NAME: DELA CRUZ, MARIA VICTORIA M.

BEED 3-A

Pagsusuri sa mga akdang pampanitikan batay sa mga isyung panlipunan

Panitikan hinggil sa Isyung Pangkasarian

I. Pamagat
Liham ni Pinay mula sa Singapore ni Ruth Elynia S. Mabanglo. Ang paksang
tinatalakay nito ay tungkol sa mga isyu ng kababaehang Pilipino na nagtatrabaho
sa ibang bansa at iniwan ang kanilang mga pamilya upang makaahon sa hirap at
isang halimbawa ay ang sikat na tula ni Ruth Mabanglo na pinamagatang “Liham
ni Pinay mula Singapore”.

II. Panimula
Ang sentral na tema ng "Liham ni Pinay mula sa Singapore" ay ang mga
ibinahaging karanasan ng tinaguriang OFW na bumiyahe sa Singapore para
magtrabaho at kumita ng pera bitbit ang kanilang mga pangarap at mga adhikain
na makaahon mula sa isang mahirap na buhay. Sa kasamaang palad, ang persona
ay naging isang utusan at dumanas ng mabibigat na trabaho mula sa kaniyang
amo. Nakapagpapadala siya ng pera sa mga kapamilyang naiwan niya sa Pilipinas,
ngunit malinaw na pinanghinaan siya ng loob at hiniling na ipagdasal siya para
magkaroon siya ng lakas ng loob na ipagpatuloy ang trabaho. Nagbibigay ito sa
mga mambabasa mula sa simula ng tula ng isang hindi maipaliwanag na
damdamin ng sakit at kalungkutan na maaaring makaakit sa mga mambabasa na
higit na humukay sa akda. Ang mga transisyon din mula sa mga saknong patungo
sa mga saknong ay maayos. Ito ay makikita habang ang tula ay nagsimula sa isang
pagbabalik gunita at isang pangkalahatang-ideya ng persona, na sinundan ng
paglalahad ng tunggalian at nagtatapos sa kasalukuyang kalagayan ng persona.
Pinapabayaan din nito ang mga mambabasa kung ano ang susunod na
mangyayari na nagbibigay-daan sa mga mambabasa na suriin at mahanap ang
nakatagong larawan ng piraso.

III. Paglalahad ng Tesis

Ang naturang akda ay maituturing na isang piraso ng salamin na sinusubukang
iharap ng makata, isang salamin na nagpapakita ng katangian ng babae bilang
Anak-Ina-at-Ina-Bansa. Maaaring sabihin na ang magkakaibang katangian ng
kababaihan ang bumubuo sa katawan ng uniberso; at ang personang si Pinay-
bilang Filipina, migranteng manggagawa, at mapagpalaya ay isang simbolo na
nangangailangan ng atensyon. Sa unang bahagi ng akda, binibigyan muna ng may-
akda ang mga mambabasa ng pagbabalik gunita sa pamamagitan ng kanyang
liham nang umalis siya sa kanyang bansa at noong napilitan siyang magtrabaho sa
Singapore upang masustentuhan at masuportahan ang mga pangangailangan ng
kanyang pamilya. Gayundin, ipinaalam din nya kung gaano kasakit ang umalis.
Ang eksenang ipinakita ay nagpapakita ng simula ng sigalot kapag ang mga
 pamilya ay kailangang magtiis na hindi makita ang kanilang mga mahal sa buhay
sa mahabang panahon.

IV. Katawan
Ang unang parte ay nagpapakita ng simula ng sigalot kapag ang mga pamilya ay
kailangang magtiis na hindi makita ang kanilang mga mahal sa buhay sa
mahabang panahon. Ipinakita rin sa tula ang dahilan kung bakit nagpapasya ang
ilan sa ating kababayan na magtrabaho sa ibang bansa. Dahil sa dumaraming
pangangailangan na hindi lamang para sa kanilang sarili maging sa kanilang
pamilya, mas pinipili na lamang nila mangibang bansa at doon magtrabaho. Sa
ikatlong saknong ay ang buod ng mga pangarap ng persona. Pangarap niyang
bumalik na masaya, malayo sa kahirapan at pakasalan ang kanyang minamahal.
Ginagawa nila ang lahat ng kanilang makakaya upang tiisin ang kargada ng mga
gawaing kailangan nilang tapusin at kung minsan ay nagiging emosyonal pa dahil
sa lungkot at pagod. Sa huli ang tula ay nagpapakita ng isang katangian ng lahat
ng OFW, ang kanilang pagiging hindi makasarili, na isinakripisyo ang kanilang
mga pangarap para sa kapakanan ng kanilang mga pamilya. Nilisan ng persona
ang sariling bansa dahil sa sumusunod. Una, kahirapan. Mahihinuha ito sa mga
naunang tatlong saknong. At ikalawa, na kaugnay ng una, guminhawa ang buhay
at nang makatikim ng kaginhawaan. Mababatid ito sa ikaapat na saknong.
Pangarap niyang bumalik na masaya, malayo sa kahirapan at pakasalan ang taong
laging magmamahal sa kanya. Ang mga pangarap ng persona, kapag inilagay sa
konsepto ng realidad, ay parehong pangarap na hinihiling ng karamihan sa mga
OFW. Ang mga Pilipinong nagtatrabaho sa ibang bansa ay nangangarap din ng
masaganang buhay para sa kanilang mga pamilya. Ginagawa nila ang kanilang
makakaya para tiisin ang kargada ng mga trabahong kailangan nilang tapusin sa
kabila ng pagod at hirap na nararanasan sa malayong lugar.

V. Teoryang Pampanitikan
Ang tulang “Liham ni Pinay Mula sa Singapore” ay gumagamit ng teoryang
feminismo kung saan ang babae ay nagsasakripisyo para sa kinabukasan ng
pamilya. Sa akdang ito, ibinigay ni Mabanglo ang karakter ng isang Filipina
Overseas Worker sa Singapore kung saan ikinuwento niya kung bakit siya umalis
papuntang Singapore, ang kanyang mga karanasan habang nagtatrabaho at ang
mga problemang kailangan niyang tiisin para sa kapakanan ng kanyang pamilya.
Sa pangkalahatan, bukod sa pagkakaroon ng Feminismo bilang pangunahing
tema ng tula, inilalahad din nito ang mga isyung kinaharap ng OFW noon at
ngayon.

VI. Konklusyon
Ang mga Pinay na nagdesisyon na magtrabaho sa ibang bansa ay isang
pagpapakita ng katapangan. Kailangan ng lakas ng loob para sa isang Pilipino, lalo
na sa isang babae, na magtrabaho sa ibang bansa at harapin ang ganap na
dayuhang kultura at kaugalian.
 VII. Buod ng pangyayari /o kaisipan na napaloob sa akda-
Sa unang parte ng tula, binibigyan muna ni Pinay ang mga mambabasa ng
flashback noong umalis siya sa bansa at napilitan siyang magtrabaho sa
Singapore para masustentuhan at masuportahan ang mga pangangailangan ng
kanyang pamilya. Gayundin, ipinaalam din nya kung gaano kasakit ang
umalis.Ang ikalawang bahagi ng tula ay ipinakilala ang dahilan kung bakit
kailangan niyang umalis iyon ay dahil sa kahirapan at upang mabayaran ang
kanilang mga utang.Sa ikatlong saknong ay ang buod ng mga pangarap ni Pinay.
Pangarap niyang bumalik na masaya, malayo sa kahirapan at pakasalan ang
kanyang minamahal. Sa sumunod namang saknong ay Ibinahagi ni Pinay ang
kanyang nakakapagod na trabaho sa Singapore at idiniin ang kanyang mga
pakikibaka habang nagtatrabaho.Sa huling bahagi ng tula, sinabi ni Pinay na
kailanga nyang isakripisyo ang kanyangmga pangarap at gusto, sa kabila ng maliit
na kinikita niya at sa pagod na trabahongpinagdadaanan niya. At sa huli, humiling
si Pinay na sya ay ipanalangin upang makayanan niya ang mga paghihirap na
kanyang kinakaharap bago siya sumuko.

Panitikan hinggil sa Isyu ng Migrasyon at Diaspora

I. Pamagat
Nang si Juan, nangibang bayan ni Noel Malicdem, isang panitikan hinggil sa isyu
ng Migrasyon at Diaspora. Ang paksang tinatalakay nito ay ang tungkol sa mga
imigrante na mga Pilipino na tinatawag nating OFW o mga manggagawang
Pilipino sa ibang bansa.

II. Panimula
Ang tulang pinamagatang "Nang si Juan, nangibang bayan” ni G. Noel Malicdem ay
nakatuon sa buhay ng mga Pilipinong pinipiling lisanin ang sariling bayan upang
magtrabaho sa ibang bansa para mabigyan ng magandang kinabukasan ang
kanilang pamilya. Nagtitiis sila ng iba't ibang uri ng pang-aabuso mula sa kanilang
mga amo bilang resulta ng kanilang pagnanais na tulungan ang kanilang mga
miyembro ng pamilya. Higit pa sa paghihirap ang kanilang tiniis. Ito ay dahil sa
napilitan silang umalis ng Pilipinas dahil mahirap ang buhay doon, lalo na kung
walang sapat na pera para matustusan ang kanilang pang-araw-araw na
pangangailangan. Makikita mula sa tula na nabanggit niya na isa siya sa mga
Pilipinong Juan at mayroon din siyang pangarap na iligtas ang bayan—hindi dahil
sa balak niyang lisanin ito, bagkus ay dapat ibahagi sa anumang bansa at
ipagmamalaki ang pagiging Pilipino.

III. Paglalahad ng Tesis

Ang naturang akda ay sumisimbolo sa mga sakripisyo ng isang Pilipino na
nagtatrabaho sa malayong bansa para sa kanyang pangarap na magandang buhay
 para sa pamilya. Walang katumbas ang mga paghihirap na kinakaharap ng mga
OFW para masuportahan ang kanilang pamilya sa ibang bansa. Dahil walang
makakakuha ng magandang trabaho sa Pilipinas, karamihan sa mga tao ay
naghahangad na umalis ng bansa dahil sa kabila ng hirap ng buhay doon ay kaya
pa rin nilang pagyamanin at suportahan ang kanilang pamilya. Nakakatuwang
isipin na ang mga Pilipino ay masisipag at mababait na dapat lamang ipagmalaki
sa iba’t-ibang bahagi ng mundo ngunit nakakalungkot sapagkat kung ang mga
oportunidad lang sa ating bansa ay patas at maayos, walang pamilya ang
hihiwalay sa kada isa.

IV. Katawan
Ang unang parte ay pinapakita ang pangarap ng isang Juan na umahon sa
kahirapan. Ipinapakita rin sa tula na kahirapan ang isa sa dahilan ng paglisan ni
Juan sapagkat walang kaunlaran ang bansang sinilangan. Sa ikalawang saknong
ay ang paghihirap na dinaranas ng persona sa kamay ng kanyang amo o
employer. Ganunpaman, hindi nawawalan ng pag-asa si Juan sapagkat wala
siyang maasahan kung siya ay babalik sa sariling bayan. Gayunpaman, patuloy pa
rin ang pangarap na darating ang araw na makakaahon ang bansang ating
pinakamamahal at wala nang Pilipinong kagaya ni Juan na mawawalay sa pamilya
para lamang makaahon sa kahirapan.

V. Teoryang Pampanitikan
Ang isang teoryang pampanitikan na ginamit ng may-akda ay ang teoryang
Marxismo dahil itinatampok ng tulang ito ang kakayahan ng isang tao na
magpasya kung paano iaahon ang kanyang pamilya sa kahirapan sa pamamagitan
ng imigrasyon—isa itong sakripisyo dahil alam na alam na hindi madali ang
pamumuhay sa ibang bansa. Ngunit hindi nila kayang harapin ang mga hamon ng
buhay nang mag-isa.

VI. Konklusyon
Ang mga Pilipino ay puno nang pangarap sa kabila ng kahirapan na dinaranas sa
ating bansa. Puno ng pag-asa na darating ang panahon na magkaroon ng
magandang bukas ang bayang sinilangan at hindi na kailangan pang dumayo o
umalis at iwan ang pamilya para makipagsapalaran.

VII. Buod ng pangyayari /o kaisipan na napaloob sa akda

Sa unang saknong, inilahad ang isang Juan na may baon na puno ng pangarap sa
pakikipagsaplaran sa ibang bayan para sa isang magandang kinabukasan. Sa
ikalawang saknong, ibnahagi ang kahirapang at malubhang kalagayan na
dinaranas. Sa ikatlo at ikaapat na saknong, naipapakita ang Juan na puno ng pag-
asa sa kabila ng hirap, at patuloy na umaasa na darating ang panahon na
makakapiling na ulit ang pamilyang pinakamamahal. Hindi na alintana ang mga
taong sakim sa kapangyarihan, bagkus ay tumutulong pa sa ekonomiya.
Manatiling kapit bisig tayong mga katulad ni Juan, babangon at patuloy pa rin na
makipagsapalaran. Baka bukas at makalawa, ang pangingibang bayan ay hindi na
 para magsakripisyo kung hindi ay para ipagsigawan sa buong mundo ang
kakayahan ng isang Pilipino.

Panitikan hinggil sa Isyu ng Pangkat Minorya

I. Pamagat
Hikbi ng anak ng isang bayani ni Shella Abayon, isang Panitikan hinggil sa Isyu ng
Pangkat Minorya. Ang paksang tinatalakay sa tula ni Shella Abayon na
napapamagatang "Hikbi ng anak ng isang bayani" ay ang pagsulong nito ng
hustisya sa yumaong ama at ang pagkapantaypantay ng lahat ng tao maging
kasapi man ng pangkat minorya.

II. Panimula
Ang mga katutubong mamamayan ng Pilipinas ang nagpapanatili ng kultura at
pagkakakilanlan ng ating bansa. Tinatalakay ng akda ang mga pang-aabusong
kanilang nararanasan tulad ng pang-aalipin at diskriminasyon sa mga katulad
nilang kasapi ng pangkat minorya, gayundin ang kawalan ng paggalang sa
kanilang mga karapatan dahil nasa paligid sila ng lipunan.

III. Paglalahad ng Tesis

Ang naturang akda ay ang panaghoy nang isang myembro ng pangkat minorya na
nawalan ng ama dahil sa pag-alay ng buhay para sa kanilang tribo. Ibinahagi na
ang kanilang lahi ay nagdurusa sa kasalukuyan at naisa nilang ipaglaban ang
kanilang karapatan. Gusto nilang iangat ang kanilang kabuhayan at magkaroon
ng pantay na pagtrato anumang lahi ang mayroon ang sa’t-isa. Sa ating lipunan,
kung saan nahahati ang buhay ng mga tao sa dalawang kategorya—mahirap at
mayaman—maraming tensyon ang namumuo. Ang akdang ito ay tungkol sa pang-
ekonomiya at panlipunang kapangyarihan at tumatalakay sa mga tensiyon na ito.
Dahil nagbabayad sila ng mas malaking buwis, ang mga mayayamang tao ay mas
maimpluwensya sa ating lipunan kung kaya masyadong mababa ang tingin nila sa
mga mahihirap lalo na sa nabibilang sa pangkat minorya.

IV. Katawan
Kagaya ng sitwasyon sa tula, tila alingawngaw na bumasag sa katahimikan ng mga
katutubong Pilipino ang kaliwa't kanangsuliraning nag-udyok sa kanila upang
iparinig ang kanilang tinig. Kahit na ang mga etnikong minorya ang unang
nakaimpluwensya sa ating kasaysayan at kultura, lumilitaw na wala pa ring sapat
na kamalayan sa kanilang kalagayan sa lipunan at gobyerno. Sa katunayan, ayon
sa ikalawang saknon, sila ay patuloy na nagdurusa sa diskriminasyon ng kapwa
Pilipino. Sila ay nauugnay sa isang nakabahaging kasaysayan, at ang koneksyon
na ito ay makikita sa paraan ng kanilang pamumuhay. Dahil sa katotohanan na
ang karamihan ng mga minorya ay naninirahan sa mga rural na lugar na malayo
sa sibilisasyon, sila ang pangunahing target ng diskriminasyon sa pampublikong
benepisyo. Kabilang sa mgaproblema ay kulang na suplay sa pang araw araw na
pangangailangan, mga kagamitanpangkalusugan at pasilidad para sa edukasyon,
 at iba pa. Ngunit sa kabila niyan, ayon sa huling tatlong saknong, ipaglalaban nila
ang kanilang karapatan at handa silang ipaglaban ang kanilang tribo hanggang sa
huli.

V. Teoryang Pampanitikan
Ang tulang ito ay gumagamit ng teoryang Eksistensyalismo sapagkat ang bawat
tao ay may kalayaang pumili sa kanyang sarili. Dahilt sa kalayaang ito, ang tao ay
responsible sa anumang maaaring kahinatnan o maging resulta ang kanyang
ginawang pagpili. Nakikita sa tulang ito na ang tauhan o karakter ay may
kalayaang pumili para sa kanilang sarili. Taglay ng tauhang ito ang katatagan o
kung minsan ay kahinaan, upang hamunin o tanggapin ang resulta ng kanilang
kalayaang pinili.

VI. Konklusyon
Bagama't pinatay ang ama, tatayo ang anak at ipagpapatuloy ang pakikibaka para
sa karapatan, katarungan, at kalayaan na nararapat sa lahat. Ang akdang ito ay
tutulong sa lahat sa pagpapahalaga sa kahalagahan ng mga karapatan ng mga
miyembro ng minorya na grupo, na tinitiyak na ang mga ito ay itinataguyod at
hindi nilalabag ng sinuman.

VII. Buod ng pangyayari /o kaisipan na napaloob sa akda

Ayon sa tulang "Hikbi ng anak ng isang bayani" ni Shella Abayon, itinataguyod
nito ang hustisya ng yumaong ama at ang pagkakapantay-pantay ng lahat ng tao,
hindi alintana kung sila ay kabilang sa isang minoryang grupo. Kitang-kita sa una
at ikalawang talata ng tula ang dalamhati at paghihirap ng may-akda dahil sa
biglaang pagpanaw ng kanyang ama. Ito ay nagpapaalala sa kanya sa lahat ng
payo ng kanyang ama, tulad ng "mahalin ang edukasyon, manindigan para sa
kapwa, kung nasa tama ka, hindi ka dapat matakot, huwag hayaan ang iyong sarili
na ituring na isang talunan," na nagsisilbing inspirasyon para sa isang
nagdadalamhating bata na magkaroon ng kamalayan na dapat silang maging
matatag sa paninindigan at ituloy ang pag-aaral upang pagdating ng unos sa
kanilang buhay, handa silang ipaglaban ang kanilang sarili at ang mismong
tribong kanilang sinilangan.