REPLEKTIBONG SANAYSAY TUNGKOL SA BUHAY SHS

Ang Senior High School ay isang napaka-interesante na karanasan para sa akin. Ito ay
may mataas at mababa at maraming nakakalito na karanasan. Sa pangkalahatan, pakiramdam ko
ay nasangkapan ako hindi lamang sa kolehiyo, kundi pati na rin sa buhay sa kabuuan. Ang
mataas na paaralan ay nagturo sa akin ng maraming bagay, parehong akademiko at emosyonal.
Ito ay nagsiwalat at naglantad sa aking tunay na kulay, kapwa mabuti at masama, at bilang isang
resulta, ay bumuo ng maraming aspeto sa aking pagkatao. Para sa akin, ang pagpasok sa Senior
High School ay naghubog sa’kin sa pagiging responsibleng propesyonal na mag-aaral. Mas
natutukan ko ang aking paglalakbay sa SHS dahil wala akong ninais kundi ang maging masaya
at matagumpay lamang sa SHS. Sa pagpasok ko sa huling dalawang taon ng high school ay may
kaakibat na saya at paghihirap

Noong una, nangingibabaw ang kagustuhan kong tanggalin ang K-12 ngunit kung
titingnan ito sa positibong aspekto, may layunin itong mas mapabuti ko ang mapipiling larangan
sa kolehiyo at maging handa para dito. At sa SHS ko rin natutuhang maging mas responsableng
mag-aaral na s'yang makikinabangan ko sa kolehiyo. Ang aking taon sa SHS ay nagbigay sa’kin
ng mga panibagong mga alaala na s’yang baon baon ko ngayon masaya man o malungkot. Ang
buhay SHS ay nagpakomplekado sa’kin bilang isang mag-aaral na kung saan madaming
kailangang isaalang-alang. Sa pag-umpisa ko sa SHS ay nakita ko ang tunay na kahalagahan ng
pagkakaroon ng tunay na kaibigan maging ang magtiwala sa mga kasama. Sa pagbuo ng
pangkatang proyekto hanggang sa pagkabuo ng mabuting samahan sa loob ng klase kung saan
lahat ay nagtutulungan. Sa SHS ko rin naranasan ang mga bagay na hindi ko naranasan noong
Junior High School pa lamang ako at dito ko rin nakita ang kahalagahan ng edukasyon.

Bilang isang SHS na mag-aaral, marami akong kakaibang karanasan, nakipagkaibigan at

nakakuha ng kumpiyansa na harapin ang mundo. Samakatuwid, ito ang pinakamagandang yugto
sa buhay ko bilang mag-aaral kung saan ako ay lubos na nagbabago at nakakuha ng kakayahang
mag-isip nang kritikal. Sa SHS ko rin natutuhang magkaroon ng disiplina at ang pagpapahalaga
sa oras, kung wala ito ay hindi natin makakamit ang ating mga layunin at mithiin sa buhay.
Walang dahilan para magduda ako na ang SHS ay isang lugar kung saan nararanasan natin ang
pag-unlad ng ating pagkatao bilang isang mag-aaral. Sulit ang pressure, pagod, hirap at
sakripayo sa buhay SHS dahil mas madali nalang para saakin ito upang makamit ang mithiin sa
buhay. Ang aking mga guro ay isa sa mga maimpluwensyang kadahilanan sa aking buhay SHS,
tumulong sa paghubog ng aking pagkatao at maraming ibinahagi saakin mula sa kanilang
napakalawak na kaalaman.

Ang buhay SHS ay may malaking papel sa buhay ko bilang mag-aaral. Dahil dito
nahuhubog ang kaalaman at kakayahan ko na siyang nagtutulak na mas magpatuloy sa buhay.
Ngunit sa kabila ng positibong aspekto nito, sa SHS ko rin naranasan ang sobrang pagod at
pagkahirap sa pag-aaral dahil sa mga paksa nitong may tiyak na tinatalakay. Dito ko naranasan
ang pinakamasayang yugto ko sa High School. At ang buhay SHS ko ay isa sa hindi
malilimutang karanasan ko sa pag-aaral.

Ipinasa ni:

Tahoy, Glenda

G12-STEM B