Professional Documents
Culture Documents
როგორც ღირსეულ მეფეს შეეფერება, არც სიტყვა ეშლება, არც ხმლის ქნევა და არც
საქციელში დაინახავთ რამე ცუდს.
იგი ისე ესაუბრება ქვეშევრდომებს, რომ მათ შორის თანასწორობას აგრძნობინებს , თუმცა
არა ზღვარსგადასულს.
ნამდვილი ლიდერი კი მაშინ არის მეფე, როდესაც თავს უპირობო დიქტატორად კიარა ,
ხალხის ნაწილად მიიჩნევს.
ცივი გონება აქვს, ხვდება, რომ მეფობისთვის უკვე ხანშიშესულია და რაც ყველაზე
გასაკვირია მისი ეპოქისთვის- უნდა ტახტზე მისი ერთადერთი მემკვიდრე - ასული დასვას.
მის დროს გაჟღერებული სიტყვები: „ლეკვი ლომისა სწორია, ძუ იყოს თუნდა ხვადია“
დღესდღეობით უფრო და უფრო მტკიცდება.
როსტევანი არაა ეგოისტი. ქართული გამოთქმა ამბობს: „ის ურჩევნია მამულსა , რომ შვილი
სჯობდეს მამასაო.“ და მართლაც, მეფე ამაყობს, თავისი შვილის წარმატებით. ამხნევებს მას
და მეფობისკენ მიმავალ რთულ, ეკალბარდიან გზას მეტად უიოლებს.
ზოგადად, მშობლის სახე ყველაზე კარგად შვილის ქცევებში გამოიკვეთება ხოლმე . როგორც
იტყვიან, ბავშვი ოჯახის სარკეაო და მზის მჯობნი თინათინის ყოველ ქმედებაშიც ვგრძნობთ
როსტევანის გავლენას. იმის გარდა, რომ არაბეთის მეფე ძლიერი, კეთილი, გონიერი ,
სამართლიანი, მოსიყვარულე, უხვი, თავმდაბალი ადამიანია, მას ერთ-ერთი საუკეთესო
თვისებითაც ვახასიათებთ- კარგი მამაა და ახერხებს კარგი შვილის აღზრდას.
თინათინ, ათინათინ, ათინათი- სწორედ ესაა ყველაზე მზიანი ადგილის შესატყვისი ქართულ
ენაში. ასე რომ, თინათინს ვეცნობით მანამ, სანამ მასზე უშუალოდ რამეს შევიტყობდეთ .
პროტაგონისტის ავტორიტეტი მას წინ უსწრებს. იმის გარდა, რომ ყველა იცნობს , როგორც
ულამაზეს, უნაზეს ქალს, არავის ეპარება ეჭვი, მის შესაძლებლობებშიც .
თავად სათაურსაც თავისი სახისმეტყველება აქვს და მოიცავს ორი მთავარი გმირის არსს .
კერძოდ კი, გულისხმობს სატრფოსაც და მეტრფესაც, ანუ ნესტანის სიყვარულით შემოსილ
ტარიელს.
პოემა აგებულია 16-მარცვლიანი მაღალი, ხან კი დაბალი შაირებით. თხრობა მესამე პირშია .
გვხვდება დიალოგები, მონოლოგი, რიტორიკული შეკითხვა.