EPEKTO NG PANDEMYA SA ONLINE/MODULAR NA PAGKATUTO NG
MGA MAG-AARAL SA PUNTURIN SENIOR HIGH SCHOOL
Taong 2020, nang dumating ang pandemyang kumulong sa ating kalayaang
mamasyal, maki-halubilo sa bawat isa at mag-saya ng walang iniisip na karamdamang maaaring dumapo sa ating katawan. Maraming establisyemento ang nag-sara, trabahong nawala, maging ang paaralan ay isinara upang mailigtas ang mga tao sa sakuna
Ang edukasyon ang una at pinaka naapektuhan sa pandemyang ito, sapagkat
ang mga bata ay kailangan ng sapat na patnubay at atensyon upang matuto ng mga aralin sa eskwela. Ngunit hindi maaaring matapos ang taon ng hindi mabigyang pansin ang edukasyon. Isang alternatibo ang ipinasa ng Kagawaran ng Edukasyon upang mabigyang solusyon ang problema sa edukasyon, ito ang: Distance Learning- Ito ay tumutukoy sa isang paraan ng paghahatid ng pagkatuto kung saan ang pagtuturo ay nagaganap sa pagitan ng guro at ng mga mag-aaral na heograpikal na malayo sa isa't isa habang nagaganap ang klase. Ang modality na ito ay may tatlong uri: Modular Distance Learning (MDL), Online Distance Learning (ODL), at TV/Radio- Based Instruction.
Kasalukayang nagaganap ang Modular Distance Learning (MDL) sa
elementarya at ibang sector ng sekondarya kung saan kinapapalooban ng indibidwal na pagtuturo na nagpapahintulot sa mga mag-aaral na gumamit ng mga self-learning modules (SLMs) sa print o digital na format/electronic na kopya, alinman ang naaangkop sa konteksto ng mag-aaral, at iba pang mapagkukunan sa pag-aaral tulad ng Learner's Materials, textbooks, activity sheet, gabay sa pag-aaral, at iba pang materyales sa pag-aaral. Ina-access ng mga mag-aaral ang mga elektronikong kopya ng mga materyal sa pag- aaral sa isang computer, tablet PC, o smartphone. Ang mga CD, DVD, USB storage, at mga computer-based na application ay magagamit lahat para maghatid ng mga e-learning na materyales, kabilang ang mga offline na E- book. Inaako ng guro ang responsibilidad na subaybayan ang pag-unlad ng mga mag-aaral. Ang mga mag-aaral ay maaaring humingi ng tulong mula sa guro sa pamamagitan ng e-mail, telepono, text message/instant messaging, atbp. Kung maaari, ang guro ay gagawa ng mga home visit sa mga mag-aaral na nangangailangan ng remediation o tulong. Ang sinumang miyembro ng pamilya o iba pang stakeholder sa komunidad ay kailangang magsilbi bilang isang para-teacher. Samantalang nag simula na ang “Limited Face to face classes” sa ibang sector ng Secondarya.
Sa pananaliksik na ito, tutukuyin ang mga naging epekto ng pandemya sa
pagkatuto ng mga mag-aaral ng Punturin Senior Highschool na mayroong labing limang (15) mag aaral galing sa Science, Technology and Mathematics Strand. Sa pagkuha ng mga impormasyon, gagamitin ang Zoom at Google Meet para sa “virtual interview”, habang “soft copy forms” naman ang gagamitin sa pag tala ng ng karadagang datos pamamagitan ng Google Forms.
Ginawa ang panaliksik upang malaman kung naging epektibo nga ba ang solusyong isinagawa ng Kagawaran ng Edukasyon upang maipagpatuloy ang paghatid ng kaalaman sa mga mag aaral sa gitna ng pandemya.