuto: Isulat sa journal notebook ang sagot sa mga tanong na ito:
 Bilang mag-aaral, paano mo bibigyang solusyon ang isang problema?
 Sa palagay mo, may kakayahan ka bang suriin ang sarili mong pag-iisip at
damdamin?

 Tatawag ang guro ng ilang mag-aaral upang ibahagi ang kanilang

kasagutan.

B. PAGLALAPAT (Journal notebook)

Panuto: Isa kang freelance na manunulat sa isang magasin. Bahagi ng iyong
trabaho ang manood ng mga pelikula at rebyuhin ang mga ito. Para sa susunod
na isyu, ang tema ay “Personal.” Sa inyong brainstorming, iminungkahi ng editor
na magsulat ka ng replektibong rebyu ng isang pelikulang Pilipino. Maaaring ito ay
bago o klasiko. Kailangan mong iugnay ang pelikula sa sarili mong karanasan.

Pamantayan:
 Introspection =10
 Estilo ng pagsulat =10
 Dating sa mambabasa =5
Kabuuan: 25

5
 LESSON EXEMPLAR SA FILIPINO 11
Paksang aralin : Posisyong Papel
FILIPINO SA PILING LARANG (AKADEMIK)

C. PAGTATAYA
Panuto: Basahin ang replektibong sanasay na may pamagat na “ Ang
Plato: Repleksiyon sa Katoohanan ng Buhay.”
http://gracefeinocentes.blogspot.com/2015/05/plato-replesyon-ng-
katotohanan-ng-buhay.html.

Sagutin ang mga sumusunod na tanong:

1. Ano ang pangunahing mensahe ng binasang akda?
2. Ano-anong mga ideya ang inilatag ng may akda sa kanyang sanaysay?
3. Paano niya ginamit ang imahe ng plato sa pagtalakay sa kaniyang paksa?
4. Nauunawaan mo ba ang saloobin ng may akda batay sa kaniyang pagtalakay?
Pangatwiranan ang sagot.
5. Sa kabuuan, nagustuhan mo ba ang sanaysay? Pangatwiranan ang sagot.

Inihanda ni:

OFELIA C. VILLANUEVA
(Division of ZAMBALES)