Arin ka sa duwa?

Maogma asin marhay sa pagmati kun kita igwa nin sarong barkada na makakaiba
sa aroaldaw, lalo na kapag yaon kita sa eskwelahan.
Gusto na nindo madangog an istorya kan duwang magbarkada?

Si Mia saka si Jane parehong nag-eeskwela sa Reyes Elementary School. Maogma

sindang nagkaklase sa Inot na Grado. Pirmi man sinda magkaiba pagtapos na an
klase.

Si Mia mahigos sa pag-adal. Dai siya nagpapasaway sa saiyang maestra. Pirmi siya
nakakakua ki halangkaw na grado. Mahilig man siya magbasa ki mga libro.
Paborito niyang pagkaon an mga prutas saka gulay kaya pirmi siya aktibo asin bibo
sa klase. Malinig man pirmi an saiyang salud kaya dae siya nagkakahelang.
Sarong aldaw, nangalas si Mia huli ta tolong aldaw na na dae naglalaog sa klase si
Jane. Tighanap naman siya kan saiyang maestra. Napag-araman ninda na
naghilang si Jane. Sinabi kan maestra sa ina ni Jane na maluya ini sa klase. Pirmi
siya matamlay asin bako aktibo sa eskwelahan. Mahilig palan kaya si Jane
magkaon ki mga tsitsiriya, dulsi saka softdrinks. Pagabot man sa harong, computer
games an saiyang tig-aasikaso, bako na su pag-adal. Kaya napabayaan na ni Jane
an saiyang pagklase.
Siisay sa inda an dapat na arugon? Arin ka sa duwa?