2nd QUARTER FPL REVIEWER

LESSON 1: Mga Sulating Pabatid: Anunsyo, Paunawa, Babala, Flyers, at Leaflets

A. Anunsyo, Paunawa at Babala
 Anunsyo ay tumutukoy sa mga sulating nagbibigay impormasyon ukol sa isang bagay o pangyayaring
magaganap pa lamang. Isang pamamaraan ng opisyal na nagpapahayag ukol sa nasabing paksa.
Sa pagsulat ng anunsyo, mahalagang tandaan ang sumusunod na punto:
1. Gawing tuwiran at maiikli lamang ang pahayag na gagamitin.
2. Gumamit ng mga payak at biswal na mga salita.
3. Ilahad ang anunsyo sa positibong pamamaraan.
4. Tiyaking kumpleto ang mga kailangang detalye.
5. Gumamit ng mga larawan kung kinakailangan.
Sa pagsulat ng isang paunawa, mahalagang isaalang-alang ang ilang mahahalagang tagubilin:
1. Gumamit ng postibong mga salita.
2. Linawin ang nais ipagawa o ipabatid.
3. Gumamit ng mga icon o larawan kung kinakailangan upang mas maging komunikatibo ang
pahayag.
 Babala ay mga pabatid na nagpapaalala sa mga taong pinapatungkulan nito na kung hindi susundin
ang nakasaad ay psoibleng mapahamak. Kadalasang may kaakibat na panganib o gulo kapag hindi
nasunod.
Sa pagsulat ng mga babala, mahalagang isaisip ang mga sumusunod:
1. Ilahad ang mensahe sa maiikli at tuwirang paraan.
2. Sikaping maipaunawa ang dulot na panganib kung hindi susundin ang babala. Kung hindi
iyon babanggitin, maaari namang ipahiwatig.
3. Gumamit ng icon o larawang akma sa mensahe.
B. Promo Material: Flyers at Leaflets
 Halos walang pinag-iba ang flyer at leaflet maliban sa sukat na inilaan para gawin ang mga ito.
 Flyer (Handbill)
- ito ay isang anyo ng promosyong nasa papel hinggil sa isang produkto o serbisyo.
- Karaniwang pinapamahagi sa pampublikong lugar.
- Karaniwang sinlaki ng isang short o A4 paper at depende sa badyet ng kompanya o organisasyon.
- Maaaring naka photocopy o colored print.
- Masasabing cost effective ang flyer sapagkat mura ito kumpara sa iba pang anyo ng
adbertisement o promosyon.
 Leaflet
- Kadalasang kalahati o isang kapat lamang ng ordinaryong flyer ang leaflet.
- Nagmamalan din ng impormasyong katulad sa flyer.
- Layuning ipokus ang halaga o marketability ng isang produkto o serbisyo.
- Kadalasang ipinamumudmod sa pampublikong lugar o inilalakip sa mga katalogo, pamphlet, o
brochure.
PAGGAWA NG FLYER AT LEAFLET
1. Impormasyong Kontak (Contact Information) – isa ang mga impormasyon kung papaano
makakakonekta o makikipag-uganayan ang mga target na konsyumer. Mahalaga ito upang
makamit ang layunin ng flyer o leaflet. Kasama sa mga impormasyong ito ang numero o
telepono o mobile phone, numero ng fax at e-mail address.
2. Koneksyon sa Social Media (Social Media Connections) – Upang mas mabilis ang
promosyon o pagbabatid mahalagang maipaalam din ang social media connection ng
organisasyon o kompanya upang mas makilala ang produkto o serbisyo. Dahil limitado lamang
 ang mga impormasyon sa flyers at leaflets, mas mailalahad ang mga detalye sa social media
(e.g., Facebook, Twitter)
3. Mga Susing Impormasyon (Key Facts) – dapat maisama ang pinakamahalagang
impomasyon ukol sa produkto, serbisyo, o event. Kailangang masagot sa bahaging ito ang mga
pangunahing katanungan nagsisimula sa Ano, Saan, Sino, Kailan, Bakit, at Paano.
4. Mga Larawan (Photographs) – Napapahusay at napapaganda ang isang materyales sa
promosyon kapag ito ay ginamitan ng mga de-kalidad at akmang mga larawan. Nabibigyang
anyo din ng mga larawan ang misang abstraktong ideya na inihahatid ng mga salita.
5. Mga Panawag Pansing Linya (Taglines) – Ang tagline ay tumutukoy sa mga parirala o
pangungusap na ginagamit upang lalong matandaan ang isang patalastas.
6. Katanginang Ikinaiiba (Difference Among Others) – Sa pagdidisenyo ng materyales
pampromosyon kailangang bigyang-diin ang pagkakaiba ng serbisyo o produktong ipinakikilala
sa iba pang katulad na produkto o serbisyo.
7. Panawagan ng Pagkilos (Call to Action) – Linawin sa materyales kung ano ang nais mong
maging tugon ng mga pinatutungkulan nito. Kung ito’y produkto, sabihing bumili; kung ito’s
serbisyo, sabihing mag avail.

LESSON 2: Sulating Pampagkain: Recipe at Menu

Kakabit ng kultura natin ang pagkain (Bernales & Dela Cruz, 2017)

 Recipe – isang tekstong prosidyural.

- Nagtuturo ito ng paraan ng pagkakamit ng isang inaasam na outcome hindi lamang para sa mga
hindi maalam kundi para sa mga eksperto rin sa larangan ng pagluluto.
- Set ng hakbangin para sa paghahanda ng tiyak na pagkain, putahe, o inumin.
Bahagi ng Recipe
1. Pangalan ng Recipe – nagsasabi ito kung anong pagkain, putahe, o inumin ang gagawin.
Minsan nagsasama rito ang awtor ng mga personal na impormasyon hinggil sa recipe.
2. Mga Sangkap – Listahan ito ng mga sangkap na gagamitin at ang dami o sukat ng bawat isa.
Inililista ito ayon sa pagkakasunod-sunod ng mga paggamit o paglahok.
3. Mga Hakbangin – iniisa-isa rito ang mga hakbanging gagawin ayon sa pagkakasunod-sunod
mula sa paghahanda ng mga sangkap hanggang sa paghahain ng pagkain, putahe, o inumin.
Masasabing ang recipe ay mahusay kung nagtataglay ito ng mga sumusunod na katangian:
1. Ang mga sangkap ay itinala ayon sa pagkakasunod-sunod o paglahok;
2. Itinala ang eksaktong dami o sukat ng bawat sangkap na kakailanganin;
3. Inilagad ang mga hakbang nang payak at madaling unawain at isagawa;
4. Inilahad din ang oras o tagal ng pagluluto at ang temperaturang kailangan;
5. Nagbibigay ng alternatibo para sa mga sangkap na mahirap makuha o mamahalin nang hindi
nasasakripisyo ang kalidad ng pagkain, putahe, o inumin.
6. Gumagamit ng mga generic name o mga terminong hindi mahirap unawain ng mga hindi eksperto
sa culinary arts.
7. Tiniyak ang bilang o dami ng haing magagawa ng recipe.
 Menu – nagmula sa salitang “minutus” na nangangahulugang detalyadong listahan. Isang listahan ng
mga pagkaing inihahain sa isang partikular na kainan.
1. A la carte – nangangahulugan itong from the menu na karaniwang naglalaman ng mga aytem na
cooked to order at may indibidwal na mga presyo.
2. Table d’bote – Nangangahulugan itong table of the host na karantwang naglalaman ng menu ng
kainan sa bawat araw. Limitado ang mga isinasamang pagkain sa menu na ito. Kadalasang
kabilang dito ang entrees, main course at dessert at kadalasang ding may presyong tapat na.
3. Cycle Menu – ito ay serye ng mga menu na umiikot sa isang tiyak at takdang panahon.
 4. Buffet Menu – Karaniwang kilala ng mga Pilipino ang mga restaurant na nag-aalok ng buffet meal
bilang eat all you can resto. Ito ay para sa buffet na naglalaman ng malawak na seleksyon ng mga
pagkain na karaniwan ay may takdang presyo.
Samantala sa isang artikulo, nagpanukala si Pavesic (2013) ng mga dapat tandaan sa pagdidisenyo ng
isang menu board:
1. Gawing madaling basahin ang menu.
2. I-highlight ang produkto, hindi ang presyo.
3. Iwasan ang disenyong monotonous.
4. Gamiting nang tama ang espasyo.
5. Gumamit ng orihinal na disenyo.