Nagahee fi Mashina Gurgurta Galmeessu

1. Nagahee

I. Hiika jechootaa

1. “Nagahee Gurgurtaa” jechuun gurgurtaa harkaa harkatti ykn Duubeedhaan gurgurtaa meeshaa
ykn tajaajilaatiif nagahee ragaaf kennamuudha

2. “Nagahee sassaabbii Galii” jechuun nagahee galii gurgurtaa irraa argame ta’us ta’uu baatus
maallaqa dheedhiidhaan ykn cheekiin kan kafalamu kamiyyuu galii ta’uu isaatiif nagahee
kennamuudha.

II. Gosoota Nagahee fi hiika isaani

1. Nagahee taaksii dabalata qabeenyaa harkaa harkatti kennamu fi dubee (VAT cash
sales invoice & VAT credit sale invoice)
 gosti nagahee taaksii dabalataa qabeenyaa harkaa harkatti kennamu yeroo gurgurtaan
ykn tajaajilli rawwatamu battalumatti kennamu dha.
 Nagaheen taaksii dabalataa qabeenya dubee immoo gurgurtaa ykn tajaajila
battalumatti rawwateef qarshiin garu gara fulduraatti kan sassaabamu jechuu dha.

2. Nagahee tarn ovar taaksii (TOT):- gosa nagahee kaffalaan gibiraa sadarkaa ”B” fi ”C”
gurgurtaa ykn tajaajila rawwate irratti dabaluun sassaabu jechuu dha.

3. Nagahee qarshii ittin fudhan (cash receipt invoice):- gosti nagahee kun nagahee taaksii
dabalataa qabeenyaa dubeen gurgurame kan itti sassaban immo nagahe kanaan jechuu dha.

4. Nagahee baasii bahee ittin mirkaanneessu (payment voucher):-omishtootni amala hojii irraa
kan ka’ee nagahee kennuu fi sirna omisha aadaatiin kan omishaan fkn:- dhakaa, ashawaa, kasala,
mukaan wa bilchessuu fi kaffalaan gibiraa galmee herregaa qabachuuf hin dirqamne sadarkaa”C”
omishtoota gurguraniif gosa nagahee kanaan gurgurtaan rawwatamu isaa sanada walii galtee kanaa
irratti maqaa fi teessoo isaani ibsuun gurgurtaan raawwatamuu isaa malattoo isaanitiin
mirkaannessa.
5. Withholding invoice:- bu’uura waliigaltee gurguraa fi bitataatiin kaffaltoota gibiraa
tajaajilawwan ykn mi’oota dhiyeessaniif hanga maallaqaa kaffaltiin raawwatamu kamiraayyuu
bu’uura seeraatiin hanga qarshii hir’isanii hambisuun mootummaaf galii taasisaniidha.

Akkataa seeraatiin dhaabbilee herreega kaffalamu irraa gibira hir’isanii hambisuun galii gochuu
dirqamni itti kenname kan akka:

 Dhaabbilee mirgi qaama seerummaa kennameef (Waldaalee)

 Waajjiraalee mootummaa,
 Dhaabbilee dhuunfaa bu’aaf hin dhaabbannee fi
 Dhaabbilee miti-mootummaa

III. Barbaachisummaa fi faayidaa Nagaheen qabu

Nagahee muramee Qaama bittaa raawwateef kennamuun isaa Galiin mootummaaf galuu ta’uu isaa
ni mirkaneessa. Kunis bittaa qaamni kamiyyuu raawwatu keessatti nagahee gaafatame fudhachuun
hanga maallaqa kaffalamee ibsu qaba. Kana ta’uu baannaan inni bitees taanaan inni gurgurees
qarshiin bahee sun waan oluuf ibsuun rakkisa ta’a. Kanaafu namni kamiyyu bitta rawwateefis ta’ee
ykn tajaajilaa argateef nagahee gaafachuu qaba. Meeshaa/Tajaajila bittaa gaggeefameef irratti
abboomuun kan danda’amu nagaheen seera qabeesa ta’ee off-harkatti yoo qabatame dha.
Meeshaa/Tajaajila bittaan raawwatameef nagaheen kan hin qabanne taanaan meeshicha irratti
abboomuun kan hin danda’aamne ta’uun alatti abbuummaan meeshichaa kan kooti jechuudhaaf
rakkisaa fi shakkii keessaa kan nama galchuu dha.

Gama biraatiin nagahee seera qabeessa tokko argachuun dhimmi bittaa fi gurgurtaa adeemsifamuu
keessatti maallaqa kaffalameef wabii/ragaa/ amansisaa ta’uun alatti qaama kaffaltii raawwateef
abbummaa qabeenyaa kan raggaasisu dha.

Kaffalaan gibiraa meeshaa/tajaajila gurguruuf nagahee seera qabeessa ta’ee kennuun haallii seerri
ajajuun hojii isaa gaggeessaa jiraachuu ibsuun alatti seeraaf ajajamaa fi meeshaa hangam akka
gurgurame, hangam akka hafe fi hanga maallaqni saassabame ifatti kan ibsu fi qaroomina kan
mul'isu dha.
Kanaafuu, Nagaheen bakka hin jirretti maallaqni sassaabame waan hin jirreef galiin bifaa gulantaa
herregaan saassabamee jedhamee gabaafamu waan hin jirreef, barbaachisuma fi ittifayyadama
nagaheef xiyyeeffannoo guddaan kennamuu qaba.

IV. Haala itti fayyadama nagahee

Kaffalaan gibiraa kamiyyuu Nagaaheen galii fayyadamu kan qabu akkaataa qajeelfama gibiraa fi
taaksiitiin ta’u qaba. kana jechuun kaffalaan gibiraa kamiyyu nagaaheen wajjira galiiwwaniitiin hin
hayyamaamiin dura akkaataa qabataama hojii daldaala isaatiin gosa nagahee kam fayyadamuu akka
qabu addaan baasee beekuu qaba. Haaluma kanaan wajjirri galiiwwanis gosoota nagahee armaan
oliitti ibsaman keessaa kaffalaan gibira barbaadu ergaa addan basee booda xalayaa mana
maxxansaa kaffalaan gibira barbaadutti barreesaf. Kaffalaan gibiraas nagahee mana maxxansaatti
maxxanfatee osoo itti hin fayyadamiin dura chaappaa wajjira galiwwaani baale tokko tokkoo
nagahee irratti erga goosisee booda itti fayyadamu qaba.

V. Reeti (dhibbentaa) nagaheen yeroo kennamu ittiin shallagamuu fi yeroo itti galii ta’uu

 Kaffalaan gibiraa ykn daldalaan taaksii dabalataa qabeenyaatiif galmaa’e kamiyyuu

gurgurtaa ykn tajaajila kenname kam irrattuu harka dhibba keessaa harka kudha shan (%15)
dabaluun fuudhuu qaba. Gatii %15 sassaabee jini dhumee ji’a itti aanu keessatti wajjira
galiitti galii gochu qaba.
 Kaffalaan gibiraa dhunfaa ykn dhabbanni hojii daldaalaa irratti bobba’ee taaksii dabalata
qabeenyaaf hin galmoofne kamiyyu tarn ovar taaksii (TOT) sassaabuu qaba. Haaluma
kanaan kaffalaan gibiraa sadarkaa ”B” yoo ta’ee gurgurtaa ykn tajaajilaa rawwatee kami
irrattu % 2 ykn %10 dabaluun erga sassaabee booda maallaqa sassaabee immoo ji’a sadi
sadiin waajjira galiiwwanitiif galii gochu qaba. Akkasumas kaffalaan gibiraa sadarkaa ”C”
yoo ta’e immoo gurgurtaa ykn tajaajila rawwatame %2 ykn %10 dabaluun erga sassaabee
booda waggaatti al tokko waajjira galiiwwanitiif galii gochu qabu.
o Sochiin daldalaa isaani gurgurtaa meeshaa yoo ta’ee %2
o Sochiin daldalaa isaani tajaajila yoo ta’ee %10 naga’een yoo fuudhatame
mootummaaf galii ta’u isaa raggaasisa.
VI. Nagahee Maxxansiisuf hayyama argachu

Namoonni dhunfaa fi dhaabbata daldala nagaheen itti fayyadaman bu’ura Labsii Lakk.203/2009
lakk.21/1tiin kaffaltooni gibiraa galmee herregaa qabachuuf dirqama qaban naga’eewwan itti
fayyadaman gosa naga’ee fi baayy’ina isaanii addaan baasuun Abbaa taayitaa gibira biratti
galmeessisanii akka maxxansiisan hayyamuu kan danda’u Abbaa Taayitaa/wajjira/ Galiiwwanii
sadarka sadarkaan jirani dha.

Kaffaltooni gibiraa galmee herregaa qabachuuf dirqama qaban nagaheewwan itti-fayyadaman osoo
hin maxxansiisin dura gosa nagahee fi baay’ina naga’ee Abbaa taayitaa gibiraa biratti galmessisuu
akka irraa jiratuu fi dhaabbatni tajaajila maxxansa kennuu kamiyyuu nagaheewwan kaffaltoota
gibira osoo hin maxxansiin dura bay’ina fi gosa nagahee maxxansaaf dhiyaatan Abba taayitaa
gibiraa biratti galma’uu fi hayyamamuu isaanii mirkaaneesuu akka irraa jiraatuu dambiicha irratti
bal’inaan ibsameera.

VII. Ragaalee Nagaheen Gurgurtaa Qabachuu qaban

Nagaheen gurgurtaa ragaalee bu’uura ta’an kan armaan gaditti ibsaman guutanii qabaachuu qabu.

1. Maqaa guutuu kaffalaa gibiraa, teessoo fi maqaa hojii daldalaa ittiin galmaa’ee

2. Lakk. Eenyummaa kaffalaa gibiraa, Lakk. Sartifikeeta galmee taaksii dabalataa qabeenyaa fi
guyyaa itti kenname

3. Maqaa guutuu nama bitee, teessoo isaa fi Lakk. Eenyummaa kaffalaa gibiraa

4. Lakk. Nagahee tartiiba Lakkoofsaa qabu.

VIII. Itti Gaafatamummaa Waajjirichaa

 Waajjirichi maxxansiisa nagahee fi itti fayyadama isaa akka armaan gadiitti hordofuu fi
to’achuuf itti gaafatamummaa qaba.
 Kaffalaan gibiraa nagaheen akka maxxanfamuuf yeeroo gaafatu hayyama daldalaa
dhaabbataa fi seerummaa kan qabu ta’uu isaa mirkaneessuu.
 Itti fayyadamni nagahee seeraa fi hojimaata fudhatama qaban irratti kan hundaa’e ta’uu,
hordofuu, to’achuu fi mirkaneessuu.
  Kaffaltootni gibiraa ragaalee barbaachisaa ta’ani fi Lakkoofsa nagahee tartiiba Lakk.
qabaachuu isaanii.
 Maqaa guutuu fi teessoo dhaabbata maxxansaa tartiibaan qabaachuu
 Kaffalaan gibiraa nagahee maxxansiisuuf gaaffii dhiheessef haala dureen barbaadame
guutamuu isaa qulqulleessuun akka maxxansiifatu hayyamuu.
 Akkaataa barbaachisummaa isaatti bakka manneen maxxansa nagahee itti gaggeeffamutti
argamuudhaan qulqulleessuu, mirkaneessuu
 Gaaffiilee waa’ee nagahee maxxansiisuu fi itti fayyadamuu mana maxxansaa fi itti
fayyadamtoota irraa gaaffiilee dhihaataniif yeroon deebii kennuu.
 Mannen maxxansaa waa’ee maxxansa nagahee ragaa itti dhiheessan unkaa qopheessuu

IX. Itti gaafatamummaa dhaabbiilee maxxansaa

Manneeni dhaabbilee maxxansaa kamiyyuu;-

Nagaheen maxxanffaman maqaa eenyuutiin akka ta’eefi lakkoofsi walitti aanu hayyamamee
Abbaa Taayitaa irraa yeroo ibsamu mirkaneessanii maxxansuu.
Koppii tokkoon tokkoo nagahee maxxanfamu irratti guyyaa fi Lakkoofsa xalayaa akka
maxxanfamuuf ittiin heyyamame, maqaa dhaabbata maxxansaa guyyaa fi bara itti
maxxanfame agarsiisuu qaba.
Haala kamiiniyyuu nagaheen lakkoofsa wal-fakkaatu irra deebi’ame akka hin maxxanfamne
of-eggannoo barbaachisaa godhuu.
Raawwii fi hordoffii qajeelfama kanaatiif akka gargaaru bu’uura unkaa Abbaa Taayitaan
qopheesseen ragaa barbaachisaa guutuun ji’a sadii-sadiin Abbaa Taayitaaf gabaasa godhuuf
Itti gaafatama qaba.

X. Dirqama Nagahee Kennuu Fi Haala Raawwii Isaa

1. Kaffalaan gibiraa Taaksii dabalataa qabeenyaatif galmaa’ee ykn seeraan galmee herreegaa akka
qabatuu dirqama kan qabu akkasumas galmee herreegaa qabachuudhaaf fedhii kan qabu kaffalaa
gibiraa sadarkaa “c” nagahee itti fayyadamu maxxansiisuu dura Abbaa Taayitaan akka galmeessuuf
ni godha. Abbaa Taayitaanis kanuma beeksisuudhaan mana maxxansaatiif ni barreessa.
2. Kaffalaan gibiraa Seeraan galmee herreegaa akka qabatu dirqama qabu, gurgurtaa raawwatuuf
nagahee tartiiba Lakkoofsa qabuu fi Abbaa Taayitaadhaan galmaa’ee kennuuf dirqama qaba.

3. kaffalaan gibiraa Nagahee komputaraan qophaa’utti fayyadamu, keessumaayyuu taaksii dabalata

qabeenyaatiif galmaa’ee nagaheen itti fayyadamu fakkii /naamunaa/ Qajeelfama bara 2001 bahee
wajjin wal-qabatee irratti ragaalee mul’atan kan qabate ta’ee sagantaa hojmaata nagahee
komputaraatiin namni ykn dhaabni barreesse Abbaa Taayitaatti galmeessisuun irra jiraata.

4. Kaffalttoonni gibiraa bittaa fi gurgurtaa raawwataniif mallaqa dheedhii /cashi/ komputara ykn
meeshaa galmeessu fayyadaman maashinicha /komputarichaan kan qophaa’e/nagahee maxxanffame
kennu qabu maashinichi meeshaa gurgurtaa galmeessuuf ulaagaa barbaachisu kan guutu ta’uu qaba.

5. Akkata seeraa taaksii dabalata qabeenyaatiin; taaksii dabalata qabeenyaa dabalee dhiheesse bittaa
fi gurgurtaaf kan kaffalamu gatii walii-galaa (gatii taaksii dabalata qabeenyaa dabalatee)
Qar.15.00 /kudha shan/ kan hin caallee fi ykn meeshaa galmeessaa gurgurtaa warra hin fayyadamne
yoo ta’e nagahee malee raawwachuu ni danda’a. Ta’us gurgurtaa guyyaa guyyaa walitti qabamee
nagaheen taaksii dabalata qabeenyaa itti muramuu qaba. Haaluma kanaan:-

o Bittaa fi gurgurtaan yeroo gaggeeffamu taaksiin dabalata qabeenyaa itti ida’uudhaan

raawwatamuu waan qabuu fi ji’a ji’aan herrega waligalaa qophaa’ee fi ida’amni gurgurtaa
guyyaa nagahee taaksii dabalata qabeenyaa irratti guutamee taaksiin dabalata qabeenyaa
walitti qabame yeroo hayyamame keessatti Abbaa Taayitaadhaaf galii ta’uu qaba.
o Biyya alaa irraas ta’ee biyya keessa sanada kafalaa gibiraatiin osoo hin-galmaa’iin ykn osoo
hin beekamiin maallaqni gara herreega Baankiitti yeroo galii ta’u bu’uura ibsa herrega
baankii irraa dhihaatuun nagaheen galii ni qophaa’a.
o Kaffaltoonni gibiraa galmee herregaa qabachuuf seeraan dirqama qaban yeroo nagahee
gaafatan amala hojii isaanii irraa kan ka’e nagahee kennuu kan hin dandeenyee
keessumattuu sadarkaa gadi aanaa fi tooftaa omisha aadaa irratti omishtonni bobba’an
akkasumas galmee herreegaa qabachuudhaaf kan hin dirqamne kaffalttoonni gibiraa
sadarkaa “c” omisha gurguraniif kaffaltii Vawucharii isa biteetiin ykn bittaan
raawwatamuun isaa bifa mirkanaawun sanada wali-galtee irratti maqaa isaanii fi teessoo
isaanii ibsuudhaan bittaa fi gurgurtaa raawwachuu isaanii mallattoo isaaniitiin mirkaneessu.
 o Sanadin meeshaan ittiin darbuu fi gatiin Invoyisii ittiin dhihaatu bittaa meeshaa fi tajaajilaaf
akka nagaheetti tajaajilu hin danda’an.

XI. Rakkooleewwan itti-fayyadama nagahee irraatti mulatan.

Akka Abbaa Taayitaa keenyaatti qorannoo gaggeeffameen rakkoowwaan itti-fayyaadama nagahee

ilaalchise gama kaffaltoota gibiraa tokko tokko irraatti mul’atan:

 Nagahee malee gurgurtaa meeshaa/tajaajila raawwachuu.

 Nagahee tokko tokkoon muruu dhisanii hojii guyyaa guutuu raawwatame hanga barbaadame
galgala bakka tokkotti muru.
 Guyyaa wal-irraa fafageesani nagahee muruu.
 Nagahee seera qabeesa hin taaneen fayyadamu.
 Meeshaalee xixiqqaa gurguran irratti qofa nagahee muruu ni mul’ta.
 Nagahee Galii irratti cufani deemuu yeroo amma rakkoo gara kanaan dhufuu cash
rijistaariin ni fura jedhame yaadama.
 Nagahee dogongori irratti raawwatame osoo Voyidii hin godhiin calisani irra darbuu.
 Naghee yeroo maxanfamu tartiibni isaa sirrii ta’u qulquleesuu dhisuu.

XII. Gochoota Dhorkaman

1. Haala kamiiniyyuu nagahee gurgurtaa fi bittaa lakkoofsa wal- fakkaataa qaban deebisanii
maxxansiisuun fayidaa irra oolchuun hin danda’mu.

2. Halii arman olitti ibsamee akkuma eegametti ta’ee nagaheen Lakkoofsa wal-fakkaataa
dogongoraan maxxanfamee yoo argame faayidaa irra ooluu isaatiin dura Abbaa Taayitaan akka
beeku godhamee gutummaan guutuutti akka haqamu godhamuu qaba.

3. Tartibaa 1 fi 2 kan tumame darbee argamuun Labsii Gibiraa Galiitiin yakkaan ni adabsiisa.

XIII. Addabbii Bulchiinsa fi yakkaa

“Naga’ee dogoggora” jechuun Abbaa taayita Gibirattin osoo hin hayyamamin nagahee
maxxanfamee ykn nagahee kompiitaran qopha’ee ykn Heerrega gatii bitta ykn gurgurtaa
xiqqeesuuf ykn ida’udhaaf yaaduun ykn calisuun sanada irraatti lakkofsa hir’isuu ykn
dogooggorsuuf ykn hafteewwan nagahee hunda akka orjiinallatti fayyadamun ykn herregaa
taaksii hirifamu ykn deebi’uu akka ida’u ykn heerrega deebii ta’u hin qabnee argachuuf ykn
gochaa walindhahuu kamiyyuu raawwachuuf sanada qophaa’ee dha.

Nagahee taaksii sobaa qopheesu:- Nagahee taaksii sobaa qopheessee taaksii kaffalamu qabuu
akka hiratuu ykn herregaa hirifamu akka id’u akka godhu ykn nagahee taaksii kennuu osoo
qabatu kan hin kennine hanga maallaqa nagahee irratti ibsamee ykn hanga taaksii gati gurgurtaa
irratti kaffalamuu qabu % 100 adabama.

Taaksii Dabalata Qabeenyaaf Naamni hin galmoofne nagahee VAT kenne yoo argame:-

Naamni Taaksii Dabalata Qabeenyaaf hin galmoofne tokko nagahee VAT kennee yoo argamee
nagahee kennee irraatti hanga mallaaqaa argamuu fi taaksii galii gochuu kan irraa jiratuu garuu
galii osoo hin gonee kan hafee Taaksii Dabalata Qabeenyaa (VAT) %100 adabiin ni kaffala.

Beeksiisa iddo ifaatti maxxansuu dhabuun:-

Kaffalaa Gibiraa VAT galma’ee tokko beeksisa “Naga’een yoo hin arganee hin kaffaliin” kan
jedhuu iddoo ifaa fi bakka mulatu irratti yoo hin maxxansiine addabii Qar 10,000.00 ni
adabama.

Nagahee VAT malee gurgurtaa raawwachuu:-

Akkataa labsi taaksii dabalataa qabeenyaa (VAT)tiin:

• Namni taaksii dabalata qabeenyaaf galmaa’ee tokko nagahee malee gurgurtaa

raawwachuun irraa gahamee mana murtii dhimmi ilaalun yoo mirkana’ee Qar 10,000.00
gadii kan hin taanee fi Qar 100,000.00 kan hin caallee adaabbii maallaqaa fi hidhaa
waggaa 2 hanga 5 kan geesiisu adabama.
• Hanga maallaqaa nagahee seeraan alaa irratti ibsame taaksiin kaffalamuu kan irraa
jiraatu Qar 100,000.00 ol yoo ta’e adaabiin maallaqa kan raawwatamu hanga taaksichaa
ta’a
• Abbaan taayitaa gibiraa osso hin hayyamnee nagahee kompiitaran/nagahee
maxxanfameen namni itti-fayyadamee/qaamni tajaajila maxxansa nagahee kenne
baleessaan isaa mana murtiin yoo mirkanaa’ee Qar 10,000.00 gadii kan hin taanee fi
 Qar 100,000.00 kan hin caallee adaabii maallaaqa fi hidhaa waggaa 2 hanga 5 kan
geesisu adabama.

Ulagaa Nagaheen walqabatanii seeraan tumamani jiran (Qabxilee dirqisiisoo

• Kaffalaan taaksii galmee herreegaa qabachuuf dirqama qabu kamiyyuu, nagahee malee
bittaa fi gurgurtaa raawwachuu hin danda’u kan raawwate yoo ta’e immoo yakkaan
gaafatama. (Lab.203/2009 lakk.21/3)

• Kaffalaa taaksii galmee herregaa qabachuuf dirqama qaban osoo nagaheewwan hin
maxxansiisiin dura akaakuu fi baay’ina nagaheewwanii Abbaa Taayitaa biratti galmeessisuu
qaba. (Lab.203/2009 lakk.21/1)

• Namni osoo Abbaan Taayitichaa hin hayyaminiif nagahee taaksii maxxanse yakkaan
gaafatama. Badiii kanas yeroo yeroo lammaffaaf yoo raawwatee meeshaan maxxansaa isaa
fi dhaabbanni maxxansichaa ni dhaalama, hayyamni daldalaa isaas irraa fuudhama.

2. MAASHINII GURGURTAA GALMEESSU (CASH REGISTER MACHINE)

Mashinii gurgurta galmeessu maalii (what is sales register machine)?

Mashinii gurgurtaa jechuun sochii daldaala keessatti gurgurtaa guyya guyyaan adeemsifamu ykn
tajaajilas ta’ee shaqaxa gurguramu kan galmeessuu fi wantoota gurgurtaa keessatti rawwataman
hunda nagahee elektoroniksii bifa maxxansuun kan baasu fi lakkoofsa eenyummaa addaa abbaa
Taayitaa Galiwwaanii fi Gumuruka Itoopiyaan kan kennamu kan qabu yoo ta’u, meeshaa daataa
beezii abbaa taayitaatiin kan wal qabate dha.

Barbaachisummaa fi faayidaa Mashinii gurgurtaa galmeessu

Rakkoolee bulchiinsa taaksii biyya keenyaa keessatti rakkoo cimaa ta’an (bold) ta’ani mul’atan
keessaa inni guddaan qabiinsa ragaa ammayya’aa fi itti faayyadama isaa dha. Rakkoon kun kaffalaa
gibiraa fi dhabbata gibira sassaabu jiddu wal amananii akka hin hojjanne godhee jira. Gibirri ragaa
irratti hin hundoofne fi tilmaamaan murtaa’u qara tokkoon mootummaan galii argachuu qabuu akka
hin arganne yoo godhu gara biraatiin immoo kaffalaan gibiraa, gibira kaffaluu qabu qofaa akka
kaffalu waan hin taasisneef adeemsa hojii irratti rakkoo uumaa jira. Amala gibira tilmaamaan
murteessan keessa rakkoolee hedduu waan qabuuf qaamolee lamaan giddu wal galteen akka hin
umamne godhaa jira.

Kanaafu yeroo amma hojiimata tilmaamaan rawwatamu keessaa bahuun tajaajila iftoomina qabu fi
saffisa kennuuf sirna qabiinsa ragaa ammayyaa fi itti fayyadama hojii irra olchuun filannoo kan hin
qabne dha. Haaluma kanaan Mashinii gurgurtaa galmeessu rakko kana furuuf filannoo isa duraa
dha.

Kanaafu kaffalaan gibiraa galii sirrii argatee irratti hunda’amee gibiraa ykn taaksii akka kaffalu
tasisuun waliitti dhufeenya qamoota lamaan giddu jiru wal amanuun akka hojjeetamu taasisa. Akka
walii galaattii meeshicha hojii irra olchuun wantii barbaachiseef faayidaa waliin waan argamsisuuf.

Gabaabumatti fayiidaleen meeshichaa akka armaan gaditti tarreeffamanii jiru.

 Hojimaataa seeraan alaa ni hanbisa (dhowwa)

 Hojimaataa tilmaamaan hojjotamu ni hanbisa
 Haqaa qabeessummaa hojii irra ni olcha
 Walgalteen qaama lamaan jiddu akka umamu ni taasisa
 Aadaa fedhii fi amanamuummaan gibira kaffaluu ni guddisa.
 Baasii bulchiinsa ni hir’isa
 Dandeetti beekumsa daldalaa ammayya ni guddisa
 Kaffalaa gibiraa fi qaama gibira sassaabu jiddu qabiinsa ragaa fi itti fayyadama ragaa akka
fayyadaman waan godhuuf gibira ragaa sirrii irratti hundaa’ee akka kaffalamuu fi
sassaabamu taasisa.

Dirqama Meeshicha itti fayyadamuu kan qabu eenyu faadha?

Gara fulduraatti daldalli fi sirni taaksii biyya keenyaa ammayy’aa yoo dhufe dhaabbanni daldaala
kamiyyu meeshicha akka itti fayyadamu ni yaadama. Akka biyya keenyaatti meeshichi hojii irra
olmaa kan jalqabe ji’a Guraandhala 2000 yoo ta’u, seeraa yeroo ammaatiin daldaltootni dirqama
maashinii gurgurtaa galmeessuu bitachuu qaban:-

a. kaffaltoota gibiraa sadarkaa “A”

i. dhaabbata ykn
ii. daldaltoota galiin waliigalaa waggaa isaa qarshii 1,000,000.00 ykn kanaa ol
ta’e.
b. kaffaltoota gibiraa sadarkaa “B”
i. dhaabbata osoo hin dabalatiin,
ii. kaffalaa gibiraa galiin waliigalaa waggaa isaa qarshii 500,000.00 ol ta’ee fi
1,000,000.00 gadi ta’ani dha.

Haala Itti Fayyadama MGG

Qajeelfamni haala itti fayyadamaa maashinicha ibsuu bahe jira. Nagaheen kaffalaa gibiraa mashinii
gurgurtaa galmeessaa (cash register machine) fayyadamu odeefanno qabachu qabu akka armaan
gadiitti taa’ee jira. Haaluma kanaan:

 Maqaa kaffalaa gibiraa abbaa taayitaa gibiraa fi qaama hayyamaa hojii kennuun
 Maqaa daldalaa
 Lakkofsa eenyumma kaffalaa gibiraa
 Lakkoofsa moodeelii fi lakkoofsa sartafikeeetii beekamtii maashini gurgurtaa galmeessa
(cash sales register) tiif kenname
 Lakkoofsa hayyama galmeessaa fi itti fayyadama maashinii gurgurtaa galmeessa (cash sales
register machine)
 Naannoo hojii irra olmaa mashini gurgurta galmeesa (cash sales register machine)
 Lakkoofsa nagahee Gurgurtaan guyyaa raawwate
 Gosa Gurgurtaa meshaalee ykn tajaajila raawwatamee fi baay’ina isaa
 Gatii gurgurtaa

Haal duree MGG galmaa’uuf ykn baafachuuf waantootni guutamuu qaban

 Lakkofsa eenyumma kaffalaa gibiraa itti fayyadamaa mashina gurgurtaa galmeessu

 Lakkoofsa taaksii dabalataa qabeenya itti fayyadama mashina gurgurtaa galmeessu
  Seeritii meeshichaa, modeelii isaa fi lakkofsaa walitti aanu
 Dubbiftu lakkooftu meeshichaa fi dubbiftuun guyya adeemsifamee.

Tarreefama meeshaalee gurguramaani

Akkaataa seera mashinii kaash riijistarii hojii irra olmaa baheen dhiyeesitootni meeshaalee kana
yeroo kaffalaa gibiraaf gurguru mashina gurgurtaa galmeessu ragaa armaan gadiitti tarreefamaan
kana guutuu qaba.

 Seeriti fi moodeelii meeshicha

 Lakkoofsa sartafikeetii beekumsa, seeritii fi moodelii meeshichaa
 Lakkofsa itti fayyadamaa fi hayyama meeshichaa
 Guyyaa itti gurgurame
 Guyyaa galmee
 Lakkoofsa enyummaa kaffalaa gibiraa fi lakkofsa taaksii dabalata qabeenyaa fayyadama
ykn kaffalaa gibiraa
 Meeshichii guyya hojii irra olu, gosa hojii daldalaa fi teessoo

Akkaataa beekamtii itti gaafatan

Dhiyeesitootni maashina gurgurtaa galmeessu kamiyyuu osoo mashinicha gurgurtaaf hin

dhiyeessin dura beekamtii seeriti fi modeelii meeshichaa argachuuf iyyanno abbaa taayitaa
gibiraaf dhiyeeffachuu qaba.
Iyyaannoonis dhiyaachu kan qabu akkaataa unka abbaan taayitaa qopheessen dhiyeefachuu
qaba.
Amaloota mashinii qabachu kan ibsuu sanada dhiyeeffachuu qaba.

Dirqama Nama Meeshaa Gurgurtaa Galmeessuutti Fayyadamuu

• Meeshaa gurgurtaa galmeessu Abbaa Taayitichaatiin beekamtiin hin kennameefiitiin ykn

hin galmoofneetiin fayyadamuu kan hin dandeenye ta’u;
 • Meeshichi yeroo suphaa irra jiru ykn sababa biroo quubsaa ta’een yoo ta’e malee nagahee
meeshaa gurgurtaa galmeessuun maxxanfameen ala ykn nagahee malee bittaa fi gurgurtaa
raawwachuu dhiisuu.

Akkaataa beekamtiin itti haqamu

Beekamtiin seeritii fi modeelii mashinii kash rijistiriif kennamee kannen armaan gaditti ibsamaniin
haqamuu ni danda’a.

o Beekamtiin kan keennameef ragaa sobaa dhiyeessuun kan bira gahame yoo ta’e
o Meeshichii kun yeroo hojii irra olu akkaataa seeratiin yoo amaloonni guutamu qaban osoo
hin guutamiin yoo biraa gahame.
o Osoo abbaan taayitaa gibiraa hin beeksisiin dura jijjirama seeriti fi modeeli meeshicha irratti
jijjirama yoo godhan
o Namni ykn kaffalaan gibiraa warra beekamtii kana kennameef yoo seeraa isaa kan cabsee
ta’e