5

Filipino
Ikalawang Markahan - Modyul 3:
Pakikinig Mo Kailangan Ko,
Upang Paksa ay Maibigay Mo

AIRs - LM
LU_Q2_Filipino5_Module3
FILIPINO 5
Unang Markahan - Modyul 3: Pakikinig Mo Kailangan Ko, Upang Paksa ay Maibigay Mo
Ikalawang Edisyon, 2021

Karapatang sipi © 2021

La Union Schools Division
Region I

Ang lahat ng karapatan ay ibinibigay sa may akda. Anomang paggamit o pagkuha ng bahagi
ng walang pahintulot ay hindi pinapayagan.

Bumuo sa Pagsulat ng Modyul

Manunulat: Mary Therese O. Ortaliza

Editor: SDO La Union, Learning Resource Quality Assurance Team
Tagasuri: Gemma M. Bassig
Tagaguhit: Ernesto F. Ramos Jr.
Tagalapat: Maeludi M. Manongdo

Tagapamahala:

Atty. Donato D. Balderas Jr.

Schools Division Superintendent
Vivian Luz S. Pagatpatan, PhD
Assistant Schools Division Superintendent
German E. Flora, PhD, CID Chief
Virgilio C. Boado, PhD, EPS in Charge of LRMS
Luisito V. Libatique, PhD, EPS in Charge of Filipino
Michael Jason D. Morales, PDO II
Claire P. Toluyen, Librarian II

Inilimbag sa Pilipinas ng: _________________________

Department of Education – SDO La Union

Office Address: Flores St. Catbangen, San Fernando City, La Union
Telefax: 072 – 205 – 0046
Email Address: launion@deped.gov.ph
 5
Filipino
Ikalawang Markahan - Modyul 3:
Pakikinig Mo Kailangan Ko,
Upang Paksa ay Maibigay Mo
Paunang Salita
Ang Self-Learning Module o SLM na ito ay maingat na inihanda para sa ating
mag-aaral sa kanilang pag-aaral sa tahanan. Binubuo ito ng iba’t ibang
bahagi na gagabay sa kanila upang maunawaan ang bawat aralin at
malinang ang mga kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloy na

naglalaman ng mga paalala, pantulong o estratehiyang magagamit ng mga
magulang o kung sinomang gagabay at tutulong sa pag-aaral ng mga mag-
aaral sa kani-kanilang tahanan.

Ito ay may kalakip na paunang pagsusulit upang masukat ang nalalaman

ng mag-aaral na may kinalaman sa inihandang aralin. Ito ang magsasabi
kung kailangan niya ng ibayong tulong mula sa tagapagdaloy o sa guro.
Mayroon ding pagsusulit sa bawat pagtatapos ng aralin upang masukat
naman ang natutuhan. May susi ng pagwawasto upang makita kung tama
o mali ang mga sagot sa bawat gawain at pagsusulit. Inaasahan namin na
magiging matapat ang bawat isa sa paggamit nito.

Pinapaalalahanan din ang mga mag-aaral na ingatan ang SLM na ito upang
magamit pa ng ibang mangangailangan. Huwag susulatan o mamarkahan
ang anomang bahagi ng modyul. Gumamit lamang ng hiwalay na papel sa
pagsagot sa mga pagsasanay.

Hinihikayat ang mga mag-aaral na makipag-ugnayan agad sa kanilang guro

kung sila ay makararanas ng suliranin sa pag-unawa sa mga aralin at
paggamit ng SLM na ito.

Sa pamamagitan ng modyul na ito at sa tulong ng ating mga tagapagdaloy,

umaasa kami na matututo ang ating mag-aaral kahit wala sila sa paaralan.
 Sapulin

Magandang araw sa iyo!

Ikaw ba ay mahilig makinig ng mga kuwento?

Alam kong isa sa mga hilig mo ay ang pakikinig o panonood ng mga kuwento
lalo na kung ito ay tungkol sa mga alamat, pabula, parabula, teleserye at iba pang
mga kuwentong pambata.

Hindi ba’t ang saya sa pakiramdam kapag pagkatapos marinig o mapanood ang
isang kuwento, ito ay inyong pag-uusapan ng iyong mga kaibigan o kapamilya?

Ano na ba ang huli mong napakinggan o napanood na kuwento? Ikuwento mo

naman. Puntahan mo ang isa sa mga kasama mo sa bahay at ikuwento mo ang huli
mong napanood na teleserye sa telebisyon.

Kumusta naman ang kuwentuhan ninyo?

Pagkatapos ng aralin, inaasahan na maipapamalas mo ang sumusunod na

layunin:

Pinakamahalagang Kasanayang Pampagkatuto (MELC)

a. Naibibigay ang paksa/layunin ng napakinggang kuwento/usapan/talata, at
pinanood na dokumentaryo. (F5PN-lc-g-7)

Mga Tiyak na Layunin:

1. Natutukoy ang kahulugan ng paksa; at
2. Nasasagot ang mga tanong sa binasang talata.

Kaibigan, sa araling ito, kakailanganin mo ang tulong ng isang

miyembro ng pamilya bilang kapareha mo.
Handa ka na ba?
Simulan mo na!

1
LU_Q2_Filipino5_Module3
 Aralin Pakikinig Mo Kailangan Ko,
1 Upang Paksa ay Maibigay Mo

Simulan

Gawain: Tandem Tayo!

Panuto: Humanap ng kapareha mula sa miyembro ng pamilya. Babasahin ng

kapareha ng dalawang beses ang talata sa ibaba. Ikaw bilang
tagapakinig ay siguraduhing pakikinggang mabuti ang binabasa ng
kapareha, pagkatapos ay sagutin ang mga katanungan sa ibaba.
Isulat ang sagot sa sagutang papel.

Nakakita ka na ba ng walis tingting? Kapag nag-iisa lamang ang

tingting, marupok ito at madaling maputol. Subalit kapag pinagsama-sama
ang mga tingting, nagiging matibay ito at nagkakaroon ng bagong
pakinabang.
Ang mga miyembro ng pamilya ay parang tingting – mas matibay
kapag magkakasama. Kapag nagkakaisa at nagtutulungan ang buong
pamilya, nagtatagumpay sila sa mga problemang kanilang hinaharap.

1. Tungkol saan ang napakinggang talata?

2. Saan inihambing ang mga miyembro ng pamilya?
3. Ano raw ang kailangan upang magtagumpay ang isang pamilya?

Mahusay! Binabati kita at natapos mo ang

gawaing ito!

2
LU_Q2_Filipino5_Module3
 Lakbayin

Ang tula, kuwento o usapan ay may paksang tinatalakay. Ang paksa ay

nakapaloob sa anomang uri ng panitikan: tula, kuwento, dula-dulaan, liham,
sanaysay, at iba pang anyo. Sa masusing pakikinig o pagbabasa, matutukoy ang
pinapaksa ng lathalain o panitikan.
Kapag nabatid na ang paksa, magiging madali na ring bigyan ng angkop na
pamagat ang tula o kuwento.

Galugarin

Kaibigan, naghanda ako ng mga pagsasanay upang mas lalo mong

mapaghusay ang iyong kaalaman tungkol sa araling ito.

Gawain: Basahin Mo at Makikinig Ako

Panuto: Kumuha ng kapareha mula sa miyembro ng pamilya. Babasahin ng
kapareha ng dalawang beses ang maikling talata habang ikaw naman ay
taimtim na makikinig. Pagkatapos ay sagutin ang mga tanong mula sa
napakinggang talata. Isulat ito sa sagutang papel.

Si Annie, Ang Kusinera

Si Annie ay isang kusinera. Kilalang-kilala siya sa bayan ng

Dansalan dahil napakasarap niyang magluto. Bihira ang handa lalo na
kung pista na hindi siya ang nagluluto. Marami siyang alam na lutuin tulad
ng mga pagkaing Pilipino, Intsik, Espanyol at Italyano.

Mga Tanong:
1. Sino ang kusinera?
2. Saang bayan siya kilalang-kilala? Bakit?
3. Ano-ano ang mga alam niyang lutuin?
4. Ano kaya ang paksa ng talatang ito?

3
LU_Q2_Filipino5_Module3
 Palalimin

Gawain 1: Larawan, Ating Unawain!

Panuto: Lagyan ng paksa ang bawat larawan.

https://www.pinterest.ph
http://clipart-library.com

1. _____________________________ 2. _____________________________

http://clipart-library.com https://www.pinterest.ph

3. ___________________________ 4. ____________________________

https://clipartstation.com

5. ______________________________

4
LU_Q2_Filipino5_Module3
 Sukatin

Panuto: Sa tulong ng isang kapamilya, babasahin niyang mabuti ang bawat talata
para sa iyo. Makinig nang mabuti, pagkatapos ay sagutin ang mga
katanungan sa ibaba at ibigay ang naaangkop na paksa nito.

Taon-taon ay ginugunita natin ang Buwan ng Pag-iwas sa Sunog lalo na

sa pagsapit ng buwan ng Marso. Tulad din ng mga nakaraang gawain ay muling
binibigyang babala ang mamamayan upang makaiwas sa panganib na dulot ng
apoy. Ang nasabing programa ay ipinatutupad ng Bureau of Fire Protection (BFP)
sa ilalim ng pamamahala ng Department of Interior and Local Government
(DILG).

Mga Tanong:
1. Anong programa ang ginugunita natin tuwing buwan ng Marso?
2. Anong departamento ang nagpapatupad taon-taon ng programang Pag-iwas
sa Sunog?
3. Ano ang paksa ng talata?

Gawain 2: Paksa Mo, Show Mo!

Panuto: Piliin ang titik ng angkop na paksa ng bawat talata.

Matalino si Jose Rizal. Natuto siyang bumasa

sa gulang na tatlong taon. Nagtapos siya ng
edukasyong elementarya at sekundarya na
nangunguna sa klase. Marami siyang kursong
natapos. Nag-aral siya ng medisina, pagpipinta,
paglililok at pagsulat. Naging matagumpay siya sa
mga kursong ito.

https://clipartstation.com

1. Ano ang pinag-uusapan sa buong talata?

A. Ang buhay ni Jose Rizal B. Ang katalinuhan ni Jose Rizal
C. Ang pag-aaral ni Jose Rizal D. Ang kurso ni Jose Rizal

5
LU_Q2_Filipino5_Module3
 Itinatag ni Andres Bonifacio ang
katipunan. Ito ay noong kumalat ang balita
na hinuli at ibinilanggo ng mga Espanyol si
Jose Rizal. Kaya’t nang gabi ng Hulyo 7,
1892 nagpulong sina Andres Bonifacio,
Deodato Arellano, Valentin Diaz, Ladislao
Diwa at Jose Dizon. Nagkasundo sila na
gumawa ng paraan upang lumaya ang
Pilipinas. Nilagdaan nila ang kasunduan ng
sarili nilang dugo.

https://armellejewellery.blogspot.com

2. Ano ang sinasabi sa talata?

A. Kung ano ang Katipunan B. Kung paano naitatag ang Katipunan
C. Mga gawain ng mga Katipunero D. Kung bakit hinuli si Jose Rizal

Matulungin sa kanyang ina si Arnold.

Tuwing Sabado, siya ang nagdidilig ng mga
halaman ng kanyang ina. Pinupunasan
din niya isa-isa ang mga upuan sa salas.
Nagwawalis din siya sa bakuran.
Tumutulong din siya sa pagliligpit ng mga
pinagkainan.

http://clipart-library.com

3. Ano ang paksa ng talata?

A. Ang pagiging matulungin ni Arnold sa kanyang ina.
B. Ang pagwalang bahala ni Arnold sa mga gawaing bahay.
C. Ang paghingi ni Arnold ng tulong sa mga kapatid.
D. Ang pagsuway ni Arnold sa utos ng kanyang ina.

6
LU_Q2_Filipino5_Module3
 Isang matandang lalaki ang bumaba mula sa taksing
kinalululanan sa isang nagdarahop na lugar. Iginala ang paningin sa
mga nanlilimahid at marurungis na mga batang naglalaro sa daan.
Hinagod din ng paningin ng mga batang nagtutulak ng kariton na
naglalaman ng bote, bakal, diyaryo na marahil ay dadalhin sa isang
junk shop. Dumukot sa bulsa ang matanda. May perang iniabot sa
mga batang naglalaro sa lansangan. Sapat iyon upang ang matanda
ay pagkaguluhan ng mga taong nakasaksi sa pagkakaloob niya ng
pera sa mga bata. Nakangiting nakapanungaw sa bintana ang
kababaihan at kalalakihan na nasa katanghaliang gulang; mga
magulang na nagpaparo’t parito sa lansangan.

4. Alin ang angkop na pamagat o paksa ng talata?

A. Ang Mahiwagang Lalaki
B. Ang Matandang Lalaki
C. Ang Lalaki sa Lansangan
D. Ang Lalaking nag-Santa Klaus

7
LU_Q2_Filipino5_Module3
LU_Q2_Filipino5_Module3
8
Simulan Sukatin
Gawain Gawain 1A:
1. Ang talata ay tungkol sa pamilya 1. Buwan ng Pag-iwas ng Sunog
2. Inihahambing ang mga miyembro ng 2. Bureau of Fire Protection (BFP)
pamilya sa walis tingting 3. Paggunita ng Buwan ng Pag-iwas sa
3. Kailangang magkaisa at magtulungan Sunog
ang pamilya upang magtagumpay
Gawain 2:
Galugarin 1. C
1. Annie 2. B
2. sa Bayan ng Dansalan 3. A
3. mga pagkaing Pilipino, Intsik, 4. D
Espanyol at Italyano
4. Tungkol sa galling ni Annie sa Sukatin
Gawain 1A:
pagluluto
1. Buwan ng Pag-iwas ng Sunog
2. Bureau of Fire Protection (BFP)
Palalimin 3. Paggunita ng Buwan ng Pag-iwas sa
(Ang mga sagot ay maaaring magkakaiba- Sunog
iba)
Gawain 1B:
4. dahil maaga siyang naulila
5. Tinuran muna siya ng kanayng ate.
6. Pagsisikap ni Andre Bonifacio para
matuto/sa pag-aaral
Gawain 2:
1. C
2. B
3. A
4. D
Susi sa Pagwawasto
Sanggunian
A. Mga Aklat
Patricia Jo C. Agarrado et.al., Alab Filipino 5 (Quezon City Philippines: Vibal
Group Inc.,2016), p.5

Filipinas D. Gabot et.al., Pagdiriwang ng Wikang Filipino 5 (Makati City:

Diwa Scholastic Press Inc.,1999) p. 102

B. Iba pang Sanggunian

http://clipart-library.com/clipart/rijKB5K7T.htm

https://www.pinterest.ph/pin/162411130299880716/

http://clipart-library.com/clipart/1995500.htm

https://www.pinterest.ph/pin/333759022366801010/

https://clipartstation.com/kids-drawing-clipart-at-getdrawings-free-for-
personal-use-kids-regarding-kid-drawing-clipart-black-and-white/

https://clipartstation.com/jose-rizal-clipart-black-and-white-5/

https://armellejewellery.blogspot.com/2018/05/25-best-looking-for-kkk-
flag.html

http://clipart-library.com/clipart/947677.htm

9
LU_Q2_Filipino5_Module3
 Para sa mga katanungan o puna, sumulat o tumawag sa:

Department of Education – SDO La Union

Curriculum Implementation Division
Learning Resource Management Section
Flores St. Catbangen, San Fernando City La Union 2500
Telefax: 072 – 205 – 0046
Email Address:
launion@deped.gov.ph
lrm.launion@deped.gov.ph

10
LU_Q2_Filipino5_Module3