pandemyang nararanasan natin sa nagdaang dalawang taon, marami ang nagbago sa ating buhay. Nagsimulang magkahiwahiwalay ang mga magkakapamilya na nais lamang makasama at mayakap ang kani-kanilang pamilya, ngunit dahil sa birus na COVID-19 na syang dahilan ng pagsisimula ng pandemyang nararanasan natin ngayon, hindi ito naging posible. Sa paglala nang nasabing birus, nagbagsak ng kautusan ang gobyerno nang mga alituntunin pangkalusugan na maaaring mapababa at magligtas sa atin sa pagkuha ng sakit na dulot ng COVID-19 birus. Maaaring maililigtas tayo ng mga alituntuning iyon sa nasabing birus, ngunit papaano naman ang kalusugan pangkaisipan ng mga tao? Ang mga alituntuning pinagtibay ng gobyerno ang naglimita sa interaksyon natin sa bawat isa. Ipinagbawal ang pag hahawak-kamay, nagkaroon ng pag lalayo-layo sa tuwing tayo ay makikipag-usap, natigil ang ilan sa mga trabaho kung saan ilan dito ay nagsara ng tuluyan, at nagsara rin ang mga daungan ng mga barko at mga paliparan kung saan ang mga kababayan nating OFW ay hindi makauwi, gayundin ang mga dayuhan. Dahil sa mga pagbabagong ito, di maiwasang magkaroon ng depresyon ang ilan sa atin, lalo na at nawalay tayo sa ating pamilya at mga kaibigan. Ang depresyon ay isa sa mga pangkaraniwang sakit na hindi natin namamalayan na mayroon tayo. Ito ang pangunahing dahilan kung bakit ang mga ginagawa natin ay parang walang katuturan para sa atin, ito ay dahil ang depresyon ay may negatibong epekto sa ating nararamdaman, pagkilos at pag-iisip, at dahil ito ay isang sakit sa pag-iisip, ang mga nangyayari sa ating buhay ngayon, ay nagpapataas sa depresyon. Ayon sa mga pananaliksik, isa sa mga nakababahalang sakit ang depresyon, kung saan kung ito ay hindi agad maagapan o napigilan ay nagkakaroon ng pag-iisip ang isang tao patungkol sa kamatayan. Karamihan sa mga taong nagpatiwakal ay dahil sa depresyon na nararamdaman nila, at ilan sa dahilan ng depresyon nila ay konektado sa kawalan ng interaksyon nila sa kanilang pamilya o kaya ay matalik na kaibigan, at sa pagkakataong ito, iyon ang nangyayari dahil sa pandemya. Marami pa rin ang ‘di naniniwala sa depresyon, ngunit totoo ito, at di dapat ito kina kalimutan dahil ang kalusugan ng isang tao ay hindi nagtatapos sa magandang pangangatawan, dapat at pagtuunan din ng pansin ang pag-iisip dahil hindi lahat ng sakit ay pisikal lamang. Hindi biro ang magkaroon ng depresyon, lalo na sa panahon natin ngayon. Marami sa atin ang hindi namamalayan na ang mga taong pinahahalagahan natin ay wala na sa ating paningin dahil pilit nating hindi intindihin ang mga nararanasan nila, na maaaring depresyon na pala.