Bolivar, Mabelle

MWF 5:30 - 6:30

HIGH SCHOOL
Hayskul, isang kritikal na hakbang ng kabataan sa pagkakatuto at
karunungan sa mundo. Dito ay nagkakaroon ng maraming pagbabago sa buhay ng
isang estudyante. Dito ay nalalantad ang mga estudyante sa ibat ibang mga salik na
makakapagakit sa kanila ng impluwensiya, maaring ito ay makabubuti o makasasama.

Ika nga nila, Highschool is the best and happiest time of our life.Sa apat na taon na siklo ng buhay ko sa yugtong ito, naranasan ko na ang lahat. Dito
ko naramdaman ang kakaibang tibok ng puso at kulay ng buhay, ako'y natuwa, naiiyak,
nainlove, napaaway at nakakita ng ibat ibang uri ng kaibigan. Sa hayskul, maraming
one-of-a-kind experience ang mararanasan ng bawat estudyante, yung tipong sa
hayskul mo lang madadama yung mga ganitong pangyayari. Kaakibat ng pagiging
highschool student ang mga pagsubok hindi lamang sa pag-aaral kundi pati na rin sa
mga kaibigan, pamilya at sa pag-ibig. Ngunit sa kabila ng mga pagsubok na ito, may
mga magagandang pangyayari na sasalungat dito. Sa hayskul, mas natutunan ko ang
mga aral sa buhay kesa sa aktwal na edukasyon. Marami ang nagsasabing ang hayskul
ay tungkol sa pagkuha ng edukasyon para sa magandang kinabukasan sa kolehiyo.
Pero para sa akin, ang hayskul ay tungkol sa paglikha ng mga pangyayaring kailanmay
magiging isang alaalang masarap balik-balikan.

Sa loob ng apat na taon kong pag-aaral sa hayskul, sigurado ako na ang

sisidlan ng karunungan at kamalayan ay napunan dahil sa mga taong tumulong at sa
mga karanasang nagbigay ng pagpapakahulugan sa akin. Nakilala ko ang aking mga
kaibigan at mga kaklase na bumuo ng buhay ko bilang High School student. Sila ang
naging kasama ko sa lahat ng oras at naging karamay ko sa lahat ng hirap.

Maraming dumadaan na pagsubok sa aking buhay habang ako'y nasa

high school. Isa rito ay ang pagiging stress sa pag-aaral dahil ako'y grade-conscious.
Isa sa mga pagsubok pa sa hayskul ay ang mga kalokohan ng mga barkada na
talagang nakaimpluwensya sa akin. Masaya rin ako dahil ang uri ng kaibigan na aking
napili ay iyong mga kalog ngunit grade-conscious rin. Sa hayskul, naexpose rin ako sa
mga masasamang bisyo, pagcucutting at kung ano ano pa. Lagi kong naranasan ang
mapagalitan ng guro dahil sa iba't ibang mga pangyayari at bagay. Nakakahiya pero
masaya. Sa tingin ko ay hindi magiging kumpleto ang hayskul kung walang mga
pagsubok na tatahakin. Mahirap man ito lutasin, tiyak na puno naman ng saya ang mga
pangyayaring ito lalo na't naging kasama ko ang barkada ko.

Dumating na ang 4th year ko sa high school. Ito ang panahon na hinding hindi ko
makakalimutan. Dito mas lumala ang mga tawanan, pagmamahalan, bonding, at iba pa.
Marami akong naranasan sa panahon iyon na nagiging dahilan ng pagiging malungkot
ko noong katapusan ng school year. Ang akala ko nga sa panahong iyon ay magiging
seryoso na ang lahat sa pag-aaral e, dahil malapit na mag college. Nagkamali ako. Mas

ginusto kasi naming maging masaya sa mga huling panahon na magkakasama kami.
Iyon na ang ikaapat na taon na nagkakasama kami kaya hindi na naming pinalalampas
ang bawat sandali at oras na dumadaan sa aming buhay.
Sa ugali ko naman, mas lalo akong naging matatag sa buhay. Mas lalo akong
nagkaroon ng positibong pananaw sa bawat bato na natatapakan ko sa aking
dinaraanan, mga tuksong nagpapabagal sa aking paglalakad, at sa mga taong
bumabangga sa akin. Mas natutunan kong pahalagahan ang kung ano ako kaysa sa
sasabihin ng iba.

Sa kabila ng mga pagsubok na ito, mas maraming magagandang pangyayari sa

hayskul ang sasalungat dito. Sabi nga sa kanta ni Sharon Cuneta na may pamagat na
Highschool Life, High school life, bat ang high school life ay walang kasing saya?- ito
ay nangangahulugan na ang mga pangyayaring nagaganap sa highschool life ay di
mapapantayan. Dito, nakasama ko ang mga gurong naging pangalawang magulang ko.

Pagtapos ng hayskul, dumating na ang college life. Nahirapan akong mag-adjust.

Ang laki ng pagkakaiba ng hayskul sa kolehiyo. Kung maaaring ibalik ang oras, ibabalik
ko ito sa unang araw ng hayskul nang sa ganon makasama ko muli ang mga taong
nakapagpasaya sa akin. Mahirap man mag-aral at puno man ng pagsubok ang hayskul,
napagtanto kong nakakamiss din pala ito lalo na ang mga taong nakasama ko rito.
Naalala ko pa ang halos lahat na mga pangyayari noong high school - lahat ng mga
kalokohan na aming ginawa sa eskwelahan, sa mga guro at sa aming mga kaklase.

Ang apat na taon na iyon ay ang naging malaking parte sa aking buhay at pagkatao. At
sigurado akong hinding-hindi ko makakalimutan ang buhay ko sa high school.