Professional Documents
Culture Documents
Dimimmisa: Kuusaa Walaloo
Dimimmisa: Kuusaa Walaloo
Kuusaa Walaloo
Kitaaba 1eessoo
Maxxansaa 1eessoo
Adoolessa, 2014/2022
Finfinnee, Oromiyaa
Mirgii Barreessaa Seeraa fi Safuulleen Eegamaadha!
Mirgii barreessaa seeraa fi safuulleen eegamaadha. Kitaaba kana raabsus ta'ee maxxansuu kana
danda'u barreessaaa qofa. Kanaafuu hayyama barreessaatiin alaatti qaamii kamuu fuudhee
maxxansuu fi raabsuun hin hayyamamu. Yoo godhee argame immoo seeraa fi aadaan itti
gaafatama. Garuu qaama hayyamameef irraa fuudhee dubbisee yaadaa fi qeeqa qabu karaa
teessoo barreessaatiin kennuu ni danda'u.
Teessoo Barreessaa
Lakk: 0942487176
Email: Wakoledoyo@gmail.com
Gulaaltotii/Warrii Laale.
?
Baafata
Eenyummaa Barreessaa........................................................................................................................................................................... 3
Yaadannoo Kitaabichaa............................................................................................................................................................................ 4
Dhaamsa Barreessaa................................................................................................................................................................................. 5
Galata............................................................................................................................................................................................................... 8
Seensa........................................................................................................................................................................................................... 10
1. Dimimmisa............................................................................................................................................................................................. 11
2. Hameessa dharaa................................................................................................................................................................................ 18
3. Bara garagaltoo.................................................................................................................................................................................... 24
4. Ani maan sirraa eega?........................................................................................................................................................................ 28
5. Addunyaan duumensa....................................................................................................................................................................... 35
6. Haatii laaftuu hin qabdu................................................................................................................................................................... 41
7. Aadaa fi Dhugaa................................................................................................................................................................................... 45
8. Qeerroo fi Qarree................................................................................................................................................................................. 53
9. Haqa hin jallisinaa............................................................................................................................................................................... 56
10. Odeessituu........................................................................................................................................................................................... 59
11. Sammuu daarte................................................................................................................................................................................. 64
12. Qabeennaatti jabeenna................................................................................................................................................................... 68
13. Oromiyaa badhaatuu....................................................................................................................................................................... 72
14. Jaatani Alii Tandhuu........................................................................................................................................................................ 78
15. Gumaa................................................................................................................................................................................................... 87
16. Eela Goofe............................................................................................................................................................................................ 90
17. Hirba kaate.......................................................................................................................................................................................... 96
18. Dhugaa dhokaatte.......................................................................................................................................................................... 101
19. Mataa Gafarsaa................................................................................................................................................................................ 105
20. Amboo Diqqoo................................................................................................................................................................................. 108
21. Magaala jaalatamtuu..................................................................................................................................................................... 110
22. Nageellee Booranaa....................................................................................................................................................................... 114
23. Roomi Lamaffaa.............................................................................................................................................................................. 121
24. Odaa diimaa...................................................................................................................................................................................... 125
25. Baranaa fi Bara durii..................................................................................................................................................................... 130
26. Boorana.............................................................................................................................................................................................. 136
27. Jaarsa argaa dhageettii................................................................................................................................................................. 146
Eenyummaa Barreessaa
Barreessaan kitaaba dimimmisaa Waaqoo Dooyyoo Liiban kana dhalate Afrikaa bahaa Oromiyaa
gama kibbaa Godina Boorana Aanaa Areeroo reera dambii baateetti ji'a Addoolessa bara 1986
(1994 G.C). Abbaa isaa Dooyyoo Liiban fi Haadha isaa Dabboo Dooyyoo Liiban irraa dhalate.
Waaqoon haadha isaatiif ilma angafaati. Akkuma ijoollee Horsiisee bulaa kamiituu ilmoochoo
irraa jala qabee haga gu'eessa fooraatti nama yarsuma ture. Tikaa fi obaan warraa, ollaa fi reera
waan danda'u hundaan gargaaraa ture. Amala nama Waaqoo jalluu fi jarjarsuuni himani.
Ijoollumaanuu Waaqooni haafa guura jedhani, tuni aadaa nama ayyaana Arbaa dhalateeti.
Waaqoon tuffii hin jaalatu. Dhala namaa qooda nama ta'e qofaaf kabaja.
Gama barumsaatiin Waaqoon kutaa 1-5 mana barumsa sadarkaa 1ffaa Alloonaatti akka henna
Itoopiyaatti bara (1997_2001) barate, Bara (2002_2004) kutaa 6-8 mana barumsa miti-
mootummaa Addifeentistii Yaballoo barate, Bara (2005_2008) kutaa 9-12 mana barumsa
olaanaa Yaaballoo (mana barumsa Shalaqaa Jatan Alii barate), Bara (2009_2013) Digirii
tokkooffaa Yunveersiitii Arbaa Minciitti damee barnootaa Ji'oolojjiitin baratee, Ammajii 18,
2013 E.C eebbifame. Barumsa isaa keessalleetti Waaqoon barataa cimaa namaatti hirkaachuu hin
beennee fi ofitti amanamummaan hojjatuudha. Amma hojjataa waajira Misooma Albuuda Aanaa
Goomoleeti.
Yaadannoo Kitaabichaa
Jaarraa 21ffaa keessa teettee dhaloota kitaaba barreessu dhiisii kitaaba dubbisuu hin jaalanne
arguu caalaa wantii Nama gaddisiisaa hin jirtu. Kitaaba kana waannii ani barreesseef
dadhabdootii akka kiyyaa irraa barattee aadaa barreessuu fi dubbisuu akka gabbifattuuf. Kitaabii
kun qaabannoo Gootota Oromoo kanneni akka; Jaatanii Alii Tandhuu, Dabbasaa Guyyoo
Saffaroo, Abbaa Gadaa Boruu Guyyoo, Halakee Guyyoo Xuuyyee, Abduuba Naqataa Guyyoo,
Nadhii Gammadaa Waariyoo, Jaarsoo Waaqoo Qooxoo, Eebbisaa Addunyaa, Acaa Halakee
Waaqoo, Haccaaluu Hundeessaa Boonsaa, Daadhii Galaani Wadaajjoo, Kanuu Jiloo Kanuu,
Rooba Qaampharree, Konsoo Diidaa fi Abuyyaa kiyya Duuba Galgaloo Kasee ka ummurii isaa
kichuu suniin gadheeni fira fakkeettee galaafatteef yaadannoo naaf ha ta’uu.
Qeerroo fi Qarree Oromoo ta sirnaa namaa nyaataa Mootummoota Itoopiyaa mormuuf jechaa
wareegamani hundaaf. Barataa Adii Waaqoo dabalatee barattoota Oromoo ta Yunveersiitii
Naannoo Amaahara keessaatti wareegaman hundaaf. Wareegamtoota daangaa duula kubii
dhuuntii hundaaf. Wareegamtoota Nageellee Booranaa fi Mooyyaleef jedhamanii wareegamani
hundaaf. Abbaa Gadaa Oromoo Karayyuu Kadari Hawasi fi wareegamtoota Yaa'a Oromoo
karayyuu ta jiblaan Fantaalleeti rashanamtee hundaaf. Gootota Oromoo tana Lafaaf jedhanii
Oromiyaa irraatti lafee ofi cabsanii fi lubbuu ofi gumaachanii Waaqaa gadiitti nu tissaa turanii fi
tissaa jirani hundaaf. Qabsaa'ota Oromoo ta Oromiyaa bilisoomsuuf jechaa beelaa fi dheebuu
saaxilamanii lubbuu deebii hin qamne aarsaa nu godhaniif. Warra osoo dhugaaf fiiguu shiraa fi
finnii baraa karaa irraatti hanbiseef. Baqattoota Oromoo ta adoo Oromiyaan balloon jirtuu,
sababa nama bara wa'eelfateetiif jedhanii biyya irraa baqatanii du'aa fi gadaddoo adda addaatiif
saaxilamaniitiif. Wareegamtoota warra gumaa dhabeef. Namoota addunyaa tana irraatti dhugaaf
jedhee miidhame hundaaf yaaddannoo bara baraa naaf ha tahuu.
Dabalataan; Warra gurrii garaa qolcheef. Namoota dhara uffatan dhugaa dhossanii jireenna
dhaloota irraatti gufuu taaniif. Warra garaaf jedhee lafa lafeen goototaa itti cabxe gurguree galii
dhunfaatiif oolfateef. Adamsitoota warra faayidaa dhunfaatiif jedhee dhaloota adamsaniif.
Gantoota warra mana gumaa seenee gumaa ilmaan Oromoo nyaateef. Warra waan garaa malee
waan gurraa hin herrenneef. Warra dhara gula badee dhugaa hirraanfateef. Warra saama gula
badee sammuu hirraanfateef. Warra saamuu malee safuu hin beenneetti na yaaddeessee akka ofi
qaabataniif barreesse.
Dhaamsa Barreessaa
Jireenna kiyyaan wantii ani hawwuu fi jaaladhu hedduu mummee hin qamne yoo taateellee,
Artiin isa ijoodha. Dhaltii namaa hunduu dachee tanaaf keessummaadha. Keessummaan waan
dhufteef hojjattee yeroon galuu qabdi. Dursa waan dhufneef beekuu qamna. Yo beenne irraatti
hojjachuu qaamna. Ani hardha dandeettii keessa kiyya jirtu irraatti hojjadhee kunoo kitaaba
dimimmisaa dhalchuu danda’ee jira. Kitaabii kuni naaf ilma hangaafatii naan yaamaa. Kitaabii
kuni naaf isa jala qabaa waan ta'eef dogongora jiru hundaaf dhiifama naa godhaa, walumaan
sirreessinaa. Kitaabichii waan ati jaalatuu fi ka ati jibbituullee walqixxee ofi keessa qaba. Yoo
miira si yakkee malee si hin diddisuu obsaan dubbisi. Kitaabii maqaa hin dha'uu malee nama
hedduu muummee hin qamne tuqee ati keessa jirtaa? Kitaaba kana dubbiftee naaf akkana ta'a
jettee akka natti hin mufanne. Si jibbuuf adoo hin taanee dhugaatti na dhibeef barreessee.
Kitaabii kun naaf ka'umsa siif hoo? deebiin tantee silaa kaka'umsa ta'uu malte.
Hedduun keessan dandeettii wa barreessuu na caala akka qabdan ni beekaa. Garuu haalii isanti
toluu dhabee, yeroon isaniif guutuu dhabdee, akka isan yaada keessani qindiisitanii gurra
uummataatiin hin geenneef wantootii baayyeen akka gufuu ta'an ni beeka. Ammoo abdii kutuun
mallattoo yaruu waan taateef abdii hin kutinaa, waan Aadaa, Duudhaa, Safuu, Afaanii, Qabsoo fi
Wantoota Maaluummaa jireenya Uummata Oromoo ibsaa hundaa tuffii fi ifannoota tokko malee
akka dhaloota dhufuuf dabruu danda'uutti oli kaawaa. Guyyaan ni dhufaa barreessuu fi dubbisuu
hin tufatinaan dhaamsa kiyya.
Dimimmisa yoo jedhan nama Afaan Oromoo beeku hundaa akka sammuu teessan keessa
dukkantii dhuftu mamaa darree naa hin qabdu. Qajeeltootti dimimmisa jechuun dukkana barii
lafaa dura yokaan dhiya aduutiin boodaatti dhufte. Kana jechuun Aduun yoo dhiitu laftii
dukkana'uun duraatti ni dimimmimifti ykn laftii yoo bariitu guyya'uun duraatti ni dimimmifti
jechuu. Kana caalaa ammoo loqoda Afaan Oromoo sababeeffattan akka isan hiikaa kumaa fi
kitilaa itti kennuu dandeettan ni beeka, sun isiniif dhiisa.
Dimimmisii maqaa kitaaba kanaa ta'ee wa malee hin moggaane. Hanga ani beekutti jireenna
Oromiyaan amma hardhaatti keessaa dabarsiteen wal fakkaata jedhee waan amanuuf maqaa
kitaaba kana dimimmisa filadhe. Bara Moototii Itoopiyaa wal irraa fuutee akka itti toluuf hanga
toluufiitti biyya tana qircaa cirattee bitaa turte suni hundaa Oromiyaaf takkaa guyyaatee hin
beettu, yoo dimimmifte malee. Abbaan lafaa mirga dhabee dimimmisaatti hafe. Horsiisee bulaan
lafa saamamee, iddoo horsiisaa dhabee dimimmisa keessaatti hafe. Qotee bulaan lafa saamamee,
iddoo oomishaa dhabee dimimmisaatti hafe. Barataan barumsa dhabee, gaasii summiin faalamee
dimimmisa keessaatti hafe. Hayyootii mirga dhabdee, yakkaa malee hidhamtee, dimimmisa
keessaatti hafte. Goototii adamsamtee, jiblaan hundaa fiaxanii, achi buuteen dhabamte. Ilmaan
jalaa fiaxanii, Haatii Oromoota dhalte boo'icha qofa irratti hafte. Qabsoo addaan kunnee hin
beennuu, bu'aa buusuu dadhamnee malee. Yoo diinii alaa lafee nu cabsu, nu manaatti wal
dhu'anna. Akka yuuyyuu wal nyaataa, silaa akkamiin ifa garra? Bara kufaatii TPLF sullee ifa
eegaa turre. Yoom ifte ree? Akkuma baratte dimmimiftee haftee. Dimimmisii nu amma keessa
jirru ka ifii duubaan dhufu (Barraaqa) moo? ta dukkantii duubaan dhuftu (Galgala) waan jedhaa
waliin eegna. Kata'u malee dimimmisa keessa jiraachuun keennaa namuu hin mamsiiftu. Aabboo
Waaqa ati Keessaa nu baasi!
Galata
Qaraa fixee; Waaqa abbaa uumama hundaa ka samii utubaa malee dhisee, Lafa dhisaa malee
diriirsee, Dachee tana akka jireennaaf mijattu taasise, Addunyaa tana malaa fi marii nama malee,
waan maraa akka namaa hin galleetti bocee midhaassee dachee tana irraatti uumee, Sammuu
yaaddu naa kennee hojjii tana keessatti na milkeesse baga ati waaqa taate. Jiraatan bara baraan
jiraatu si qofaa ulfaadhu uumaa ko!
Itti aansoo; Waaqaa gadiitti nama hundaa oliitti Haadhaa tiyya Dabboo Dooyyoo Liiban fi
Abbaa kiyya Dooyyoo Liiban Diimaa kana na dhaltan Addunyaa dhibdittii tana na garsiiftan,
Akkasumasi ka waan qabdan fi waan dandeettan hundaanuu adoo haalaan hin jijjiraminuu na
bira dhaabbatan, ka adoo hin baratinuu na barsiiftanii addunyaa tana keessatti qooda na
fudhachiiftan, Ka adoo fedhii teessan hin guutatin tiyya naa guuttan, Riqicha taatanii na
ceesiftan, Ofi rakkattan bal'innaatti na baaftan, Ofi booruu dhuddan qulloo na obaaftan, Ofii
tufatamtan na kabachiiftan, Ofii gaddaa na gammachiiftan, Ofi boo'aa na kofalchiiftan, Oolmaa
teessan ibsuuf jechoonnii hunduu na jala diqqaatus callisuu hin danda’u. Hundaa oli jaalalaa fi
kabajii ani isin qabu daangaa hin qabu. Baga isin irraa dhaladhe, isiniin boona Aayyoo fi Aabboo
lubbuu naa bulaa!
Akkoo tiyya Haadha Aayyoo, Qabballee Galgaloo Kasee, Ati naa Akkoo qoofaniti Haadha taatee
na guddifte. Aayyoo irraa na fuutee harma Haadha tiyya hoosifte nallee hoosiftee na guddifte.
Kiyya jettee na fudhattee, kiyyaa jettee na yaamte. Hundaa caalaa kadhaan ati Waaqa naa
kadhattu, ka Waaqa adoo ani lubbuun jiruu, ijjoolle kiyyaa kiyyaa na hamphaarsisi jettu sun
yoomuu hin dagadhu. Waaqii ummurii tantee ummurii Arraanqessaa siif godhee Abaabbowwan
tantee si garsiisinna.
Ammallee; Hiriyyootaa fi Obboleeyyan tiyya ta hojii tana milkeessuu keessatti waan dandeettani
hundaan; Yaadaa fi Maallaqaan na bira dhaabbatan galatii keessan hangana jedhamee hin
himamu baayyee isin kabaja! Ulfaadhaa! hundaa keessan maqaa barreessuu yoo baadheellee,
Onnee tiyya keessaa barruu hin banne qabdu. Hamtuun isin hin argiini!?? Galata keessani ilma
gudeedaatti dhaamadhaa!
Akkasumas; Galatii jala qaba malee dhuma hin qamne Gulaaltota kitabaa Dimimmisa kanneen
akka; ? tiif naaf ha ta'uu. Dimimmisii dandii isan cirtaniif gula imalee sabaan ba'e. Isantuu yeroo
teessan aarsaa naa godhee karaa sirrii na qabsiisee Galatoomaa! Waaqii waan dansaa qofaan isin
qaabatinna! Dabalataani Namoottan sirna tuqaalee Afaan Oromoo sirreessuun kitaaba kana
keessatti yeroo teessan gubdanii na gargaaraa turtan; baayyisee isin galateeffadha!
Seensa
Kitaabii dimimmisa jedhu kun diqqaattusi ergaa qabatee isanii dhufe jira. Kitaabichii Seera
caphe, Safuu baddee, Aadaa waarte, Lubbuu lafaaf badde, Seenaa dhokate, Handhuraa waare,
Galata haadhaa male, Haqa miliqe, Finna dabe, Seenaa goota dedhamee, Qajeeluma lammeessoo
hundaa fi waan kkf. Dhugaa hawaasa keessa jirtu walaloon kibee utubee akka ija uummataatti
mullattuutti qabatee dhufee jira. Yoo argattanii dubbiftan akka keessaa wa hubattan shakkii
tokkollee hin qabu. Qola isaa laaltan hin tuffatinaa, Handhura isaa saaqaa dubbisaa, Itti yaadee
dhossaan keessa wahi isanii kaaye waan taateef.
Namnii hunduu dhugaaf dhalachuu isaa dagachuu hin qabu. Namnii ani sobaaf dhaladhe jedhu
yoo jiraate sitti dimimmifte malee namii sobaaf dhalate hin jirus hin jiraatus. Dhugaan ni
hadhoofti taatus ciniinnadhaa dubbisa.
Dhalootaatti dimimmisa keessa jiraaf na dhibdee barreesse. Nama dhara dhugaa fakkeessu, nama
dhaloota ija jaamse irraa adda baasee hin ilaalu. Midhaasu yoo dadhabdeellee yakkuuf hin
karoorfatin. Sobdee beekkamuu irraa dhugaan jibamuuf tattaaffii taasisi. Dhugaa hojjachuuf
wa'eelii baayyeen si hin barbaachisu, Waaqiinuu jira waan ta'eef. Atumtii deemsa kankee hin
dhaabin malee. Fakkeessitootii gurraaf adoo hin taanee garaaf jiraatti. Silaa si tahuu hin malle
malee.
Shiraan adoo hin taanee sirriitti hojjattee badhaafamu qabda. Sirnii gadaa hannaa fi saama nu hin
barsiifne nagaa fi jaalalaa malee. Gadaan ni guddisa malee hin ajjeesu. Gadaan ni ijjaaraa malee
hin diigu. Iddoon dhugaa fi dhiigii itti cophe hin goddus hin dedhamtus. Tanaatti dhibee nutti
tahee bara baraan nu kulkulaa jira.
1. Dimimmisa
Burjaajii dhalootaa
Finna babbadicha
Dhugaa iddoo dhabde
Jireenna fakkeesitootaa
Dhaloota hiyyoomse
Ka abbaafuu diinaa.
Dorgomtoota kophaa
Misooma afaan qofaa
Saamtuu badhaafamtuu
Haqqummaa lakkiftee(haqummaa)
Dukkanaaf loogdee
Milissitee haqqiikoo
Infalmaadhaaf mirgakoo
Gufuun na dhooftuullee
Dhugaa waa'eelfadhaa
Diqiiqaa muraasaa(daqiiqaa)
Namii abdii hin kunne( namni mullata hin qabnee) osoo ta'e?
Waaqaan gargaaramnaani
Milkaa'ee marmaaraa
Dukkanaa fi ifaallee
Lachuu ni fakkaattaa
Guyyaatee addaattaa
Itti dukkanooftee
Adeemsaayyuu dhibdaa
Biiftuu dimimmisaa
Galchuma na bareechii
Oobjuukoo dhugoomsii
Oromoo bilisoomte
Ijaani na garsiisi.
Gammachuu dhabuullee
Ciniinnadhee obsee
Duraatti tarkaanfadhaa
2. Hameessa dharaa
Dhara gaafa jennuu
Jechaanuu nuu galaa
Ka hirkoo tolfattee
Gantuu fi Yartuutti
Maaf barbaachise?
Maaliidhaaf dhamaatu?
Baraani faarfamtuullee
Dureessilleen hiyyeessaa
Gaaddisaatti himattuu
Akka waan dandeettuu(walgitiinsa)
Fakkeesitoota hadabuuf
Cimneettin hojjannaa
Wal dhabdee hundaayyuu (-yyuu) kan irraa kuti. Sababnis wal unata sagalee dhowwa!
Mariidhaan furannaa
Wallaalaa gorfannaa
Gadaa fi siyaasaa
Farra diimokiraasii fi dhugaa (jecha dhugaa jedhu irraa kuti. Walqixummaa dhowwaa.
Mandhee hattootaa
Maxxantoota gosaa
Irraa addaan baanaa
Nu Qeerroo fi Qarreen
Jaalalaaf bitamnaa
Beekaan hogganamnaa
Waan sobaa dubbattee lubbuu buluu mannaa, Waan dhugaa dubbattee yeroon iddoo dhugaa
dhaquu wayya.
3. Bara garagaltoo
Bara dhufee darbu
Bara golii hamaa
Qaroo farrajanii
Gowwaa ulfeessanii
Nu dura dhaabanii
Hamilee gowwaatiif
Harka dhadhaanani.
Waxabajjii 14, 2013, Yaaballoo, Diida Garbii Guyyaa filannoo Xoopiyaa marsaa 6ffaa.
4. Ani maan sirraa eega?
Ani maaf sirraa eega?
Sabaadhaan jibbame.
Qeerroodhaan qabamtee
Du’aan adabamte.
Seenaa dabarfadhoo?
Oromiyaa tiffannoo?
Miimoorrii baqachiifnoo?(miimoorii)
Ka'ee dhugaa Murteessee
Dhaloota dhaalchisoo?
Biyyaan jaalatamnoo? (Akka barattoota Oromoo yoo jettu akka waan ofii
qaama san ta'iinii fakkaata.)
Moggaasa habashootaa
Ganamaatin si yaamoo?
Nageellee Booranaa
Moggaasa Oromootaa.
Yakkamtoota adabee
Adabbii barsiisaa
Gantoota hari'ee
Yartuu fi Gantuun ulaagaa maraatumaa hin guutan waan kutannoo hin qamneef.
Dhageettuu hubadhu
Galgalii ka abbaatii
Uummatii si jibbee
Addunyaan duumensaa
Shororkeessa jedheenii
Lubbuudhaan adabee
Fakkeenyii gaariin Hacee.
Hayyuu oromootaa
Maqaadhaf malee
Gadaannisa kalee
Harkii Akaakowwanii
Nu gabrummaatti hafnaa
Haatii gootowwani
Dacheen Oromiyaa
Hirkaattummaa baatee
Bilisoomuuf deemtii.
Sirnii Naafxanyaa fi Sirnii Wayyaanee, Oromoof wal hin muru ilkaan fardaa fi harreetii.
Hundaayyuu ifaadha
Si mamsiisaa laataa
Eentuu si wallaala!
Ni bareeddu seetuu?
Yoomuu si jaaladhaa
Kana akka keetii hin jiruu (kan akka kee naaf ta'u hin jiruu)
Dhadhaan nu dhidhiibdee
Afaan nu barsiiftee
Harmeetoo waa’eekee
Silaaftuu marrootee
Waaqii ka dheeressuu
Waan na barbaachisaa
Hardhaan na geetteertaa
7. Aadaa fi Dhugaa
Nutti hin callisinaa
Barbaada keessaniif
Dhaabbataatti mugaa
Anaani duraattillee
Kumaa fi kitilaattii
Fulaa Dhugaa jiraa.
Sagalee ol kaasee
Walabummaa jedhee
Ka dabaa fi cubbuu
Iddoo dhowwattani
Dhalootii dodoomee
Nu ugguraa jiraa
Halkanii fi Guyyaa
Obsaan gargaaramtee
Warra daandii tee maqee (?) maqee- goree jechuumii ? Sarara isa olii hin faalleessuu?
Ka sobii si qeequuf
Dubbachuu dadhabee
Gadaa fi Gadaammojjiini
Jaarsaa fi Jaallabii
Hundeesitootii Gadaa
Daandii Oromtichaa
Madda beekkumsaa
Ta mallattoon Odaa...
Guyyumaan eegadhuu
Siyaasaaf jettanii
Siyaasaa fi Aadaa
Sobaaf jettanii
Dhugaa Oromtichaa
Mallattoo eenyummaa
Dhugaadhaaf hojjadha
Akka diimokiraasitti
Uummataatti dhaabaa
Uummatumaatti kaasaa.
Akkanaatti hubadhaa
Warrumaa lakkisaa
Hordoftootii Aadaa
Numaatii gabbisaa
UNESCO galmeessaa
Addunyaa mullisaa.
Qaanqee bilissummaa
Warrii qabsiiftan
Daangaa Oromiyaa
Nuuf jiraattani
Arguuf hawwitani
Ijaan jibbitan
Haqaaf falmitan
Diidaatti mulliftan...
Mirgaaf falmadhaa
Garbummaa darbadhaa
Uummataatti garsiisaa.
Nurraa kukuffisaa
Ifaatti nu baasaa.
Haqaaf falmadhaa
Diina dura dhaabbadhaa
Hattootaa fi Gantoota
Irraatti xiyyeefadhaa
Tarkaanfi barsiisa
Irraatti fudhadhaa.
Uummataaf hojjadhaa
Kutannoo qabaadhaa
Dhugaaf wareegamaa
Birriin bitamtanii
Kutannoon murteessaa
Ilaalcha firummaa
Amala ofituulummaa
Haqa jalliftanii
Dhugaa dabsitanii
Ofumaa keessaniin
Seenaa xureessitanii
Iyyeessa boochitanii
Imimmaan buuftanii
Ka akkasi jettani
Nutti kakattani
Gudeedii kiyyaayyuu
Ka waanuma hundaayyuu
Dhugaa dhabuun nyaata dhabuu duraatti nama ajjeesuu baattus, caalatti nama miiti.
Ka namaa xurreessuuf
Kanaattiin ka ceetuu
Nu la siin gubannee
Dubachuu dadhamnee(dubbachuu)
Dheeraa gabaabsitee
Dhugaa ukkaamsitee
Nama shakkisiiftaa...
Fuuteetin hutaaltaa...
Hundaani ni waraantaa
Deemtettiin basaastaa
Dandeettee wa raftaa?
Deemsii ke sussukhaa
Waaqii qabeettiini
Nattiin si dhufiinnaa
Ta durii dabartee
Mudaamuddii dha'ee
Ragaa si qindeessee
Seeraani si adabee(seeraan)
Qaallittii si galchaa.
Osoo akka hanqinnii namaa sitti mullatu, kankee sitti mullatee yoonaa jijjiiramtee jirta.
Ati waan dansaa qofa hojjattuullee Namootii waan kankee haasahuu hin dhiisanii oduuf gurra
hin kennini.
Ka dirrii dirmammuu
Fakkaachuuf dirqamuu
Fakkaattee jiraachuuf
Oromummaa dedhu
Yaa fakkaattota
Maxxantummaa dhiisaa
Ofita'aa dubbadha(ofta'aa)
Fakkaachuun safuudha
Dhiisaamee fakkaachuu
Maaliif fakkaannare?
Duudhaa Oromootaa
Adootii qaabannee.
Faayidaaf jennee
Ta gargaarsaa malee.
Arrabaan luftanii
Safuu cabsitanii
Duudhaa oromummaa
Ganamaa gattanii
Geedalaan nyaatamtan
Qabeennaa na moo’ee
Dhabaa na moo’atee
Atuu ni beettaanii
Ani si dheebodhaa
Akka bishaanitti
Akka midhaanitti
Eennuudhaaf na dhiifte?
Cirreettii onneekoo
Ni hirraanfattee moo?
Jaalalaan si bitee
Harkaa na qallatee
Humnaa na hanqatee.
Dansaa kuulaniitoo
Hardha dagatame
Maallaqaaf na gantee
Qabeennaa jabeennaa
Ka na caalu argattee
Kanaaf na darbattee.
Qabeenyii duumessa
Si eebbisuu baadhus.
Oromiyaan tiyya
Saba dimokiratawaa(dimokiraatawaa)
Saba jaalatamaa
Namaaf dhangalaasu
Gosa amanamtuu
Ta hundaa hammattu.
Oromiyaa jechuun
Ta Raabaa fi Kuusaa
Ta Baddaa fi Gamoojjii
Dacheen Oromiyaa.
Magaallan gugurdoo
Magaallan jaalatamtuu
Biyya Goottowwanii(gootowwaanii)
Wallaggaa fi Shawaa
Walloo fi kamisee
Hararii fi Karayyuu...
Badhaatuu Albuudaa
Qayee Gujii Girjaa
Lafa hangaftichaa
Ta barii maandhomse
Nageellee Booranaa
Dachee Borantichaa.(Boorantichaa)
Ta Qaroo baayyattu
Biyya Gootowwani
Eebbisa Addunyaa
Gootowwani Oromoo
Kumaa fi kitilaa
Kunuunsa keessaniin
Dacheen Oromiyaa.
Ta seenaan ijaaramte
Oromiyaa badhaatuu
Dukkanaa nu iftee
Gorsaan nu ijaartee
Faca'uu nu dhoortee
Biyyaatti nu dartee
Dorgomaa nu gootee
Maqaa nu yaamsifte.
"Ilmee barsiifadhaa
Loon gurguradhaa
Jettee nu dhaamattee
Ta uummataa dursitaa
Ginyaattiin ciisaa
Qaroo waawwessanii
Qara dodoomsanii
Janna goodhabsani
Qotaatti baasanii
Sooressa mittanii
Jilbaan deemsisanii
Hiyyeessa jibbanii
Gamaatti hadarsanii...
Maxaqoo fidanii
Ollaa maxxasanii
Ilmaan ergamtootaa
Shororkoota jedhanii
Maqaa Farrajani.
Qeerroo nyalchiisanii
Raasaatti galchanii
Orma dhaalchisanii
Nyaapha nu dhaansisani.
Tumamnee dhaanamnee
Diinotaan saamamnee
Naafumaatti hanbisanii
Onaa nu lakkisanii
Ardaa nu dhiibanii
Qotaa nu baasanii
Duwwaa nu lakkisanii
Tissee maxxasanii
Ollaa nu galchanii
Tissaa hadamsanii
Horii adiyyoomsani
Ormii nu dhodhoosee
Lafee nu cacabsee
Dhiiga nu lolaasee
Hamaan nu koblatee.
Seenaa ol keeyyatee
Jibbaata na dhoortaa
Haaloo na baayyiftaa
Garaa na gugubdaa
Hirriiba na dhoortaa
Yaaddoo na baayyiftaa
Gammachuu na dhoortaa
Gaddaan na kuffiftaa
Kophaa na hanbiftaa.
Ta armaan duraatuu
Naraatii dhukkubdii(?)
Xiiqii na qabattee
Ijjeeftee namaakoo
Ofiitii jiraattee
Ajjeeftee dhalakoo.
Nu hiyyeeyyin barsee
Shirkaalumaan bannaa
Ka nu qamnu si qofaa.
Firii keenna Ka garaa guutatee nuuni lolu adoo hin taanee, ka garaa hidhatee nuuf lolu tahuu isaa
midhaasinee beenna.
Bittotteessa 4, 2013 Waacillee, du'a Abduuba Dabasoo ka hiriira Nageellee Boorana irraatti
Yaaballoo du'ee booda.
Ka uumamaan jiruu
Durii dullunkootuu
Durii dullunkootuu
Baqaaf saaxillamne.
Dhalootii hammaatee
Aanaani Looni hin dhuguu (aannan Loonii)loqoda waan ta'eef rakkoo hinqabu garuu
Lubbuu baasuuf susa'ee (suusa'ee) hiika biraa qabaachuu mala aja'ee jechuus ta'a.
Guyyaan dukkanaa'e.
Bara buraanburicha
Afaan nu qabachiise.
Jiblaan nu daalleesse.
Wa'iittuu na dhibeef
Ta'ee arriifadhaa
Yabbii marrachiisu.
Ka daallee baayyatu
Ka malchiisaan hattuu
Akkamti injifanna?
Kanaaf mo'atamne
Nyaapaaf nu jifee
"Bishaanti dheebotee"
"Ibbiddaa dhaamotee"(ibiddaatti)
Gaangeettuu dorobee(dorrobe)
Dhalaaf eegamee
Dhaamsa abbaattuu
Ilmaan dagatamee
Garbummaatti amanee
Galaana gabrummaatti
Dhaloota darbatee
Hardha nu iyyisiisee.
Namii jiraatti si hin jaalannee, Yoo sitti du’eef bo'aa dhufu adoo beettee seeraan qabsisuu qabda.
Silaa ni callissaa(callisaa)
Dhugaattuu na dhibaa
Ijaattu na argaa
Sammuu wa na yaadaa
Seenaatti na gaafataa
Akkamiin callisaa
Kutaalee gugurdoo
Liibanii fi Dirree
Nageellee Booranaa
Dhaddacha Taabdoyyeee
Dhaddacha warra abbii
Wacillee Fi Uudati(Udati
Borborii Fi Dhaasi
Guchii Fi Irdari
Mooyyalee Fi Caamuqii
Dilloo Fi Oboqi
Goomolee fi Suruphaa
Eeliwayyee Fi Taltallee)Eelwayyee)
Ta Waaqii nu badhaase
Shira diinotaatiin
Dadhabaa tirfannaa
Wallaalaa gorfannaa
Rakkataa gargaarraa
Tokkuummaa cimsannaa(Tokkummaa)
Gegeesituu Aadaa
Kabachiiftuu daangaa
Uudatii fi waaccillee(Waacillee)
Dhidhiillee fi Gallaba
Jaalatamtuu addunyaa
Shiraa diinotaatiin
Horsiiftuu beeladootaa
Bineensota bosonaa
Iddii fi Gugguuftoo
Eentuu si dagataa.
Fulaa nageenyii guute
Godaannaaf ulluuxu
Oomachoo fi xiilleen
Misoomaaf iyyitii
Fuuldowaa fi afuuraa
Kaffara dabalattee
Argama gaarreen
Gadamsoo fi Rasaa
Misoomii muladhuu
Xireefattuu gabrummaa
Dheebottuu walabummaa
Goottumma tanteetiif(Gootummaa)
Jabaadhuu ni mootaa
Bilissummaa argi.
Lafa goomtuu
Goomaa iyyaafattu
Mandhee Oromootaa
Jaalattuu misoomaa
Safiftuu guddinnaa(?)
Kukufiftuu diinaa
Nework Oromiyaa
Moottummaan wayyaanee
Alaabaa soomalee
Kumii wareegamus
Kumaatamaatti hafee
Jaallowwan isaanii
Magaala jaalatamtuu
Inaaffaa tanteetiif
Dadhabuu lakkisaa
Caamuqii fi Madheera
Lafa Gootowwani
Lubbuu wareeganii
Dhiigaan dabarsani
Nu dhalootii qubee
Haarsaa barbaachisu
Hunda ni kaffallaa.
Bishaan bu'anittiin(bu'anitiin)
Niitii takkattii
Dhalootaatti dhaamadhaa
Biyyeen Ka sablattuu
Nuttii akeekanii
Lubbuu wareeganii
Misoomtee mullattee
Lafa Gootii lubbuu gurguree daangaa nuu ballisee, Yaraan garaaf gurguree daangaa keenna
dhiphise.
Nageellee Boorana
Dhugaan ta Booranaa.
Moottummaa Wayyaaneetti
Wal nu nyaachisuuf
Maqaa ke jijjiiree
Keessumaatti immoo
Handhuraan rifeensa
Nageellee Booranaa
Nageellee Booranaa
Wayyaanee eegalee
Nu sobuu ni beekuu
Sobamuun ga'eera
Nageellee Booranaa
Cichinee falmannaa.
Ka Yartuu wareeggate
Ka Gantuu wa’eelfatee
Tarsiimoo Wayyaanee
Afaaniin nu sobaa
Nu si jira jedhanii
Qaroo farajanii
Qeerroo rashananii
Janna takaalanii
Dureessa saamanii
Nu bittineessani
Nageellee booranaa(Booranaa)
Seenaa jallisanii
Boorana hanqisan.
Jarrilleen ka dhaga'uu
Nageellee Booranaaa
Hamaan si walga'ee
Lafa si maxxansee
Ollaa si maxassee
Raasaa si lakkisee.
Dhaala nu dabsanii
Handhuraa mursanii
Nageellee Booranaa
Ollaaf agaansanii
Dhaltii nu guusanii
Ilmee agaabsanii(agabsani)
Nageellee Booranaa
Dirree hanqisani
Nageellee Booranaa
Dukkantii injabaattii
Nageellee Booranaa
Wayyaneen Nageelle Booranaa maqaa ka jijjiirteef jaalalaaf adoo hin taanee, lafee lafeen cabsuu
yaaddeeti, garuu cabxuu lafeen cabxii malee, badduu lubbuun baddi malee, Nageellee Booranaa
maqaan hin jijjiiramu.
Onkololeessa 10, 2012 Yaaballoo Guyyaa Gumii Gaayoo 71 eessoon teettee booda.
23. Roomi Lamaffaa
Moggaasii maqaa keetii
Hiikaa qabeessaadha
Galaana beektotaa.
Handhura Booranaa
Maanyaa muruqoollee
Hundaa ni simattaa
Warrii faranjootaa
Xoopiyaa fi Keenyaa
Quttumaan bareeddee
Nama dinqisiisaa
Gaarreeniin marfamtee
Tissaatti si yarateef
Garaan ke beela'ee
Biraatii hagabdee
Qayeeni te ceekoftee
Dhabduu siin jedhan
Ko'eettii fakkaattee.
Ta kalee dabartee
Ta hardhaa ni garraa
Ciniinnadhii obsii
Boriif nu eegadhuu
Nuu dhaloota qubee
Akka duttuun si hin nyaattuu sareen, Akka si marsiteen si hin saamtu gadheeni!
Oromoota malee
Ibiddaatti dhaamotee
Bishaanti dheebotee
Bariitee fi dhiitee
Namii qulqullichii
Gootowwan Booranaa
Teessoo Abutturootaa
Jedhaan nu kadhatanii
Dhadachaa Taabdootaa
Ormaatii si jifee.
Nu foon fi dhiigaa
Gaddaa fi gammachuullee
Walumaan qoodannaa
Dhiphuu fi ballinnaalleeni
Liiban Dabbasichaa
Beekaa wallaalchanii
Qaroo dodoomsanii
Hayyuu farajanii
Yaamanii arrabsani
Lafaatti sadhabsani.
Gadhee leellisani
Saamtuu jajjabeessuu
Addababahi irraatti
Badhaasaaf dhi'eessu.
Nama qulqullicha
Barii gaargaltichii
Hammeennaani guutame
Adii gurrachesse.
Harreen garmaamtee
Gaangeeni dorrobdee
Foolannootaan baddee
Barbaada gaafattee
Ka Gaangee bitannee.
Ibiddii dhaamotee
Bishaan qanqaamate
Agartaani nu dhibdee
Dhageetti nu dhubdee.(dhibdee)
Guyyaa dhalootaatiif
Ka Nageellee Booranaa
Ka Xoopiyaa keenyaa
Hangafa Oromootaa
Madda diimokraasii
Argama Bineensotaa
Horsiiftuu beelladootaa
Bishaan gaafatamnaani
Lafatoo, lafeetoo
Lammii koo, sanyiikoo!
Biraatii hiyyoomtee
Biraatii gowwoomtee
Duubatti deebitee
Nu eebbisuu malee
Nu bal'inna malee
Dhugaa dhabamsiisee
Cubbuu nu dubbisee
Addaan nu fageesse
Duubaatti nu deebisee
Jilbaan nu deemsise.
Waliitti nu ceesise.
Jabaan adamsamee
Beekaan qadhabsamee
Guddaan harrabsamee
Diqqaan qancarfamee
Sooressii mittamee
Qaroon jibbamee
Ta keessako gubdee
Irriiba na dhoortee
Ta namoota irraa
Kophaati na qooddee
Dirra na huqqifte
Kophaa na gungumsee
Ofiin na haasofsee.
Dacheen Abbaa Gadaa
Haasaakoo dhageessee
Laftii Boorantichaa
Ofiitti na yaamtee
Dura wa na gaafattee
Gaafii na gaafattee
Maaf na ceekesitan?
Maaf na dheebessitan?
Narraatti yarattani
Maaf na eebessitan?
Narraatti awwaalamtaa.
Diqqaa fi Guddaatti
Dhalaa fi kormaatti
Gadaa fi Seeraatti
Haaladhee hapadhee
Hundaayyuu hanqadhee
Mooyyalee fi Caamuqii
Garaan na dhindhissaa
Jabeessaa na tissaa.
Wallaala gorfadhaa
Morkii wa balleessa
Tokkummaa qorichaa.
Wantii Foon ofii nyaataa Waraabeessa qofa turte duraan.
Sadaasaa 17, 2010 Arba Mincii Si'ichaa Mana Immuu, Yeroo Booranii gosaan wal hadhaa ture
sun.
27. Jaarsa argaa dhageettii
Yaa goota koo
Oromootaa duraa
Si dhabee nu malatee
Ta Dabasaa Guyyoo fi
Labsannee awwalannaatti
Nama nu jajjabeesullee
Guyyaan dukkanaahee
Onaatti nu malate
Burjaajahee hafee.
Wa isanti dhaamadhaa
Siidaa ha dhaamnuuf
Dhalootaa ha dhaalchimnuu.
Dootii dansaani hin jirtuu, Yoo jiraatte ta Nama seenaa gaarii qabuu qofa.
Harkaa fayyaa argadhi Waaqolee akka kitaaba kee jalqabaatti akka dansaa barreessite.
1. Qubee
2. Seera walaloo hunda gutatanii barreessuun rakkisaa ta'ullee garuu kanneen akka
walqixxummaa sararaafi wal unata sagalee kun murteessaadha.
3. Ergaa isaa: maan dhaamuu barbaade? Dubbisaan koo eennuudha kan jedhu laaluunis
barbaachiisaadha.
4. Irra deddeebii jechootaa, yaada walaloo tokko keessa jiru haga dandeettuun walaloo
biraa keessaa hanqisuu.
Walgitiinsa yaadaas....
Kan jechuun koo kitaaboonni walaloo maxxanfamaa jiran rakkowwaan kan hin
qabduu miti. Warroottaan waloo gurguddoo ta'aniyyuu seeraa hunda hun guutatan.
Ammoo akka atin waan fooyyeefi boonsaa qabattee gad baatu fedha. Waloo akka Jaal
Jaarsoo Waaqoo Qooxoo walaloo kee amma irratti kan hafuu osoo hin taanee waan
duraanaa nu mudatu kan tilmaamu ta'uu qaba. Akeekii kee kan isaaniin wal fakkaata
waan ta'eef siin jedhe. Xiiqeeffataa akka Jaatanii Alii hedduu si dinqisiiffadha. Dhiiddoo
ati sabaa qabdu na dinqa. Waan Booranaa yokaan Godina kanaa nama barreessee hin
garre qabatii kee dansaadha. Ati yaa jalqabde immoo akka dansaa dhukkubsiitee
barreessuutu hafa. Akka jalqabaatti gaariidha. Jabaadhu. Yoo naaf mijate osoo wal
arginee haasofne dansaadha. Nama lamaan tokko taanee yaada wal jijjiiraa osoo haasofne
jedha.