Panukala sa Pagsasagawa ng Seminar para Sa Mental Health ng Kabataan ng

Barangay Perez

Mula kay Rosemer C. Salcedo

555 Purok 5,

Barangay Perez San Carlos City, Pangasinan

Ika 25 ng Nobyembre, 2021

Haba ng Panahong Gugulin: 7 na araw

I. Pagpapahayag ng Suliranin

Madaming estudyante ang nanatili sa loob ng kanilang tirahan sa mga nakalipas na buwan dahil sa
nararansang pandemya. Isa ang mga kabataan ng Barangay Perez ang naapektuhan nito.

Isa sa mga suliraning nararanasan ng mga kabataan sa Barangay Perez ay ang kalungkutan sa
biglaang pagbabago ng mga bagay sa kanilang buhay. Ito ay nagdudulot ng malaking problema hindi
lamang sa kanilang kalusugang pangkaisipan ngunit pati na rin sa kanila pisikal na kalusugan. Bukod
sa pag-alaga ng ating kalusugan upang makaiwas sa coronavirus, mahalaga rin na alagaan natin ang
ating mental health habang nananatili sa loob ng bahay.

Dahil dito, nangangailangan ng seminar patungkol sa pangkaisipang kalusugan at kung paano harapin
ang stress. Ang mga kabataan ay magkakaroon ng kaalaman tungkol sa mental health at sa kung
paano ito maalagaan. Higit sa lahat, maaari itong makaiwas sa paglobo ng bilang ng mga kabataan na
nakakaramas ng anxiety, depresyon at ibang mental health problems.

II. Layunin

Makapagsagawa ng seminar na makakatulong sa mental health ng mga kabataan upang sila ay

magkaroon ng kaalaman sa mental health at kung paano ito aalagaan.
III. Plano ng dapat gawin

1. Pagpapasa, pag-aaproba at paglaba ng badyet (2 araw)

2. Pananaliksik at paghahanap ng speaker para sa isasagawang seminar (3 araw)

3. Pagpupulong ng mga SK officers sa pagpili ng speaker ng seminar (1 araw)

4. Pagsasagawa ng seminar sa ilalim ng pamamahala ng konseho ng Sangguniang Kabataan ng

Barangay Perez (1 araw)

IV. Badyet

Mga gastusin Gastos

Halaga ng serbisyo ng speaker sa pagsasagawa Php 4,000
ng seminar
Materyales (kasama na rito ang pagkain at Php 3,000
kagamitan sa seminar)
Kabuuang halaga: Php 7,000

V. Benepisyo ng Proyekto at Makikinabang nito

Ang pagsasagawa ng seminar sa Barangay Perez ay malaking tulong sa mga kabataan dahil sa
panahon ngayon hindi lang ang virus mismo ang iniiwasan natin. Malaki rin ang epekto ng
pangyayaring ito sa ating mental health. Ito ay isasagawa upang matulungan natin ang ating mga
mag-aaral sa kung ano mang pinagdadaanan nila. Maiiwasan ang paglobo ng bilang ng mga kabataan
na nakakaranas ng anxiety, depresyon at ibang mental health problems.

Tiyaking may kaalamaan sa mental health ang bawat kabataan ng Barangay Perez. Isagawa ang
seminar upang kalusugang pangkaisipan ay maalagaan.