ESP

First Quarter – Week 2

Ang Tatlong Mahahalagang Misyon
ng Pamilya (Pagbibigay Edukasyon,
Paggabay sa Mabuting Pagpapasya
at Paghubog sa Pananampalataya)

LEARNING ACTIVITY
8
Name: ____________________________________ Grade Level:
8 Score: ______________

SHEETS (L.A.S)
 SHEPHERD MY LAMBS (SMYL) CHRISTIAN COLLEGE, INC.
Stone Rock Village, Catalunan Grande, Davao City, 8000
Government Recognition No. 002 S. 2012 and No. 01 S. 2013

Subject: ESP 8 Teacher: Date: ______________

Type of Activity: Concept Notes Laboratory Individual Quiz
Exercise/Drill Art/Drawing Pair/Group Others
Lesson/Topic: Ang Tatlong Mahahalagang Misyon ng Pamilya (Pagbibigay Edukasyon, Paggabay sa
Mabuting Pagpapasya at Paghubog sa Pananampalataya) Activity No: ______________
Learning Target: Nakilala ang mga gawi o karanasan sa sariling pamilya na nagpapakita ng pagbibigay ng
edukasyon, paggabay sa mabuting pagpapasiya at paghubog ng pananamplataya.
Nasusuri ang mga banta sa pamilyang Pilipino sa pagbibigay ng edukasyon, paggabay sa mabuting pagpapasya at
paghubog ng pananampalataya.
Naipapaliwanag na bukod sa paggalang, may pananagutan ang mga magulang na bigyan ng maayos na edukasyon
ang kanilang anak, gabayan sa pagpapasiya at hubugin sa pananampalataya. Ang karapatan at tungkulin ng mga
magulang na magbigay ng edukasyon ang bukod – tangi at pinakamahalagang gampanin ng mga magulang.
Naisasagawa ang mga angkop na kilos tungo sa pagpapaunlad ng mga gawi sa pag – aaral at pagsasabuhay ng
pananampalataya sa pamilya.
Reference: Department of Education. (2017). Edukasyon sa Pagpapakatao Module: Ang Tatlong Mahahalagang
Misyon ng Pamilya. 29 – 50 .

Magandang araw, Grade 8- Yperisia. Sa araw na ito, pag-aaralan natin ang

tungkol sa Tatlong Mahahalagang Misyon ng Pamilya. Kaya ihanda ang iyong
sarili, magsaya at matuto sa aralin natin ngayon.

Mission: Impossible… Pamilyar ba sa iyo ang katagang ito? Marahil napanood mo na rin minsan
ang pelikulang ito. Sa pagkakataong ito maaring gamiting gabay ito sa pagpapakilala sa iyo ng
susunod na aralin.

Dahil sa pagmamahalan ng iyong mga magulang ikaw ay nabuo. Sa kanilang pagpapasiya na

magkaroon ng pamilya at magsilang ng anak ay may kaakibat na misyon. Kaya, ang mga magulang
ay binigyan na napakahalagang misyon na mahalin, alagaan at punuin ng magagandang pangaral ang
kanilang mga anak. Bawat magulang ay gustong mapabuti ang kalagayan ng anak kaya sila ay
gumagawa ng paraan nang sa ganon ay may maipagmalaki sila balang araw. Kaakibat ng misyon na
ito ang mga balakid at pagsubok na kung saan ito ay parte ng misyon na nais maisakatuparan ng mga
magulang para sa iyo. Kung pwede lang na maging super hero sila at gagawin ang lahat para sa anak.
Kung ikaw ay mahilig manood ng palabas, isa sa patok na palabas sa Netflix ang Girl from Nowhere
Episode 4 na kung saan makikita mo ang pagmamahal ng magulang sa anak kahit gaano pa kasakit
ang ginawa ng anak sa kaniyang mga magulang. Sa huli ikaw ay tatanggapin at papatawarin. Ika nga,
“The love of parents to his/her children is unconditional.”.

Sa araling ito, titingnan natin kung paano magiging Mission: Possible… ang pagganap ng pamilya
sa napakahalagang misyon na ito at masasagutan ang katanungan na, “Ano ang pinakamahalagang
gampanin ng magulang sa kanilang mga anak?”

Sa unang aralin, pinag – aralan mo ang pitong dahilan kung bakit likas na institusyon ang pamilya.
Naalala mo pa ba? Ano ang ikapito? Tama! Ito ay ang pagbibigay edukasyon, mabuting pagpapasiya
at paghubog ng pananampalataya.

1. Pagbibigay ng Edukasyon Sinasabing isa sa mga maipapamana ng iyong mga magulang sa

kaniyang anak na kailan man na hindi mapapalitan at hindi maagaw ay makapagtapos ng pag – aaral
ang anak. Kaya nga, ang karapatan para sa edukasyon ng mga bata ay orihinal at pangunahing
karapatan. Mas mahalaga ang tao sa kung ano siya at hindi sa kung ano ang mayroon siya.
Mahalagang maturuan ang mga bata na mamuhay nang simple. Maaring isiping simpleng turo ito
ngunit ang turong ito ay magbubunga ng iba pang mga pagpapahalaga tulad ng:
a. Pagtanggap – dahil sa paghubog sa kakayahang tangagapin ang tao bilang siya at hindi
siya susukatin batay sa kung ano ang maari niyang maibigay, ang pagiging ikaw bilang tao
at kung anong meron ka o wala ay kailan man ay di kawalan ng iba.
b. Pagmamahal – dahil sa paghubog sa kakayahang tanggapin ang isang tao na hindi
tutimingin sa kaniyang kakayahan at katangian ay tanda ng malalim na pagmamahal at;
c. Katarungan – dahil nagbubunsod ito upang kilalanin at igalang ang dignidad ng tao.
Ang mga magulang ang kauna – unahang modelo ng kanilang mga anak. Kung ano ang
nakikita at naituturo ng magulang sa anak ay madadala niya ito. Kung naalala mo sa modyul
1 sinasabing ang pamilya ang una at hindi napapalitang paaralan.
SHEPHERD MY LAMBS (SMYL) CHRISTIAN COLLEGE, INC.
Stone Rock Village, Catalunan Grande, Davao City, 8000
Government Recognition No. 002 S. 2012 and No. 01 S. 2013

2. Paggabay sa Mabuting Pagpapasiya

Bilang isang magulang nararapat lang na gabayan ang anak sa tamang desisyon kahit na
ang anak ay malaya nang pumili ng kanyang gusto. Kailangan pa rin ng patnubay at gabay
ng magulang. Ang tamang pagpapasiya ay makatutulong sa isang tao na maging
matagumpay, masaya, at magkaroon ng kakayahan na makapag – ambag para sa kaunlaran
ng lipunan. Mahalaga na sa murang edad pa lamang ay binibigyang laya ang bata na
magpasiya para sa kanyang sarili tulad ng damit na isusuot, at ano ang kanyang gustong
kainin at inumin.

Sa paglipas ng panahon, mahaharap na ang isang kabataan sa mas mabibigat na suliranin.

May mga pagpapasiya siya na pipiliin na hindi naiisalang-alang ang magiging epekto nito.
Halimbawa ay ang mga kabataan sumasali sa isang gang, may mga dalagang maagang
nagbubuntis, may mga nalululong sa droga at may mga kabataan na nakagagawa ng krimen.
Ito ang mga bunga ng maling pagpapasiya. Kaya mahalagang ang isang kabataan ay
magabayan sa paggawa ng mabuting pagpapasiya.

Ang pagsisisi ay bunga ng maling pagpili. Kung minsan hindi makokontrol ang emosyon
na nararamdaman. May mga pagpili na hindi natin namamalayan at ito ay nagdudulot ng
hindi mabuti sa huli. Ngunit itong mga pagpiling ito ay maaaring may rason kaya bago
magdesisyon sa isang bagay o sitwasyon maaaring kausapin ang mga taong
pinagkatitiwalaan mo kagaya ng iyong mga magulang dahil sila ang mas nakaaalam kung
ano ang mas makabubuti sa iyo. Ika nga, ang pagsisisi ay laging nasa huli. Sa pagpili, dapat
iisipin mo rin ang kaakibat na bunga nang sa ganon ay maliwanagan ka. Kung ikaw ay
magiging makasarili, sariling kaligayahan ang sinusunod, maaaring pagdusahan mo ito sa
huli.

Kaya may malaking papel na ginagampanan ang magulang sa kakayahan ng anak tungo sa
mabuting pagpapasiya. Ang mga pangaral ng magulang at pagpapahalagang naitanim sa
mga anak ang magsisilbing gabay upang magsagawa ng pagpapasiya na ginagabayan ng
maingat na paghuhusga.

3. Paghubog ng Pananampalataya

Mahalaga na maglaan ng oras para sa pagsamba. Ito ang oras upang magpasalamat sa mga
biyayang natatanggap maliit man o malaki. Ang mga aral o salita na nanggagaling sa Bibliya
para sa mga Kristiyano o Qu’ran para sa mga Muslim ay magsisilbing gabay para sa mga
pagpapasiyang maisagagawa nang Mabuti.

May mga pamamaraan upang masanay ang sarili kasama ang pamilya para maisagawa ang
mga ganitong gawain. 1. Tanggapin na ang Diyos ang dapat maging sentro ng buhay-
pampamilya. 2. Ituon ang pansin sa pag-unawa. 3. Hayaang maranasan ang tunay at malalim
nitong mensahe. 4. Gamitin ang mga pagkakataon na handa ang bawat kasapi ng pamilya
na makinig at matuto. 5. Tulungan ang bawat kasapi upang maitanim sa kanilang isipan ang
mga itinuturo tungkol sa pananampalataya. 6. Iwasan ang pag-aalok ng “suhol”. 7. Ipadanas
ang pananampalataya nang may kagalakan.

Mission: Impossible? Katulad ng misyon ng bida sa pelikula, maaaring isipin na

imposibleng maisagagawa ang lahat ng ito nang buong husay. Ngunit ito ay maaaring
maging Mission: Possible kung ang lahat ay isagagawa nang may pagmamahal at malalim
na pananampalataya.
 SHEPHERD MY LAMBS (SMYL) CHRISTIAN COLLEGE, INC.
Stone Rock Village, Catalunan Grande, Davao City, 8000
Government Recognition No. 002 S. 2012 and No. 01 S. 2013

Panuto: Basahin at unawain ang mga aytem sa bawat bilang. Isulat ang letra ng
tamang sagot sa kuwaderno.

1. Ang mga sumusunod ay makatutulong sa isang bata upang matuto ng mabuting pagpapasiya
maliban sa:
a. Pagtitiwala sa pamilya b. Pagsunod sa mga pangaral ng mga magulang
c. Pagsunod ng sariling kaligayahan at ganap na Kalayaan d. Paggalang sa tamang desisyon

2. Ano ang pangunahing orihinal at karapatan ng mga bata?

a. Kalusugan b. Buhay c. Pagkain at Tirahan d. Edukasyon

3. Ang pagtuturo ng simpleng pamumuhay sa mga anak ay maaaring magbunga ng sumusunod na

pagpapahalaga maliban sa:
a. Pagtanggap b. Katarungan c. Pagtitimpi d. Pagmamahal

4. Alin sa mga sumusunod ang tumutukoy sa pagpapahalaga na kung saan may kakayahang tanggapin
ang tao bilang siya at hindi siya susukatin batay sa kung ano ang maaring niyang maibigay?
a. Pagtanggap b. Pagmamahal c. Pangaral d. Katarungan

5. Anong misyon ng pamilya ito na kung saan tinuturuan ang mga anak na maging madasalin?
a. Pagbibigay importansiya sa edukasyon b. Pagkakaroon ng gusto sa pagsimba
c. Pagpapatatag ng pagpapasiya d. Paghubog ng pananampalataya

Reflection

Ano ang pinakamahalagang misyon ng mga magulang?